御和亭日本料理

营业中

休息中

同親戚一行九人今次黎到御和亭共聚天倫一早就book好位喇咁多人都叫左好多野試 雖然每人都食得少少😂😂而且一放低都即刻搶哂 好多菜都冇相機食先😬講翻一入餐廳門口 我同屋企人四個一碌木咁企係門口都冇人招呼我地😓啲侍應明明就企左係近門口個收銀機都吹緊水 都睇我地唔到😵四個人企左一兩分鐘 終於有人過黎問幾位 我地同佢講book左位都搵左一陣先叫我地坐住先 第一印象已經扣哂分😓👎🏻👎🏻等齊人 終於可以落單！我同家姐一見到menu 有燒雞心 即刻好興奮😍😍可惜當日冇賣😭首先黎左兩隻岩蠔 （$150@1隻）真係手掌咁大😨當堂嚇左嚇 我同姑姐一人一隻 上面仲有幾粒三文魚子架 隔離有類似醋同青檸 可惜我唔太識食蠔 心態都係想試一試 一啖肯定食唔哂 都幾咸 好重海水味 我比較喜歡食清甜既豪 食一隻都真係幾飽 仲有啲頂胃🤔另外再有即開海膽 冇苦澀味 幾鮮甜😛唔係特別好海膽既我都覺得好易入口之後就黎左雞軟骨 味道普通啦 只係落左鹽 但係冇平時放題咁乾爭爭👌🏻中金槍魚（呢個名唔太記得清楚？）果然好肥美 百幾蚊得三片😟八品刺身 由師傅發板 幾新鮮 不過九個人一齊分 冇得試哂全部😬燒牛胸骨 賣相好靚😍一睇到就想食啦

爸爸節晚飯 ﹗父媽一向同大埔共存亡，絕不離開，唯有係本區搵搵有什麼美食啦，細妹話想試試御和亭，無所謂，橫掂我都未幫襯過。早幾日已致電 19:30 留座，但我今晚特別早，未夠 19:00 就到左，晨早流流居然滿座囉 ﹗點都要等到夠鐘先有位。原來舖面好細喎，程正長方形，檯都放到密麻麻，檯與檯之間免強讓一個人側身跣過，肥少少都過唔到。分晰左 menu 幾次，我一向食野要 step by step，會由淡到濃、由生到熟；前菜、刺生、壽司、湯、炸物、串燒、料理、粥粉麵、甜品，但屋企人一於好少理，一次過叫晒算數囉，您地鍾意啦。發現沒有什麼珍品、罕見或特別食材，查詢下一條活魚刺生都無、無活赤貝、無活象拔蚌、無北海道活馬糞海膽、無雞心串燒、等等。食材比大埔鮨一及上水漁匠都遜色一點，不過御和亭晚晚爆場排長龍，話知您啦，夠做咪得囉 ﹗侍應妹妹及四眼弟弟服務尚算合格，但可以更好。可能實在太忙啦，張檯細細收碟真係要快一點，而且添茶都比較被動呢。料理長八品刺生併盤，先叫個師傅隨意刺生盛先，再睇下有什麼刺生要補。牡丹蝦刺生，巨形 6 吋蝦，大量蝦膏極具甘甜，沒半點腥嗅味道。蝦身油潤立立令，黏黏爽爽的肉質甜美無比，

午餐無事幹，同朋友去左大埔食晏，天氣炎熱，最好食個日式料理喇！呢間餐廳真係好多人，好彩有得訂台，work in我諗最少要等30分鐘以上，朋友仔好醒，預早訂左台，去到餐廳等左一陣已經入座，環境日式風格，座位都算舒服，值得一贊係食物美觀，仲有生果送，呢餐食得好開心😋

第一次食時，主腳放假，第二次去時全場full左，所以主腳落左order~生日要再黎食～12點到達已經有人係門口等位。太誇張了吧原來可以卜位，好彩我地早到，但1點便要交枱。所以要黎食。記住要卜位一入門口，很有日式店鋪feel~入到店內，亦很有日式feelBra 枱跟餐前菜 - 味噌湯、沙律及黃羅白日式蒸蛋我地個個都係為左佢而黎今次仲比上次好食好多魚生飯完全係厚切～又好新鮮～玉子牛舌飯牛舌有成6件，而且又係厚切。開頭以為咁厚，一定會「un」點知係好淋，真係好淋。不過就。如果1個人食晒6件會好「流」滑蛋豚肉飯其實佢個名叫滑蛋豚肉飯，點知黎到係吉豬，都好食。日式牛肉飯同事話好食。鹽燒秋多魚 好食總括。刺身飯好抵食，黎一定要卜枱

晚上臨近收舖來到叫左幾款野食鰻蒲燒壽司 好好味道暖暖的 肥美！鵝肝壽司 本人最愛鵝肝 外皮煎得小脆 入面鵝肝油脂香香好好味啊 壽司飯酸度適宜 細細件燒牛舌呢度既燒牛舌好好味爽口 咬落係感覺到牛舌係嫩嫩的好正配埋個芥末子醬 正！叫左個藍鰭中金鎗魚刺身唔知係咪解凍得唔太好唔知點形容有少少可以更好既感覺個wasabi應該係自家磨食到一粒粒既感覺驚唔夠飽 仲有叫左個黑豚肉稻庭烏冬扁身的烏冬滑滑的 但整體無咩特別下次要再來吃燒物同壽司！

朋友推介這間居酒屋，趁著假日便專程入大埔一趟，果然座無虛席。午市套餐選擇多，以數十元的價錢，便能享受高質素的食材。門面設計很和式感覺，牆上掛了數幅技藝的肖像，店內裝修簡約舒適。<北海道馬糞海膽刺身>由於小妹不吃海膽故不多作評論。但友人評價十分高，新鮮空運到港的海膽，非常鮮甜，毫無腥臭味。<芝麻雞翼>雞翼炸得皮脆肉嫩，加了芝麻粒更香口。<御和亭魚生丼>性價比超高的魚生丼，刺身份量比米飯還要多！當中有牡丹蝦、厚切三文魚、玉子等。<燒銀雪魚腩御膳>和想像中的銀雪魚腩大不同。賣相只屬一般，但入口油香肥美，魚質嫩滑，惟皮燒得過燶。<網燒安格斯牛扒御膳>想不到午市套餐的牛扒份量這麽大。牛扒沒有燒得很乾身，反而醬汁調教得不錯，很入味，肉質也鬆嫩。<御膳>每份御膳也包括了前菜、沙律、蒸蛋、湯、和御飯。蛋蒸得滑溜，沙律菜新鮮開胃。

呢日又入到大埔搵食呢間餐廳，上次經過覺得幾吸引，當時已經想一試，點知話無訂位最快要8點鐘先可能有位，於是唯有失望而回啦。今次我哋早一日打電話訂咗位，決心一試。可能餐廳位置都算少少隱蔽，同行嘅大埔朋友都話唔覺呢度原來有間日本餐廳 我哋訂咗8點嘅枱，準時入座，7人被安排一張大長枱。原來餐廳座位唔算多，當時都坐滿晒人啦。一坐低就睇餐牌睇下有咩食，唔同種類食物都選擇好多。刺身 壽司 串燒 鍋物 主食 沙律...我哋樣樣都嗌啲離試下 上菜都幾快豆腐沙律 ： 豆腐好滑，沙律菜好新鮮爽脆，配埋芝麻醬食好開胃。 刺身沙律 : 同樣係好新鮮嘅沙律菜，三文魚大件肥美，刺身份量都幾多㗎。呢個汁係酸酸甜甜嘅，好清新開胃,我忍唔住食咗好多 赤貝刺身(2隻)： 本身係赤貝迷 超級鍾意食。好新鮮好爽脆，好好味！估唔到2隻都夠我哋7個人試晒啊。 鐵火卷(吞拿魚壽司) : 本身唔食吞拿魚，所以呢個無試到。 牛油果軟殼蟹卷：鋪喺面嘅牛油果同飯卷係一夾就分開咗，哈哈。軟殼蟹幾脆幾香口，同牛油果感覺好夾。 燒雞泡魚乾： 雞泡魚燒得好乾身好香，食落幾有咬口，點七味粉食更加香口，食完一條又再想食一條...

放假唔想同人迫，近近地去左大埔行下行完又到醫肚既時間上Openrice serach到呢間日本野雖然comment唔多，但d評語都幾正面所以就去左試下喇入面裝修雖然簡簡單單木製傢私再加d日本畫成個感覺都幾靚，幾舒適(但當日太多人，所以就冇影到比大家睇)menu都幾多野揀好似sushi，串燒，主食同鍋物都有玉子手卷 $15有睇開我blog都知我有幾鍾意食玉子食既時候紫菜仲係脆，合格不過紫菜味唔算太香玉子有蛋香，而且夠厚切，都唔錯燒鯖魚 $58可能係因為屋企唔會整呢d魚食所以出街見到就會好想叫魚皮燒得乾、脆，唔會太咸但魚肉仍然嫩滑而且條魚好厚身，食落啖啖肉好正燒雞翼 $28$28其實好似係得2隻但黎到既時候變左3隻，bonus哈哈雞翼切開左，仲拎走左一條骨黎燒所以食既時候好方便雞皮燒得香脆，雞油係燒既時候迫左出黎所以食落唔係覺得油膩，好食燒京蔥豬頸肉串(2串) $45豬頸肉上面搽左麵豉醬食果時唔會覺得好油膩之所豬肉本身既膻味都辟走埋再配埋京蔥既甜味，真係好夾燒茄子 $38茄子面灑左d木魚碎賣相就好吸引好靚喇不過味道就麻麻地略嫌無咩調味，果時有d寡牛肉壽喜鍋 $68呢個壽喜鍋帶比我好多驚喜d

雖然價錢是不平易，但算抵食的由第一次去，那服務好比出面的餐廳同我去日本的時候，所食的生魚片無分別，有同樣的口感以豚肉也不錯，不會太乾基本上每一次都夠我食，我心想都覺得有點怪，怎可能好飽因為我都食好多

今日同家人食飯， 我推介佢地嚟御和亭， 因為食過lunch， 一直想嚟食夜晚， 今晚終於如願以嘗， 先講service, 明顯比初開店時進步了， 店員都熟手左， 環境當然一樣舒服， 6大1細， order左超多野食燒粟米， 燒到唔乾又好juicy, 又香又甜明太子沙律， 軟殼蟹沙律: 兩款沙律菜都好fresh, 明太子伴wasabi汁， 好開胃， 軟殼蟹脆卜卜夠野味壽司8件set, 我唔食得生， 但屋企人食到咀lamlam...睇相都好吸引燒鰻魚， 燒到外脆內嫩而且仲保留左鰻魚本身既味， 好鬼正豚肉烏冬， 豚肉好軟淋， 烏冬係靚野極細烏冬 松露鮑魚炒飯， 炒得夠乾身， 而且啖啖松露香， 好味燒三文魚鮫， 又香又脆又keep到唔會燒到乾柴柴， 燒物cfu果然好手勢燒雞翼， 又係燒到外皮脆卜卜但又不失肉汁燒豚肋， 屋企人食到不停話好味， 因為出面食既燒到干爭爭無咩肉食到， 但呢個唔同， 配埋個燒汁， 正呀～嚟到重頭北海道活毛蟹， 即叫即蒸， 好新鮮， 蟹肉好豐富好鮮甜， 原汁原味咩都唔點， 最緊要個蟹蓋裡面既蟹羔撈飯， 真係好味到無得頂， 羔香又鮮撈埋熱辣辣日本甜米飯， super yu

經地膽朋友介紹，一值想試試這間開業不久嘅日本料理，今晚終於約埋班好友嚟個霸氣蟹宴：主腳出場........隻長腳蟹一上枱大家都嘩嘩聲，連隔離枱客人都望到心心眼  我地選舉了最簡單嘅煮法，蟹肉十分鮮甜，熟透程度剛好，我放棄用任何醬汁，保留原汁原味。師父推介蟹蓋用來焗飯，香氣撲鼻，舌尖上嘅享受。第二主角，就係地膽朋友極力推介嘅厚切鵝肝壽司，入口即溶，令我回味無窮。牛舌是我真心推介，同平時出面食開的唔同，個牛舌味好出。這款是朋友點的好樣叫豬仔骨，肉質幼嫩。貌似簡單嘅棒棒肉串，其實口感豐富，味道驚喜，必食推介。燒魚外脆內嫩。燒雞翼亦很有水準。沙律菜十分新鮮，冇苦澀味。表面層脆粉很薄，推介👍🏼👍🏼刺身壽司也很肥美，厚厚的。其他小食也十分滿意。

大埔友慶祝朋友生日，一行7個女仔，近近地就去太和中心附近食。鰻魚窩飯: 由於個飯太細個....真係分唔到7個人食...個分量只係正常1人份我最終無食到，俾其他人食多半啖~~雜錦刺身: 份量唔多但厚切 (價錢偏貴)黑松露帶子炒飯: 味道OK...略油什菜魚頭煲: 湯底清甜，蔬菜份量較多牛油果軟殼蟹卷: 包得唔夠實、牛油果片喺外層令人好難夾...好''扇''。應該改一改將牛油果肉包喺裡面。軟殼蟹手卷:全餐最好味的一道菜脆脆嘅紫菜包住大份香脆嘅軟殼蟹。每人order左一個普通燒雞翼and明太子雞翼: 前者反而仲好食 後者原以明太子做特色，但偏偏又唔好食。

今日Lunch同同事們試左一間新開日本餐廰, 其實都開左幾個月, 只是我第一次試. 這間餐廳位置比較麻煩, 坐巴士,小巴, 火車都要行一段路先可以去到, 但係要食好野, 唯有”打的”啦!餐廳環境OK, 簡潔乾淨. 不過可以撘枱就麻麻地. Lunch 主要都係食set lunch. Set lunch都有好多選擇, 喜歚食魚生, 有魚生, SUSHI, 吾食生, 都有好多熱食選擇, 而且價錢大眾化. 吾收加一.今日我揀左SUSHI SET, 因為見到隔離枱叫, 賣相好吸引. 未上主角sushi前，首先來個前菜日式沙律：新鮮蔬菜配和風沙律汁；茶碗蛋：蛋好滑，不過冇咩蛋味；麵豉湯：一般冇咩特別。終於到主角Sushi出塲：sushi set 由9 件魚生sushi, 兩件牛油果卷物組成：三文魚、甜蝦、北寄貝、帶子、穴子、墨魚、灸燒三文魚，魚生好新鮮，帶子好厚身，吾係薄薄切一片，而北寄貝係有兩塊打孖上。（餐具好別緻）總括來說，而七十幾蚊價錢食到一餐咁豐富既日本餐，我覺得真係吾錯，絶對可以Encore!

近太和新開日本料理， 以同區嚟講， 價錢算中上 但係一分錢一分貨， 間唔時食下好野對辛苦工作都係一種慰勞， lunch同同事嚟試下先講裝修， 光猛舒適， 有梳化及bar台， 而且都是用木為主， 感覺好和諧到食物， 先奉上每人一杯熱茶， 之後點了魚生飯定食， 天婦羅定食， 甘海老蓉海老海膽反定食， 定食有跟沙律， 麵豉湯， (蟹捧)蒸蛋， 甜品魚生分量絕對夠， 唔似出面貴又量少， 除左三文魚， 仲有油甘， 帶子同蝦， 而且鮮味十足， 飯夠軟又帶微甜， 好岩食， 另外海老海膽飯，三大隻鮮甜牡丹蝦，海膽同甘蝦蓉， 呢個配搭好正， 值得encore...另外要一提係個蒸蛋， 不但好滑，裡面仲係用蟹捧唔係蟹柳經已贏晒😋😋總括食物係有質素， 店員服務又周到， 希望一值keep到水準同識食既客人啦， 加油!有機會要嚟食晚餐先得!