得閒飲茶

营业中

休息中

難得今日一家人可以夾到時間一齊出去食嘢，咁我地就決定去飲茶，而我地就去左得閒飲茶依間餐廳因為覺得個名幾得意。由於我地一家人比較大食所以都叫唔少野，飯啦點心啦甜品啦首先講下啲蒸飯，分別叫左鳳爪排骨飯同埋章魚肉餅飯，兩籠飯份量都唔少，而且用荷葉鋪底令啲飯有荷葉嘅香味。咁講下點心， 腸粉牛肉腸牛肉份量充足只係粉皮包得有啲散而抄手就飽滿，如果可以有啲蒜蓉就更好啦其他點心都各有特色，味道唔差。咁最後我就講下甜品牛奶布甸做底上面加一片啫喱，布甸奶味濃厚，3.6牛乳果然唔同啲

义燒包唔爆口，失敗，义燒醬剷得唔夠香，明顯欠缺薑味，失敗中的失敗。蝦餃完全無味，係乜味都無，皮又厚薄不一。這兩樣都是點心師傅嘅基本功，失敗如此，不明白那些讚是從何而來的？其餘的亦不及格，費事寫

超級耐無去飲茶，成日同人講得閒飲茶，呢晚得閒一於去呢間點心店『得閒飲茶』飲茶食點心！得獎蝦餃之王($32)蝦仁大隻彈牙，餡料飽滿，真材實料，不過因為得獎，所以我期望就比較高，如果蝦餃皮薄一點就更好啦！灌湯小籠包($26)小籠包都幾大隻，皮厚薄適中，入面盛滿湯汁，都唔錯。貓咪流沙包($26)流沙包造型可愛，完全唔捨得食呢！入面奶黃餡流心度高，蛋黃味濃，係一款既可打卡又有內涵嘅點心！鵪鶉蛋燒賣($24)出面酒樓已經好難搵到呢款咁懷舊嘅點心啦，估唔到呢度可以食到！春風得意腸($36)腸粉皮包住油炸鬼，蝦肉，粟米及蟹子，整個口感好豐富，推薦！紫薯流沙煎堆仔($29)煎堆口感軟糯唔會好油膩，入面奶黃餡好流沙！整體價錢唔貴，每人唔使$100可以食到飽，都不失為飲茶點心嘅好選擇！

成日出街都係西餐/t日本野，今次就約左朋友去 食點心，兩個人食左勁多野😛 整體水準都唔錯～香菇燒賣 $26食點心點可以唔叫燒賣🤪 正常水平～沙嗲金錢肚 $26金錢肚夠惹味，唔錯！棉花雞 $30棉花雞索曬d汁，正！灌湯小籠包 $26多汁小籠包👍🏻千島醬脆皮蘿蔔糕 $30黎到個樣幾和風😂有木魚同沙律醬係面頭，但蘿蔔糕無咩配料，比較平淡紫薯流心煎堆仔 $29哩個好食！面頭有甜甜地既糖粒，入面有黃金流沙醬，正！春風得意腸 $36咁多款中最鐘意哩樣！用腸粉包住春卷係入面，仲有蝦係到添，加埋有蟹籽係面頭，多一份卜卜脆口感👍🏻豆沙qq 小白鼠 $28造型可愛😍 係豆沙糯米糍，糯米皮都幾煙韌，豆沙亦唔會過甜👍🏻

話說垃圾咀都幾鐘意飲下茶食下點心😬 特別係蝦餃😍 飲茶必點‼️🥢 春風得意腸 $35脆脆脆！外皮係滑滑既腸粉皮包住即炸既油炸鬼🥰而油炸鬼上面釀咗蝦肉🤪而蝦肉上面沈咗幾粒蟹籽粒粒增加口感👄 口感幾豐富，菜式比較新穎👍🏻 推薦😋🍤 得獎蝦餃之王（4隻） $30對佢好失望😌 筷子一夾個包就爛左 係爛左呀😭☹️ 而個餡啲蝦蝦唔明顯唔夠爽脆...👽 我對蝦餃有一份執著，皮一定要夠煙韌晶瑩剔透，而蝦肉一定要爽脆彈牙先叫合格🤑真的失望了🐱 貓咪流沙包 （2隻） $26😂😂幾搞笑....睇圖大家覺得似咩？拿～明明係豬豬🐷🐷點會改名做🐱🐱流沙包嫁🤣🤣🤣不過味道ok 既～入既既蛋黃流沙好足料😍我食到有咸蛋黃既味😋 流心既 🥰🍄 懷舊香菇燒賣 （4隻） $26比較少冬菇，但皮好薄，料好足😎味道平庸左少少🤏🏻 🥟 灌湯京滬小籠包 $26滿滿湯汁，小心流出～鮮味無比☺️

是日同家人去閒逛～🚶🏻‍♂️🚶🏻‍♂️🚶🏻‍♂️🚶🏻‍♂️🚶🏻‍♂️出得嚟閒，預咗要食！為食家姐搵咗間食點心嘅小店～我鍾意點心小店每間都總有創意點心。賣相Cute~ 口感Q~👍🏻外皮軟糯，新鮮，帶椰香，紅豆内涵甜度適中，講起都想食😌明顯手工嘢，個個唔同樣😆，唔緊要，都好趣致😆最緊要係好食～小朋友想encore👍🏻第一次試蘿蔔糕加千島醬，夾！香脆外皮，無得彈！🌟啲個什果沙律，係茶記/快餐店嘅味道，但係下面塊鍋巴又幾好食喎～👑攞奬蝦餃～晶凝彈牙～飽滿～有蝦、青瓜、粟米、帶子仔、蟹籽點綴，清新不膩口😌野菌味濃🍄通透飽滿

收工心血來潮想飲個夜茶，成日都同朋友講得閒飲茶，估唔到真係有舖頭叫得閒飲茶，有創意👍🏼· 🍤得獎蝦餃之王 (HKD 32)獲獎嘅點心往往有品質保證，店鋪嘅蝦餃曾榮獲「2011美食之最大賞蝦餃之王」。蝦餃晶瑩剔透，皮都夠薄，蝦肉更加係好新鮮👍🏼·🐱貓咪流沙包 (HKD 26)第一次係出面食外型特別嘅流沙包，原來唔止睇得味道都好食，奶黃內餡好香，又唔滯👏🏻·🥟XO醬菜苗餃(HKD 29)本身飲茶已經好鍾意食菜苗餃，但配XO醬嘅真係第一次食，配搭新穎，仲食到XO醬嘅蝦米😍·🫔蒜香蝦春卷 (HKD 26)春卷好好食！就算擺耐左先食，春卷皮依然非常香脆😋而且蝦肉份量都算多！·🍖醬皇蒸鳳爪 (HKD 20)朋友最鍾意食鳳爪，食落腍滑鬆軟，好入味👍🏼·🥚鵪鶉蛋燒賣 (HKD 24)呢種點心算係懷舊代表之作😋燒賣脹卜卜，肉質爽口，一食就好懷念細個去茶樓飲茶嘅感覺🤤·🥭香芒凍布甸 (HKD 20)食芒果布甸一定要加花奶🤟🏻好多新鮮芒果肉呀💕入口軟滑，會Encore!!叫左咁多野兩個人都只係$200都唔洗，超抵食而且食物質素好高👏🏻如果飲悶左連鎖式茶樓，不妨過嚟試下🤪-

呢間餐廳就喺太子地鐵站A出口斜對面, 午飯時間超多人,喺外面排曬隊。 今日約咗幾個朋友去飲下午茶， 已經係晏晝四點， 所以唔使排隊， 一入去就有位喇。 今次叫咗幾樣點心， 分別係椰香黃金糕、山竹牛肉球、蜜汁叉燒腸、紫薯流沙煎堆仔、日式翡翠豆之和鳳爪排骨飯。 黃金糕味道清甜； 牛肉球味道好和叉燒腸夠滑； 翡翠豆之炸得鬆脆； 我最鍾意流沙煎堆仔， 外脆內軟， 裏面嘅流沙不斷湧出； 不過鳳爪排骨飯就千祈唔好叫， 啲飯煮到好似粥咁， 排骨嘅質素也未如理想， 骨肉分離。 佢哋嘅茶錢收四蚊一位， 叫埋可樂， 免收加一， 埋單189蚊。 我哋由四點坐到六點， 真係大滿足！

邊個話飲茶一定要去茶樓！其實我都幾鍾意去啲新派點心店。除左有傳統點心，亦有創新fusion點心，啱晒家中老幼一齊去飲啖茶食個包。平日嚟到，點心店長期滿座。環境有啲似平時嘅茶餐廳，較為逼夾。如果咁啱坐到卡位，會相對舒適。▪️春風得意腸 $36薄薄的春卷皮 包裹著炸得脆身的米網紙，還有粟米、蟹籽、蝦，口感豐富。油膩感比想像中來得低。▪️千島醬脆皮蘿蔔糕 $29蘿蔔糕炸皮非常薄，外脆內軟，還有細碎的蘿蔔顆。配上木魚絲跟千島醬，不知為何很有大阪燒的感覺。▪️XO醬菜苗餃 $29菜苗餃餡料十足，包滿彈牙的蝦肉跟菜苗。餃子皮晶瑩剔透，滑身帶煙韌。▪️蒜香蝦春卷 $26春卷皮較一般的厚，相當香脆，但毫不油膩不會過乾。蝦肉彈牙，調味十足。整體而言，點心足料有水準。唔收加一，茶錢都只係$4，性價比唔錯。唯獨環境較為逼夾。

還是依然比較喜歡的一家店，最喜歡的莫過於春風得意腸，酥軟相結合，蘿蔔糕是改良版，有脆皮，新上了一個翡翠豆腐，太淡了，我喜歡重一點口味，紅豆沙椰蓉小老鼠小雞胃喜歡，價格比較划算，兩個人200以內可以搞定

有水準的點心餐廳，菜式傳統又帶點新穎‼️ 餐廳只收$4茶錢、沒有10％的服務費，很值得支持‼️💛▫️❥$𝟮𝟲 貓咪流沙包 因為很可愛所以一早就決定要試😜 拍好照放涼了才吃，雖然沒有流心的效果，但仍然很邪惡‼️😈▫️❥$𝟯𝟲 春風得意腸 餡料豐富，有蝦膠、栗米和蟹籽👅 薄薄的腸粉包著油炸鬼，就算放久了油炸鬼仍然很香脆，好吃‼️😋▫️❥$𝟮𝟵 千島醬脆皮蘿蔔糕 很驚喜的一個點心‼️金黃色的炸粉包著幼嫩多汁的蘿蔔絲，口感豐富‼️配上西式的千島醬，味道酸酸甜甜好滋味‼️🤤▫️❥$𝟮𝟵 xᴏ醬菜苗餃 很好吃‼️xᴏ醬很香濃，餡料裡的蝦肉很爽口彈牙，很不錯喔‼️👍🏻

蜜桃小丸子外出覓食，是日特別想飲茶，但實在不想去大集團連鎖式酒樓，便到了太子這間頗有名氣的點心店試試。餐廳的點心種類豐富，門口寫著取過不少獎項，價錢比起其他類近的點心店，是較高，是否名副其實，當然要試一試，星期六早上十一時到達，已經要等位。首先，龍蝦湯鮮竹卷的龍蝦味說真的吃不到，但鮮竹卷是炸過才放入湯中，外皮脆，和湯出奇地夾，亦不會太熱氣。春風得意腸向來是我的最愛，這間做得不錯，口感豐富，有粟米粒、蟹子等，外脆內軟。千島醬脆皮蘿蔔糕，炸醬夠薄，想不到和醬汁很配合，加卜木魚，比起平常吃的煎蘿蔔糕更美味。紫薯流沙煎堆仔，好味嘅甜品，要小心入面熱會辣口。蝦餃雖然話係得獎作品，但我就覺得係最普通，啲蝦唔係特別大隻飽滿。黑糖馬拉糕，做得幾鬆軟，不會太甜。春卷材料新鮮，炸出來的餡料還是鮮綠色的，味道剛剛好。總括而言，食物美味，但價錢略進取，間唔中食下可以。

疫情下要出街食就要趕係6點前埋單。原本打算去太子一間漢堡包店，但實在多人未走，只好轉去附近搵野食。蒸餃大大隻，味道唔錯，但未去到好好食。小籠包湯汁飽滿，啖啖肉，係好食既。籠仔馬拉糕糖味幾香，又唔太甜，唔係太大件，唔會食到滯。炸紫薯球唔太甜，皮唔硬，脆度岩岩好。無加一，價錢清晰。下次去太子會再食。

咁岩去開太子見到呢間可以飲茶咪去試下，見門口都幾多人，跟住我地拎左飛就等位，都等左15分鐘先入得鳳爪排骨飯$36-好大碗呀2個人食岩岩好，排骨好滑，鳳爪夠味，唔錯唔錯牛柏葉$25-味道麻麻，少少薑蔥味都冇，牛柏葉爽口，但無咩味潮州粉果$18-蒸得太耐，個皮超林，一夾就爛左，正常味春風得意腸$34-呢個好好食，一食就個裏面係即炸，好食另外叫多左個懷舊香菇燒賣$26-個燒賣一啲都唔好食一啲香菇味都冇，又無本身燒賣既味好難食

得閒飲茶千島醬脆皮蘿蔔糕春風得意腸小籠包懷舊香菇燒賣蟲草花花膠灌湯餃豆沙QQ小白鼠價錢💲: $30/ $36/ $26/ $26/ $30/ $28好味程度😋: 3.7/5服務🍴: 3.3/5環境🗾: 3.3/5性價比🥢: 3.5/5回頭率😚: 3.3/5-得閒飲茶係比較新式的點心鋪，有好多特別的點心🤗平日晏奏去到都坐滿人咁，睇來好受歡迎👏🏻 等我逐樣講下！-必食款🌟1)千島醬脆皮蘿蔔糕: 外脆內軟😎入面係普通蘿蔔糕，出面加左層脆漿。面頭鋪滿大量木魚碎同千島醬，陣味幾特別，又重口味😍2) 春風得意腸: 薄腸粉包住入面的米網，脆米網入面再有啲蝦肉粟米咁。蝦肉份量幾多，爽甜彈牙🤩面頭仲有啲蟹籽，食落卜卜脆‼️不過呢2樣都係炸，所以食落都幾油🤔-正常款⭐️ 1) 小籠包: 都脹卜卜，入面啜到啲湯既😋不過個皮就厚左啲，令到個口感差啲2) 懷舊香菇燒賣: 正正常常，食得出有蝦肉同肥豬肉。新鮮既，但冇咩特別🤨3) 蟲草花花膠灌湯餃: 好大隻，湯底好甜，好想係咁飲😂但就食唔到咩花膠🙈 皮因為浸得耐，所以好軟，冇咩韌度😩入面都係豬肉蝦咁，一咬開就瀉晒出來。-可愛款: 最尾一個係豆沙qq小白🐭，呢個小貴，$