得懿

傻婆生日快闪游，嚟澳门嘅真正目的，就系为咗嚟我哋嘅澳门必到饭堂 My Messy Kitchen ，唔系卖广告，而系真系可以同大家讲呢间铺仔细细，人情味绝对爆灯，好似去咗自己亲戚屋企食饭咁warm咁热情，成年无返过澳门，一见面好似老友叙旧咁开心，佢哋嘅食品质素我可以讲分分钟好食过d大牌葡国餐厅，佢哋嘅,[特色“葡国巨型鱿鱼”沙律]、[秘仔烤厚切羊架]、[葡式焗鸭饭]呢啲必食order我都介绍过就唔多讲啦！反而今次真系要极力推介佢哋嘅[马介休球]，佢哋嘅出品同外面葡国餐厅食到嘅好唔同，外面嘅餐厅馅料系薯仔、面粉多、马介休少得几粒仔，呢度嘅会将马介休全部人手搣碎晒先捞埋其他材料炸，入口每一啖都系马介休嘅香味，加上少少辣椒粉，直头好食到好似味蕾在跳舞一样！超级惊喜咖！大家嚟澳门，除咗去官也街，行入嚟优美嘅小巷试下佢哋嘅味食啦！温馨提醒：佢哋 7月28日至到8月18日去旅行， 呢段时间唔好去到摸门钉呀🤣🤣…查看更多

畀佢嘅千层面吸引咗，肉酱包裹住啲面，口感好丰富有层次。好耐冇食过千层面，呢个系一个好正嘅体验。老板好friendly，会推荐当日特别菜式。因为佢注意健康所以食物都冇落味精，其他调味料都系啱啱好，balance 返健康同埋味道。同老板倾开知道佢之前长时间喺外国，返嚟之后夫妻档开咗呢间小店。大家除咗walk in，仲可以book 返佢哋嘅私房菜。行开官也街或者地堡街，要一尝呢间小店，沿住水鸭街行入去福隆彩巷容易揾啲，行木铎街就要留意返路牌转入去。…查看更多

此次澳门游，做足功课，第一站去咗氹仔旧城区嘅得懿，首先佢个焗鸭饭真系好好味，满满的油香加上一丝丝鸭肉，饭底还有微微的焦香，层次感丰富，跟住个葡式炆牛尾，另外配面包，将面包沾上牛尾汁，面包吸尽汤汁，又系一绝，之后叫咗蒜茸柠檬鸡翼，好fresh好开胃，我女超级喜欢，最后打包咗半只焗鸡返酒店食，老板娘系个健谈，对食物又有要求的人，而且食物价格一啲都唔贵，下次一定再encore! 另外十分期待即将开业的私房菜！…查看更多

自从上次嚟澳门食过一次呢一间稳世餐厅之后每次黎澳门必定会来食，真心觉得食品新鲜抵食而且好味，老板亲切友善必食推介：1)葡式鱿鱼沙律🤤鱿鱼新鲜而且口感吾靭，味道又fresh，比一般嘅葡式沙律冇咁酸。2)烤秘制厚切羊架😋好大只，好厚肉，羊架烤得刚刚好，鲜嫩又多汁，而且吾膻。3)蒜蓉柠檬鸡翼😍蒜蓉和柠檬味突出，鸡翼又嫩又多汁。4)葡式焗鸭饭😋正宗萄式味道，鸭肉肉汁渗哂入饭，淡淡鸭香味布满口腔总言言之试过你就知😋…查看更多

上一次嚟与它擦肩而过，今次终于食到喇。相比对出人山人海嘅官也街，呢间店显得平静，当你一睇价钱，即刻哗咗一声！唔好以为平嘢无好，原来个价钱系老板专登set到咁平，希望多啲人可以试下葡国菜。当然个份量系徧细少少（唔好当饭盒食饱），但嚟得澳门，大家都应该预咗小食多餐架啦🤷🏻‍♂️所以我觉得份量啱啱好！一路食一路同老板倾偈，佢超nice。原来佢系香港出世，跟住去外国生活，嫁咗个葡国人老公。明明唔系学厨，但因为好想同人分享葡国美食，所以就开咗呢间餐厅。其实仲有好多嘢未食，下次一定会再嚟帮衬!!(希望唔好变到排晒大队食唔到啦🙈🙈）…查看更多