4
1
1
| 餐厅: | 得得好店茶餐廳 |
|---|---|
| 资讯: |
为推动全港减盐减糖新饮食文化及新生活态度，环境及生态局、降低食物中盐和糖委员会及食物环境衞生署食物安全中心推出了「少盐少糖食店计划」，参与食肆会提供少盐少糖选项予顾客，部份更会提供特定减盐减糖菜式。参与减盐减糖食肆会获发计划标志，以供张贴於店舖内，供顾客识别。详情可在此浏览：https://www.eeb.gov.hk/food/cn/committees/crss/restaurants.html
影片
十年前开始周围郊游，游长洲时，偶然嘅情况下去咗“得得好”茶餐厅食嘢，发觉佢水准很是不错。佢嘅午市套餐天天略有不同：除咗有一般茶餐厅都有嘅嘢之外，还有土鱿蒸肉饼、豉汁蒸鲩鱼、南瓜蒸排骨、麻婆豆腐、猪润汤米……等健康食品。虽然菜式看似平平无奇，但全部都是用心制作。特别佢杯奶茶茶味，好香浓。仲有薄荷奶茶和很多其他的特色饮品。秋冬季节还有时间限定菜式：例如梅菜扣肉、砂锅云吞鸡、酒井猪润……等都非常滋味。秋冬季节还有时间限定菜式：例如梅菜扣肉、砂锅云吞鸡、酒井猪润……等都非常好味。不过认清楚，因佢附近有另一间叫“得得店”的茶餐厅，是完全不同的舖头！勿入错
继续阅读
假期去长洲行吓，正直下午茶时段。下午茶至爱当然系炸脾，正因为成日食，食得多，自然有所要求。今次嚟呢间茶餐厅， 纯粹因为佢喺大街，经过，入到去，见到有啲基督教物品，唔知喺呢度长洲教会送畀去，定系你老细信教自己买，讲完环境，讲返食物。炸脾Order完炸脾，话要等15分钟，可能因为生炸，我冇同老细确认系咪。总之肚饿重要等。皮脆。 传统做法，传统味道。可惜只能配沙律。沙律就唔系好掂，我情愿配薯条，正好多。奶茶正常茶餐厅味道。
继续阅读
长洲两日游，难得要于长洲揾早餐食，选上了得得好店茶餐厅。早餐有多项选择，花多眼乱。其中发现粉面类当中有一样 "节瓜虾米菇丝"，于茶餐厅当中属少见，有兴趣的朋友不妨一试。茶餐厅早餐其实都系个几样，要分出高下就要从细节看。多士的牛油是我看茶餐厅的一个指标，我实在经历过太多的多士牛油只占多士三分之一，甚至更小。而得得好店的牛油占80%，已经好有心了，虽然都系好薄的一层。其他的煎蛋、火腿、面、饮品其实都属一般，不过茶餐厅就是如此嘛！顺带一提，侍应态度都好好，不会一眼看出我们不是长洲人就态度变差，还好好的指示我们餐牌位置，收钱位置等。长洲，就是有人情味。
继续阅读
星期二长洲不少店休息，包括最爱嘅正生，炖奶佬同埋泰昌鱼蛋(只识去，有冇记错名呢？)。唯有试新野 ～得得好店。基本上，蒸鱼只要新鲜，火路啱就冇衰。但，order都错，实在匪夷所思。要鲈鱼，店内不同职员已与吩咐厨房几次蒸鲈鱼。等了十多分钟，最终换来一句: “蒸佐红衫，要唔要？唔要的话，要再等。” 要！(赶船啊) 服务方面，落单时想点菜。伙记表示只有椰菜和生菜。因为不能吃西生菜，便问清楚唐生菜定西生菜，她居然失笑道： “我唔知你哋𠮶啲系咩生菜。” 又望向同枱撘枱食客想找support。当然，他们没有理会。总括，光顾只此一次！
继续阅读
开始入秋，见天气凉咗，两公婆一时兴起走咗入长洲行吓，因为完全即兴，无任何计划、行程，随意行，咩都随遇而安，反正，一心只喺想轻松渡过个周末，无谓伤自己脑筋，嘥时间度行程！结果，晌长洲嘅西南面兜咗个大圈，由码头行经长洲西堤路，再去张保仔洞，上山揾五行石，行过埋长洲火葬场、坟场，仲有长洲居屋雅宁苑，然后落返大街，依条误打误撞嘅路线认真好嘢睇，哈哈。虽然咁，去到傍晚肚饿都要揾食架，路经码头附近内街嘅「得得好店」， 心血来潮，又好想试依间嘢，睇佢喺咪真喺「得得好掂」。内笼茶记一间，装修街坊，但绝对企理整洁，一个阿姐睇晒楼面，而客人（应喺街坊）竟然络绎不绝，睇落几得街坊支持。虽时近傍晚，都仲有下午茶供应，当然悭番少少点两个下午茶餐好啦！餐牌上有好几个系列下午茶，另外门口黑板上又有其他炒粉面下午茶餐，最后，我哋点一客面食，一客炒饭，就顺便当埋今日晚餐。长洲鱼蛋河 $29（下午茶餐价）鱼蛋外貌好唔同，有啲似无炸过嘅「炸鱼蛋」，又有少少似鲮鱼球咁样，食落好浓鱼味，外皮少少烟韧，不过内里又唔算好弹牙，口感好特别。而汤头几香几鲜，我嘅味精检测专员，即喺我老婆，话应该无下味精，配合滑溜嘅河粉，实在不俗。艇家炒饭 $39（下午茶餐价）一个小炒镬盛上，饭量认真唔嘢少，点依个炒饭旨在纯粹想知吓佢喺咩嚟。味道唔错，炒饭爽身唔油，而材料丰富，有蟹柳、虾籽、虾皮、咸蛋黄、蛋丝，口感丰富，又有微微姜味，真喺颇特别，又几好食。边食边发现，墙上有个介绍牌仲有列出多款炒饭，好奇之下问问阿姐，阿姐劲，反应迅速即时回答出喺咩嚟。原来长洲炒饭喺虾干、咸鱼、鲜虾加虾酱嘅炒饭，可预期喺咸香惹味嘅一道炒饭；而细路仔炒饭你又估喺乜？听完佢介绍绝对令人会心微笑，其实就喺菠萝、肠仔加蕃茄炒饭，有点西炒饭嘅影子，但胜在个名得意。其他仲有潮州炒饭、星洲炒饭（唔喺炒米㖞）、印尼炒饭、泰式炒饭、XO酱海鲜炒饭，实在堪称炒饭之王。冻咖啡（跟餐+$2）行咗一大轮山，有啲热，所以点番杯冻啡凉快下，咖啡味一般，而味道偏甜。除咗杯咖啡，啲嘢真喺几掂！食完饭，距下一班大船仲有啲时间，记得有档「师妹甜品」，晌长洲都几出名，所以临走时会一会师妹，食件冻饼后先上船。
继续阅读