彼之丘

营业中

休息中

當我猶疑想要黑松露炒蛋定芝士肉醬既時候，店員好有心咁等候我，仲了解到我猶疑既地方！主動介绍我要黑松露，仲為我加塊芝士，令我好滿意！須然等候既時間有啲長，不過食完後係值得等既！所有食物都係即整！

呢間新開食店開咗無耐我已經食過三次，第一次食個蕃茄肉醬熱狗包，個肉醬係超正，個肉醬係有心機煮唔係一般街食到嘅味道。個熱狗包好軟熟又飽肚，原來係店家自家制。第二次帶埋同事一齊去今次試個魚柳包，同事就食巴東牛肉，個魚柳包賣相好靚而味道相對都一樣好好食，個魚炸到夠香脆成個包配個tartar醬汁加啲蔬菜真係好豐富。同事食個巴東牛肉一樣好好味，少少辣辣地加啲洋蔥啱啱好。套餐另一靈魂食物就係個日式薯餅同鐵板粗薯條，2樣都夠脆內軟又無油味，好好食。第三次食個薯仔沙律包，個沙津有加其他蔬菜所以唔會太單調。我每次都食套餐跟特飲，飲品同銅鑼灣啲茶店一樣好飲加上飲品跟餐有優惠😆。呢間食店有12款熱狗包選擇款款都好吸引,下次一定會再去試埋其他款特別係個日式炒麵麵包😍。呢間食店好近地鐵最緊要係啲嘢好食價錢又唔貴😋。

西營盤越來越多cafe小店不過始終係以Western food為主。經過呢間近地鐵站出口嘅小店, 居然以日本麵包同珍珠奶茶為主。價錢合理，仲有幾個位坐，入去試吓先。點左兩個麵包，餡料都好特別有好多選擇， 套餐仲有日式薯餅。❤️其中一款係日式炒麵麵包，即叫即做，麵包好鬆軟食得出係自己做。一問之下原來係用日本麵粉，老闆係一位年輕女生，之前專程去日本學整麵包。所有麵包每朝新鮮出爐。我知佢哋聽到有人叫豬扒包都係即刻整。另一個係日式田園素食麵包，不過我都係覺得炒面嗰個好食啲😈嘢飲都有好多選擇，唔太甜，仲好大杯。小店雖然以 Grab & Go 形式，不過有幾張枱，都好好坐，聽下歌等下都幾好feel😽

屋企附近有間新開嘅熱狗店, 一於放假去試一試先, 點知座位已經坐滿了, 因為只有8個位, 咁爲有買返屋企食, 我地分別叫左熱熔芝士珍寶腸熱狗同熱熔芝士番茄肉醬熱狗, 其中有一個跟餐配薯條, 由於落雨嘅關係, 所以拎到返屋企其中一個包個醬已經搞到周圍係, 但食落真係食唔到有芝士, 食到最後係發現有好少好少係個包到嘅, 味道就同平時熱狗無咩分別, 而肉醬個款反而有芝士就少肉醬, 味道就一般般啦, 不過我又幾鐘意佢個包, 有咬口煙煙un un咁, 仲有薯條係粗身嘅, 以我經驗唔係幼身都唔會脆, 所以真係好淋, 可能外國興粗身啦, 不過係屋企附近應該都會再試下其他款嘅

Went past this new shop a couple of times but I hesitated in trying it because I thought they would have more bakery items because the menu offered mainly hot dogs.With  a name like that I was expecting bread and other bakery items just like Bake Out in UK.Anyway, tried it as I needed to eat something.Although they specialize in hot dogs, all them of were too fancy and seemed to be messy to eat so I went for the fish.Got the set meal willingly because they had Earl Grey Tea, had it been Hongkie