彩龍餐廳 (已結業)

這茶餐廳客源廣泛，新翠村，附近的金獅花園和愉景花園，新田村屋，以至lunch time新田圍下來的學生等。因為其裝修較新淨光猛和闊落，而價錢亦合理，味道亦可以，所以人客不少，也是很多外賣的選擇。車仔麵大概24蚊有野飲，lunch午餐大概25蚊，晚餐炒粉麵飯大概35蚊。味道是一般茶餐廳質素，不是難食，不過偏向多油。服務員都是些阿姐，所以都是茶餐廳服務質素吧。

唔想返學日日都在學校食,就試下落去新翠搵食...呢間在新翠村都算係一間裝修較為新式,大同光猛的食肆...但始終都係茶餐廳,都係會吸到二手煙...本黎係想食車仔麵,但都幾貴下,所以就食快餐,係黑椒牛仔骨芝士腸意粉+凍奶茶...快餐真係快餐,好快就黎...先講黑椒牛仔骨芝士腸意粉,都幾大碟下...因為唔係湯意粉,所以d意粉唔係淋淋的,而係有咬口的,意粉幾好...個黑椒汁都幾好味...牛仔骨就...個味都幾好ge,d肉都唔算"un",但膏同肉之間唔係咁易咬得開...芝士腸就係一般的芝士腸...杯凍奶茶就唔得啦,黎果時冇攪勻,層次分明,奶還奶,茶還茶,三份二奶,三份一茶...攪勻之後,奶味好重,但唔滑,仲幾澀下...不過勝在幾抵,都幾大碟,碟意粉食唔哂,好飽...因為係學生,所以有優惠...但環境已經算好,就算隔離檯食煙,都唔會吸到好重的二手煙,抽風系統都算幾好...