彩龍大酒樓

营业中

休息中

唔係第一次黎食次次都係一樣咁抵!今日一家四口黎呢到食個個食到飽飽~好抵食!孖寶=鮮茄煎封海上鮮+ 豉油雞半隻咁都只不過係$76!!!條魚大大條~~加埋d茄汁好好味~食到停唔到口~隻雞d肉嫩滑~~good!!蒜蓉開邊蝦($55)d蝦肉幾新鮮~味道ok~冇乜特別~~西蘭花鮮魷($58)又係大大碟~不過d汁唔均勻....唔知係咪豆粉太多...有時食到一pea杰撻撻o既野...呢碟野真係麻麻地....食完飯可以自己出去任食糖水超正!!!埋單都係$200幾蚊~~抵到爛!!大把機會再黎~~~

我就係俾呢句宣傳句子引左入去，睇下係咪真係咁巴閉？俾幾個公共屋村圍住既屋村酒樓，同其他屋村酒樓一樣通病，星期六、日忙到爆，星期一至星期五晚就拍烏蠅，一樓直頭改埋做茶舞同晚舞（睇黎晚舞幾好生意咁喎？），地下得十零張檯做返晚飯夜市，睇下張菜單Ｄ價錢又真係幾得人驚，免茶、免介、免加一，冬瓜盅都係賣$48，一般小菜都係二、三十蚊；左睇右睇？我點左鮮蝦、帶子炒西蘭花同海蜇拼叉燒（孖寶價$88），蒜蓉蒸扇貝$38 半打，海蜇韌左Ｄ，叉燒半肥廋，仲係真正燒出黎既叉燒，（唔係Ｄ先浸熟再燒一燒個面Ｄcheap 野），帶子同蝦都爽甜，有五隻蝦同五隻帶子，西蘭花爽口得黎唔太硬，兩樣菜式份量同一般小菜冇分別，非常抵食，蒜蓉蒸扇貝比較細隻，味道都ok，加上大量蒜蓉粉絲，可以連個白飯都慳返，飯後仲有紅豆沙糖水送，我問你死未？冇花冇假，埋單$126 蚊落樓，招呼祇可以用稱職黎形容，有禮貌有笑容已經相當唔錯，平到咁既價錢，八點坐到九點都係圍持住五檯客左右既入座率，邊個話經濟復甦架？其實世界仲係好難撈..........

上星期日，我和一班朋友去搵野食，正好經過彩龍門口，看見免茶芥．免加一，很好奇入去一試，意外地好味道，我們點了十幾道菜，結果每人３９元。出奇？

前幾日同一家人駕車經過呢間酒樓，見到大字標題寫住晚飯”免加一免茶芥”，好似幾抵咪入去試下喔！點知真係幾抵食，仲有好多＄１６蚊小菜比我地選擇，食物既味道亦比我想像好，下次我都會再去！

週未時經常到這酒樓午餐, 點心不過不失, 亦偏於經濟抵食; 前幾天來一次聚餐, 開了好幾圍餐宴, 價錢合理, 但可能將貨就價用料份量偏小, 味道一般.

d 野都幾好食﹐不過d 伙計招呼就認真麻麻啦﹗