影片
十二点半前叹平靓正早茶～彩晶轩(长沙湾)出开荔枝角做野，找个旧同事食饭，佢就话去长沙湾邮政局个巴士站一落车行埋去个旧商场入面个间酒楼。因为大家都系巴士的好朋友，所以就清楚明白地点了。在旧商场外场仍然见到“新星酒家”的招牌,现在已经转为彩晶轩了。酒楼的格局有点奇怪，他是成Y字的。一直行到中间的连接点就是另一边电梯到商场的另一边福华街出口， 两边分开不同的餐枱。下车前，朋友早到就先拿位，但我找不到他又打不通他的电话，原来酒楼是有些位置是收不到信号的@.@这真是OMG. 最终还是在酒楼的深处找到正在叹茶的他啦！他们是用茶包的，不怕茶叶碎弄出来,但茶要泡耐一点才出现茶味。p.s.茶壶有裂痕。早茶的优惠点心去到十二点半都真系第一次见，平时多数都系到十一点半，最晚都系十二点。刚好来到酒楼大约十一点半，赶紧下单！柴鱼花生猪骨粥每次饮早茶都喜欢叫一碗粥，原因是为了它。 好多人喜欢粥跟油条，但我比较喜欢粥跟脆卜卜。脆卜卜是主角， 要混合粥来食才是滋味无穷。用料充足，猪骨是咸猪骨，有些是排骨， 只是粥底煮得久了便会出水，不过不失。晶莹虾饺皇虾饺皮烟韧十足，夹起来不容易散开，可以清楚看到虾肉紧紧的被包围着，正如他的名字晶莹通透。十五蚊两只，算是抵食。家乡红枣糕养颜保血当然系红枣啦！刚蒸起好香的红枣味，四层的红枣我就喜欢撕开一层层食，你呢？点心大拼盆点左上面个两个先发觉原来是有重覆的， 不过唔紧要， 上面两个都好好食， 食多个都无问题。除左虾饺同红枣糕， 仲有粉果烧卖叉烧包同另一款菜曲饺。我发觉他们的任何一款饺子都做得好好。饺皮够晶莹又烟韧，不会过厚或过硬，可以一眼看穿入面的馅料，这是广东点心的特色。烧卖记得外国朋友成日话我哋香港点心好钟意放虾，初时我都不以为言。今日见到烧卖入面有两只虾仁，就想起我那位朋友了。叉烧包一个酱多过叉烧的叉烧包，而且太咸了，连包都要扣分。小评：入座率接近九成，通常客人都会叫优惠点心煲仔饭。我哋最后埋单都系九十有找。抵食！佢上点心的速度很快，十二点开始便多人埋单，我地叫埋单后都等左十五分钟先收到张单，仲要等佢找钱， 如果可以到柜台前埋单会快捷一点。满分为10分(1分最低，10分最高)食物：8环境：7卫生：7服务：6价钱：8舒适度：7总分：7
继续阅读
早起身想试试新野，见到食评话呢间酒大楼不错，来试试看，不过未有想像中好食，可能期望太高啦。当值女经理找钱时无故串人，仲追出来闹人，服务真系麻麻地。价钱方面，饮早茶比其他酒楼贵。才叫了一碟菜心、一笼两粒的烧卖同一个饭(早茶份量不大)，计埋茶位要74蚊，两个人食都唔算饱肚(我地两人已算细食）。
继续阅读
每逢假日想饮茶, 最令人头大就一定系揾位… 好多酒楼动辄都要等一个钟… 好彩家中有车, 可以去远少少饮茶都冇问题 ^^ 众多酒楼当中, 家人最爱呢到, 贪其平靓正, 坐得舒服又易揾位!! 大年初二, 一行五人嚟到, 只系等咗五分钟就可以入座… 咁疏干真系去边度揾吖 ^^ 其实无他嘅, 酒楼地方大, 所以咪相对地易揾位!!我哋点咗以下点心, 小食: (图上) 晶莹虾饺皇 - $27 / (图下) 鲜虾北菇烧卖 - $24-- 虾饺皮造得颇薄, 虾胶打得好滑, 而且入面仲有大大只虾, 爽 ^^ 烧卖嘅猪肉馅好香, 配上加咗香菇一齐打嘅虾胶, 美味!(图上) 罗汉斋腐皮卷 - $17 / (图下) 金勾咸水角 - $14-- 腐皮好薄好酥脆, 夹杂香浓嘅罗汉斋, 口感丰富 ^^ 咸水角炸到外脆内软, 不油不腻, 恰到好处!(图上) 瑶柱豆苗饺 - $24 / (图下) 上素蒸粉果 $17-- 两款饺嘅皮都造到晶莹剔透, 一眼就睇得到内里干坤! 瑶柱豆苗饺入面加咗少少姜粒, 不但辟咗苋菜嘅青味, 仲大大提升了鲜虾嘅香 ^^ 上素果入面嘅馅料整得好滑, 当中嘅萝卜粒 & 椰菜丝好爽脆, 口感一流!(图上) 香滑牛肉肠 - $20 / (图下) 白灼北京芥兰 - $38-- 牛肉肠不论肠粉皮定内里嘅牛肉馅都系名符其实咁香滑 ^^ 芥兰虽然不知是否真的来自北京, 但大大条, 冇渣, 好新鲜!(图上) 鲜竹牛肉球 -$17 / (图下) 蜜汁叉烧包 - $14-- 牛肉球外表虽然唔光滑, 但一口咬落去, 除了多汁之余, 其实都好滑溜 ^^ 叉烧包有少少流心嘅效果, 叉烧汁够浓, 而且馅料嘅份量十足, 好食夹抵食!(图上) 脆皮烧腩仔 - $38 / (图下) 发财就手 - $15-- 烧腩仔嘅皮烧得好酥脆, 啲肉咸咸哋好惹味 ^^ 点猪手主要系为个意头~ 都几入味, 够哂稔, 食落充满胶质!(图上) 黄金炸豆腐 - $28 / (图下) 脆皮素鹅 - $32-- 豆腐粒炸到金黄松脆, 皮够薄, 豆腐又够滑, 夹埋啲炸过嘅蒜粒一齐食, 令人食不停口 ^^ 素鹅嘅腐皮又系炸得好脆, 但比腐皮卷厚身, 内里嘅素菜呈层层叠叠状, 所以食落同腐皮卷嘅口感及味道略有不同, 不过大家都一样好味! 最后, 重点作出场~ 蜜汁叉烧 - $85-- 叉烧啱啱烧起好软嫩, 薄薄一层蜜糖, 加埋炭烧嘅痕迹, 简直系天堂中嘅美食 ^^ 虽然价钱唔平, 但份量十足, 绝对系物有所值!质素稳定, 价钱平, 座位寛敞又易揾位~ 唔嚟呢度饮茶仲可以去边吖~
继续阅读
年廿八老远跑到去荔枝角饮茶，呢头工厦林立，不少是公司食中午饭，普通茶客也很多。我们一行五人，点了十个点心，一碟炒粉，最后有一个点心缺货。十款食物包含了煎、炒、炸、冰和腌等不同做法，蒸点比较多 - 虾肠粉、粉果、香茜饺、鲜竹卷、田园粉卷和马拉糕。肠粉很幼滑；香茜饺其貌不扬，蒸起有点缩水，但味道不错；马拉糕有惊喜，味道甜美，入口有奶黄的感觉。炒 – 独孤一味，豉椒肉片炒河粉，份量适中，猪肉片特别爽，而且弹牙，好像是猪颈肉。炸点 – 锦卤云吞，附上一碗红色醋汁，个汁不会太杰身，甜酸比例也不错，配料则不够份量，只有青椒、叉烧、瘦肉片、番茄和鱿鱼等，记得旧时在别的地方食过还有猪肝、猪肚、虾仁等。冰甜点 – 马豆糕，已经很多年冇食，看上去很普通，食落有椰汁味，马豆味都几香。冰腌点 – 秘制猪手，其实是冰白云猪手，猪手的皮非常爽脆，其实本身的味道并不特出，只是靠那黑色的酱汁，有醋酸味和生蒜香，酱汁很多，与炒粉捞在一起吃，很开胃。选择到这里是细佬的意思，佢话之前去过元朗店饮茶觉得不错，今次的结论是不同地点，即使同一集团名下，很多地方运作上都不相同。例如元朗店在接待处等位时先选定饮咩茶叶，这里则跟惯常做法，坐低先至叫茶。临走时经过前台，看见有桃花新鲜运到，工人正在解开绳子，桃花随即零星掉下，仙女散花美到不得了。
继续阅读
今天到附近睇楼,行过见到呢间好彩个门面几靓,新装潢左咁,改左名叫彩晶轩,所以便上去试试!一入到去几靓,有个位系比d结婚既人影相,实在体贴!我们叫了一些点心,价钱都合理,亦大大碟! 叫左几道健康小菜... 蛋白姜粒红米饭,由红白+米一点青瓜整成,一点都不油,几健康几好食! 另外叫了个云耳,好爽,又是一个好的素食,除此外当然我们都叫了叉烧啦!因为听闻好彩的叉烧系几好味的!因为没有肥肉,是叉烧最好吃的一个部份!这个真的要一试!饭后又叫了甜品,个芒果布甸好有心思!味道也不错,还便宜过糖水舖的,嘻嘻!
继续阅读