彩明海鮮火鍋酒家 (已結業)

點心唔差, 不過腸粉好難食.......都係服務差, 因佢用晒大陸人...如果咁岩個個唔係大陸人過服務會好d.食過任食火鍋同晚飯, 水準過得去

平日大人每位數$78, 星期六, 日及假期$88第一次到來打邊爐, 食物方面質數尚好, 疏菜/主食/飲品/甜品/醬料都放在一個地方, 供客人自已選取.其他的食品種類的確不多, 而且落單後如果沒有貨的, 待應是不會告訴你, 你只可以不斷的落單, 這方面真的要改善改善.值得一提是, 這個價錢已包括茶芥及加一, 即是說埋單每人只需付$88或$78視乎日期...

我耐唔耐都會落去打邊爐既.D野食都唔錯.不過款式就小左D.但人手方面都可以改善一下.整體黎講我都可以接受.

禽晚九點幾同太太去呢間食晚飯, 坐低睇下有咩食, 張點菜單上分開左右兩欄, 左面有價錢列明, 右面就無價錢列明, 不過頂頭大大隻字寫住碟碟$28, 點我地咪點晒無價錢果邊, 因為碟碟都$28, 叫左一個煲仔, 一個魚湯絲瓜, 一隻乳鴨, 一碟炒青菜, 心諗加起唻都係百四五左右, 都算低食, 點知結帳時見到個爛鬼炒青菜收我$42大元, 咁我咪問佢咩事干收我$42一個炒青菜, 張點菜單列明碟碟$28, 如果要$42炒碟菜我唔好食第樣, 佢重同我講唔好意思, 返去check下, 我以真係搞錯, 點知佢叫個部長唻, 話無錯! 係$42蚊, 我話你地玩呀, 明明寫住$28一碟而家變成$42? 後來佢都講唔掂就再叫個經理唻, 個經理係(邱建雄), 肥肥地! 我問佢地點解唔寫價錢但又印係$28個邊但又唔係收$28? (全張紙無講過青菜收$42), 佢完全解釋唔到最後再唻多個西裝友, 又話佢地無錯, 話個價錢寫係第二本點菜譜內,(但我地坐低到走係從來未見過呢本所謂第二本點菜譜), 成班人圍住我都話佢地無錯, 係我無問到佢地, 真係有無搞錯, 唔通我唻食飯每次問茶錢收幾多, 花生收幾多, 紙巾收幾多,

一入到去，嘩!眼前一亮呀!仲以為係一間新既酒樓添!D裝修勁靚!12/7開張嗰日我已經去八吓，D服務態度都幾好，D房裹面全部換過晒D高清LCD電視仲有得唱卡啦OK添，聽個經理講: 佢地用左成6位數字引入一套全新既卡拉ok，仲會經常update喎~~裝修之後，D野食好呋左又抵食啵,装修覺得好high class,最重要係平時我覺得服務差個一批WAITERS，已經消失左! 當堂食野都食得舒服左。我由開張嗰日飲茶飲到今朝，仲諗住下個禮拜日約班friend食飯唱K! 我認為今次le間酒樓大變身後，真係值得一去再去!!整體86分!!!

去睇樓前係呢度飲茶，基本上除了海皇鳳冠餃及綠茶炸麻糍比較好食，其他都麻麻地。乳鴒瘦到得層皮﹑奶皇千層糕好乾﹑沙薑雞腳淨係睇個樣都知唔掂。

聽朋友講話呢到有自助火鍋, 趁屋企人生日就黎呢到試下啦!!六點左右去到無乜人,都有人service, 大約七點幾左右,開始好多人黎啦,幾乎滿座,但就無人黎落order,食物選擇太少, 張order紙好多食物都係無既, 仲有, 落左order,但係無個d食物,又唔會通知返你!!咁究竟係賣晒呀,定係未黎先,service唔係好惦!! 另外湯底方面,完全無味!!好似滾水一樣,佢加水個陣又加返清水落去,即係愈食愈淡!!屋企人話不如自己響屋企食都無咁嬲!!沙嗲無沙嘜味,清湯又無湯味!!想點??七點幾之後可能多人既關係,個環境好嘈,好似朝早飲茶咁,仲嘈過街市!!最後食甜品,試左個雪糕,得紫色個隻紅豆雪糕有d紅豆味,其他個d係藥水味...又無雲呢嗱味...較滿意既係冷氣都幾凍,夠涼,唔會食到流晒汗!!同埋週圍都算乾淨,可能夜市之前打掃過

有位朋友住在這附近,所以經常相約來飲茶,自從朋友轉了做寫字樓工作後,連周末下午都要上班,今日碰巧她可早走,於是又相約再來.喜歡來這裡的原因除了價錢平,食物水準平均,選擇款式多,泰式粉麵,燒味,特價小食,偶然還有新創意,今次推出了精心8點,並且有圖樣看,賣相頗吸引.點心方面今日有: 叉燒包~依然好味,香芋蒸排骨~芋頭很少又不粉但在於排骨吸收到芋頭的味道,好清香而且排骨夠腍,三星燒賣~原來是無用雲吞皮包著蒸,在三粒燒賣上分別放了火腿,蟹柳條同螺肉這就叫三星,三星不好但燒賣肉身就幾好味,其餘還有西柚蒸鴨掌,蘿蔔糕,西生菜,牛柏葉,咖哩辣土魷都一般啦,當然亦點了精心8點其中2點: 綠茶炸麻蔥~皮是加入綠茶磋成,好煙韌,咬落是好流的麻蓉,又不太甜,這個好好味;奶皇榴槤酥~榴槤味好淡,酥皮不夠鬆化,味道不夠好.除了點心外,今日還叫了兩隻燒乳鴒($18/隻),雖然細細隻,但是皮脆,肉質又鮮嫩,而且是即炸的,熱辣辣好好味.不過環境就嘈吵些,很多時候都要大聲說話,服務方面就不要期待太高,總之都會有人招待你,不過要有些少耐性等.

個個星期都去呢度飲早茶, 其實好鍾意食呢度D野, 但服務唔好, D人好似唔想做野咁.......

同d朋友去左打邊爐..一路睇tvb台慶一路睇...d野都幾乾淨....最鐘意食山根....出面有得拎幾款熟食..好似食buffet,幾得意..不過得幾種...有咕嚕肉,炒飯炒河,魚,仲有糖水,紅豆沙,雪糕...有芝麻味芒果,香芋,溫呢拿,不過個朋友見到d溫呢拿咪雪糕有毛係裡面,幾驚呀...仲有生果有得拎,,d橙出名甜到笑...真係好甜..有d椰汁糕唔好味既....有時會漏單,第一輪叫既野食,走果陣都未到,牛肉只係一般.鴕鳥肉好似豬潤咁既味,但係肉質好淋....佢地d煲蓋好似唔夠咁,咁一般人都會拎一個,等有時d野唔熟,蓋一蓋就滾,叫佢俾個蓋黎,又話我地d野滾左唔洗拎,之後我地話要,佢先周圍搵,搵下邊張桌有蓋拎俾我地,之後我地有時放係度,佢又收左我地,我地話要佢先放番低...佢有幾部大電視睇...都幾ok既..價錢都合理>>>每人$68..加呢加路....每人$83

8月6日12:00約了久未碰面的師父茶聚，因他住維景灣，最近的茶樓這店。因久未見面，便多說話小少做事，祇要了五款點心。蝦餃：皮不薄而淋，餡料一般。山竹牛肉：豆粉牛肉球。乾蒸燒賣：好…行貨。叉燒飽：皮乾而鬆散，幸好叉混了醬汁燒，食味尚可。炸兩：師父點的隔夜油炸鬼+淋淋腸粉。這家街坊茶樓，硬件：裝修可以，但軟件：服務一般。阿姐的托盤，差點兒掉到BB頭上，母親當然問罪，阿姐祇極不滿地說句"對唔住囉！"。唉！今時今日的服務態度！