彌敦左岸

营业中

休息中

今日約左朋友去尖沙咀食飯，想傾下計飲下野，所以就揀左呢間酒吧餐廳。餐廳由地下行上一層，氣氛非常好，而且仲見到有個stage 應該周末會有live band 表演。睇下meun, 原來餐廳食物種類一d 都唔少，今次真係冇揀錯啦。 我地先叫左一個烤原隻魷魚作為前菜，魷魚好大隻，而且烤得非常香，切開後見到中間釀左d 辣肉腸同蝦膠，配合埋特製既莎莎醬，非常開胃。之後，我地叫左一個supreme pizza, piza 材料非常多，雞肉，辣肉腸，鮮蝦，而且仲有一層好厚既芝士，pizza 係屬於薄批，焗得岩岩好，非常香脆。主菜就叫左個烤羊架及羊柳，我地叫左5成熟，羊架烤得好靚，切開見到粉紅色，火候控制得非常好，肉質多汁又嫩。羊柳，廚師用左芝麻鋪係外表，再拎去燒，令到成件羊柳有好香既芝麻味，加上羊柳比羊架既肉更加淋，食落香脆既芝麻包住非常嫩滑既羊柳，好好食。而且餐廳仲準備左3種唔同既醬汁，黃芥辣，薄荷醬，燒汁。另外，配菜方面一d 都唔馬虎，菠菜整得非常好食，調味得好好，而且薯蓉配合燒準亦好好味。黎到酒吧點可以唔叫野飲呢， 我地叫左2杯cocktails, 味道都非常好飲。

其實自己好少黎酒吧餐廳食野，今次第一次，真係好正😍😍首先個環境好寬闊舒適，晚上有live music，一路食野一路聽歌真係好享受🥰🥰。食物方面都好正好新鮮，不得不讚個生蠔真係超級鮮甜！！我食完一隻又一隻，呢個下次食絕對要encore🤩🤩Pizza 冇太大既驚喜，但勝在足料餅底又香脆。口味好濃郁。落黎酒吧叫薯條食是必須的🤣🤣飲品有好多選擇，都有mocktail同juice，適合所有客人。

依排搬屋搞裝修身心俱疲, 星期六日放假一定要好好獎勵自己, 今日同老公又唻左尖東, 唯獨依間外表黑色裝修幾型格, 地下半露天飲野, 樓上用餐, 好有情調! 我地被安排坐到最入, 隔離有stage, 如果撞正有live band表現一定更有氣氛, 我地order左澳洲m5和牛肉眼扒同一個北海道帶子Risotto, 先講下個risotto, 飯好有口感, 帶子好大粒而且食落好鮮甜！望落細細碟但估唔到食哂我已經飽左八成, 再唻塊牛肉眼扒, 肉質好淋, 一入口好重牛油味, 咬幾啖已經溶化, 不知不覺兩個人ko左一塊成十安士既扒, 依一間nathan left唔單止氣氛好好, 食物方面好有水準, 情侶唻慶祝/一班朋友都非常適合!

星期五想relax下，選了一間9pm後有live band既Bar hae下和食個豐富晚餐，無時限就無敵呢！位於尖沙咀的彌敦左岸都幾full，晚上七點左右要等位，未齊人坐低就叫左客黑松露薯條🍟，黑松露味都幾夠！晚餐點了risotto，risotto既帶子都幾新鮮同大粒，味道不錯！ham peach salad 都值得推介一下，個ham好味而且不太鹹!另外，還點了steak、spring chicken，不過個人認為味道就偏淡。9pm 開始有 live band 當然唔少得要叫番柸cocktail 飲下呢！ 餐廳drink menu 好多選擇 ，一定揀到款岩心水呢！

如果想有點不一樣的酒吧menu ，來呢間係不錯的選擇。例如 cocktail 可以揀呢款，以伯爵茶為主題的雞尾酒。Earl Grey on top $148自家製的 gin 混入伯爵茶，加入蘋果汁、乳酪仲有接骨木花的cream cheese 造成的奶蓋。幾新鮮的組合，淡淡的味道，易入口又有啖啖茶香。細心品嚐下，發現原來佢既冰粒都係由伯爵茶造成的。第一次飲，真係好特別。Breaking up again $138而朋友飲既呢杯，係 vodka 加上果汁，佢話酒味好濃，仲有少少雲呢拿味，好醒神。Nathan Snack platter $348有別於一般的油蔥圈薯條拼盤，呢到的小食拼盤夠曬陣容龐大，見到都覺得誇張。黑毛豬火腿密瓜，三文魚＋三文魚子伴青瓜 ， 龍蝦尾伴香芒莎莎，橄欖油煎虎蝦，烤八爪魚伴韓式泡菜鷹嘴豆，牛油焗田螺伴芝士薯蓉，西班牙五花腩伴芥末醬青蘋果 ，炸雞鎚，一共八款。當中最吸睛的當然就是果 pair 龍蝦尾了，肉質結實彈牙，又燒到香噴噴。而西班牙五花腩亦係另一極品，火候控制得啱啱好，油香四溢。牛油焗田螺伴芝士薯蓉亦焗得好香。小食款式好靚，見到已經充滿 party feel

來了這間酒吧吃晚餐, 餐牌上的食物款式有很多。我們先點了兩款前菜一起分享, 我們點了八爪魚羽衣甘藍沙律伴溫泉蛋和低溫慢煮三文魚藜麥香芒沙律。沙律裏面有八爪魚、羽衣甘藍、番茄粒和鷹嘴豆。裏面亦有一些鹽, 所以會帶點鹹鹹的味道。我很喜歡三文魚藜麥香芒沙律, 三文魚很嫩，帶油脂香, 幾肥美。藜麥的份量有很多, 芒果粒很鮮甜，所有配料加起來是一個很好的配搭。鹽焗是令鮮魚上面有一層鹽塊。魚的肉質很嫩滑，吃落帶一點檸檬香。最後，我們點了自家製榴槤雪糕作甜品，它的榴槤味比想像中突出。

呢日好有mood, 帶左女朋友去老尖既吧食晚餐~超正有live band演出， 好有氣氛~先飲一杯先~Summer Punch~ 夏日味道加上非常有趣既外表，正。橙味同熱情果互相配合，非常解渴。Peachy Coco~噢~又一杯外表非常有趣既桃味飲品。兩個波波荔枝上 有少少海鹽， 甜度因此而帶出， 非常有心思。接住要叫小食~彌敦小食拼盤~非常eye catching~黑毛豬火腿蜜瓜~薄切火腿加甜到入心哈蜜瓜係經典小食配搭酒吧必叫!西班牙五花腩伴芥末醬青蘋果~五花腩固然邪惡，但配合芥末醬青蘋果 既心思真是難得三文魚三文魚籽，一啖咬落去 幸福到不行~八爪魚伴泡菜鷹咀豆~辣味八爪魚好有咬口牛油焗田螺伴芝士薯蓉~新鮮焗起田螺，加上焗成金黃色薯蓉，我只覺得唔夠喉!龍蝦尾伴香芒莎莎~龍蝦尾啖啖肉再配香芒，回想起依然流口水!鮮海膽蟹肉蟹粉天使麵~呢一個combination非常少見，真係不可錯過，因為限量發售~海膽超大片 入口即溶，味道竟然同蟹勁配。食過番尋味啊~

黎過好幾次呢個場食野同飲野！就是喜歡佢既環境同氣氛，可以聽住Live Band 食飯，的確係不錯的生活態度！呢度既食物同飲品既買相都不錯的！多年來食物水準都冇因為已有名氣而下降！值得一讚低溫慢煮三文魚藜麥香芒沙律 HK$158呢個沙律口感都幾特別，可能我之前都冇乜點食過藜麥，都唔知用乜黎形容個個味道同口感，只能說，單食係冇味的，真的必須配埋三文魚同芒果食，感覺就好Fresh 啦！串燒併盤 HK$358呢個併盤之前已經叫過好幾次，貪佢乜都有d, 啱晒有選擇困難症個班人！哈哈！一盤十二串加薯條仲配埋三個特色醬料同茄汁！併盤有澳洲牛、虎蝦、北海道鮮帶子、鮮三文魚、美式辣肉腸串、西班牙黑毛豬五花腩 、雞翼 、粟米 、脆肉瓜等，每樣都燒得好香口，特別喜歡虎蝦同帶子，香口得黎都不失鮮味！正呀！Cocktail Stick HK$138Earl Grey on Top HK$148 兩杯 Cocktail 都好啱女仔飲，果味比較重， Cocktail Stick 飲落似加左酒既橙汁，上面配半條冰震香蕉，而 Earl Grey on Top 相對比較酸少少，蘋果汁底帶

星期六同男朋友食晚飯想話坐低食野之餘飲杯酒 就黎左呢間吧原來真係幾多人 坐滿晒我地叫左焗釀田螺香草醬同螺肉味道好配合再加埋帶鹹味嘅薯蓉 味道剛好海鮮卡拉布里亞辣肉腸薄餅有勁多芝士 拎起有芝士拉絲嫁佢個蝦肉好爽口 辣肉腸惹味 再配薄脆pizza 加埋杯啤酒一流烤澳中洲羊架及芝麻燒羊柳伴薯蓉羊架鮮嫩 羊味夠濃郁 烤得剛好羊柳肥美 肉質軟腍 芝麻香味令羊柳食落更可口飲品我揀左earl grey on top佢地嘅cocktail 好足料 有厚厚嘅茶香 飲落就酒香味濃配上奶泡 又係另一種感受男友就叫左個 break up again呢個比較清新 有橙同檸檬香味再配上rosemary 飲嘅時候 香氣撲鼻9點後 仲有live band佢地都係唱啲hit 嘅歌 聽下歌 飲杯酒都幾舒服

星期五walk-in, 未夠七點去到仲有位。食物和環境很好，因為尚早未有live band, 靜靜地傾下計好正。兩個人兩杯Mocktail, 一個拼盤，一碟意粉同一碟煙三魚藜麥頭盤，埋單大約一千蚊。

So we visited this place on a Saturday night at around 7:00pm. We were totally lured into the place by the really sassy front door- like a broadway cinema front door with a stylish mini-stage and several high tables. Once we arrived on the second floor, the first thing we noticed was the stage for band music and the beautiful decor around the place- classy sofas, antique looking book shelves and paintings on the wall. I JUST LOVE HOW the interior of the restaurants of m1 group- they are all such

其實呢間餐廳幾值得推介，因為呢度又係酒吧又係餐廳，又有音樂廳，晚上仲有足球賽事睇添，佢嘅嘢食絕對唔係酒吧嘅級數，可選係上等餐廳嘅級數，其實呢度我食過好多次，我每次食完都讚不絕口，我最鍾意食佢呢度嘅薯條，你會感覺好新鮮，又唔會炸得太濃，價錢就中等啦唔可以講算好貴，餐廳坐得都幾舒服，晚上同幾位朋友傾吓計食餐飯，呢度都算係一個好好嘅地方，所以大家不妨去試吓啦，如果大家揸車，佢門口有幾個入錶嘅車位，好運嘅就拍到㗎喇！

男朋友生日又黎啦 想搵間有浪漫情調既西餐廳慶祝一下一年一次 緊係要搵間坐得舒服又好味既比個surprise bf啦睇左好多間 發現呢間8點後有band show 岩晒放工後仲有時間換好靚衫化好妝黎撐枱腳早2星期用app訂左枱8點餐廳預留安排左台前第二張枱比我地 唔會太近或太遠 剛好既位置可以欣賞表演者唱歌彈結他同bf邊傾計藜麥三文魚香芒沙律第一次食呢個配搭 可以話你知 真係幾好食 好推介！三文魚肥瘦適中 加上豐有口感既藜麥好好趙口 加上香幾清甜既芒果肉 下次再黎一定要再點呢個龍蝦湯 好香龍蝦味 貪心既我好想飲多碗呀帶子意大利飯 個汁好香濃 好想知點整 一啖緊接另一啖 停唔到口 又係推介小食炸雞併盤 食幾舊好快填飽肚同快餐店差唔多 較為普通  下次可以試其他芝士pizza 皮唔會太厚 芝士味適中最後叫左個朱古力心太軟食物選擇多同環境唔錯 下次會再黎食過

自從除夕夜去過赫德道個邊食晚飯，發現個邊都幾多好餐廳之餘，仲比尖沙咀其他地點都寧靜得多👍🏻-最近係個頭搵左間餐廳幾多好評，外表睇落係間bar，上一層係餐廳🥂-🔹烤北海道帶子意大利飯($188)意大利飯煮得幾正宗，飯粒有咬口。個汁好惹味，睇落有好多辣椒粒咁，但食落只有少少微辣感覺🌶混左啲栗子粒、菠菜，都幾豐富。最正係3大粒好厚既帶子，好好味😋-🔹烤澳洲羊架及芝麻燒羊柳($308)可以一次過滿足兩個願望😆揀左七成熟，羊架肉質較實正，羊柳肉軟腍。我自己就比較喜歡羊架，夾埋薄荷啫喱一齊食，簡直係絕配👍🏻芝麻燒羊柳都好特別，令到件羊都好香芝麻味，食落又有口感😳另外配菜有薯蓉同炒菠菜🥬-▫️Peachy Coco / Summer Punch ($70)係個咁有酒吧feel既餐廳，當然要叫返兩野飲。當晚唔想飲酒，好彩都有好多mocktails選擇🍸-🔺仲有in house live band呀🥁!!!

係呢嗰落住雨嘅星期日，太太要加班，所以自已留係屋企執吓嘢，一路執嘢一边睇跑馬，估唔到俾我贏番少少錢，就打比太太話今晚唔煮飯，出街食，佢提議去尖沙咀，有朋友介紹咗一間西餐廳比佢，話如果有時間可以一試，咁就約咗太太七点半係尖沙咀地铁站等，會合後只要行幾分鐘就到，門口有個大電視，沿樓梯上一樓，别有洞天，地方超大，又有樂隊唱歌，侍應招呼我倆坐下，擺底咗幾個餐牌俾我地選擇菜式，太太要咗個北海道 鮮帶子 煙肉觀光車厘茄 雲耳勝瓜香辣蒜片汁扁意粉，我叫咗一個， 考澳洲M5和牛肉眼扒10安士伴炒西班牙辣肉腸荷蘭豆及薯條，飲品要咗(Summer Punch)，味道幾特別，太太嘅意粉先上，我分享咗少少來食，因為太肚餓，帶子大隻又鲜甜，扁意粉配埋香辣蒜片汁，好食，雲耳同勝瓜都煮得啱啱好，整個配搭都好夾，跟住就係我至愛M5和牛肉眼扒啦，賣相好靚，重有好濃郁嘅炭燒味，肉質美味，切開中間都係紅色嘅，因為我要咗五成熟，唔使沾汁都好好食，我切咗一舊俾太太試，佢都讚好食，最後叫多嗰心太軟甜品，係太太嘅至愛，甜品都好有水準，太太好滿意今晚嘅晚餐，話下次可以再來。