強記美食 (已搬遷) 新店位置

太令人失望！幫襯咗超過廿年。因為搬咗屋，有一、兩年冇嚟食！桃花依舊，人面全非。未食已經打個突，可能頂咗檔。食物品種一樣，但質素大異。糯米飯只油不香，喳喳也一樣，毫無香味，腸粉一般，但甜醬味道怪異，腐竹糖水也是稀稀的。唉，唔會再幫襯了。

吃完拉麵, 總想吃點甜的平衡一下, 就近近地來強記吧. 始終是區內的經典, 午市來到, 人客是不少的. 這天要吃的, 就是熱腐竹薏米糖水. 有兩個份量, 小的$9, 大的$17, 當然要大的.熱腐竹薏米糖水 $17: 8分, 熱辣辣, 也真的要慢慢吃. 腐竹已經煲到溶掉, 只剩下薏米, 火候十足. 飲落口是相當滋潤, 飲完, 胃納是舒暢了不少.強記美食的熱腐竹薏米糖水, 足料, 相當滋潤, 下火一流, 價位亦合理. 只要不介意這裡環境認真麻麻, 實在是區內吃糖水不二之選.

去完會展動漫節9點幾仲未食晚飯，特登行過黎強記試下個神級糯米飯先，舖頭唔算大得六、七張枱，而黎到時得兩張枱有食客，我地兩個人叫左兩碗什錦腊味糯米飯、燒賣、香煎蝦米腸粉及什菜香菇豉油王炒麵。什錦腊味糯米飯($30) - 有臘腸、潤腸、蝦米、冬菇、臘肉、蔥及糯米飯。糯米飯煙煙韌韌，臘腸(佔既比例教多但切得好薄)、潤腸、蝦米、臘肉就無乜特別(因為我覺得腊味好難整得唔難食)，最好食原來係冬菇(一d都唔韌好食)，整個糯米飯份量唔多，唔係好抵食!燒賣、香煎蝦米腸粉($17) - 普通野，蝦米好少而腸粉又唔夠滑，可以無下次。什菜香菇豉油王炒麵($15) - 豉油王炒麵落唔夠豉油炒，所以無味，什菜炒得過火!完全唔掂，難食!

食完tea口痕仲想再食野，就尼左強記搵食，舖位唔算大得三四張細枱，入面都幾熱下，夏天食有啲辛苦糯米飯$30得一細碗，有啲貴，味道尚算ok，糯米幾煙韌，潤腸同臘腸都幾多香煎蝦米腸$15一碟得少少，蝦米唔多，腸粉煎得岩岩好，但味道麻麻，冇咩特別

久聞強記小食之赫赫大名，奈何一直緣慳一面。是日，同事M表示巧有事到小店附近，M素知小妹嘴饞，表示可代為買一碗糯米飯回來。就這樣，小妹有幸與強記馳名糯米飯相遇了。 三十大元一碗糯米飯，真的蠻貴的，打開膠蓋一看，嘩，只得半碗滿，真是貴上加貴了﹗ 已淋上褐色豉油的糯米飯上，有臘腸、潤腸、蝦米、冬菇和蔥花等配料，攪看似頗足料的。到手時，仍熱辣非常，香氣撲鼻，煞是誘人。雖則剛吃飽了飯，但仍忍不住吃了數口熱騰香口的糯米飯。 瘦長而尖身的飯粒油潤光亮，粒粒分明，軟硬度適中，入口蠻有咬口和嚼勁，又不太油膩，且盡吸臘腸等餡料和豉油的精華，十分美味。素來喜歡具咬口嚼勁之物的小妹，越吃越喜歡。臘腸和潤腸份量也不少，質素甚佳，其中小妹摯愛的臘腸數量明顯較多。臘腸肥瘦宜，入口鮮香豐腴，肉汁四濺，教人回味無窮。潤腸味兒一向均不得小妹歡心，只能被打入冷宮了。 蝦米和花份量也不賴，鮮香無比，也甚有咬口，在兩者襯托下，糯米飯味道更上一層樓。奇怪的是，糯米飯中，竟有一隻軟腍的原隻冬菇？﹗ 坦白講，個人認為，冬菇與糯米飯不太匹配也，不知店家用意何在？若可加上炸得香脆可口的花生，深信糯米飯的味道或口感必定大大提升至另一境界也

久聞此處糯米飯非食不可·途經此處決心一試之·吃之後但覺此物一般而已·可能是自己偏好花園街的豉油花生葱粒糯米飯·但我想起有些酒樓的生炒糯飯味美非常·此店糯米飯不差·但食家們講到美味到非吃不可就太誇張了·今次我吃這碗糯米飯·飯煮得淋了不夠軟硬適中粒粒分明又臘味油太多了，只能評為七十分·

入秋時已經想試，好彩冬天離開前食到！街邊小食店，只有數張摺枱摺凳，但人流不斷！糯米飯比想像細碗，比平時的較粒粒分明，因此特別好咬。配料都足既有臘腸、潤腸、冬菇、蝦米同蔥。送上枱冇咩香味，顏色較淡，奇怪食落冇咩味，原來要自己加鼓油撈黎食，即時美味得多！！($30)眼見每張枱都有人叫腸粉食，唔執輸，已經加咗麻醬同鼔油先上枱（如果唔食記得order 時叫走）甜醬同辣椒醬係枱面自己任加！原來係煎腸唔怪得之食落唔滑，不過d醬係好食既！($15)另外馬來喳喳都話係出名既，細碗$10真係同茶樓飲茶d碗大少少,味道一般不過有粒大大舊好粉既芋頭係度，加左好多分！總結夜宵/小食/外賣之選但正餐就真係唔會特登黎食！ 

找遍整個港島區, 最好味的糯米飯我一定會選擇「强記」, 店鋪門外總是有熱騰騰的蒸氣冒起, 遠遠已嗅到陣陣糯米飯香, 真的有股懾人勾魂的香味, 一點都沒有誇張, 在這凍冰冰的日子, 來一碗糯米飯, 豬骨粥, 可以暖暖胃, 又可以解饞, 何等滿足!這裡位於駱克道, 但我會記著天樂里neway過對面馬路就可以找到。這裡主打的都是小食, 腊味糯米飯﹑花生旺菜豬骨粥﹑香菇什菜豉油皇炒麵﹑蝦米腸﹑豬皮﹑蘿蔔﹑燒賣, 糖水方面有喳咋﹑綠豆沙﹑腐竹薏米糖水等由於店面狹小, 人多時需要開摺枱在後巷渠邊 , 其實我也不介意坐位, 只想吃到美味的食物。記得第一次來是麻雀腳帶我來, 吃完就去雀會開戰, 真的多謝她的好介紹, 之後我們就常來了。店子營業時間為星期一至六中午12點開始, 但若果特意來這裡試, 有可能會吃閉門羹, 因為東主會隨意休息。每次我們也是來一碗糯米飯, 糯米飯由之前食的$17漲價至現在賣$30一碗, 熱騰騰的糯米飯, 真的屬超水準之作, 飯粒油亮而乾身, 米飯粒粒分明, 配料亦十分豐富, 大大隻蝦米﹑冬菇﹑腊腸﹑腊肉, 可以再另加腊腸﹑潤腸, $8/條, 每次吃完一碗總覺得份量不夠, 舔舔脷

一個到附近一間樓上西餐廳吃午飯的日子，準時在中午12時餐廳開門的時間來到西餐廳，店中人竟告訴自己因為廚師還在路上未回到餐廳，所以要半小時後才開始營業。雖然是要等，但這天兩夫妻都想試那裡的午餐，所以雖然感到有點無奈，仍然決定等待一會。還有半個小時，做甚麼好呢？在街上遊蕩，有點無聊吧！找個地方歇息，又不知到哪裡最好。忽然靈機一觸 ，想起不遠處正是以豬腸粉、糯米飯等傳統港式小食馳名的「強記美食」，我倆又有肚餓，便不理會快將會吃午餐，先行來到「強記」整番碟熱辣辣的「香煎蝦米腸」和「臘味糯米飯」祭祭五臟廟。「香煎蝦米腸」和「臘味糯米飯」都好吃。「香煎蝦米腸」熱得燙口，配以芝麻、醬油、麻油、甜醬之後，絕對是最簡單、最平民化、最便宜的美食享受，令人再三回味。「臘味糯米飯」夠乾身，而且不太油，臘味雖不是太多，仍算足夠。雖然與「香煎蝦米腸」相比，我還是喜歡「香煎蝦米腸」多些，這兒的「臘味糯米飯」仍是水準之作。吃過「強記」的兩款美食，時候已經差不多了。快快埋單找數，又再去吃第二餐。

豬骨粥 $22什錦腊味糯米飯 $30煎腸粉 $15(好食指數 : 7.5/10)豬骨粥味道唔錯但唔夠稠，同埋無乜豬骨香。煎腸粉就普普通通啦，算薄身，唔會咬落一口粉。糯米飯好香口，唔會過腍亦唔會好硬。有腊腸粒同潤腸粒係入面，食落幾種口感同香味

This stretch of Causeway Bay and Wan Chai is an area I frequent a lot so I have passed by this shop many times, but never felt compelled to try it as I thought it was just one of those street food stalls that sells fish balls. As I was browsing for recommendations to try on OR around this area, I came upon the reviews for this shop and was immediately attracted by reviews for the glutinous rice! I knew that I would have to stop by the next time I was in the area. I came here around 12:30pm one d

本人住新界, 真係唔多機會過港島區食嘢, 不過呢間強記俾朋友推介咗好多次佢個糯米飯, 今次難得過咗嚟銅鑼灣, 好~ 我點都過嚟會會你先得~嚟到見佢有開(因為朋友話佢哋好有形架, 時開時唔開), 我即刻ORDER碗糯米飯食啦, 我女友就叫咗碗豬骨粥(其實我哋兩個都已經食咗飯, 所以真係食唔落其他嘢啦), 講返個糯米飯先, 真係堅好食, 佢係果隻蒸好一底白色糯米飯先, 然後ORDER就加潤腸, 蠟腸, 豉油撈撈佢, 之後加蔥加花生, 嘩~ 痴線架, 好好味呀~ 糯米飯香而不黏口，炒得唔錯，用嘅蠟味都唔係平嘢，潤腸同蠟腸的餡料無酒味，亦都唔係只得肥肉。豬骨粥就煲得幾綿, 味道都可以，另外仲落咗唔少腐竹，所以唔太稠，不過豬骨的量唔多，略欠肉香。

素聞這間其貌不揚的小店雖然店子細細，售賣的食品也不多，就連飲品也欠奉，只有數款甜品供應，但所賣的「糯米飯」、「煎蝦米腸粉」、「豬骨粥」、「喳咋」等價錢經濟，味道不俗，性價比極高，所以一直想試。前次到來，店子竟剛好休息，以致緣慳一面，這天來到，終於成功入內，一試店內的招牌出品。因是盛暑天時，「豬骨粥」、「咋喳」等熱食，還是留待秋涼以後才試好了，所以只是叫來招牌「什錦臘味糯米飯」和「香煎蝦米腸粉」，再加多碟「豬皮溝蘿白」做午餐，兩夫妻一起享用。「什錦臘味糯米飯」確是好，炒得乾身不膩，飯粒硬度適中，臘味雖不是太多，也無花生和蔥，勝在有些原隻迷你香菇作為配料，整體來說已是一碗極有水準的糯米飯。「香煎蝦米腸粉」是水準以上的，但麻醬下得不是太多，經煎過的腸粉雖然較為香口，但可能因為沒有用豬油來撈的關係，吃來不夠滑溜，個人覺得還是深水埗名店「合益泰」的出品更勝一籌，而且價錢也更為便宜，抵食。「豬皮溝蘿白」都不錯，豬皮爽，蘿白腍，浸在以麵豉調味的醬汁中，也入味。看著店中牆上以往有關這店子的介紹，原來這兒的食品價錢相比起以前已經貴了不少，不過整體而言仍是經濟的美食，希望它往後仍能夠價廉物美的優點吧！

是晚一邊吃，一邊欣賞曼聯對傑志的下半場（當然不可能看完，店裡人來人往的，而且多了不少自由行），看著街上熙來攘往的人群，感覺回到兒時。豬骨粥用料十分豐富，每碗大約有3-4塊帶少許肉的豬骨，配料則蠔乾、花生、皮蛋等，味道非常濃郁。可惜的是它沒甚麼米香，味道完全被蓋過，有點本末倒置，而且味道比較鹹。這種粥，試一次就夠了。煎腸粉腸粉做的很滑，完全沒有「鞋口」的感覺，加上煎的略焦，配合勁多的芝麻，非常享受！其實強記的食物和用餐環境，很適合消夜時去。街邊檔，吃完就走，別有一番風味。  

六月九日 (星期日) 倒楣的一日，專程過海，什麼也吃不到不服氣，硬要吃點好來「對沖」才肯回九龍來到已有超過六十年歷史的「強記美食」，吃的是其招牌什錦腊味飯乾身糯味飯粒，甚有咬口豐富的配料包括腊肉粒、臘腸、潤腸等等再加原條臘腸，大滿足！吃此飯，也可見證物價上升之快三年前來吃，每碗是廿元，現在，已經要賣三十元一碗喇!