強記美食 (已搬遷) 新店位置

又是另一局開年飯，喝了不少酒，來這裡吃碗粥也好。要了豬骨粥，粥底仍然綿滑，夠味道，沒有什麼味精，又或是喝了酒味覺遲鈍了也說不定。材料豐富，除了豬骨，也有皮蛋、淡菜、花生等等，絕不欺場。這碗粥15蚊，幾時都食得過。忽然興起想吃個豬皮蘿蔔，但是日豬皮售罄，唯有只吃蘿蔔。有點筋，但很清甜，5蚊5件，經濟抵食。天氣也漸熱了，始終坐在巷邊吃也幾熱的，加上又踏入這裡「不定時休假」的時段，看來吃過這次，也是下季再見了。看著幾位老闆，想起很多年前在新同樂門口吃他們的糯米飯、腸粉及糖水，原來轉眼又廿多年。

雖然天氣已經回暖少少, 行過呢度, 好易被呢度傳過糯米飯味吸引住.$18一碗, 份量都唔算細, 又好足料wo, 蝦米, 潤腸, 冬菇都有好多, 撈起一齊食, 好香, d飯粒粒都好有咬口, 好滿足. 再可以乾身少少就更好d tim.

昨晚慕名而來想一嚐其美味的糯米飯，可是來到已賣晒，冇理由空肚離去，就叫了一蝦米炒腸粉。由於初到貴境，唔知堂食可以坐低再叫，於是便拿著外賣盒到店內坐，誰知某一店員表示以外賣盒堂食要多收$2，我一時不知作何反應，那店員之後說了數遍要收$2，我只是覺得有冇搞錯！那些所謂的蝦米腸粉已同齋腸沒有分別，蝦米得幾粒，蔥更加欠奉，買成$12 一盒我都覺得不太值，用外賣盒堂食還要多收$2？我翻餐牌也看不見這條文，第一次經驗實在不爽！

早幾日買糯米飯及豬骨粥做晚餐，一路保持住高分數。以$18.00碗糯米飯的水準就應是無可挑剔。要投訴的就只有不定時的休息、農曆年後初十二才開工！

踏入冬天, 又係時候來吃碗燸米飯, 暖一暖身. 是日午飯就過來外賣了盒糯米飯, 再加多碟煎腸粉.糯米飯: 8分, 份量十足, 午餐來講, 也足夠飽肚的, 始終吃糯米飯也不宜一次過吃太多的. 功力算不錯了, 飯粒不會黐埋一齊, 雖不大喜歡潤腸, 吃落也覺甘香.煎腸粉: 8分, 相當香口, 點上麻醬更是美味. 稍嫌部份腸粉皮係煎得過了火, 實實的, 咬開係帶點困難.暖了肚, 繼續工作.

上星期五，突然想食糯米飯於是放工後衝落灣仔去強記買左兩碗糯米飯跟孖腸，煎腸粉，蘿蔔魚蛋豬皮番將軍澳食，共$70保持水準，好好食

以前覺得佢d糖水真係好正, 又足料, 但而家愈來愈差,綠豆沙冇陳皮味, 佢寫住有...最唔掂係白果腐竹糖水, 昨晚去食叫碗細o既$7, 佢擰左碗細喳喳黎, 於是幫我换返, 我見真係細成咁就叫碗大, 細到好似酒樓食飯送糖水果d碗仔咁...個伙記仲好串話唔駛禁緊張, 但其實係佢緊張咯, 因為成隻手震晒咁.黎到碗糖水係只有薏米, 好爽o既, 似係剛剛放落去唔夠淰, 而d腐竹唔係煲到溶晒, 我覺得跟本係類似豆漿或者維他奶溝碗糖水出黎, 可能佢只係用個膽或者好耐冇加腐竹, 其實近幾次幫襯已經覺得差左好多, $13碗雖然唔係貴, 但都唔好禁求其呀...

馬師道強記,記得以前樓上大約是Clubstar之前,已經在此吃過夜宵,年前亦跟過大隊來吃甜品.飲酒開波之夜,事前各自找吃,獨步到此來吃個糯米飯,煎腸粉.坐在後巷,對我這輩,不以為言,眼見亦有很多情侶,也是坐在外面"撐檯腳"的.如果說糯米飯是生炒就有點那個,不過材料足,粒粒有咬口,沒有黐埋一舊舊,如果天氣冷一點吃,保証暖在心頭.煎腸粉的腸粉固然不錯,其醬油才是主要所在,濃甜的醬油,搭上外脆內滑的腸粉,絕配也.話須如此,小弟仍對年前在Clubstar的舞池中,與"她"情不自禁地一吻,事後帶一口甜,一同前來吃豬骨粥,吃糖水的的影像,難以忘懷...

(4/10/07)在佢最旺場時,一定乜都有啦,難得此時在附近,點都要買d野返屋企。所以選買凍喳咋,店員說,凍無咁好食,所以要左熱。真係好好食!!佢把大粒既料攪溶融合在「沙」中,咬到既只有一絲絲的椰絲、眉豆、o趙口的麥米,正正正!糯米飯好多料,食完好"確"喉,臘腸,膶腸,蝦米,仲有兩隻冬菇添!出色的是糯米粒粒分明!

(18/8/07)好耐好耐o個時,好朋友介紹黎過,最近在報章上見番,又想食。12:00-02:00,所以我十二點二去到,糯米飯,未有得食,店員說要半個鐘後。唯有只食煎腸o羅...真係好滑、好有鑊氣!諗起都好想再食。$11係賣功夫架!

糯米飯真係好得! 其他麻麻地. 腐竹糖水勁稀, 直程飲到有水味, 其實腐竹好平遮, 佢又賣到禁貴, 唔洗禁做呀! 腸粉好普通, 都係叫番嚟加熱的貨. 魚蛋、豬皮等等都係普通料.不過唔好睇佢係街邊小食, 都幾鬼貴. 糯米飯佢超班, 無得計, 但一杯腐竹糖水好似8、9蚊, 其他都唔平架! 大家都係淨係試糯米飯得啦!

同事有鋪食下午茶癮，平日多數去快餐店或者cafe仔買雞翼、西多士同飛碟等。是日由本人做東，我斗膽一反傳統，走去強記買下午茶。豬皮、魚旦、蘿蔔各十蚊，足足盛滿兩大碗；另加強記孖寶(糯米飯加潤腸及煎腸粉)。$63埋單，挺划算的。豬皮、魚旦、蘿蔔仍是燙口，雖沒有咖喱汁，又同一味道，不過都算唔錯。糯米飯加潤腸是這裡最出名的，幾乾身，也不太黏，裡面還有冬菇、腊腸，是幾入味的；另加錢要了潤腸，又香又肥美。不過，糯米飯再好也及不上煎腸粉。很脆口，配上芝麻、甜醬、辣醬和麻醬，十分有風味。是次我揸主意的下午茶，又獲大家認同。

個糯米飯係好味但係d味精勁重手!食完之後出現偏頭痛+心跳加速+手震震唔會再試

食完king size串燒，飽飽，要行多幾個街口先再擦得。經過呢度，久聞糯米飯嘅大名，決定一試...細細碗，加一條鴛鴦腸，賣成二十七大洋，貴...飯炒得粒粒分明，黏性不高，正對口味；豉油微甜，撈入飯而食，不俗..臘腸太瘦，麻麻；潤腸味道甘香，夠油水，好...確實不俗。但始終覺得太貴...

專登跑來這裡吃個綠豆沙! 沒有海帶的, 只有香草.香草全碗只看到一條. 嗅不出亦嘗不到香草的味道. 不過沒打緊, 有沒有香草的綠豆沙我也喜歡. 料很多, 很多綠豆. 不稀, 有少許起沙. 有薏米, 但只是很少. 甜度也調較得好, 不會有太甜難入口的感覺. 下次不會特地跑去只為了碗綠豆沙. 但經過的話我會再吃一遍.糯米飯則另一回事. 要坐的士來也會來買! 很好吃, 乾身不滯不膩. 幫襯強記的糯米飯已有好幾年. 水準高且穩定. 份量跟價錢就是因為這店的架局而不是很合理, 但因為很好吃, 貴點也沒辦法了.備註: 是次開支只是付了一碗綠豆沙. 那晚沒有吃糯米飯