強記大排檔

营业中

休息中

由於臨近新年 酒樓的特價晚市都已經收起 所以決定到大排檔晚飯 這裡的食物份量真的比其他大排檔多點 味道一流 有風味 真是物有所值當晚一行三人 點了4個小菜和一個例湯(中)蒜茸炒白菜仔：合格 味道不錯 一般菜色難不到師父吧 (如果可以少點油更好)豆腐班腩煲：合格 可以一試 撈飯一流椒鹽九肚魚：份量多又好吃 一流 只售58元 可算是抵食之選椒鹽雙拼(椒鹽豬頸肉+手打墨魚餅)：雙拼75元，雖然係雙拼 但份量算多 值得一讚 豬頸肉份量夠3人吃 味道又不差 墨魚餅是貴價食物 雖只得4塊 但算是物有所值 非常有口感和彈口 值得一試例湯一碗(中)：份量夠3人飲用 28元是(中)份量 算是超值 白飯3碗 啤酒一枝合共313元 吃得飽飽下一次有機會要試試 這兒的拼盤 (大)178元 (細)138定148元拼盤內共有5樣食物：椒鹽豬頸肉、炸大腸、墨魚餅、鴨舌、仲有一樣記不起了><

鬆弛對於一些特色街邊小炒店有一種情意結，石硤尾、深水埗區好幾家我們都吃過，這一次他又帶我去試一家，報紙上也有賣過的，似乎略有名氣。大排檔位於深水埗基隆街，晚上街道人煙疏落，只有這家大排檔仍然燈光通明。本來我以為這種小炒大排檔只會在晚上營業，但鬆弛說強記早上是會供應早餐，而晚上就會轉做小炒。我沒有什麼頭緒到底要點什麼，所以由鬆弛拍板，他就點了這裡最有名的沙薑雞和醬爆生腸。醬爆生腸。我不常吃生腸，就算吃也是吃染了鮮橙色的生腸，小時候還以為生腸本來就是橙色的，而熱炒的生腸還是第一次吃，沒想到超級好吃！生腸切成短短的，看起來有點像雞軟骨，入口非常爽脆，而加入辣椒的醬汁非常惹味，令人吃到停不了口，是非常好的下酒小菜，不過碟底相當油膩，所以不能多吃。雖然我們常常兩人吃半隻雞煲，但這裡半隻沙薑雞的份量相對地大，甚至有我們平常吃一隻雞的份量，看著還擔心會吃不完。雞肉肉質算嫰滑，當然雞胸的部份仍然很嚡口，雖然這不是新鮮雞，但不至於淡而無味，不過我覺得雞本身的沙薑味或者是鹹味不太夠，完全要靠沙薑粉醬伴吃。市區不斷在重建，這些風味街頭小炒店不知道還能生存多久，想回味一下就要快點來試試呢。

在香港賣少見少的大排檔，這種風味越來越少可以試到了，而在九龍這一邊更加少之又少，聽聞政府有機會唔會再和九龍這一邊的大排檔續牌照，心中知道了有少少唔開心，希望政府能保持住這一些集體回憶，因為這些東西除了是我們香港人的地道文化，也是外國人喜歡的本土文化，政府真係要三思呀!!!!!今天要介紹的不是耀東街這一邊的大排檔，而是在南昌街和基隆街這一檔的強記，強記這一檔和其他的大排檔有少少不同，其他的大排檔很多時都是只做一種類的食物，例如食粉麵的很少會做小菜，但強記就不同了，他們會上午和中午做港式早餐，食煎蛋和火腿這一些，但到了晚上就轉做了廣東小菜，真是有香港人多變和適應力強的性格，但我就未試過他們的早餐，所以只是介紹他們的晚飯小菜。強記大排檔的位置是近基隆街219號外面，而在晚上當附近的布行關了門之後，他們會將枱開在大約在基隆街209號-215號外面，又是大排檔善用地方的証據，裝飾外面都是一般大排檔的格局，基隆街219號外面是一間用鐵皮屋搭成的廚房，枱就沿著已經關了門的布行排著，這是純正的大排檔風味，衛生程度…..不要講大家都知道，而當廚房要炒一些鑊氣大的食物時，更加令成條基隆街煙霧迷漫的，總知…

同老公去深水埗處理完些事情, 可順路到基隆街的強記大排檔吃飯, 其實最初都係聽朋友介紹, 話這裏的餸菜好夠鑊氣, 味道又唔錯; 早前試過一次非常滿意而唔夠喉, 由於上次差不多食到尾才留意到每枱也有一碟雞, 今次再來一定唔可以錯過這裏的招牌沙薑雞, 第一時間落單點了沙薑雞(半), 由於時間尚早只係六點幾, 我們又不太肚餓, 所以我們再叫多一個薑蔥魚雲煲; 看見伙記拿着一碟己切好件的雞, 在路旁銀色的大桶內循環把汁淋於雞件上。現在香港也極小這樣傳統的大排檔, 充心希望香港政府可以為香港市民做小小嘢, 繼續保留呢些咁有特式的香港風味。 沙薑雞 : 上枱影了相便立即品嚐, 嘩! 果然好味、勁嫩滑、超正。薑蔥魚雲煲 : 亦非常有水準, 熱辣辣、煲料又好味。

隨著社區變遷, 己經很久無去幫襯過大排檔, 今趟趁天氣轉涼返些少, 就去食選了個在燈泡下又遠離檔口的位置, 未食野, 個種FEELING就返晒來, 哈哈熱食好"林" , 吾使點醬己經好夠味, 放涼了食, 皮變得好"Q", 兩種食法都好味道. (鷄骨好脆, 曾聽過人地講, 鷄骨脆就代表好)必食推介, 醬瀑鵝腸, 看外表完全吾似一般鵝腸的樣, 口感好脆, 好似食緊鷄軟骨, 個醬夠野味, 但多油, 用來送飯及啤酒就最好不過醬瀑豬頸肉, 没有特別另外仲叫了鼓油皇抄面, 因為太餓, 一上枱就搶住食, 忘了影相, 面抄得好有鑊氣, 好亁身埋單時見佢剛COOK好碟菜遠肉片面, 看賣相好吸引, 下次要去試下先

已經賣少見少的大排檔, 未必人人接受, 因為在路邊開餐, 衛生環境差, ... 不過味道卻是很多茶餐廳比不上的!! (這間大排檔沿著晚上已關門的店舖旁開枱, 足有半條街, 人多時, 轉角的街口也霸佔呢~ 如果揸車來就可以免費泊在街邊, 一邊吃一邊看車..哈哈!!另外隔一條後巷他們好像有個小小的店舖, 有冷氣嘆, 位子不多就是了...)食物方面, 每枱必叫的沙薑雞, 很有雞味, 不用沾沙薑汁都很香很夠味, 漿爆豉椒生腸, 不是到處有得吃, 夠惹味! 豆豉鯪魚油墨菜, 菜嫩口, 不錯!豉椒炒蜆, 沒有沙, ok 的! 豉油王炒麵, 夠鑊氣! 好吃, 不過畸嫌油了點.. 還有見到鄰枱點了清蒸筍殼魚, 好像不錯, 還有咕嚕肉, 煲仔菜都很多人點, 可以一試~過1,2 個月會有外國朋友來香港, 定必帶他們來試一試香港的特式!

幾年前我同幾個朋友去深水埗強記大排檔食飯, 每樣食物好食之餘又夠獲氣~ 當日食完後十分滿足地離開, 個人對於那個招牌漿爆生腸記憶猶新!!!!相隔4年, 打算跟相同的朋友再去, 不過唔好彩地搞錯左~去左第二間強記, 仲要食到一半先發現!!!!唔緊要, 大家發現之後即刻埋單走人再去返基隆街強記喇~ 二話不說, 叫左漿爆生腸 (真係好好食, 生腸爽口又夠火喉!!!!呢d先係大排檔味道黎架嘛 食唔停連豉椒都掃清埋); 沙薑雞 (肉質嫩滑!!!唔油膩, 沙薑汁味道啱啱好) ;蒜蓉炒油蜜菜 (我無食, 不過朋友話太油)其實因為去錯地方已經食飽左再黎食漿爆生腸, 真係叫得三樣野咋………不過都好開心食返幾年前個feel, 野食都一樣keep得住!!!!!!! 應該好快又再去~~~~~~

強記參不多是我一日三餐的指定飯堂 ! 先講早餐, 以18~19元的一個餐, 有麵+包+飲料, 真的非常抵食, 而且好食, 我最喜愛他們的雪菜, 常常到了午市, 就已經買完.....午餐, 以20元有丁麵+2餸+熱飲, 問你甚可抵抗.... 炸雞翼, 炸豬扒, 非常正 ! 沙嗲牛配米, 是絕配 ! 最難抵抗的, 就如其他食評一樣, 就是他們的茶, 非常正! 就算加冰也夠茶味, 如果想再濃一點, 可以叫阿姐少奶少冰, 又濃又夠凍 ~ 茶餐, 最貴都是$15, 最愛炸薯條配炸雞翼+熱飲 晚餐, 炒野好好味, 相信其他食評都有講, 本人極力推介是他們的白粥, 非常有口感 ! 是潮州粥, 配肉餅是我既至愛....又抵又飽 如果不是太熱, 坐外面或排檔那邊會比較舒服, 因為室內太嘈 ~

究竟這鐵皮檔算不算是茶記呢？這個問題我都不懂得答，但我可以肯定的是，此處的熱奶茶很得！早上沒有吃過任何東西，時間是很緊迫的，但也在附近找些鐵皮檔風味，畢竟這類形的店子，都是在這區最多的了，在一堆垃圾桶後的一間鐵皮檔，看起來其衛生及環境也不太行，但都給它一個機會，時間是很緊，不想吃它二十元一個的麵餐，散叫要了個鮮油多及一杯熱奶茶好了。先來的是鮮油多，其麵包是薄薄的，麵包薄薄的被輕微烘過後，其多士當然也是薄薄的，但一口咬下卜的一聲，真的很脆，加上帶點微焦的麵包香，配合內心夾住厚厚的鮮牛油，吃得我滿口油香，一份簡單的油多，帶來第一個大滿足。接下來的是熱奶茶了，用上了玻璃杯盛着的熱奶茶，茶身是出奇的夠熱，不知沖茶的師傅有沒有預熱淡奶了，但夠熱的茶，令我很容易的嗅到濃濃的茶香及奶香，是兩者也能嗅得到的茶，真的叫人喜出望外，喝下一口，果然茶味超夠，絕對可以跟新華茶餐廳爭一日之長短，加上奶香都夠，又夠滑，茶身這麼厚也不感粗嚡，此杯奶茶在濃香滑三方面也做得不錯，但在奶茶王大賽中連二十大也入不了，究竟奶茶王大賽的委員會有沒有來這些鐵皮牌檔試茶呢？ 十四元的大滿足，想不到我給它一個機會，它也給我一個機會，

逛完街，我們便選定深水埗的強記大排檔吃下午茶.我們點了炸雞中翼配西多士’蛋牛治’涷奶茶和涷鴛鴦，吃後覺得味道如下： 炸雞中翼配西多士：雞翼幾香，西多士有點花生醬夾心，味道ok。蛋牛治：雖然牛肉有點味，但因為是肉片，故不及新香園的碎牛味道那麼濃郁和juicy，而且蛋唔夠香滑，所以味道普通。涷奶茶：有點茶味，但唔夠香。涷鴛鴦：只有濃烈的咖啡味，飲唔到奶茶的味道，所以麻麻地。 雖然食物水準未是最好，但是價錢就真的抵食，將來路經此處，都會再試！

昨晚去深水埗人山人海，嚇壞我，周圍食店都爆滿，行遠些見有大排檔，就去吃吃，我同朋友們都覺得去大排檔要邊飲酒邊進行氣體交換先有風味，所以坐了街上。點了蠔餅…都幾大塊，味道幾好，但內裡有些蠔殼碎，要吃得小心些。JJ煲…都有八大舊雞，蔥舖滿，肉夠，但無咩汁，難撈飯。炸大腸…好多年無吃過，都忘了是什麼味道，好多條，外硬內軟，好煙un，咬到牙軟。吃了180元，抱住肚走。

去完附近配鈕，回程經過強記，心血來潮買了盒沙姜雞腳外賣 ($32)。有十二隻，隻隻肥肥飽滿的。d 肉好爽口，又有咬口，用黎當就小食一流。好入味，唔洗點任何醬汁都已經好夠咸香味。但唔知點解盒沙姜醬係完全無味，唔記得落鹽？anyways, 雞腳已經夠味， 所以盒醬好唔好味都無影響了！個叔叔好好人，好好笑容...雖然佢唔笑時個樣好兇，但佢其實好好人。

前日又專登嚟咗呢間大排檔食晚飯，因為佢鑊氣夠！佢嘅位置其實唔係好旺，行過好易錯過，好彩佢都叫有個燈箱唔係太難搵。一嚟到都已經好爆好多人，差唔多由街頭坐到街尾，不過都係即刻有枱，因為佢啲枱係無限加嘅！ 坐低就叫咗： 豉油皇炒麪：呢個差唔多係我哋次次都叫嘅主食，我哋一路睇住阿叔炒麪，已經聞到香味！ 夠鑊氣之餘，賣相又得，仲炒得好乾身，唔會有好多油留番喺個碟底，麪質煙靱，真係好惹味！ 醬爆生腸：今次好似油多咗啲，感覺上差咗少少，但仍然係好好味，生腸冇內臟味，爽脆彈牙，味道濃郁，唔係次次叫都有，要睇吓賣晒未，試過幾次冇得食，今日好彩仲有！ 沙薑雞半隻：睇住阿姐幫我哋先用湯淋熱隻雞，大大話話攞住隻碟淋咗成個字，再用電飯煲入面啲汁又淋多成十次先上枱。雖然得半隻，但係都好大碟，雞肉好嫩滑，唔肥連皮都可以食，點埋沙薑就完美嘞！ 汽水兩罐食食吓見到阿叔整雞好有功架，一下一下淋湯好有節奏，連續整咗幾隻都好似好輕易，成晚唔知佢會整咗幾多隻呢？

由於學業繁忙 好耐都冇寫食評~.~今日o係朋友介紹下去左強記 2人叫左椒鹽鮮魷,蒜蓉油麥菜and醬爆生腸椒鹽鮮魷~大碟,粉唔厚,魷魚爽蒜蓉油麥菜~唔係好多地方有油麥菜食,難度唔高,炒得唔差但多左d油醬爆生腸~正野!!!生腸十分爽口,餸啤酒一流,唔LIKE生腸D味仲可以選擇鵝腸全部份量都很大 2人埋單$140~味道都唔差 會再返食

素來本人食飯, 是重質多於量的。 但今天吃了一個十分抵食夾大件的早餐, 不得不即刻跟大家分享一下。繁忙的週末過後, 不得少了那提神茶。 本只想吃一個鮮牛蛋治, 可是見到那多釆多姿的早餐只不過廿蚊唔使, 貪心的本人不得不轉呔罷!大排檔的廚房, 令所以制作過程都一覽無遺。 一句講曬, 細心企理。 至於點細心法, 本人詞窮, 不能詳述, 見諒。普通的牛油餐包為腿治, 主食是餐肉蛋腸仔通, 前者雖只有一件, 足以令平平無奇的餐包加多少少點綴; 主食的菜是太多太多! 餐肉有兩片, 腸仔也輕輕炸過, 煎蛋係有蛋汁的, 重點係: 有幾棵生菜! 當堂令肉騰騰的早餐加點綠, 醒神也! 味道也不錯的!至於是日的大力茶凍鴦也不過不失, 也幾夠大力。一路吃, 我一路想: 原來我平時食早餐起碼俾多5蚊來涼冷氣的! 埋單也是自動波, 果真很街坊!吃完這早餐, 是飽到唔使食飯, 到晚餐時段都唔多有食慾的。 抵食夾大件萬歲!