影片
四围揾食！总有意想不到嘅惊喜！呢间路口档外观一般，一幢村屋地下做餐厅，前面空地放有折枱折櫈！好简单！但做嘢去到都无得拣！坐在外面露天帐篷位置，方便睇车！（幸好天气而家秋凉，都唔热）餐厅食物都系港式茶餐厅食物，不过只有散叫，无早餐叫！叫个「云吞红肠面」加热柠茶（$32）价钱唔平，等一阵热柠茶上先，玻璃杯，茶底香浓唔涩，够热，茶餐厅水准，食物之后上，一个胶碗装住，红肠好大块，煎得香脆！味道咸香，云吞细细粒，一啖一粒，皮薄够味，里面有猪肉同虾仁，虾肉爽口，猪肉有肉汁，好味，面系出前一丁（因为见到店外放了好多出前一丁包装袋，我系无加钱叫的）不过煮得淋咗啲（个人口味）如果可以硬少许就好喇！汤当然系出前一丁麻油味，可以浓番少许！店员有礼，不过好似唔熟，落单要讲多次，不过有覆单，笑容搭够，亦会出来帮我们埋单，唔使个客人行入去，地点在公共厕所旁，变了餐厅厕所，而家公厕水准好，虽然无职员长驻，都好干净！环境就一般，始终比公厕同垃圾站好近！
继续阅读