張仔美食館 (已搬遷)

虽然已经是很久以前, 但到现在依然历历在目, 那五百蚊的花蟹糯米饭, 三百蚊一碟的花甲, 三百蚊一盘的黄金虾, 两旧水的炒圣子, 百五蚊的枝竹火腩炆班头腩...这可以怪边个呢? 其实系有问的, 不过答的价钱同实际价钱出入颇大, 不是没有问的, 是没有明码实价. 这可以怪谁呢?但味道真的不错, 花蟹糯米饭的蟹比较细, 很甜美但绝对不值这个价钱. 花甲, 大只肥美香口, 不错. 黄金虾, 很香脆, 不错.炒圣子, 味道浓郁鲜味重, 不错. 枝竹火腩炆班头腩, 肉软汁入味, 不错. 味菜鹅肠, 鹅肠很入味, 爽脆可口, 不错.…查看更多

同一班同事一行十人去左西环呢间张仔记食饭！ 店舖环境唔系装修得好靓，不过食物质素几好㖞！ 食左9样野！特别要赞下个汤，好饮，同事们每人差不多饮左2碗！另外d食物唔太记得个名，不过椒盐九肚鱼白饭鱼几特别，送啤酒一流呢！但唔记得影相~其次个咸菜粉丝花蛤，值得推介！仲有蟹好鲜甜！咸鱼虾饼几香口！…查看更多

嬲怒指数: 爆出街食饭预咗贵，不过真系无谂过贵到离晒谱啰！！同友人一行四人突登架车去西环食饭。本来谂住喺小甜谷附近揾食，点知无咩食肆拣又full晒，大肚lum dump的我费事等，结果乱打乱撞行咗去厚和街呢间＂张仔美食馆＂。最初都唔知咩来头只见有位唔使等就入去，咁啱门口见到小仪张相就估到系之前上过电视既其中一间食肆。入到去有个比较后生既男人介绍我地招牌菜＂笼仔荷叶糯米蒸花蟹＂，我地咩都问就叫好，个男人只系同我地讲要等４－５个治。跟住我地叫咗花甲王，橙香斑块拼咕噜肉，瑶柱虾干节瓜粉丝煲，同埋佢推介既蒜香鸡。第一道菜嚟咗个豉椒花甲王。见到好surprise，真系好大只！虽然我无份食，见到咁肥美都知道正。三位人兄劲快清碟。餐牌系无价钱既，大家完全无问过价钱。第二道菜嚟咗个橙香斑块拼咕噜肉。味道Ok，但唔觉橙香，咪又系普通咕噜肉既酸甜汁。咕噜肉都算脆。第三道菜系瑶柱虾干节瓜粉丝煲。味道Ok，无咩特别。跟住嚟咗只风沙鸡，起初见到只鸡干睁睁咁，不过入口好滑，Ok。到大家最＂期待＂既蟹。一嚟到。。。只蟹劲细只，有两只去cover佢劲大个既蒸笼。个蟹盖size只系手板咁细只。我地自己讲紧做咩唔用一只大d既蟹呀。。。大家都算就食啦！朋友都话d肉唔滑，老，无蟹味。自问算海鲜怪既我地，已经估到系只蟹唔太新鲜（即系。。。又比人呃啦）。跟住呀哥哥仔行咗嚟问下我地d食物点，我地话只蟹唔得，同埋细只。。。你真系估佢唔到，佢竟然话唔关d蟹事，佢话有客都讲过，佢问过蟹供应商，话近排d水唔系好得影响咗d蟹。我地无人答佢，心谂佢真系当我地唔识咁。佢跟住指住只劲大既蟹，话今次我地第一次嚟食所以无推介我地。到埋单喇，大家觉得呢餐饭应该几多钱埋单呢？？真系估佢唔到。我地一直无问海鲜价钱，但见佢up up dup dup，都唔会收得太贵啦～估花甲王顶尽百零二百，蟹咪三百到。。。点知张单一到，我地一睇O晒咀，过千蚊！！再睇睇。。。𠮶两只＂细＂蟹竟然收咗＄５９８，系，无睇错＄５９８！！跟住到个花甲王，＄２９８！！简直离晒谱，明抢！！！！！！花甲王我地都算啦，大只好味。𠮶两只蟹真系不知所谓，佢仲真系够担收我地呢个价！！佢𠮶两只又唔系咩富贵蟹，食大闸蟹都唔使咁贵啦！！！海鲜价唔紧要，但真系唔好咁离谱啰！！上过电视大晒咩～～～！！我地固之然唔会再去帮衬。请呢间食馆有良心做生意啦！！！！！！…查看更多

心目中想光顾的食店清单，有如水蛇春一样长，很多也不算什么高级食店，好像在西环厚和街上的张仔美食馆，是我心目中其中之一间心水，藉著友人为小弟庆祝生日，便提议来到这里。因为她住在爹核士街附近，对她一家来说是非常方便。听说此店的人气很盛，年前的食评也提及过，这是爆场店。这一夜一行五人来到，没有太多食客在内，似乎人气已不及从前。张仔最有名的菜式，莫过于笼仔荷叶糯米蒸花蟹了，我们四大一细，绝对应付得来，另外再点其他菜式为副。例汤为青红萝卜煲猪铮汤，煲得火路够，味道鲜甜，几个人分一窝，份量颇多。以油盐水浸花甲就吃得多，以胡椒咸菜来浸花甲，也是第一次尝试，此味胡椒咸菜粉丝高汤浸花甲王，汤底还要比油盐水般辛辣，更为刺激。用上的花甲肥大肉厚，肉质爽而鲜甜，完全没有沙，处理得非常之好。另一味海鲜豉椒炒圣子，并不是圣子皇，不过一样肉厚爽甜，豉椒惹味。如果是圣子皇的话，我会选择蒜茸粉丝蒸，好像这个圣子，用豉椒炒也不错。也要香口一点的菜式作点缀，便来一碟椒盐鲜鱿，金黄外层的炸浆不厚，香脆松化，鱿鱼香甜弹牙，另外在鱿鱼面上耍上炸蒜，更加惹味可口，很可惜这晚不大方便喝酒呢。主角笼仔荷叶糯米蒸花蟹，卖相挺有霸气，以炒过的糯米饭，酿入在蟹盖内焗之，基本上吃这一道糯米蟹，等同两道菜了，可谓一石二鸟。花蟹肉质鲜甜纤细幼嫩，蟹盖上的蟹膏，渗进入糯米饭在内，本来炒得很不错的糯米饭，在味道上添上一份蟹膏的鲜甜味。吃得这么重，没有可能不叫一碟菜吧，来个者者通菜煲，错不了。虽然环境比较街坊一点，但价钱不算十分便宜，与海边的西环码头消费相若。转眼间下个月便到妳们的生晨，又要想想与妳们在那里庆祝了。谢谢。…查看更多

今日同屋企人食端午节饭大家决定又系张仔见。虽然只系嚟过几次但系每次都食得好开心, 或者因为老板识推介而且用料够新鲜。每次必食有：上汤浸鲜鸡 - 真系食鸡有鸡味, 新鲜鸡系唔同d椒盐狗肚鱼 - 香口得嚟唔会得个脆字炒时菜 - 有镬气，唔会因为想快d起菜就渌完先炒笼仔糯米饭焗红蟹 - 糯米饭一d都唔油，只蟹又鲜甜多肉豉椒炒圣子 - 好惹味呀差d唔记得仲有是日靓汤 - 足料 yummy!:)而今日老板嘅推介系凉瓜炒班片 - 正…查看更多