影片
食家推介
虽然厨房出品还可以，水吧真心唔得，叫冻奶茶同冻柠茶好似水一样。我唔期望好高质，但系一杯正常嘅奶茶都做唔到，有点儿可惜。虽然见到佢哋成日派饭比老人家，但系如果要持续做落去，请改善质素
继续阅读
今日嚟咗廿七窝食午餐，记得以前呢个位系渔小馆黎既。呢间廿七窝个餐牌同以前渔小馆好类似，系多咗啲特价嘅午餐。今日叫咗个特价午餐，系霸王鸡饭餐，系$48，那热饮仲要同价，价钱几抵。霸王鸡嘅份量都算几多，好似多过普通例牌嘅份量，佢加咗啲葱辣椒同埋豉油，都几送到饭，系啲鸡略嫌少少鞋，我谂系鸡胸肉多，如果有啲鸡上髀会好食啲。叫咗杯冻柠茶少甜，茶味都几浓，唔会太涩，柠檬都有四块，几好饮。总括嚟讲，$48一餐，性价比好高。
继续阅读
想来次港式火锅在附近找到了廿七窝汤底可选鸡煲或羊腩我们选了简单的芫茜皮蛋（$58）港式火锅最想吃到的是手切牛肉（$228）二人点了一碟小的精选牛肉质嫩也有牛肉味菜的选择不少，点了时令豆苗（$58）份量意外的多，可能有1斤多吧，满足最开心是有炸芋头（$28）拍相片时已吃了一点因为预先炸了，心还是热的随便浸一浸便可以吃还有其他蔬菜🥬，大多挺大份如果人多可以试多点食材丸方面试了牛根丸不错芝士牛丸则不太特别（双并$88）点了即炸响铃但漏了单不过因为太饱没有追😶整体算是抵食（另收酱料费$15/位及加一）但两人可以试的太少有点可惜如果人多可以试试另外见到人小菜吃豉汁白鳝好似好好味下次也来试试小菜
继续阅读
趁住冻冻地同班friend去打边炉，见呢间新开，一于试吓佢，赞即刻要写食评，打边炉之前一定会叫小食，炸大肠，黄金鱼皮好惹味，跟住老板好介绍既腌蒜头🧄味道好好，质地爽脆第度揾唔到，老板话食完佢就唔会有肚痛，其实蒜头功效真系好多。牛肉叫左"腩包"，即系牛腩包住既部位，肉味浓有咬口唔会鞋而且份量足。鲜鸡子好大粒，鹅肠靓，呢啲嘢唔系度度都揾到咁靓！自家制菜饺丰满新鲜，已经挂住食冇再影相，总之样样都好味，绝对食得出对食物制作既诚意！一定会再嚟帮衬，已经谂住下次要试鸡煲/羊腩煲同酸菜鱼...真系要揾多几个人先可以试得哂
继续阅读
我食神自问食好嘢食到大，估唔到今次终于遇到一间隐世超水准餐厅！ 一入到餐厅见到张张枱都坐满人，心谂未够八点就已经咁好生意，睇嚟都未必有得食，好在职员面来笑容帮手揾位同招呼客人，今时今日咁嘅服务态度简直一流。 嚟到呢度自然要食撚手菜喇，问吓其中一个鬼鬼地成个碧咸咁靓仔嘅老板有咩好介绍，佢就因应返我地嘅口味同要求去介绍，老板咁体贴，我地自然就交俾佢发板。 先嚟香口嘅伴酒小食（黄金炸鱼皮，炸鸡粒同炸鱿鱼圈），一食落口就觉得香脆可口，再饮啖啤酒随即提高食欲。 再嚟豉油皇中虾，每一只虾都非常入味，外脆内爽，好食到连虾头都食埋。至于豉汁蒸鳝，色、香、味俱全，鱼肉又鲜又爽口。 而霸皇鸡一上枱就已经觉得好有气派，一入口更加惊为天人！鸡居然有鸡味，仲要同时食到鲜味，本食神已经有好多年未食过又入味又带鲜嘅鸡，值得表扬。 最后嘅炸猪手亦无得弹，皮脆而肉嫩，摆盘一流加上用一朵花去衬托。既系美食又同时系艺术品。 一餐饭居然有味觉同视觉嘅一流感受，真系不枉此行！
继续阅读