廳2 (已結業)

今日一個人在荔枝角見完客，已到午飯時間，就在人頭湧湧的此區揾食。荔枝角的午飯時間真的超 多 人！！不熟此區的我，見到這間餐廳的裝修不錯，又多位，就一枝公入了去，這裡的格局像一間靚靚的茶餐廳，店員熱情招待，出菜很快。我點了個招牌海南雞飯，HK$86再要加一，說實在，在這區這個價錢比我想像中貴。好彩的是，味道不錯，雞油飯不油膩，去骨的雞也很滑，平常的海南雞飯通常都會因為已送湯而不包飲品，但這裡的雞飯餐是連飲品的，較為特別的是: 這裡的午餐供應時間是至到下午3:00的，應該是方便這區彈性上班的朋友。

已有一排無食過廳2嘅早餐，難得仲有半個鐘，足夠時間嘆個豐富早餐，以往多數食魚柳早餐，發現餐牌多了個迷你常餐，黑松露炒蛋跟用刀叉食士多啤梨一樣反應，感覺高格調。有一點點沙律菜及蕃茄扒不是重點，這裡的牛角包不錯但錯在邪惡，幾片不太重味嘅火腿，重頭戲黑松露炒蛋上枱已陣陣香氣，賣相亦清楚可見點點松露絕不馬虎，味道偏淡可加點鹽調味，內裡還是滑溜蛋，偶爾食個貴價早餐確實好醒神。

忙到過左lunch time都唔知，唯有搵地方食下午茶，但荔枝角想搵個環境清靜又坐得舒服的地方其實好難。見近地鐵站方便陣間出去見客就試吓呢到，意外地唔錯喎！牛角包熱熱地同煎蛋一齊食，已經慰藉咗我呢啲打工仔的低級願望。如果怕唔飽可以叫牛扒豬扒嗰啲，但我扮減磅所以叫左拼雞翼，好彩啲雞翼同薯條唔會好油，脆脆地都幾好味。份量叫做岩岩好，如果太飽瞓著咗就唔好啦。下次放工都可以搵埋同事試飲兩杯嘅，如果可以放工的話。

從前的荔枝角，是一個不折不扣的工廠。近年，荔枝角是變了天，工廈活化成商用寫字樓、文化𣾀集的個性商場，以及高格調的餐館和優雅的私房菜，讓人不禁驚嘆這個日趨年輕化又時尚的社區！廳2是其中一間新進駐的餐廳，與「富豪飯堂」唐人館同屬麗新集團。店內走水泥工業風，配合荔枝角工廠林立的背景，加上玩味的黃色，黃澤的老夫子漫畫真跡、既富懷舊風格，而又不失時尚。空間感充裕，食客能舒適地在這裏用餐。廳的餐單提供多國菜，主要是中式、西式和日式為主。輕食如頭盤小吃、沙律和三文治，精緻的中式小菜、西方麵食和日式定食都，可在這裏找到，包羅萬有。梳乎厘要到朋友家探望新生嬰兒，便到D2 Place 附近的嬰兒用品店選購禮物。看到大黃的招牌，便隨意走進廳2，嚐嚐這𥚃的午餐。午餐價錢為HKD 88 至 HKD 102。紐西蘭肉眼扒 (HKD 102)可選黑椒汁或蒜蓉汁，白飯、扁意粉或薯菜。梳乎厘點了黑椒汁及薯菜。肉眼扒較薄，不像中高檔食肆所採用的質素。店員沒有問熟度的喜好，結果來了一份七成的牛扒，肉質尚算軟腍，但黑椒汁完全蓋過肉味。薯菜是粗薯條，上碟時已放涼了。牛肝菌汁雞柳野菌扁意粉 （HKD 88) 意粉軟硬度適中，牛肝

這是一間算是新開的西餐廳, 最早的食評係15年7月, 而有人話這是毛岳少的什麼廳的年輕版, 但睇餐牌其實都係茶餐廳式加上一點時興café的款式料子, 而枱頭放樽免費水自酙自飲就收埋加一, 服務員都係年輕人, 服務態度當然係非常自我同時亦代表公司可提供的專業訓練很有限, 好多時客人一入內幾個眼神交流就已經知道服務員用怎樣的心態返工, 因為人好容易在比較上唔忙的環境下鬆懈下來, 所以即使客人唔使識得”讀心術”入門口幾分鐘後大概估到跟住落嚟係享受定係接招! 講返個下午茶先, 價錢由$38 -$57不等, 我揀咗最平嘅炸魚粗薯條, 薯條係原個切粗條炸嘅而非買返來的pre-cooked貨, 有人喜歡咁覺得真材實料但自己則喜好pre-cooked貨因為已經有些調味料/粉在面頭, 同時來路薯仔同大陸薯仔澱粉比例唔一樣, 口感同味道都唔一樣, 現在是明顯外面一層炸成一層簿皮, 而皮的外層沒有上過任何粉類所以好光滑咬下去沒什麼口感?只感覺一層簿皮, 光滑的簿皮面睇到幾油下, 這就係點解一般炸粗薯條撲粉上面嘅原因之一,稍為油溫唔夠就好容易見油光滿面嘅粗薯條! 而簿皮底下則是暖暖的軟糯的薯仔肉有點似蒸熟了的

今日到荔枝角開會，晌唔熟的地方食午餐，見呢間幾四正，又無乜人，就同同事入左去食喇。坐低望下餐牌，原來都唔平喎，唔怪之得無乜人食啦同事A叫左呢個叉燒煎蛋飯，佢話味道ok, 叉燒望落唔肥但食落都幾淋，不過要$86就唔值了同事B叫左海南雞飯，望落都幾多份量。黃油飯幾靚仔，同事話都好食，其他餐廳食海南雞飯閒閒地都6-70蚊，呢度$86係貴少少但唔算好過份我就叫左豚肉生薑燒，都幾juicy架，大大塊又厚身，我幾鍾意總括呢度唔駛等位，服務ok, 味道ok, 不過價錢唔抵食，晌荔枝角唔expect d野係咁貴的

店長態度非常差，我們六点前到叫了下午茶餐，之後7点左右他們又要我們叫晚餐，但餐廳又冇標明一定要叫晚餐才可繼續坐，餐廳又有很多坐位 available，又冇人等位, 我們没有阻礙他們做生意，但店長卻直接趕我們埋單。香港今時今日這種服務態度，怎能接纳，令人失望。

第一次寫食評，平時太好or太差都好少講，但今次真係唔講唔得呀今日心血來潮想食個茶仔，經過呢個，見舖面唔錯就入黎，但真係超失望呀侍應態度差，冇效率，某部分仲見到你叫佢當睇唔到，唔止係我呢檯，檯都係咁，仲要落錯單，出錯野我叫嘅係下午茶安格斯漢堡包，黎到簡直想拍檯走人，仲細過我部iPhone 6, 細得可憐，咁樣就$50加一埋單，超失望本身想試佢d甜品，但已經失望到咩都唔想叫，走人好過，感覺好似冇食過野咁，好好失望

在這繁華的長沙灣，跟客人食午餐，要選一間不失禮，不太多人，也易有位的餐廳，出品也不能太差。其實是第一次來，但好像比較好便走進去。當時是中午12點，餐廳仍有很多位置。我選了一個角落，斷亂找了一個盤給我們房袋。看着餐牌有中式有西式的，選了這個海南雞飯。我跟店員說了不要雞翼，雖然後來發現雞翼只是放在最底收藏起來，但我對這碟雞真的蠻滿意的。首先是油飯，味道不會有太多味精嘅感覺。依家最緊要夠滑，雖然知道不會是新鮮雞，但起來仍是有雞味的。

廳2係一間食多國Fusion菜既餐廳, 中日西韓式既元素都輕易係餐牌上見到. 今日黎既原因係細妹話呢度既Carbonara 好味, 所以我專登行過黎試.Carbonara 混合左西式同日式既元素, Carbonara 上面用既並唔係生雞蛋, 而係日式温泉蛋。整體味道一般, 首先個Sauce 太過濕, 加上煙肉唔多, 比較淡味; 温泉蛋始終唔夠生雞蛋夾, 發揮唔到提升口感既作用. 有D 夾硬配合餐廳大方向 - Fusion 菜而加既感覺. 不過價錢相宜, 都幾好坐.

去完D2 place , 經過呢間貌似高級茶餐廳，估唔到星期日下晝呢區都有咁多客人，見餐牌啲價錢唔貴，咁就同老公入去試下。簡單叫咗兩個tea set1）煎雞扒腸仔公仔麵 - 雞扒煎得好靚，肉質唔鞋，口感幾好，用料唔似一般茶餐廳2）焦糖燉蛋配雪糕 - 一上菜好驚喜，賣相100分，唔講仲以為自己去咗酒店食afternoon tea, 而且好好味整體嚟講食物賣相同埋質素喜出望外，又睇得又好味，環境同埋食物似高級餐廳＄100，但其實每個set都係普通茶餐廳價錢，已book mark 會再去，地點又方便，好近地鐵站

廳2嘅早餐$36連凍飲，而且一碟有6種種類食物，有格調嘅環境，坐得既舒服又闊落，真係好抵。吉列魚柳、太陽蛋、一大個牛角包、茄汁豆、沙律菜同薯餅仔，吉列魚柳新鮮熱辣炸起，會辣到脷「鞋」嘅熱力，薯餅仔細細舊唔會頂肚，漲卟卟牛角包外皮少少脆，有沙律菜同茄汁豆伴碟，中和吉列魚柳同牛角包嘅罪惡感

星期六晚，去哩間餐廳點左個二人套餐，點左之後，隔成十五分鐘先話其中一個頭盤白酒煮蜆無左，但又好抗拒俾我轉其他野，淨係不斷催促我cancel其實都嬲嬲地佢揼我咁耐波鐘先話無，不過算啦，我稍後諗好就再同我老婆order過常餐同牛扒餐。點知等多半個鐘，隔離嗰枱遲過我地第二次order 嘅都上菜，咁我地追單啦。跟住個侍應淨係走開左兩轉，話完全無幫我落單，叫我落過。大佬，連落單都搞唔好，check左有無貨先叫人落單都唔識，得失左人第二轉落單可以完全無record, 咁點幫襯呀，你食埋我嗰份啦

在想試試一些新食店的情況下，選了這食店，人不多，座位夠大，看餐牌後選了一個肉眼扒，肉質美味 ，而跟餐的湯和牛角包，非常出色可口， 另外叫了一個豚肉生薑燒定食 豚肉處理得較濃味，一般剛合格，還叫了一個 鹽酥雞軟骨，炸得非常香口但偏细料，不過不失。

平時返工都是買腿旦治,凍奶茶返公司食.今天,我早咗成個幾鐘頭到公司.返工時間, 想找個清靜的地方食早餐真的有點難.在長沙灣廣場, 間間都有大把人排隊, M 記, KFC....! 廳2 , 原來有早餐食! 早餐仲唔洗加一, 可以一試.入到去, 人不多.隨便坐. 選擇不多,我選了個吉列魚柳+煙肉+牛角包+茄汁豆,  加上一杯至愛凍奶茶. 送來的所有食物是熱騰騰,驚喜, 炸的食物 , 油不多, 乾身的. 牛角包鬆軟又脆口. 一讚奶茶, 是我最愛, 這店,不是最好,茶不太滑, 但有茶香, 但是比有些吹牛的茶餐廳, 還是可以值得試試.