廣記粥店

营业中

休息中

岩先行行下見佢寫住$8糖水,咪入去試下lor,要左個渣渣,點知竟然有一層好似油咁既野鋪係面,唔知佢係個碗之前裝過其它野定係,個売 "筆"過其它野.同埋個渣渣總知怪怪地,佢既野係妳平,但都唔會有下次.

地方超dirty,地上有很多黑色腳印,有菜有骨頭,,要小心d行,if not會很易滑倒(簡直好似街市咁)!!!我懷疑d員工唔識抹桌子的,竟然把桌上上一手的殘餘物抹在我身上,並且沒有道歉,態度差,抹完也是污糟的(因為塊布好像好耐無洗)拿粥給你時,他們的手指會浸在粥內...食物質素亦不大好,d粥稀的,不明白一間賣粥的專門店可以將粥的質素攪成咁!是否價錢便宜一點,食客便要遭如此對待...失望!不再幫襯!

好平。成日都可以吃到油炸鬼。只是不新鮮。那裡又不太衛生。粥又比交希，但真的很平。不知道為甚麼沒有男人做野。叫她走花生，她就只落花生。要她走青，她就只落青，走花生。

夜晚收工去食野,叫左潤牛粥同炸兩,碗粥好正好香,豬潤夠新鮮!!但係個炸兩就...我食邊最差既炸兩,一早整定仲唔知放左幾耐,d腸粉皮仲痴住晒個碟...唔洗錢都唔食

食左個菜乾排骨粥，十蚊碗好抵！而且食完冇咩口乾喎，應該係冇味精架。個粥底都幾綿，不過真係稀少少。腸粉就一般，始終都係街邊好食ｄ。依間野最好就係開到深夜，價錢又平。見到佢ｄ羅白糕係成底自己蒸架，下次要試下先！

今日去開大埔,本來想揾間Cafe 飲杯咖啡!但又搵唔到,行下行下就行左去廣記門口,唉!那時我已經唔想再揾,就入左去。我叫左個粥餐, 叫左艇仔十炸兩。我已經很久沒有來,間鋪裝修左,我叫了之後,一分鐘唔夠就來!可能少人啦,艇仔粥一般啦,好普通。炸兩完全不得,是凍的!有D失望,因為我平時好喜歡吃的。不過平是真的。

晚飯老婆想食粥, 故一家來了這裡, 叫了兩個粥餐配炸兩及蘿蔔榚, 另加孖腸一碟, 埋單$36, 記得十二三年前在大元邨冬菇亭大牌檔食粥加炸兩都要$20, 今日街舗反而更平, 質量又相差無幾, 食肆生意難做可是一班.

先評環境，粥店好像不久前曾經裝修過。光線充足，座位寬敞。特別一提的是牆上的poster，老闆似乎有話想說，但又不想明示。粥店張貼告示，表明零六年開始禁煙，成功與否，有待分曉。食物方面，粥稀、料少、味淡，質素只比”難吃”好一點點。服務只屬一般，但粥店營業至深夜，值得加獎。價錢實在是超值，一來粥店位處旺街，二來營業至深夜，就算加價也無可口非，如果價廉並且物美就好了。其實此粥店地處旺區，若能改善食物質素，定能成為大埔區的有名粥店。

以10蚊一碗粥的價錢來說,大埔廣記可說是物有所值的了. 粥底是稀了一點,可是艇仔,碎牛和瘦肉菜乾粥的用料也不少. 蘿蔔糕7蚊一大塊,炒麵/米7蚊一大碟. 味道方面的確是比不上大掛檔,可是也很可口的說. 畢竟是將貨就價嘛( 比大排檔便宜了4蚊,即40% wor)! 店面乾淨企理.如果想食宵夜或隨便吃個午餐,廣記都ok嫁.

以為叫得粥店，斷估粥都唔會差得去邊度，點知…唉~~~ 某晚姐嚷著要吃粥，便跟她一同落樓下吃。她要了生滾豬(月閏)粥多薑，我要了一碗及第粥。兩碗粥一上檯，好明顯唔係生滾，因為若真的是生滾，粥的頻色不會是純白，至少都應該帶少少黃，粥底超稀，豬仲韌過平時媽咪滾完豬水o的豬，味道又淡，直情係飲米水，及第粥情況一樣，唔怪得之間食店會拍烏蠅，去過一次我都怕怕。

d料唔少, 但d 口感同質地係似糖水多過粥, 唔係話碗粥係甜o既, 而係d米似先行打爛左再放落水度煲熱佢咁。

老字號還老字號, 總覺得呢度o的粥唔及大埔超級城o個間一品粥小館咁靚, 尤其係白粥, 煲得幾稀o下. 不過呢度o的粥品油器夠平, 有唔少街坊幫襯o既. 我就寧願行多幾步到一品粥食喇.P.S. To OpenRice Editor: please update the information related to '廣記粥店':Name (Chn): 廣記粥店Name (Eng): Kwong Kee Congee ShopAddress: 大埔安慈路1號海寶花園地下13號鋪營業時間: 每日早上6時至零晨12時Tel: 2144-0156 / 2664-4567菜式: 廣東菜消費: 儉(每人$40 以下) Thank you!

細細個食粥到依家,印象中最正既係彩虹村(唉又係個"村"字)巴士站果位亞叔果檔車仔,一邊喊"五蚊呀~牛肉賣~",一邊用手"拿拿下"D料果檔生滾粥...嘩,D牛肉粥真係正到唔識形容,每次食親都兩碗起碼。唉...依家都唔知去邊度搵番?。到依家我都係以記憶中果碗牛肉粥為絕對參考標準,試過不下幾十間粥舖(包括海x),發覺都完全唔係果種風味,好多都係太過"杰撻揵"。不過呢間D粥又真係煮得唔錯,粥底唔太"杰",又唔似得海xD粥咁多料得滯但又好淡口,粥同料配合得唔錯。菜乾豬骨粥整得好甜好好味,$10一碗好抵食,煎蘿蔔榚又正.....至於甜品我就未食過唔知啦。整體黎講,好掂喎,至少令我諗番起果檔車仔粥。

呢間鋪歷史唔耐，只有兩，三年左右。但係好多人都識，因為他們在火車站有買廣告o架。他們係小本經營，粥鋪裝修一般，但都幾清潔。他們的菜乾粥同豬骨粥都好受歡迎。其次D 炒麵同炒米粉，蘿白糕，都唔錯。不過千祈唔好漏o左D 糖水，好好味o架。