庭昌麵包餅店 (已結業)

今日下大雨, 想買下午茶,原本想去yamazaki,但落雨,所以近近地試下lee間入面淨係得我同兩個員工, 但麵包排爆3個架. 睇落好似好有心機.買左3個包. 忌廉鮮奶球- 好甜, 忌廉唔係whipped cream, 但皮有少少脆,所以幾好食. 紅豆蛋糕-- 紅豆少少過甜, 但蛋糕鬆軟得尼好紮實, 唔會太輕飄飄, 真係有野落肚 缽仔糕- 豆少淡, 但有黃糖香,而且唔糊口, 口感好好overall d 包睇得出好有心機做,但下奏到好似賣左好少包.lee度d 包較紮實 ,而且份量比美x大, 非常唔錯

今日既早餐食左個咖哩牛肉包, 呢個包係呢間鋪頭裡其中一款我常常食既包!個包有一個手掌咁大, 包身都算軟熟, 個咖哩餡整得好香, 唔會似平時買果d 咁一 pat pat! 不過個餡就小左d!夜晚6:00 過後有買二送一, total 買左三個, 俾左9 蚊! 好抵~~

已經幫趁ｏ左好多年ｏ既一間麵包小鋪，其出品有很多：除了麵包、蛋糕、曲奇外，仲有茶菓、砵仔糕、老婆餅等中式餅食，還有雞仔餅、o摩囉酥、糯米茲、水泡餅等各式小食，種類多不勝數之餘，味道仲好唔錯！~雖然唔係住o係附近，但都會特登o黎呢度訂製蛋糕，D生果好新鮮，蛋糕好好味，價錢又好相宜。訂製蛋糕之外，仲可以訂製西米布甸、沙律、迷你麵包仔等等！今日我又專程去買每年中秋出產o既"魚仔餅" & "豬籠餅"，有大小不同size，都係幾蚊個咋~~!!