影片
港铁奥运站 B 出口, 步行约3分钟
继续阅读
电话号码
26090966
开饭介绍
装修简约的上海面店，糅合传统及创新口味，小笼包及生煎包由店主每日新鲜手造。
继续阅读
附加资料
为确保食材新鲜及出品水准, 庆面所有食物每天售罄即止, 敬希见谅.
营业时间
星期一至日
12:00 - 21:00
以上资料只供参考，请与餐厅确认详情
👯♀️同朋友误打误撞.入左庆面（而家改左叫庆记）我地每食一样都觉得好好味啊🤣😋😋·🥢麻辣担担捞面（$38）十级推荐🤤望落好干身无咩酱汁，但其实系d面既下面～捞均后麻辣劲愈食愈出！仲有香浓花生酱🤤好好味～·🐔口水醉鸡卷（$34）啖啖肉既冷盘～岩哂懒人唔洗啃鸡骨🤗朋友大赞不错，肉质嫩滑.酱汁惹味·🖤生煎胡椒包（$26）一口咬下.满满汤汁🤩黑胡椒带辣劲.包底脆脆的👍🏻·🤍小笼包（$38）前后点左2笼🤣2个女生既食量是有点大😌厚薄适中既外皮.热辣辣汤汁.加埋大量醋😋encore!·🥬清灼西生菜（$20）均衡饮食黎讲，菜系唔少得架🙃·📍 庆面（已改名：庆记）大角咀角祥街2号J地铺（已搬迁）大角咀利得街11号利奥坊地下G501-503号铺
继续阅读
佢地刚刚搬左奥利坊，原来出名态度差，如果早知就唔去了，食完一肚气。行过见到啲冷面好似好多选择，仲有醉鸡同小笼包，谂住入去试试。入到去我地就拎台面点心纸写野，突然有有人掟个QR code话要手机落单，重点系佢「掟过黎」。佢写明两款茶是三蚊，枱面就有水，但留意佢地系水都会收钱，唔会问你饮咩茶，总之点都会有个三蚊，俾钱个阵问佢，佢话「我地唔记得问你，但总之饮水都要俾茶钱，好似你去饮茶咁，入到黎，唔饮都要俾」但茶楼唔会唔记得问啰。话佢态度唔好，又会掟啲单俾客，佢话系咁，仲叫我下次再去。门口写明tea系收钱，好似无写water,但最唔顺系啲人态度是做漏野又唔应，希望老板会检讨一下。啲野食黎到，个碗边周围都系油，连个碗出面都系，（有图有真相），之后我地摷左四个餐柜都揾唔到枝干净匙巾，最后要用热水自己洗。其实味道唔差，如果唔系呢啲人事问题咁，不过睇黎老板都唔志在。
继续阅读
星期六放工同大佬去大角咀，谂紧食咩之际，行经呢间都经过无数次嘅庆面，入面啱啱有一台客人离开，咁就试试。因疫情关系，入舖前都会量体温，而舖内都会隔一张台先可以有客人。当日坐喺门口隔离张台，天气热嘅情况下舖内冷气不足，而且舖门系趟门，经常冇闩好，热气涌入，成餐饭大佬系咁帮手闩好道门。当日点咗：-菜肉云吞庆面-菜肉云吞菜甜肉香，调味得宜。面质方面食落有啲似曾熟悉嘅感觉，啲啲烟韧弹牙，好似粗版嘅阳春面咁。面面仲有一丝丝啡色炸过嘅葱，夹埋啲面一齐食，口感丰富，葱味香浓。内有萝卜一大旧，索咗汤汁加上原身嘅甜味，咬落juicy十足。汤头望落色清，但但饮落都几够味，豆卜索埋啲汤一齐食非常满足。巴东牛肋条庆面-牛肋条食落牛味香浓，油份十足，不过好靭加有渣，我完全咬唔烂，口感真系麻麻。面、豆卜、萝卜都水准一致。XO酱蟹肉小笼包-小笼包皮都算薄，夹起时可以睇到包内汤汁满溢，热辣辣蒸好上台，要小心翼翼咁从包顶吸啲汤汁，以免熨亲，汤汁普普通通，唔突出，食落都系一般，最重要系完全食唔到一丁点蟹肉同XO酱味，成件事系得个皮OK之外，其他都败笔。总括-价钱都算中上，每碗面平均都成$50以上包一款罐装饮品。小笼包都好似要成$1X一个，食物有改善空间，环境又坐得唔太舒适。不过我对佢哋个鸡卷同锅贴有啲兴趣，我谂我会试多一次。
继续阅读
行过呢间餐厅，喺大角咀区门面算干净，入面未坐满，疫疫情严重空气流通好重要，就入去试吓。坐低咗，每个位都张点餐纸，我哋好自然打开睇，有位唔知系女店员定老板娘立刻走过，话你哋写系同一张得喇，点完菜，立刻收返其他未用餐单，由于未帮衬过, 我话想睇吓加单，佢好倔咁话一阵会比返你点𠮶张你。我想睇多一阵佢都好似好唔欢迎。食食吓发现包云吞小笼包的师傅 。。。 无。戴。口。罩！由于同屋企人一齐，食咗一大半，而且个老板大大声同个师傅顷计，佢哋明显觉得系冇问题，所以亦唔想理论。食完就走食物方面葱油面，系全餐最好食，面质似日本拉面，有咬口，葱油算香口，但葱比较长，如果连面一齐食有点难咬断百花云吞面，面质同蒽油面一样面，配上豆卜，肉燥同百花云吞，如果系招牌菜未见惊喜口水鸡卷，啖啖肉，卖相讨好，以价钱来讲抵食红油百花云吞，红油加咗麻辣，太抢云吞味、而且发现师傅冇戴口罩已经唔想食总括嚟讲，以午餐嚟讲价钱算抵食，但系职员同老板嘅招呼态度比较掘，好似欠咗佢咁, 加上疫情严重个师傅唔戴口罩。我一定唔会再去
继续阅读
除夕夜，本来打算同朋友去逛街顺便开开心心过完2019叫左三样野，另外2样都没事，估唔到个生煎包啲肉仲系生嘅外皮已经热到烫口，包皮外面没事，里面仍然是浆糊状态，最离谱的是猪肉竟然是生的。告诉店员仲问我是否要取消生煎包，其他一啲表示都没有！难怪在等食物的时候听到店员话最近嘅生意很差。的确，以今天这样的质素，点做呀⋯⋯个下嬲到没影相，没办法直接报告食环。各位以后去光顾之前一定要再三思，小心比人砌生猪肉！
继续阅读