慶豐茶餐廳

营业中

休息中

其實，去了這間茶記，都有兩三次架啦。第一次去，忘記拍照，出品都一般，都見有不少客人進入，還是招人體質呢？發現此店的方式，比較像老式茶記，有點家庭式經營，比較有人情味，外面有一卡位，方便客人在比較獨立清爽。今次去，都是嚐試下午茶的9號，撈麵和炸雞比，大家都知對炸比真心無抵抗力。都是即炸出爐，等了一些時間，乾身，脆口，調味剛好不太重口味，今次連骨頭都是熱熱的。肉汁有，雞肉嫰而不柴很重要，撈麵就印尼那種味道。反而今次點了凍奶茶，真心不錯，有驚喜茶味濃而不澀，奶滑而不濃甜度忘記叫少甜，這位水吧師傅功夫不錯，心水頭五大奶茶之一。店名：慶豐茶記。地址：旺角附近。費用：下午茶其實都叫小高，可以接受。如想看更多食評，在個人主頁點擊選，希望有金主課金支持，連優惠券也沒有QQ

基本上每日早上都會來食早餐，因為這裡的早餐還可以，今日叫左一個連續食了幾天的雙拼三文治，吞拿魚+煙肉三文治🥪⋯⋯昨日食都很好，今日啲吞拿魚好似好貴咁，只有一點點在中間，問一問樓面，她拿著給水吧師傅，只聽到佢話係咁架啦一係就加錢，我連續食左好多日我都覺得唔錯，….我都唔知講咩好..早餐基本上度度都差唔多，總之呢度咁垃圾以後都唔嚟啦⋯⋯須然我哋唔係啲咩大客 ，但唔係咁做嘢囉🤬🤬🤬🤬真心有啲火滾

晏就食到悶唔知食乜好，說來搞笑，上緊公司途中同𨋢見到姐姐送外賣，同事多口問佢有冇外賣紙，於是就叫左第一次外賣，呢間餐廳都幾先進，首先每日餐單會放係whatsapp頭像俾你揀，另外whatsapp入面有link全部menu upload左係cloud度任睇真係幾方便，唔使下下打去問每日菜單，今日就叫左個蟲草花蒸滑雞飯，送埋例湯同飲品，例湯幾足料夠味，凍檸茶都好飲唔澀陣陣檸檬香蟲草花好香，雞有少少鞋，下面係豉油汁，浸得耐咸左ｄｄ，不過總括黎講都唔錯，值得再嗌！

近來周不時會叫外賣，咁啱見到呢間未試過，而外賣app的評分也算高，所以叫嚟試吓。今次叫咗一個五香肉丁公仔麵，同一個仿鮑片火腿絲通粉，兩個餐都是跟配火腿及煎蛋。但外賣送到來，打開一看，竟然是將所有配料塞在同一碗麵裏面，而且跟餐的麵包，是隨便放在一個膠袋裏，而且又無好好將膠袋綁好。在這疫情之下，這樣實在太不符合衛生。雖然叫茶餐廳也不能太高要求，但這個價錢，其實可以有其他更好的選擇，中了一次伏，以後一定不會再幫襯了。

慶豐茶餐廳今日一早就同朋友出咗去旺角行吓街佢話未食野嘅就陪佢食過午餐啦咁啱經開女人街又唔想行嚟行去就見到有間茶餐廳就坐低食見佢裝修都幾乾淨常餐沙嗲牛肉麵，沙嗲湯底幾濃郁唔會無味，牛肉份量都好多而且都幾滑，唔覺有雪味，配埋個煙肉奄列，份量都幾足阿，價錢都算合理唔會話太貴檸檬茶，茶底都唔會返👍🏻👍🏻真材實料真功夫

早幾日陪媽咪去旺角整野，整完太餓又熱，就係女人街到找間餐廳食野。來到慶豐茶餐廳，見佢都有板隔開都ok。我和媽媽就決定座低食返個lunch。媽咪話熱唔想食飯叫左個茄子炆米，茄子好多件，每件都厚切先走油再炒， 炆出來的米粉有小小辣媽咪話好惹味。而我就好幾日冇食話米飯落肚，但又係熱過頭唔想食熱的飯，好彩呢到有海南雞飯，海南雞份量都算多，雞肉滑點一點醬汁超好下飯， 我地仲叫左凍檸茶飲，而lunch 都有湯飲。呢到價錢合理又方便。

今日中午同朋友走去旺角「慶豐茶餐廳」食午餐，茶餐廳位置在女人街，裡面的食物選擇也很多，有午餐，下午餐及晚餐選擇，價錢大衆化十分合理。每日都有不同午餐，而且在餐牌上點了任何炒米，麵同飯，也可加錢有餐茶，還有老火例湯送。在茶餐廳令人最想食的就是「芙蓉煎蛋飯」，煎蛋非常香口，材料十分充足，加上豉油更添香味，大大份的芙蓉煎蛋飯，實在可以飽足一天。另外不能不試的就是「海南雞飯」，配上雞油飯，雞油香而不感油膩，雞肉滑溜，雞皮爽脆，水準很不錯。餐飲是熱檸檬茶，茶味十足，凍奶茶夠滑，茶及奶的味道也很平均，算是合理的飲品。

自己一個到旺角行街，走到通菜街即是女人街附近，就隨便找了一間茶餐廳吃午餐這間茶餐廳不起眼，隱藏在攤位一邊的走廊。.是十分地道而正宗的港式茶餐廳，食物應有盡有，有咖喱、海南雞、蒸飯、炒麵飯等等。而每一日都有午餐精選，$48 only! 每日精選有五款選擇，有扒餐、無骨豬手、炒公仔麵，而我就想食蟲草花蒸雞感覺更加健康有營養。.$48而言真的是很抵食，一大盤蒸雞，雞肉蒸得嫩滑，加上清清地用豉油及油去蒸，撈飯食都很不錯，份量也很多，食到十分飽！而且一個餐還送例湯及熱飲，湯都有很多材料包括雞腳同蘿蔔等等，$48就食到這麼豐富的午餐，簡直是無敵！

慶豐茶餐廳 (旺角)入到這間餐廳，防疫措施做得非常好，桌上會有一盒紙巾，如有需要亦可以問職員那一個公文袋放置口罩，可見餐廳非常貼心。餐牌上的午餐套餐是$48，唔過$50 ，算係咁。海南雞飯套餐$58海南雞飯的飯味非常香濃，味道適中。以這個價錢，是非常抵食，食完可以飽到晚餐。咖喱牛腩飯套餐$58咖喱牛腩飯的份量頗大，咖喱汁很濃味，牛腩分量亦足夠。食完真的飽到上心口。每份套餐都會包例湯及飲品，例湯不會像界外落很多味精，清清地幾好飲。

位於旺角女人街既慶豐茶餐廳，從旺角站D3出口行過黎亦算方便～簡約既茶記環境裝修，感覺舒適早午晚餐選擇豐富，價格相宜楊州炒飯金黃色的楊州炒飯乾身唔油膩，炒至粒粒分明，配料有叉燒、蝦肉、蔥花、雞蛋等等，好足料，口感同味道都好豐富，夠鑊氣及香口，飽肚又美味雪菜肉絲米粉配火腿奄列及方包米粉爽口幼滑，雪菜肉絲加入左蒜粒炒香，格外美味～火腿奄列充滿蛋香，配上軟熟方包係最佳配搭凍咖啡入口絲滑，咖啡味濃厚醇香，帶有奶香熱奶茶港式熱奶茶質素高，淡奶及紅茶比例恰當，茶味濃而不澀

我最喜歡星期日，因為可以瞓到自然醒先起身去食野，今次瞓醒，醒起去旺角女人街果頭拎野，就同朋友出左旺角了。係 T. O. P拎完野去行女人街果頭周圍八睇下有咩野食，比我發現呢間抵食茶餐廳，咁就一於食啦。我朋友去親茶餐廳都一定食常餐的，因為有沙嗲牛肉麵佢食就得，係呢到都唔例外，佢話呢到個沙嗲味夠重牛肉都好淋，常餐的煙肉炒蛋用來夾麵包都好味，成份常餐食完佢話超飽。而我就因好耐冇食炒公仔麵就叫左豬扒炒公仔麵食，豬扒份量好多公仔都炒得夠乾身好惹味，我仲加左佢地的辣椒油超加分， 食茶餐廳最緊要飲佢的凍檸茶，味道剛好👌。行開街過來食都好就腳，價錢都抵食。

好耐好耐冇出過街，啱啱出開旺角做野，所以就同朋友食埋野至返屋企~餐廳環境乾淨，餐具攞嚟既時候用滾水浸住，好貼心我地點咗下午茶餐，包括星洲炒米配熱奶茶（＄42）同埋海南雞湯米粉配熱西洋菜蜜（＄42）。飲品好快就嚟到👍海南雞湯米粉份量比想像中多，特別係碟雞，一d都唔吝嗇，仲要係雞脾肉。雞皮好滑，肉質結實，因為本身去咗骨，所以食落好方便，啱哂我呢個愛雞之人🤪朋友去茶餐廳就必點星洲炒米😆星洲炒米等左一陣，因為係即叫即炒，所以上枱熱辣辣。味道方面，有好香咖喱，但唔會過鹹或過濃，食落夠曬鑊氣！都好足料，米粉唔會過濕或者碎曬，食完好滿足~

自從疫症發生之後，香港很多地方，都變得人流稀疏，今日因為放假，便來到旺角通菜街逛逛，發現附近有間茶餐廳，正值下午茶時間，便來到一試。店內座位不算太多，不過見有探熱服務及酒精搓手液提供。海南雞是湯公仔麵$42 ，另配凍鴛鴦$3。雞肉鮮嫩美味，廚師還用熱湯，將雞肉的溫度提升，令雞肉口感良好，想不到這裏的海南雞，做得不錯，值得推薦。👍醬汁有姜蓉和泰式酸辣汁，以酸辣汁的酸辣味道強勁，最為吸引。💕肉絲炒麵$42 ，配熱鴛鴦免費。炒麵經過炸香之後，麵質結實，稍為失色，不過肉絲和芽菜的味道不錯，拉回不少失去的分數。凍鴛鴦，咖啡和奶茶的味道適中，如果再濃一點更好。

無意中經過，見到有間茶餐廳，門口有人派傳單，就睇吓係食乜嘢，所以就入咗去。餐牌好多款選擇，選擇困難又黎啦😅。望見餐牌上有秘制海南雞飯，唔好左睇右睇，一於就食呢個秘制海南雞飯，...........😊😊一向好小食飯的我，今日竟然將成碗飯食哂，原因係好味道，一般白飯我好小食，但油飯我就比較喜歡，但好食既油飯唔係間間做得好食，呢到一間小小茶餐廳，估唔到做得咁出色。午餐——-秘制海南雞飯配例湯➕油飯➕餐飲餐飲熱齋啡——咖啡☕️、味道濃厚，咖啡對我黎講，必定要合我心意，過關😆😆例湯青紅蘿蔔🥕粟米🌽煲🐷豬骨——足料例湯，天然𤽜道無味精，合挌👏海南🐔雞—-肉質鮮嫩，海南雞味道做得不錯，雞好有雞🐔的味道，尤其係個海南雞醬汁，做得非常好味😋，越食越開胃，越食越想食。油飯——好香的油鈑，不會太油，飯軟硬度適中，吃落飯有口感，不油不腻⋯⋯越食越好味好味到成碗飯食清光........😅😅想不到一間小小既茶餐廳，食物質素方面真係幾出色，而且價錢亦合理，大眾化口味，大眾化的價錢，服務亦相當不錯，見佢地同D客人好好傾，又聽到D客人好滿意佢地既食物，咁多熟客，必定是食物和服務都相當重要😊😊😊😊😊而我個人亦覺得店員的服務

剛剛同媽咪行街，肚仔有點餓，行到女人街發現沿途都幾多食肆，我地隨意入了慶豐茶餐廳，茶餐廳中佢地都算幾乾淨企理。餐廳唔算大，但係外面都有坐位。下午茶餐款式都有不少，仲要到6點。我地順便食個early dinner。叫左乾炒牛河，星州抄米配飲品只是$42,在旺角區算價格便宜，牛肉份量都多，同大塊塊。星州炒米唔算辣，怕辣既媽咪都食到。上枱時也熱騰騰夠鑊氣，而且不會肥油油。提一提，幾欣賞餐廳每台客食完執完枱之後會用酒精抹枱。衛生乾淨