廣發餐廳 (已結業)

今(31-8-2019 Sat)朝,要空肚去做身體檢查,今次有老公陪,做完後係10點45分,由於上次我去潮興牛什專家食,記得係唔好食(嗰個食評: https://www.openrice.com/zh/hongkong/review/%E5%94%94%E5%80%BC-e2851095),所以幾大都唔去,咁就嚟呢間啦.入到去,重有半邊嘅3人卡位坐,於是坐低揀嘢食,老公要$33.00嘅早餐A,有牛油方包,西煎雙蛋,沙爹牛肉米,加$3.00要凍咖啡.我要$35.00嘅早餐E,要雞扒通同熱奶茶.等嘅時候,見到佢哋將飲管放喺枱,重要有紙同膠造兩種,感覺好好.然後兩杯飲品到嚟,熱奶茶滑,茶味亦有,我唔落糖喇.老公嘅凍咖啡呢?由於佢響應環保唔用飲管,所以冇攪勻嚟飲,咁上面就係偏甜嘅凍啡,下面就係齋啡.我試吓飲, 凍啡好味,齋啡味道開始濃,飲咗呢兩啖後,飲返奶茶,即刻覺得奶茶苦咗.熱奶茶同凍咖啡味道分分別係3.5分同5分之後老公嘅嘢食到齊,我試啲沙爹牛肉米,好熱,味道正常冇問題; 牛油方包,西煎雙蛋嘅碟都熱.然後我嘅雞扒通到嚟,見到份量唔多,雞扒炸過,外脆內軟; 通粉正常冇問題,湯底味道濃淡適中,

係付近返學，冇咩好揀，得一二間茶餐廳，呢間比較多位，食物也有天天不同，就算一個月日日食都冇問題，我覺得呢到既魚同牛排，蒸送係比較正，同埋最特別既係呢到既汁都幾有創意，又有紅酒汁，又有俄國汁，，，每日都期待著午餐

話說星期六小弟正常是不用上班的，但由於小弟工作效率過低，所以不時也會星期六回辦公室悠閒地扮工，畢竟星期六能睡多一點，已經十分幸福了！ 回到葵盛已經十一時多了，早餐沒有了。本來想去M記吃沙律裝健康，但人山人海，所以走到旁邊的廣發吃午餐了。甫一坐下，我已經不斷在翻餐牌，因為廣發的快餐或飯餐是吸引不了我的，我翻了很久還是找不到午餐的餐牌，於是勉為其難打算叫個飯餐吧！怎料到我下單後十秒，侍應居然來換上午餐的餐牌！我即時叫停為我下單的侍應，改為叫我最想吃的午餐！ 午餐就是麵餐啦，我叫了沙嗲牛肉意粉，炒蛋和熱檸茶，天呀！這就是茶餐廳的味道哦！牛肉入味又軟腍，炒蛋新鮮，夾方包一流！35元比飯餐還便宜！ 這間廣發的環境也不錯，光線充足，地方整潔，侍應的招呼也不錯，有空去試試它的午餐吧！

今日我就同我家人去食早餐，我就叫左個沙嗲牛肉炒蛋面，加杯熱朱古力。面離到啦，見到顏色，樣都幾靚。隻蛋炒得幾好。都幾好味，仲加左好多胡椒粉(本人仲意食辣）朱古力都唔會太甜。值得推介！

周日跟父母到貴餐廳食晚飯，已經記不清是第幾次到來用餐，說真，此餐廳資質素如何，心已十分清楚，絕對是差過普通茶餐廳水平。只不過因為近，"就腳"而且父母不想去太遠地方食飯，所以就經常中伏!但最估不到，4月1日後，價錢照加，但食物質素就愈來愈低!**中式例湯，4月1日前的例湯還可以飲的，湯入邊仲有豬骨，肉，蓮藕。依家是味精加水，飲完要飲返幾杯水!1，菜心炒肉片菜心一入口，就苦過弟弟，肉片又硬又乾，仲衰過貓d零食。油多到可以先飲幾啖，還說是有營"食市"? 亨，你食埋我果份啦!2，薑蔥爆魚腩一上菜，就見到疑似大便的黑色物體面頭加左d蔥，仲有黃色液體…!噢，原來是爆魚腩…不說不知道，是貴餐廳廚房隻獲的問題，還是魚腩曬黑了?魚腩肉質還可以，起碼不臭!不過外觀就要有返咁上下人生經驗先接受到囉。3，乾炒牛河1碟$37的牛河，有"3塊牛肉"，可能在香港茶餐廳來說，已算是標準。不過sorry,我接受不到。以往還品嚐過但又不建議食的菜式有:1，金銀蛋浸波菜(經常無莧菜的，而你又簡波菜就又中伏鳥)，波菜有好大陣泥味;2，魚香茄子煲(無咸魚，又油，茄子難入口)3，蒸桂花魚(如頂得順超級的魚腥味，你可以試下)

因為食日等車落大雨,所以先搭左架去葵盛既巴士黎到呢度諗住再轉車 ,,, 見肚餓就諗住是但搵野食埋先返去啦 .. 食呢間野門口都整齊清潔 ,, 就比佢呃左入去...叫左2個餐常, 1個係沙嗲牛出前一丁 , 第2個係雞扒出前一丁 .. 一黎個奄列見到就知難食! 蛋煎得極老,又燶! 食食下仲有蛋殼 ..沙嗲牛出前一丁 - 完全冇味,,好難食雞扒出前一丁 - 雞扒好"鞋" MENU寫就寫係出前一丁 ,,, 一食就知係大江面 ,, 以為甘好出前一丁唔洗加錢 ,, 原來係呃人!!!!!唔係以為加包麻油就出前一丁呀化~?!!!最後食左一半都冇真係頂唔順....走了 ... TOTAL 72蚊真係比多佢囉...!返屋企煮都好食過佢~~!

平時叫外賣多數係銀龍 , 不過呢期都好少叫餐廳外賣 .. 因為真係唔平 !宏觀看經濟好似睇落唔錯 , 但一般打工仔的人工真係追不上通漲 ..加上我做飲食呢行 , 講真加得幾多人工比我地 ? 唔係話老細刻薄 .. 而係佢地自己經營成本都上升左 , 你出街買一罐五香肉丁你就知通漲幾勁 ? 所以唔慳住d錢洗真係好快乾塘 , 題外話講完 , 我本身打去''銀龍''叫外賣 , 個姐仔話介唔介意落黎拎 , 比個9折我 !!我心諗我叫外賣就係想節省d腳力者 .. 所以話轉頭叫 ! 之後再打''廣發''叫左外賣 , 10分鐘鬆送到 .. 價錢同銀龍一樣 !咖哩比銀龍無咁辣 , 牛南都唔算痴牙,ok的 , 咖啡都ok , 餐旦治銀龍好dd !都算係另一個外賣之選 ..

今日 下午 我係廣發食左個xo揚州炒飯(下午茶)....真好幾正......d飯一粒粒..唔會一舊舊...唔會太油..食落去仲有一陣痳油香...如果係茶記黎講.........真係唔差....只係d樓面服務唔好 ....我叫左幾次 都無人理我 呢間 野...唔差既..如果服務可以再好d..一定會生意更好

叫過多次外賣與堂食，作為一間屋村的餐廳。是合格有餘的。外賣能準時送到，若果是麵類，也會將湯及麵分開。讚 食品份量與質數都不差。唯一要彈的是凍飲類。很多次要求的凍飲是走甜，但得到的是少甜，甚至是普通的。這方面要多注意。

奴隸獸俾D 雞毛蒜皮的瑣碎事務搗到無哂胃口，但主人一於好少理，點了一份下午茶餐與奴隸獸兩份食：黑椒牛柳絲炒烏冬配熱咖啡（HK$25）：當黑椒烏冬端上桌時，看見份量頗足夠，但其賣相可謂一點也不吸引。怎知原來味道不錯啊！黑椒味濃郁，炒烏冬亦有鑊氣，食落非常惹味，不過較為油膩。牛柳絲雖然夠腍，但卻殘留了一些鬆肉粉的味道。食物不是需要有色、香、味嗎？加些少蛋絲或紅蘿蔔絲，成本不會增加太多，但可以使這炒烏冬，在視覺上變得更美味。

過期食評。那天為了最後都城嘉慕,走到葵盛。但午飯時吃不飽,快感肚餓,便到商場吃點東西。點了炸醬米線+熱奶茶。炸醬米線,賣相方面炸醬不像炸醬,豬肉一條條在面。在面的豬肉條甜甜的,米線被湯感得腍腍,湯也毫無辣味。熱奶茶則奶味重,想找杯奶味茶味並重的奶茶真的不易。但由於只為填肚的關係,不是難於入口也不會給喊面。

碟頭飯好大碟。同同事之前去食，由於我地都唔肚餓，咪叫一個常餐Share，點知睇人面色。全程望我地，睇我地係咪會Order第二個餐。