影片
港铁土瓜湾站A出口, 步行约8分钟
继续阅读
营业时间
星期一至日
09:00 - 20:00
公众假期
09:00 - 20:00
公众假期前夕
09:00 - 20:00
以上资料只供参考，请与餐厅确认详情
招牌菜
知道刚转左手，有好多嘢未系好完善，俾小小意见希望老板可以改善得更好，味道其实ok嘅，都几好味但时间要等太耐，老板系由切菜洗菜一刻做起，正常应该洗好切好，串起一串串，客人要时就渌熟，因为我买嘅时候已经系下午2点，如果老板可以早少少预备，咁会好啲，因为味道系好味嘅，如果可以改善等候时间，相信生意会再好啲，加油
继续阅读
504 浏览
平日有得正常飞行的日子，深圳就系安慰自己小出走的好地方。不过而家连大陆都无得上，唯有系生活上找旅行的感觉。想上海，吃小笼包；想日本，吃寿司；想马来西亚，吃叻沙，其实香港什么也有，吃完当旅行吧。前几日，突然想起深圳，想念酸辣汤和麻辣烫，想起了土瓜湾食街看到有间新店，不如揾番深圳嘅街头感觉。在香港，我也没有试过麻辣烫，都一定冇深圳感觉，但如饮美沙酮嘅道理，食住先啦。广丰美食就如平日龙津一样有很多小食，但就多了雪柜买麻辣烫，个名叫生哥麻辣烫。全部七蚊串，自助式，最少三串，由牛丸，鱼蛋，菜到不同内脏多有，最紧要有粉面乌冬，九元有得选。个汤算几好，还有那些芫荽葱和花生，好令人开胃，你可以选小辣到大辣也得，随个人口味。叫左几样一定要食嘅，如海带，牛丸，墨丸，芋头都几好。唯人系个豆卜好麻麻。𠮶个汤完全冇浪费，系屋企自己再煮过面。平平地，值得食下，同系深圳吃嘅价钱都差唔多，不用去太远，杀住先。广丰美食 土瓜湾马头角道9号地下C3号舖
继续阅读
最近系土记发现一间小食店有卖麻辣烫，麻辣烫呢样野系我对上一次系内地食过，但系都隔左好耐，好挂住个味道，依家终于可以感受返个味道啦。咁呢间麻辣烫嘅玩法就系要拎个兜，去装你想食嘅食物，而我今次就夹左好多食物，夹完就比店员去处理。其实呢碗野超丰富，我都叫左差不多七八种食物，例如个台湾肠，食落同个辣汁又几夹，因为平时食开都系烧嘅多，因为台湾肠本身自带甜味，浸过辣汁黎食确实系另一种风味。逢亲食辣野，我都好钟意叫蔬菜类，因为佢地好索到啲辣汁，令到成件事好刺激。以呢个萝卜为例，佢够淋够入味，筷子夹落去唔会散开，呢样可以话系必食之选。呢个牛丸真系有惊喜，佢愈食愈有牛肉味，因为坊间其他铺头卖嘅牛丸未必用真材实料，而呢个就唔同，值得食呀。而芋头都要赞一赞，因为佢食落够粉，唔错唔错。呢间店我相信会有下次，因为我好钟意呢间嘅麻辣烫，食物选择丰富，辣汁味道好，而呢类小店系值得支持。
继续阅读
放工去买𩠌经过呢间小食铺，见啲麻辣烫$7串好抵食，决定买啲返屋企加𩠌。.🍢麻辣烫 $7呢次试咗七款，要大赞系啲蔬菜份量好多，娃娃菜都差唔多有成棵🥬。虽然啲蔬菜系切好放雪柜，但食得出啲菜好靓。整体用料都唔错，猪肚爽口冇腥味，海带都够厚身。而且冇谂过仲有牛柏叶食😛。.汤底香浓，同埋食得出唔系化学味。除咗芫茜之外，个汤仲加咗「黄金豆」，原来黄金豆即系黄豆😆，但口感好似花生咁香脆。.🦑鱿鱼须 $20好少小食铺有得卖炸鱿鱼须，见到又忍唔住要食😚。炸衣好香脆又唔过咸，而且老板仲会即刻将佢落镬炸一炸，热辣辣超级好食。.🧆咖喱鱼蛋 $10好少见鱼蛋仲系一蚊一粒。平平地过下口瘾一流🥴。我钟意食呢种带甜味嘅辣酱😋。
继续阅读
而家真系唔敢出去食，只可外卖返屋企食。屋企附近啲餐厅都已经食到厌。落小巴时，老公提议不如买啲小食返屋企。一向系广丰美食老顾客，佢地既格仔饼好好食。格仔饼同鸡蛋仔都系$10.一底新鲜热辣做起，又焗到岩岩好，外面少少脆，入面又唔会太冧。烧卖鱼蛋系我既最爱，平时谂唔到煮乜都会顺便买返一碗返去做𩠌，烧卖鱼蛋，10蚊十粒，真系平到笑。最钟意加上少少佢哋秘制辣汁，好好食。煎酿三宝$10四个，今日买咗$30咁又一只𩠌啦。最钟意系佢哋呢度买煎酿三宝，虽然啲三宝系一早做起同炸起咗，但系你买咗之后佢哋会再炸热一次俾客人，咁就可以食到热辣辣嘅煎酿三宝。我同老公大爱炸大肠$12一串。超脆既外皮，一咬落去，仲有少少汁滴出黎，落埋芥辣、甜酱，食落大肠味浓郁滋味。炸鸡脾$16一只。大大只，老板系炸之前，在鸡髀身界了几下，等鸡髀入边可以快啲熟，做到外皮酥脆，而裹面不会太老。街边小食买返去做𩠌都几好。价钱又平，最紧要系每样野俾你前都会翻热，就甘拎返屋企开嚟食就得，够晒方便。
继续阅读