幸運星

营业中

休息中

在銅鑼灣找下午茶多的是，不過就是被這家吸引著，因為有雲吞麵餐。一坐下侍應就問有冇coupon ，原來是池記集團，可用池記coupon，出門要記得帶晒所有coupon出街。要了雲吞麵及豬手麵下午茶，很快就上枱。雲吞麵沒有特別，不太彈牙，亦沒有香味，尤幸沒有梘水味，雲吞大部分是蝦，味道很鮮，豬手沒有什麼特別，不去評了。餐飲薏米水原來加了薑，個人覺得對女士体質好些，不過menu上沒有說明，不喜薑的就要注意了。會不會再來?應該還是會的，因為感覺環境光猛，光淨，侍應都很有禮，會再來試波蘿包及流心芝士火腿包，看上去飽身很飽滿，希望有驚喜。

池記品牌在香港多年，旗下的幸運星茶餐廳，品質有保證！首先在門口已經有人排隊排買外賣，在疫情之下，進店每位人客都會量度體溫才入座，服務員態度有善，點了一份黑松露炒蛋菠蘿包加熱炭燒咖啡，菠蘿包是自家制的，香噴噴新鮮出爐！菠蘿包內有黑松露配炒蛋，味道很討好！炭燒咖啡配的忌廉十分香濃幼滑，一般茶餐廳很少有這質素，味道和日本咖啡廳相同，結帳還有6元現金卷下次用，性價比高！

早餐$55，只是普通的配搭。一般煎蛋餐包、火腿通心粉加飲品。完全唔明點解值$55？！？！重要無一樣好食：-通粉湯底無味，真係一般最差固種茶餐廳湯底，加火腿及幾粒雜豆。-煎蛋一是立即煎的，因為野到已經有點凍，蛋亦唔見特別有蛋味，十分普通。-加8將原本個餐嘅餐包upgrade轉成菠蘿包，但係冇諗過個菠蘿包係凍嘅🤮，非常後悔加錢去玩依個包返嚟因為咬咗一啖已經唔想食！ 完全唔係一個好食既菠蘿包，重要額外加錢🤬-餐飲選擇了薏米水，一般，叫做係全個餐裏面最好嗰樣嘢，但可能係其他太差。差到不得了，重要$55！真係冇得揀都要揀都唔想揀佢....服務態度一般但係座位超級唔舒服。如果你完全對早餐冇要求嘅就可以揀呢間！

疫情期間，政府出咗限聚令，4人以上不能坐在一起，食店亦要控制人口密集程度。今日午餐同同事外出銅鑼灣，平時人頭湧湧的銅鑼灣，食肆都變得小貓三幾隻🤨餐廳實施左人群控制，有部分枱停止開放，每枱最多坐4人，而且每枱都有一定距離，讓你食得放心。今次我點左石頭鍋乾炒牛河配凍檸茶，賣相一流，但味道偏咸，唔夠乾身，不過不失啦！不過份量充足，食哂絕對成個下午不用再食😏食飽埋單每滿60又送張coupon比你下次光顧，無限期的，這個promotion唔錯，讓我每次到銅鑼灣總想起光直顧這餐廳🤣

這一天來到銅鑼灣工作，光顧久未重臨嘅幸運星午餐，超掛住這裡的星爺黯然叉燒飯，所以今天來到幸運星當然要再點，餐廳都是冷冷清清的，但食物依然有水準，雙蛋juicy，叉燒煙韌，加上黑松露醬，令人再三回味，配埋凍薏米水，午餐相當滿足！

通常放工後打波前都會來食個茶餐先，份量足夠當晚餐，但因為疫情，停了個半月冇打波，所以今日可以打波，就嚟食茶餐。今日可能遲左D，冇哂菠蘿包，唯有改食墨西哥包。包係熱辣辣，但都係菠蘿包啲皮脆啲。今日煎蛋蛋黃有D生，冇咩食到。叉燒米味道可以。埋單是仍然有$6優惠券下次用。

晚上來食晚飯。從坐下，點菜，下單不夠9分鐘就立即要埋單。（之前來過多次都不用那麼緊張）waitress 告訴我原因是前台要埋數。我跑出去前台，發現一個人都無。依家市道唔通咁好？或者員工急不及待想放工？無論如何，都無下次。

雖然是吃貨，但從不特別喜愛雞批。這次不能不說是被完美擊倒了。我敢說這是全港最強雞批，沒有之一。好東西留給懂欣賞的人，記得四點後可能會賣光。至於其他，老實說我沒有怎麼認真試過。來這裡就是一杯奶茶，一個雞批。

去赤柱市集前食個下午茶，隨機係附近搵左間無食過既茶餐廳食。見到有條長龍排幸運星，甘都應該都唔太差掛？ 我地嗌左一個雲吞豬軟骨面一個茶餐。我從來都冇試過雲吞配豬軟骨麵，認真今次係第一次，池記最出名嘅雲吞就唔使講啦一定係餡料好彈牙好食，但最估唔到嘅係豬軟骨係整到超林，入味，我鍾意🥰茶餐嘅配搭可以自行選擇。我地今次揀左菠蘿包+炒蛋（黑松露要加$5）+肉絲米線。菠蘿包非常之軟熟，面頭嘅菠蘿包皮好脆，我太耐冇食菠蘿包我覺得好好食！炒蛋都滑嘅但味道就好普通。睇起上嚟白濛濛嘅米線食落都幾有味。最後買單嘅時候見到好多人都有現金券，原來每次幫襯之後餐廳都會送現金券，甘下次就可以用，難怪會有咁多人，我相信應該都係回頭客。

最愛茶記之一—幸運星，覺得啲嘢又抵食又好味，茶記來講算乾乾淨淨。今次嚟呢度又係食晚飯，小菜套餐平靚正，不過今次都係叫我的最愛，黑松露叉燒蛋飯，暫時只得呢度有！星爺黑松露叉燒煎蛋飯（$75），我覺得係全港最好味，我覺得咋。其實只好簡單嘅材料，半肥瘦叉燒，流心煎蛋2隻，菜心，豉油，黑松露醬少少，但超好味😋！重點係其他地方食唔到！.雲吞米（$45），換咗新餐單先至有的，同池記合併左之後有得食埋雲吞麵嗰啲，一碗有四粒雲吞，好味😋！店舖：幸運星 (銅鑼灣)地址：銅鑼灣白沙道1-3號地舖

銅鑼灣可以找一家價錢相宜、舒適、服務好的港式茶餐廳冰室很難。一般港式茶餐廳都是大叔粗聲粗氣。所以這家幸運星是唯一選擇，經常來。留意到店員的制服十分好看大方，女店員的頭髮都扎起來，可以看出此次店管理層對儀容和談吐等都十分重視。不過想吐糟一下今天光顧時附近坐了個土生土長的四眼港男顧客，投訴這樣投訴那樣，什麼很多大陸仔、天花冷氣機滴水、無俾水洗餐具等，十分無禮，反映很多本地港人是活在負面、埋怨、投訴等氛圍裡。此店的顧客和店員一般都比較斯文，是我喜歡來光顧的原因。可惜以前喜歡吃的那個石煱雞飯最近取消了，改為多了雲吞麵等較簡單的菜色。奶茶和餐包都不錯👍🏼值得經常來

Local style afternoon tea. They serve a wide range of old school local bakery items here ! From chicken pie, butter crust egg tarts to pineapple buns ! What is better than holding a warm and soft pineapple bun with thick slice of butter (菠蘿油) ? The bun was not only soft and warm, while the butter melt inside the bread but the top crust was super crunchy! Beside that lucky star also serves Chinese noodle as this is part of the chain store of chee Kei (池記). Of course their noodles are always up to

I've been to Lucky Star on several occasions since they always give a $6 discount coupon after every time I dine there. So, on this day, I decided to again use the discount coupon and I noticed a change. The name is now called Chee Kei Lucky Star. Some time this month, the Chee Kei (池記) in Causeway Bay closed. I assume due to the lack of business from tourists as the wonton noodle place was very popular with tourists, it had closed. But apparently not. Lucky Star was the cha chan teng concept of

冇見波斯富街的池記一排，原來和幸運星合併了。中午及下午茶有雲吞，豬手，牛肋麵等的池記招牌食物。今天下午茶試了豬軟骨雲吞麵加凍檸茶$55，大大碗，兩件豬軟骨，四粒雲吞。兩點半唔洗排隊，坐得比以前的池記舒服，如果唔夠，仲可以追加蛋撻或波蘿包⋯⋯

前陣子唔太舒服，所以同朋友食飯就揀左呢間，位置係白沙道都好就腳，和風豬頸肉石鍋飯($78)呢個係朋友點，味道OK,用珍珠米，石鍋都熱，但又未至於好多飯焦個種。生炒排骨飯($80)，生炒骨好食，味道幾好，跟餐可以免費轉飲海底椰，係一間味道不過不失既小菜店。