影片
怀旧新鲜雪菜肉碎米粉呢个真系好掂，新鲜菜味道就系唔同啲，真系好食啲，味道唔错。招牌潮汕沙茶牛肉面呢个真系几正，招牌果然就系招牌，个沙茶酱几香，牛肉嘅质素都唔错，唔会太腍又唔会太韧。牛油吐司配煎双蛋，佢个蛋都几香，同埋个多士都够干身，系孤寒少少牛油好少。热柠水加热奶茶都系正常饮品啦。
继续阅读
难得有一间非常有诚意嘅茶餐厅喺屋企附近就是幸福。雪菜肉丝米系用新鲜雪菜，啲肉丝都冇乜肥膏，所以食嘅时候味道特别好。板煎猪扒面改可以改做通心粉，件猪扒真系超级巨型，而且难得煎得好香件猪扒嘅质素都系比一般嘅好，有咬口兼无乜肥膏。煎双蛋少少脆边，蛋嘅中间位置煎至微㶶，鸡蛋味都纪录，几好食。件多士都真系够干够脆，微微㶶，d牛油溶溶地，唔系求其喺扒炉煎两下就算。饮品正正常常咁啦，杯冻奶茶叫咗少甜又真系少甜㖞。
继续阅读
呢间茶餐厅嘅早餐非常出色，质素高不特止价钱做非常合理。雪菜肉丝米粉睇落普普通通，不过竟然用新鲜雪菜呢一下真系令人有惊喜。沙爹牛肉通粉又系睇落去普普通通，不过佢呢度嘅沙爹酱系用潮汕沙茶酱嘅，而且牛肉嘅质素非常之高，有肉味又有肉嘅口感，唔系啲超级雪藏便宜牛肉。呢度连个煎双蛋都好食，蛋黄比较大粒同圆润，多士佢系用丹麦多士。杯奶茶味道都唔错，柠水就正常发挥啦。以咁样嘅质素，都系收紧40蚊一份早餐，性价比极高。
继续阅读
区内食肆，呢间一向有帮衬，打正旗号食烧鹅， 通常都会点选除了烧味外，还有其他食品，但今天二人都想食烧味，就一人拣一款，自制双拼烧味濑粉叉烧濑粉冇特别叫肥叉或瘦叉，嚟到见到肥瘦适中，还有少少㶶边， 吃落肉质淋滑也香口。烧鹅濑粉皮脆有光泽，肉味香浓带有肉汁，烧鹅件数不少，有些厚肉，有些比较薄， 有不同口感 也不错。叉烧同烧鹅都系另外分开上，唔会浸在濑粉上淋晒，而濑粉汤底有胡椒香味， 几啱我口味 热饮加$3，冻饮加$5，正常发挥。留意只收现金。
继续阅读
幸运烧鹅冰室📌 八号花园地下8号💫烧鹅濑粉（全日供应）$61外卖+$1，另外会附送中式餐汤美味指数：🌕🌕🌕同事话食过觉得唔错，于是中午就去买咗个烧鹅濑粉，估唔到都有小惊喜！打开外卖盒，濑粉上几乎铺满了整齐切好的烧鹅片，令人有一种「物超所值」的感觉！濑粉煮得刚刚好，滑溜而不会太过软烂。烧鹅份量十足，烧鹅皮虽然唔系非常脆，但系茶餐厅嚟讲绝对合格，只系当中几块烧鹅部位无咩肉，系骨位！不过呢个价钱冇投诉了👍🏻
继续阅读
您可能会有兴趣的...