幸運燒味冰室

营业中

休息中

事關小女喝了一兩口凍檸水，一個不小心倒瀉全杯，想不到員工反應快到你不信，一個拿了毛巾即刻過來抹抬，另一個抹櫈，另一個即刻過來掃走地下冰塊，隨即有人拖地，全過程不到兩分鐘，之後還取來了一杯全新的凍檸水，十分感謝這麼熱情的招待👍🏻

下午茶 （星期一至日 2:00- 6:00pm)$46連飲品，性價比相當高。從外觀來看，燒鵝的皮呈現出迷人的琥珀色，油亮誘人，似乎經過精心烤製，應該會有酥脆的口感。鵝肉的切片大小適中，分量也不算吝嗇，給人滿滿的誠意感。米粉細緻勻稱，浸在清透的湯底中，湯看起來清淡但應該富有層次，可能是以鵝骨或豬骨熬製，帶有自然的鮮甜味。青菜的翠綠色澤，展示了其新鮮度，為整碗米粉增添了一抹清新的健康感。蔥花的點綴則提升了香氣，讓人更有食慾。燒鵝是這道菜的靈魂，其油脂豐富但不會過於油膩，入口可能會有一種外酥內嫩的層次感。配上滑嫩的米粉和清湯，口感豐富且和諧。性價比之選

本身餐廳座位比較淺窄、枱細，一行三個人食物都擺滿一枱，中間突然仲要搭枱加多個男人，唯有匆忙執拾枱面上食物，搞到大家十分尷尬。餐廳理由十分簡單，人多，見到隔離兩位枱更離譜，陌生男女搭枱對坐，應該更尷尬。食個早餐都差不多每位港幣六十元，應該不算便宜。我雖然冇北上，盡量留港消費，此情此景，有時難怪香港飲食業如此景況。

食品一般，每次攞外賣都要受阿姐氣，好似乞兒咁真係唔明白老闆可以請你咁嘅員工。相信好快都唔知見唔見到這間舖頭。外賣份量少質素差飯就好多餸就好少，下次都係唔幫襯，受氣。

呢間幸運燒味，繼一年之前叫個叉飯外賣等半個鐘之後無再食過之後，今日想食個油雞飯想話再試下佢啦，仲加錢叫個油脾，佢隻油脾夠膽死 un 過橡筋，食隻7仔瑞士雞脾都好過佢多多聲，點解仲未執架呢間垃圾？

初初將軍澳來說這間的食物真是很不錯尤其係早餐，水準保持得好好所有用料都食得出是一個好用心的製作下午的燒味也是非常好但女經理，收銀同門口既阿姐態度，真是我見過前所未有嘅差。一片混亂，大聲呼喝！每次來到呢間餐廳都見到有人同佢鬧交，都知道呢個人出晒名態度惡劣真的不明白為什麼一間餐廳食物水準保持那麼好，但要流着一個這麼有問題的員工所有其他員工都非常好態度只淨係一個經常罵人嘅老闆經理見到都不當一回事如果每次客戶未開始食，之前都有這樣的體驗咁就算一間餐廳有幾好食都不外如是！

得閒去 將軍澳海邊踩單車， 回程嘅時候發現咗呢間餐廳。 六點鐘仲有下午茶食， 叫咗兩個下午茶兩個晚餐， 晚餐仲有包中式湯， 真係煲出嚟嘅 老火湯。公司三文治48蚊公司三文治包埋嘢飲， 性價比算很高， 很厚嘅雞蛋同埋午餐肉， 仲有新鮮蕃茄同埋蔬菜。洋蔥豬扒包拼薯角洋蔥豬扒包熱辣辣， 有新鮮洋蔥同埋 燒汁， 重點係薯角炸得好香脆， 42蚊包埋嘢飲品超值。燻蹄燒腩仔飯燒味餐室 當然要試下燒味， 晚餐唔包嘢飲，但係包咗中式老火湯， 燻蹄加酸醋汁唔錯。 燒腩仔脆卜卜， 肥瘦都算均勻。煎後豬扒腸仔飯蒜蓉汁個人重點推介， 超厚切大塊豬扒勁抵食， 啖啖肉 煎得香脆， 薄薄嘅粉漿。 蒜蓉汁好鮮味， 撈飯食真係好好味。總括嚟講重點係夠平， 同埋 白飯質地煙煙韌韌幾好食， 因為而家 好多舖頭嘅白飯都勁難食。 同埋唔知點解出唔到食評， 街坊茶餐廳， 都話呢樣嗰樣出唔到食評。

我們入座的時候的時候說三人，朋友一直未來。我們先行叫食物。用餐途中四次被問是否三人？最後朋友來不及我們幫她外賣，等外賣途中要求我們埋單在門口等候。但我們當時連飲品也未飲完。一個男的侍應拿着我的外賣放在枱中，然後語氣非常之惡劣大叫我哋立刻離開交返張枱俾佢。其實當時我哋已經預備離開此等外賣。食物還好，但服務態度非常非常非常非常非常之差。

連續點了外賣兩天 五寶古法濃湯瀨粉第一天燒味份量很大很足點了肥叉 也是盡量滿足了我 至少不是又瘦又柴的雞走胸 直接給了雞翼 燒腩仔也是肥瘦相間燒鵝也點了走胸 因為喜歡骨位 味更濃 皮脆肉嫩鵝香味超濃 咸蛋就正常但 因為我很喜歡多湯 所以在下單的時候備註要超級多湯 但結果是3分1都沒有燒味再好吃 湯粉沒湯也是白搭但打過去餐廳 說下次再點外賣送一碗例湯本來是覺得沒意思但 想到燒味是不錯的 就答應了以防他們忘了 我第二天又點了同一份外賣再直接打電話去餐廳 要求多湯 和送例湯第二次的外賣 比第一次更好湯多給了 一碗 也送了例湯 燒味也是一如既往好吃量大

呢間燒味冰室真係唔錯，佢哋既叉燒公仔麵一向都好受歡迎，叉燒切得厚厚，肉質嫩滑，搭配濃郁的湯底，唔食都可惜。麵條煮得剛好，吸收咗湯味，整體味道超正。另外，佢哋的多士煎蛋都好好味，外脆內軟，多士烤得金黃，配上埋一隻剛煎好的蛋，簡直係完美早餐！你可以選擇加點醬油或者沙律醬，味道更佳。整體來講，呢間冰室嘅燒味加埋麵同埋多士，真係好方便又好味，無論係朝早定係放工後，隨時都可以來一碗，滿足感十足！不過人流太多，侍應服務質素爭少少

網上叫咗湯粉外賣，點知送嚟嘅湯好似飲剩下嚟咁，個情況係我已經係備註寫「多湯」。點知餐廳回應是「已經多湯，平時更少」「湯唔係用嚟飲嘅」😅😅避雷呢間餐廳，仲要唔係好好食。個粉冇湯，完全幹撈，冇味，超級難食。本身想飲湯先轉湯粉，點知衰過食飯。避雷❗❗❗❗❗❗❗❗❗❗❗❗❗

自問俾過好多次機會因為唔知附近有咩好食既燒味 所以間唔中都會嗌黎間次次午餐嗌燒鵝都中伏合理懷疑是翻熱昨日的燒鵝皮又軟又皺肉又乾又柴試過一次係晚餐嗌完全唔同質素先知之前午餐一直俾搵笨$150食咁樣質素同超市燒味完全冇分別咁樣做生意點留住客

第一次試，都幾好味，仲有冇味精湯送，價錢都係$60+ 雞蛋汁加埋落啲飯同埋個叉燒真係半肥瘦，好好味，另外嗌咗燒鵝同埋燒肉，但係燒肉比較好食，佢嗰個醬有話梅核，久違了的舊式醬汁🫶🏻

星期六晚下大雨，差唔多9點，得呢間未last order , 於是試吓啦，坐低拿拿聲落單，點了叉燒蛋飯和煎肉餅飯，有例湯和飲品。先飲例湯，當日係花生雞腳淡菜湯，有唔少湯渣，味道非常好飲，佢聲稱不加味精嘅老火湯，其實我好想encore多一碗，不過唔好意思問！至於碟飯，擺盤幾靚，茶餐廳格局來講，算係有心思有格調，賣相好，叉燒滑蛋飯，啲蛋顏色好靚，炒得好嫩滑，叉燒個樣都好靚，食落唔韌，只係略嫌白飯比較硬，如果用珍珠米就更好啦！煎肉餅飯整出來好似豬扒咁，但其實係肉餅，外脆內軟，幾香口㗎，伴碟仲有少少沙律菜，中西式fusion ! $5x-$6x 晚餐，有湯有飯有杯飲品，都算經濟實惠啦！住附近的街坊又多個選擇！味道環境性價比

魚米家之後變咗呢間店，見佢成日都好多人，今日去試吓。到達時仲有幾張枱，但店員堅持安排搭枱。🙄現烤叉燒忌廉雞湯意粉 配：西煎雙蛋 🍳 +牛油吐司🍞（$42）：呢個餐話係number one所以要試吓。有四舊叉燒，味道尚算可以。個 so-called 忌廉雞湯係好淡冇乜味。意粉都係冇味。食到尾聲，叉燒浸起湯度，連啲叉燒都搞到冇晒味。雞蛋🍳同多士🍞，正常，可接受。餐飲點咗薑蜜奶茶，唯一叫做比較特別。美式早餐（$46）：叫咗吉列魚柳 🐟，冇特別功夫，正正常常，就唔多講啦！