幸福海南雞

营业中

休息中

今日同朋友經過大角咀 見到間感覺都幾骨致既餐廳 咁岩大家都非常肚餓 全日未食野 就決定入去試下😋店內環境唔算大 但都舒服既 店員態度都幾好👍由于係有張紙仔自己劃單 咁就睇下有乜食啦主食選擇有幾樣 小食都唔算小最後叫左元貝肉餅 海南雞 圓蹄飯三樣等左陣 無幾耐就有喇 上餐速度都算快😀首先試左跟餐既南瓜湯 味道都幾濃 唔會好水 同埋有唔少其他湯料 這個加分👍主菜擺盤簡簡單單 幾塊青瓜點綴下咁 海南雞夠滑身 相信有用冰水過冷河🤔而雞味都無點流失 油飯味道好好 食落唔會太油 岩岩好 同飯粒都可以叫粒粒分明 唔會一舊舊 肉餅既肉無死硬這個唔錯 同埋加左元貝唔多唔少有左提鮮作用 所以食落味道同口感都幾好 圓碲飯就同平時食既口感比較起上黎黏口d😋 但就略嫌肥左少少😂而野飲叫左綠茶 剛好可以解解圖碲既肥膩感😗整體上黎講 CP值都高 同埋最主要既係好味😌值得推介👍👍👍

今日行過呢度，見到新開左間食海南雞既餐廳，入左去試試食左海南雞飯同豬手飯，好好味喔啲雞好滑，啲湯好味，好濃郁的南瓜湯，個套餐仲有生菜，真係營養均衡，有肉有菜有飯有湯，抵食😋😋豬手好冧，好夠味，😋😋😋😋

星期日，又來到我的地頭大角咀搵食！ ！經過見到一間新開的店舖「幸福海南雞飯店」，裝飾簡潔，感覺不錯，一於入去試試。內裏地方不大，大約可以坐到20人左右，用的是木枱木凳，感覺簡潔舒服。食物選擇不算太多，但我倒欣賞這樣的食店，因為能夠專心做好幾款食物更重要。當然要試吓這兒招牌的「海南雞飯」，我得二加多$10要雞髀。$80的套餐，更包一碗「自家南瓜湯」、油菜、飲品。開頭還擔心南瓜湯會跟海南雞飯不夾，但原來這碗是很有住家感覺的青紅蘿蔔南瓜湯，味道非常好，就像媽媽的味媽果然有一種幸福的感覺。而海南雞去了骨，而且非常之嫩滑，好味！！飲品選了「蜂蜜檸檬紅茶」，不肯定是不是自家製，但味道不錯，飲落幾舒服！原本打算點「幸福元蹄飯」，可惜售罄，有點失望！唯有另選「碳燒豬頸肉飯」，很有驚喜！ ！豬頸肉燒得很香，外皮焦脆，內裏卻非常軟滑，真係非常好食！ ！超級推介！ ！最後埋單兩個人$138 ，價錢非常合理！ ！一定會再嚟encore ！

前日收工經過大角咀大全街金家樂旁見到新開左一間海南雞專門店裝修唔錯睇落幾溫馨既小店，雖然附近都有幾間有賣海南雞但見到小店都要支持一下一於入去試下，環境都唔錯可能幾舒適而且好乾淨見到渠地員工有用消毒酒精清洗抬面。我同朋友點左個招牌去骨海南雞同黃金元貝肉餅飯試下睇落個餐好住家餐既感覺，最最最重要係一定要加12蚊升級佢個套餐因為有齊南瓜湯同埋菜仲有埋野飲，要提一提佢個南瓜湯真係非常非常好飲好真材實料，海南雞出乎意料好滑好嫩雞仲要去埋骨，跟餐有埋生菜同蠔油菜好新鮮好爽口，元貝肉餅都好好食係煎既好香好鮮味，少有食到一間我滿意一定會再返黎食。