幸福樓海鮮酒家 (已結業)

嘩....原來每間幸福樓既自助火鍋都唔同價錢架, 好彩無中計喳... <br>我就在上星期去左"秀茂坪" 新商場新開張那一間幸福樓打自助火鍋就$58.00, 包湯底, 另茶位$6 , 醬油和酸菜$12.00 , 仲有個海鮮火鍋生料頭盤送, 諗注今晚去開佐敦約朋友再食過....但差點兒就一肚氣+ 受氣.<br>我們去到酒樓門口, 諗注囉位, 特然發口痕問下個侍應....原來呢間係就係$58.00 任打, 但每位除計茶位酸菜外, 還要每位收多$10.00 湯底費, 我地就好奇怪咁問下個侍應, 點知得來既答案係...." 唔清楚wor...人地還人地(指其它幸福樓), 我地呢度係甘收既, 你地嫌貴就係外邊考慮下先啦, 我重有好多台要帶" , 講完呢段話就自己行回門口, 其實我地都唔係話覺得好貴, 只係覺得集團式酒樓都會唔同價錢...問清楚遮, 但得來"木口木面" , 還閏你兩句..... 最起碼都講下話係因為地區唔同, 收費有別, 或禮貌些對客人講話因每間酒樓的價錢係又各分店酒樓自定, 客人都聽落舒服D啦, 真係今時今日...... 唉.... 唔怪得話香港飲

訂了檯都要等二十分鐘?!已經算快了~我和朋友足足等了一個鐘!最慘是剛剛到了最繁忙的食飯時間,等了半個鐘時,走又唔係,唔走又唔係,半天吊,成班朋友由興緻勃勃,等到個個兩眼放光,等到有位時,自助火"wo" 的食物檯已出現杯盤狼藉的情況~話就話一百蚊唔使就任你食,但係計埋那碟老屈的花生和加一收費,每位要百幾蚊....根本冇乜野落肚,氣就一肚都係!

完全唔明點解仲有咁多人肯去... (我地之前訂左, 都要等成20分鐘先有位!)地方好窄好迫, 成個環境又好焗, 坐得好唔舒服呀!服務方面, 雖然真係好自助, 但d waiter 都幾好禮貌既~食物選擇少, 又唔好食喎... 打邊爐最重要既肥牛唔多靚, d 魚丸更加唔可以放入口!!咁既價錢, 畀咁既服務... 點去第二次呢?

試過去呢間幸福樓食自助火鍋, 生料都幾夠, 肥牛充足, 但D 熟食就唔多夠同唔多款, 三文魚同醉蝦都要排隊等配給, 仲有就係呢度既冷氣極之唔夠. 食火鍋已經夠熱o架啦, 仲要唔夠冷氣, 搞到我地食到成身汗, 呢樣就真係要改善啦!

絕對同意呀，其實多數酒樓o的自助火鍋都唔掂o架啦，o個次十六個人去，雖然訂o左位，俾十二個人位我o地喎，迫到死，激氣，o的侍應好傲慢，叫極都唔應！

話明自助餐，梗係乜都係自助啦! 連筷子、碗都要自己搵，厲害! 厲害!! 侍應真係冇乜禮貌，叫極都唔應該! d 熟食都ok，但係火鍋配料就好少選擇，總括來講，唔抵食

新推出的海鮮自助晚餐都幾多食物供應 ，同時又可以食火鍋，幾好。價錢方面亦不算貴，可以一試