幸福堂 (已結業)

最近幸福堂的官司不停出現在新聞及各大搵食群組，這店一開始登錄元朗時，要飲到他們的珍珠鮮奶好像要等上很久這晚與🐻大人碰巧趕上他們結業前，一嘗了他們的蘆山真味道😍黑糖珍珠奶茶（$30）入口順滑，但茶味不夠濃，黑糖的甜度恰到好處，🔅值得一讚是珍珠煙韌有口感，亦不會痴牙，愈食愈有有淡淡的黑糖味，連嘴刁的🐻大人也是讚不絕口 👍草莓珍珠鮮奶（$28）一飲下去有些似子母牌的草莓味牛奶，偏甜，但面層應是自家打的草莓蓉，不像很假的糖精味而粉紅色的珍珠其實也是跟黑色珍珠味道一樣，但顏色不同，整杯下來就顏值很高了，完全俘虜了小妹的少女心😍其實這家店的茶飲其實很不錯，可惜官司問題拖累下，結業也是必然😪希望有一天，就算沒有了名牌的光環，但只要有實力，換了名字也是足以吸引顧客的🎏…查看更多

珍珠抹茶鮮奶 $28（今日買一送一）🌕🌕🌑🌑🌑0奶味，抹茶味偏苦，杯野勁淡唔甜，好似溝左好多水咁。粉紅珍珠味道同普通珍珠一樣，偏腍身，份量多，無咩特別只係加左色素。就算買一送一都唔值得試...…查看更多

銅鑼灣個間已經冇左，襯佢未執再入元朗飲多次🙋🏻‍♀️ •🥤黑糖珍珠鮮奶 |少冰（$30）未撈勻個陣d黑糖珍珠仲係暖暖地好好食🤤個人覺得呢間比老虎糖好飲，超香滑同重黑糖味，珍珠更Q彈☄️不過叫左少冷都幾多冰下，整到好快淡左🙊…查看更多

路經又新行，呢間幸福當開咗短短兩三個月，成日嚟到都要排隊，真係咁好飲🤔，近來聽講台灣原店要求香港店改革不成，仲要告到佢開唔到，咁係要試下啦是日星期六，都有人排隊但等咗都係十幾分鐘就有鋪頭格局好中國風，門口仲有大簽筒比人求簽，求完真係可以喺前面攞簽文㗎見員工係咁炒珍珠，無停手，輪到我攞試1手1底層仲熱嘅，成杯做到虎紋效果，飲落唔係太甜，奶味清新不太濃，黑糖珍珠甜度剛剛好，而且做到Q彈效果，不過略微唔夠凍，整體都係好味嘅，不過$30其實都幾貴…查看更多

聽到銅鑼灣幸福堂要執，即刻擇個吉時去飲返杯摸摸杯底！點知隔幾日又話全線結業，晴天霹靂好大打擊呀！！台飲愛好者又少左個選擇喔！距離全線結業仲有啲時間，入個元朗朝聖下！比起對上一次，已經無左條長長嘅人龍，朝聖嘅人都少左，但都有10多個人等攞貨，點左個凍嘅幸福黑糖珍珠奶茶，等左5至10分鐘就到我喇！一飲落去，味道依然！珍珠黑糖味濃，茶味香，同凍凍嘅珍珠奶茶為回暖嘅冬天帶點涼意！滿滿幸福嘅味道喔！幸福堂，拜拜你條尾！…查看更多

食飽晚飯想買杯野飲下，經過元朗幸福堂，見最近咁多新聞，有d興趣想試試佢。見到d野飲五顏六色，有d驚，好似好多色素。揀返我最中意嘅黑糖珍珠鮮奶，怕訓唔著唔飲茶，天氣凍叫左熱嘅。側邊可以睇住黑糖珍珠嘅製作過程，睇佢炒又唔覺有好濃厚嘅質感。排前面都有三杯，都等左一陣。見個百子櫃幾得意，幫佢影左張相。拎上手，唔會好熱，所以用飲筒都唔燙口，但個人覺得可以再暖多少少。飲落只係好普通嘅珍珠鮮奶，唔係話無黑糖味，但絕對唔夠我飲過嘅好，無令我驚艷，因為佢實在太淡。無左黑糖嘅焦香，但甜味都係適中嘅。可能我對佢太有期望啦，下次我應該會幫襯第間。…查看更多

之前未試過飲呢間諗住試吓好唔好味，叫咗黑糖珍珠鮮奶，佢個奶底唔得， 感覺係珍珠還珍珠奶還奶，唔夾，cp值好低， 我夜晚飲完第二日朝早未食早餐就肚疴， 懷疑有機會因為係佢， 我一定唔會再買！…查看更多

元朗開咗幸福堂，初初見佢門面，好似D老舊藥材鋪咁，開咗先知係買黑糖鮮奶，成日想試，但一見條龍我就放棄，好彩撞啱有日唔係太多人，所以就去買嚟試下。佢個火焰黑糖鮮奶係其間限定，（個名好長，大慨係咁，無寫晒)見差$2，就試個好D，都等咗10～15分鐘，其間可以喺佢門口抽張籤打發下時間，個解籤櫃好以百子櫃咁，幾得意下，不過籤文就信不信由你喇，過咗一陣就有嘢飲，呢個係我第三次飲黑糖類飲品，係好飲，個甜度好夠，能夠溶入到鮮奶度，黑糖珍珠就有D煲唔透，但飲到最尾就唔甜喇，相比我之前兩間，幸福堂暫時領先，但佢係定死咗甜度，無小冰嫁，但以$30嚟講，係貴咗D。只會一試，不值得經常飲…查看更多

昨天終於試了香港的幸福堂黑糖珍珠鮮奶啦🥛杯子跟我在高雄新堀江的那家有不同，印象中在台灣喝的好像沒印「Happiness」的美文字。.不知道配方是不是有那麼一點點差異？我跟男朋友都覺的沒在高雄喝到時那麼被驚艷到....珍珠咬下去沒那麼彈牙可是黑糖味還是很濃，奶也很厚啦～香港珍珠是偏軟糯的口感🤤（....香港的飲品真心貴，台灣的幸福堂才50台😂）…查看更多

今日原本約左幾個同學仔去BBQ, 點知下午忽然落起大雨，即時將我地燒烤嘅火澆熄😏。不過大雨又點會阻擋到我地為食的心呢， 於是我地就係附近搵間咖啡小店，先吃個靚Brunch先， 再搭地鐵入元朗逛逛順便掃下街頭小食😁。行過第一檔就見到元朗燒賣皇后，當然要先來一串啦😝，排隊時見到旁邊有間幸福堂， 可能因為太大雨，個人感覺都有啲遲緩，所以沒有即時反應過嚟， 原來就係嗰間一直想試但又怕排長龍出名手炒黑糖珍珠嘅茶舖😅🤤🤤🤤。見冇人排隊，於是唔理同學還在篤緊燒賣，我就衝去買黑糖珍珠鮮奶👌。黑糖糖膠漂亮地掛在杯身， 鮮奶上面舖了一層綿密嘅奶蓋，外表非常吸引😍。杯是用了普通高蓋杯而唔係啤膠模，所以唔可以用上下搖晃的方法，而是要用攪拌方法，感覺又再骨緻啲😁。店員提我要攪拌18下先好飲。因為係全脂奶，所以入口特別香滑，黑糖香甜得嚟煙燻味夠濃，但就唔會死甜而蓋過奶香味👍。珍珠比較細所以好容易入口，質地亦好煙韌。整體我覺得係so far我飲過咁多間好好飲嘅黑糖珍奶⭐⭐⭐⭐⭐！…查看更多

幸福堂黑糖珍珠奶 係香港完全帶起了熱潮銅鑼灣果間大排長龍 但要排一個小時先飲到又真係太誇張喇得知元朗又新街都開左 太好喇 唔洗過海就有得飲 人龍唔算太長 而且落單速度快一場來到 當然要試佢最出名的焰遇幸福黑糖珍珠鮮奶 $30 等待期間有玩個大籤筒 過左大概10分鐘先拎到手黑糖珍珠唔知係咪真係人手炒的關係 都幾入味 而且QQ的加埋個鮮奶 剛好唔太甜 但個人認為撞手神 睇下職員果下漏幾多黑糖出黎因為同行人有幾個話佢杯好甜 但總括而言$30一杯都真係太貴 試過就算喇…查看更多

好耐無特登去飲某一間台式飲品，同老婆湊完仔上堂拍吓拖去飲吓嘢，佢去咗試呢間買咗杯無飲管嘅黑糖珍珠奶茶，但無理由就咁走去對面攞人哋枝飲管咁衰，所以就去「射牙tea」買咗杯珍珠奶茶順便拎多枝飲管。佢淨番大約三分一杯，我飲埋晤好嘥，誰不知⋯⋯咁大個仔都未飲過咁難飲嘅嘢，第一次飲珍珠奶茶飲到「where」口「where」鼻，兩個字⋯⋯把鬼🤮…查看更多

究竟呢間係咪台灣個間:(呢間聲稱係台灣幸福堂代理店佢未開張之前已經紅遍成個fb同ig 話未經授權但究竟係咪真係咁好飲呢台灣好飲d定係元朗呢間好飲d真係要試過先知雖然黑糖珍珠鮮奶喺元朗開到通街都係但係我自己就第一次飲因為飲開都係珍珠奶茶講返呢杯黑糖珍珠鮮奶拎上手嗰個黑糖掛杯真係幾靚影相出嚟呃like一流但係講返先作為一杯野飲 基本我對佢嘅要求係要解渴呢杯黑糖珍珠鮮奶一拎上手個杯係暖嘅因為啲珍珠係現炒係熱嘅鮮奶我諗係凍嘅但一熱一凍出左黎影完張相變左室溫...... 飲落去，暖嘅奶好奇怪仲要幾淡下，吾好味，好似奶溝左水同埋完全吾解渴不過珍珠好有咬口幾冧 ，好有黑糖味總括黎講我吾會排隊飲，完第二杯係我陪朋友第二日去飲因為當日無人排隊佢又未試過就同佢買黎試下我已經提醒左佢吾好飲鮮奶所以個日夜嗎嗎都買左杯奶茶我就試左一啖對比鮮奶呢杯奶茶差得遠起碼會想繼續飲可能加左冰所以易入口d味道可以接受呢杯如果吾洗排隊可以考慮…查看更多

元朗間幸福堂相對比銅鑼灣等得快啲😋呢排興起的黑糖熱潮仍未減退，我同朋友食完晚餐打算口痕買番杯飲都仲要排隊，好在唔洗等好耐，好快有得飲了。由於本人著重珍珠的口感，幸福堂既珍珠都算彈牙，又唔會太甜，最抵讚係佢既黑糖鮮奶，有好多間珍珠奶茶鋪既黑糖鮮奶一係太甜一係無黑糖味，但幸福堂可以將兩者十分融合，黑糖味好香，唔覺唔覺飲晒成杯～～食完飯飲呢杯真係好有罪惡感，不過鬼叫佢咁有吸引力咩！肥就肥啦😋😋😋…查看更多

一直都知道幸福堂呢個大名，咁岩今日見到唔多人排隊，就諗住試下佢!飲完之後，完全毀滅左我對幸福堂既印象，台灣既幸福堂好飲!但係香港呢間完全連佢一半都無。珍珠唔彈牙，奶茶唔香，黑糖更加無黑糖味，又唔香。完全唔知飲左D咩!!真係好失望!!感覺呢間毀左幸福堂既大名....…查看更多