幸時餅店 (已結業)

在元朗的確有不少店子, 或許不是大熱名店, 但也值得一記, 如幸時這家餅店, 就是水準不俗的小店. 謝謝會長在家聚的時候買來了這裡的其中三款出品:軟朱古力餅 $7.5: 7分, 海綿蛋糕是幾鬆軟的, 朱古力味道夠濃烈, 加上些朱古力碎, 還算是令人滿意的, 加上只要$7.5一件, 實在是超值的.意大利芝士餅 $12: 7分, 至於意大利芝士餅, 坦白講, 當然不能跟大餅房的出品去比較, 最大問題是欠了咖啡酒香, 芝士也不算太香濃, 不過質感是不俗, 不會太濕, 層次也夠分明, $12一客, 收貨有餘.木槺布甸 $8: 8分, 三款甜點中, 最喜歡的就是木槺布甸, 不會太甜, 淡忌廉跟煉奶夠香滑, 馬利餅幾乾身, 份量不少, 只賣$8一客, 又是另一超值的選擇.或者水準不算太高, 但計上這裡的便宜價位, 店子的推介度是大大的提高.

幸時餅店的出品絕對稱不上精緻動人，卻勝在出品樸實、價位親民，是間很得媽媽歡心的街坊餅店；4/9聚會當日，作為主人家也在樓下買了些甜品招待大家，順便也在這裡介紹一下吧。事緣食友對早前在blog內張貼的甜品照感興趣，的確，小店的軟朱古力餅及意大利芝士杯賣相的確不俗，前者雖然用上媽媽不喜的海綿蛋糕作餡，但面層的朱古力醬夠厚，朱古力味頗為濃厚，而定價只是$7.5，真是抵食不得了。同樣是Tiramisu，杯裝($9)的不知怎的味道較膩，不及件裝的蛋糕吸引，下面再介紹。4/9當日，媽媽就買來了件裝的意大利芝士餅給大家分享。沒錯，mascarpone不算太香滑，成品也欠了醉人酒香，但整體口味不算差，至少比連鎖餅店都好，而定價只是$12，沒得挑剔了! 軟朱古力餅的反應也不錯，全數清掉，事後問大家完全沒人估到它竟然十元還有找! 但其實，媽媽最推介是這裡的木槺布甸，每杯只售$8，忌廉層卻無比鮮滑柔美，襯以鮮香的瑪莉餅餅碎，香甜、和諧、味美，這天太多美食才大家一起分享兩杯，平日媽媽可是獨吞整杯當下午茶的!　　但作為街坊街里，幫襯得最多最密的其實是蛋撻及各式蛋糕才對。小店的蛋撻出爐次數很密，無論早上還是下午去

今日放工想買個蛋糕食,但係大牌子西餅店又太遠見到間麵包店d蛋糕幾靚,咪懷住試食心態試下買左個 藍莓芝士蛋糕 返到屋企一食入口 ,真係好好味 d藍莓醬又唔太甜 又有好濃芝士味四個人食剛剛好重要比美x 平,水準又差唔多下次都可以去個到訂蛋糕而且我店外望望下,有個人出來講野比佢嚇左一下原來d服務員出來介紹, 好nice估唔到小型麵包店都有人介紹, so Good

呢道D包我都食到七七八八﹐但就無咩影相同埋無諗過寫食評。有一次同男友講開呢道個朱古力包好正好多醬叫拒試下﹐拒話拒一早就知。睇黎呢間野個朱古力包都應該有D名氣﹖係開飯網search﹐先知無人提及過﹐太可惜了。我覺得都要寫寫喇~呢個朱古力包從前要$7﹐但而家反通脹降至$6。原因係因為$7好多人寧願幫襯大公司(與山X﹐美X﹐X班等等)。麵包師傅話﹐$6差不多成本價﹐如再不好賣便唔再整呢隻包﹐朱古力都實在唔平。於是買個試試﹐返到公司﹐我叮返熱30秒﹐食兩三啖左右﹐D朱古力醬湧出黎﹗搞到一檯係好le hea﹗同事見到﹐話怪唔知得好大陣朱古力味﹐原來係我個包﹗拒地見到紛紛話想試。第二日我買左兩個比拒地試下﹐如是者叮三十秒﹐仲警告拒地記住要毯好檯面先食...拒地咬左兩啖話我吹水...接著﹐報應來了~朱古力醬又多又熱~哈哈哈﹐場面甚搞笑~反觀十月山X(即X崎)出過一個叫雙重朱古力包﹐如下圖﹐外表好似好得﹐內里得一滴朱古力醬﹐而面頭D朱古力粒一D味都無﹗賣緊$7.5囉﹗講返幸時﹐呢到D包全部都好足料﹐我覺得價錢老實。個人除了推介朱古力包外﹐還有沙律包﹐椰絲提子包﹐丹麥條(食過就知了﹐呢個包同出面丹麥條非