幸拉麵 (已結業)

為求食「好西」, 當然不惜瓹窿瓹罅, 走遍港九橫街窄巷。今次來到有炮台山食街之稱的－電氣道。電氣道林立各式食肆: 中菜、西餐、日式料理等等, 一應俱全。食肆位於電氣道與油街交界, 由地鐵站A出口出發需時大約5分鐘。赤豚 $108 ( 肩胛肉追加 $15) 配菜包括: 肩胛肉、半熟蛋、筍干、大蔥、紫菜等。店長必食推介！辣味蕃茄濃湯。每日新鮮淆制, 以20磅新鮮蕃茄經猛火烹調, 再混合多種調味料, 鮮味湧現。湯底毫不油膩、味道鮮甜且帶點微辣, 零舍開胃。黑豚 $98 ( 肩胛肉追加 $15)接近手掌尺寸的巨型肩胛肉。生熟程度掌握得宜, 味道較為清淡, 口感不俗。糖心蛋鮮味十足, 口感嫩滑, 帶點微微的米酒香。追加首選！拉麵尺寸偏幼身, 質感較腍。食店有售玻璃樽裝可樂及汽水。( 可口可樂總公司已公開證實, 玻璃樽「存氣」最為理想。) 所以識飲一定飲玻璃樽！

一般既拉面都唔會難食得去邊，依間西利呀，世界級難食，你係得既！ 白湯黑湯個味都係好怪！不過，叉燒同個半熟蛋係ok既，但係拉面既精髓就係面同個湯底，依兩樣野輸就係輸架啦！

係附近工作見到開左間新拉麵，仲要LUNCH TIME唔洗等位咪入去試下。我要左個白湯底，一試。。哇，無味得咁緊要。同事個係黑色，佢都有相同感覺。一個三蚊嘅出前一丁出色好多。其它麵質呀配料其實都正常，可惜個湯完全破壞成個麵。一街都係拉麵，仲唸住豬⻣伏極有限，原來都不能相信世界之大。

同事話附近新開左間拉麵話一定要試下 事關本人是拉麵愛好者😬😬襯食晏一於黎試下 呢間店人唔算多唔需要等位 坐得都幾舒服 服務員態度很好👍🏻👍🏻叫左碗豬骨味豚肉拉麵 第一啖當然試左個湯先啦 味道濃而不膩👍🏻👍🏻👍🏻重點系食完一d都唔覺得口渴 平時食岀面果d都會想飲好多汽水☹️豚肉嫩滑好新鮮 份量足夠大塊 麵質軟熟得黎有點咬口👏🏻👏🏻最正系粒流心蛋 好香好香好香 重要要講3次😆加埋塊紫菜風味更好

Mr. C話呢間新開，哇，好啊，如果有間正既拉麵店響附近就好啦！決定去試下！大概7點半左右，可能新開關係，冇人，唔需要等位。店鋪唔係好大，我估計大概20個座位。每張臺上面有水（自助），但就冇配菜之類 （如腌製過既芽菜等等）我點咗個白豚，Mr C 點咗個黑豚。白豚 $88 （肩胛肉、半熟蛋、荀干、大蔥、紫菜）當然第一時間試下個湯。試咗一啖，怪怪的，再試一啖。。。可能我太慣其他幾間拉麵店既豬骨濃湯底。呢個味道有點豬騷味。唔知係原材料既問題，定佢哋走“raw”啲，豬味勁既路綫。塊肉，同湯一樣，都唔算特別好味。同湯既問題一樣，都係有陣騷味。另外塊肉中間有啲硬既肥膏，比較難咬。我個人不太懂得欣賞，又唔想簁，比咗MrC幫我食。我覺得如果有腌製過既芽菜作配菜，可能個湯會易入口啲。個半熟蛋都算幾流心。控制得唔錯。味道都ok。黑豚 $98 （肩胛肉、半熟蛋、木耳、大蔥、紫菜） MrC第一口試完個湯，即刻叫我俾我啲佢試。佢話我嗰個好好多！厄。。。 咁我都唔想試啦。。。不過最後都試咗一啖仔。好奇怪。都唔識點形容。我知我一定冇可能食呢碗麵。另外，木耳唔係一絲絲，係好似中式湯嗰隻整塊木耳放落嗰拉麵度。既攪笑。我