影片
港铁炮台山站 A 出口, 步行约3分钟
继续阅读
营业时间
*星期六不定时营业
星期一至五
11:30 - 15:00
18:00 - 21:00
星期六
全日休息
星期日
11:30 - 15:00
以上资料只供参考，请与餐厅确认详情
一直都知道幸拉面得师傅一脚踢，未能定时开业，咁耐只系食过2次。而我一直有留意幸拉面动向，知道佢今日做感谢日，再去捧场！叫了白豚同海老名味噌，叉烧好淋，好入味。汤底浓郁，试过两种汤底后，比较喜欢海老名多了一层鲜味既汤底！流心蛋入口有阵甜味，正！😋食紧既时候，见到有食客坚持付款，店员都拒受，叫佢地下次再来食啦！我走时都同老公讲，我地要再来食，多谢佢地今日既款待！点知，刚刚佢地网上宣布要结业了！原来呢个先系今日感谢日既目的…可惜…🥲有幸食到师傅最后一碗幸拉面，谢谢款待💛期待你再开新店，记得通知香港人😀
继续阅读
早排同朋友都系喺尖沙咀返工，会成日出嚟食饭，自从朋友转咗工去咗北角之后就少咗一齐食嘢，早排请咗假塭佢食饭，佢知我系门小雷fans，就话带我去试一间好隐蔽嘅拉面店。店舖喺北角AIA地点下，不过因为唔系喺正门位置，所以有啲唔太显眼，店舖唔算大但系有种日式小店嘅感觉，门口贴咗三张门小雷嘅海报。喺介绍拉面之前介绍一下门小雷，门小雷系一位我非常钟意嘅香港画师，好多歌手例如容祖儿、周国贤、Rubberband都有塭过佢设计专辑封面或者演唱会海报。拉面有五款选择，我钟意重口味嘅我所以我要咗个黑豚，另外追加10蚊笋。黑豚即系大蒜豚骨拉面，一摆低碗面就已经闻到一阵蒜香味，虽然大蒜味好重但系冇冚过个汤本身嘅猪肉味，平衡得啱啱好，叉烧嘅肥瘦亦好均匀，食落都好入味，绝对可以再嚟食。临走之前我问老板仲有冇门小雷嘅卡卖，好彩仲有少少存货，于是买咗一set返去收藏。
继续阅读
💫平时好少去北角𠮶头，见去staycation 前咁岩顺路就试下呢间都几🔥嘅拉面小店🤩铺头细细间咁，大概得十几个位左右，得一个厨师加一个侍应，好忙🙈个日平日大概1点左右，前面排左1个人大概等左10分钟先可以入座，食完出嚟见到大排长龙😂海老汤底系好浓嘅樱花虾味，鲜甜，有惊喜，叉烧系偏瘦带少肥嘅薄切，啱晒我，好味😋溏心蛋系原只上，咬开系劲流心㗎，而面质嘅硬度如果硬多少少就更好，整体都几好味白豚嘅汤底相对海老冇咁浓，少左d鲜味，但都唔错，浓郁嘅豚骨味，其他配料都一样😆整体都ok👍🏻有冰水提供👍🏻💫呢间铺嘅装修都有少少日本feel🇯🇵, 而佢个碗好特别😂，有个囍字😅整体觉得呢间拉面店都几抵食，都几推介😋但排队嘅位置有d热🙈
继续阅读
🍜幸拉面😆•今次推介嘅系位于炮台山嘅拉面店 由一名日本学师嘅港人主理 所有嘅配料、汤底、面 和厨房嘅一切都由佢一人负责🙀以制作博多拉面为主 采用一种极幼细嘅传统干面 工序比起传统生面繁复😢店内所有嘅面都由店主一手负责制作过程 绝对唔会假手于人🙇🏻♀️真心respect💛除此之外都好欣赏佢嘅叉烧、糖心蛋和汤底✨上面三样我都觉得比起其他拉面店特别🌟整体来讲表现都好出色！真心好推荐大家一试🙈 (每次都山长水远入去就系为咗食一碗拉面🍜)————————————————❶ 赤豚 (香辣蕃茄豚骨味道) $98(肩胛肉|半熟蛋|笋干|大葱|紫菜)📌汤底: 个人推荐 因为出面少见而且几特别🌟豚骨汤底浓郁但绝对冇过咸过油嘅感觉 闻落有香浓嘅蕃茄味但带点微辣✨ 中和咗本身嘅汤底 饮落黏口顺喉😆而且加深汤头嘅味道嘅层次 (好少食拉面会饮晒成碗汤🤫因为饮饮下会觉得好咸 但系呢款绝对可以🌟) 上面铺满用上百分百嘅新鲜蕃茄蓉和辣肉碎 有麻嘅后劲 食食下觉得少似肉酱意粉嘅味道🤣 另外有专属嘅芝士粉 个人觉得味道都唔错 但落咗之后更加似肉酱意粉😂📌肩胛肉:叉烧选用系每日新鲜用原条欧洲梅头肉腌味按摩 扎起定型 慢煮入味 再即叫即切 每一块肥瘦恰好 软腍嫩滑 肉味比较丰富 而且切得比一般叉烧薄 更容易吸收汤汁 同时一啲都唔觉得油腻😋个人极推荐！📌半熟蛋:流心蛋真系好出色 我会比满分😂生熟度控制得啱啱好 蛋腌制得好入味 同时蛋味浓郁 甜甜嘅蛋黄 再加埋拉面🍜好夹好match🌟📌面质:用上极幼身面🍜由于面条含水量较少 所以食落偏硬身 劲爽口弹牙😆(个人极钟意食偏硬身嘅面质) 而且相当挂汤💯 (平时去其他拉面舖食啲极幼身嘅面因为冇控制好面嘅软硬度 所以好易出现糊嘅情况🥲或者淋patpat🥲 但难得呢间两者嘅平衡做到啱啱好😭好感动)❷海老豚骨 (虾味噌豚骨味道) $88(肩胛肉|半熟蛋|樱花虾|笋干|大葱|紫菜)📌汤底:呢个汤底真心值得一试🌟虾膏味好重 浓郁鲜甜 配上大量嘅樱花虾🦐但同时不失猪骨嘅香甜 两者平衡得好好😆如果钟意海老汤底就一定要试吓😍❸黑豚 (大蒜豚骨味道) $88(肩胛肉|半熟蛋|木耳|大葱|紫菜)📌汤底: 嚟到已经闻到劲香浓嘅黑蒜油香味✨配上新鲜蒜泥 所以汤底明显比其他浓郁 一入口非常香醇 两只味道唔会互相抢咗 仲食到蒜头微微嘅辣 加深咗汤头层次嘅变化 个人系几钟意 (不过偏重口味嘅关系 食到中间有少少食腻咗)🤣 不过一入口嘅时候真系好有惊喜💛➍白豚 (豚骨味道) $78(肩胛肉|半熟蛋|木耳|大葱|紫菜)📌汤底:最原始嘅豚骨汤底 由过百件猪骨逐一清洗然后熬制而成 至少熬制10小时 愈简单嘅就要愈体现到师傅嘅功架 相比起其他汤底清淡 但肉味都好出 啖啖猪骨香味😋特别要称赞嘅系店内提供嘅水 够晒冰冻🌟喺夏天嘅时候解渴一流🤣💯总括嚟讲系一间性价比极高嘅拉面小店 虽然得一人负责 但对店内对每一样细节都非常认真 而且都做得好好💛💛所以真系好值得试吓✨————————————————🌟欢迎留言话俾我哋知你哋食完嘅feedback🥰•🍴 幸拉面 📍 北角电气道183号友邦广场地下19号舖•
继续阅读
呢间喺北角嘅拉面小店相当受欢迎，长期都有人龙，全店只有主厨老板同一个楼面，都做得几踢脚，收完碗、抹完枱，又去传嘢食，疫情期间呢啲细节就真系麻麻。黑豚汤底蒜味极重，完全冚过左猪骨汤味，叉烧同半熟蛋都正常，可惜个有一阵碱水味，所以不了！This ramen place has been very popular recently after being featured. However, the ramen itself was just below average - very disappointed! Also, the same waitress was cleaning tables, collecting money, and serving food (without washing her hands in between) - which was extremely unsanitized during COVID!
继续阅读