平昌

营业中

休息中

一早訂咗枱，去到，嘢食其實就普普通通啦，態度都麻麻地我哋有個蛋糕，咁到一夠鐘佢哋即刻趕我哋走，我哋亦都完全唔記得咗個蛋糕糕未切就同佢講可唔可以切埋就走，因為都係我諗用三至5分鐘，佢即刻用勁惡劣嘅態度同我哋講唔得，你哋夠鐘就要即刻走，跟住我問佢咁個蛋糕呢，佢話你哋自己出去搵，成個過程完全係可以用惡劣嚟形容，重點係出邊係有吉枱，即係根本個場係唔爆，但係佢哋就講你走同埋係一早就拎張單嚟催你埋單企喺度叫你俾張信用卡佢，勁惡劣，所以下次請都唔會再嚟

超級鍾意食豬皮🐷嘅我點會錯過🇰🇷韓式豬皮, 知道呢度嘅韓燒放題✌🏻有燒豬皮即刻過嚟, 韓式豬皮用咗韓式醬油醃製， 真係超級正個嘴滿口骨膠原😍仲有海鮮同多種🥓🍖🥩🍗肉類， 佢哋仲有韓式煎餅同埋泡菜🍲湯牛肉湯但係我哋實在太飽完全都食唔到， 淨係食佢哋啲燒豬皮同燒肉都抵返晒價錢非常親民， 地點又方便🥰仲有好多種韓國飲品🧃🥤❤️任飲佢哋都有幾款韓式薯條同甜品都係任食🥰🥰🥰真係好啱一大班朋友一齊過嚟食氣氛有相當好， 餐廳好友韓國feel老闆亦都係韓國人🤩🫶🏻⭐️

嚟到開咗好多年嘅韓式燒肉店，閑日晚上都好多人😇今次我二人就叫咗世子餐 $318最特別嘅竟然會有醬油蟹同醬油蝦，我都係為依個慕名而來，份量比得好充足，蝦非常大隻，醬油蟹亦都啖啖肉，兩款都非常入味🥰🥰🥩另外當然唔少得叫咗唔少肉類，包括T字骨扒、肉眼扒、五花腩、梅頭扒，仲有唔少串燒，例如雞腎、雞軟骨、等等🦪而海鮮方面亦都好多款選擇，包括蠔、青口、魷魚、大蝦、蜆等等當然韓燒會有生菜包、泡菜以及大豆芽菜，包住肉令到令到可以中和油膩😚另外當然唔小得有蛋圍住鐵板，另外最值得讚賞嘅係員工都非常之細心，當中亦換過鐵板數次，方便以最好嘅鐵板嚟燒烤🍲熟食方面亦都有好多款，但由於太飽，所以只試咗海帶湯以及牛骨湯，兩款都好好味🥫飲品方面亦都有唔少款式可以隨便任飲總括嚟講依家韓心鐵板燒已經開咗多年，而且每款肉類嘅質素都非常之好，款式亦都好多，由於款式太多，我亦都太飽未能每一款試足🥲服務亦都非常之好，好值得一試😇

燒肉放題人人都鍾意, 係旺角都有幾間, 不過今次放工去旺角搵食就見到兆萬有呢間主打韓國人主理既韓燒, 就同老公黎試試位置係兆萬中心, 地下左邊可以搭直達13樓的升降機, 都幾方便!!! 一上到餐廳就feel 到好有韓國氣氛, 一個個烤爐加埋支抽氣煙囪第一次食就揀左最平既大君御膳120分鐘($228+10%/位), 因為見到食物種類都好多, 一坐低店員就講如果出示學生證仲有85折!! 可惜我地已經脫離校園多時😂😂揀好之後, 另一位店員亦好快手將蛋液倒入烤盤上, 同埋泡菜, 配菜, 唐生菜我地分別點了肥牛, 醃好既牛肉, 薄切五花腩, 扇貝等等....黎到韓燒, 梗係要入鄉隨俗, 用菜包住五花腩再加少少韓式豆瓣醬啦, 正!!! 食物款式好多, 飲品都有10多款, 估唔到叫最平既都包左咁多野食, 自己燒, 鍾意點都得👍👍而且店員最貼心係不時自動為我地更換鐵板, 我地成餐飯, 佢幫我地換左3-4次, 仲要完全唔洗叫, 主動更換, 呢點都好好!!!如果一大班fd 都好岩黎呢度食, 最開心係任點任食🥳

旺角好多韓燒店，朋友話啲間主打韓國風味，一定要去食😋我一向都係跟大隊既，咁就一齊去韓風一下🥰一入到餐廳，真係好有韓國燒烤店既feel，而且好彩我地早，晏啲真係要book訂！今次揀選左「世子御膳」因為朋友話啲到既 醬油蟹🦀同醬油蝦🦐都非常出色，係必食item，而啲個世子套餐就可任食，真係非常之抵😆😆牛肉、豬肉、雞肉，都有好多不同選擇，不論有醃無醃的肉類質素都好好，真係食到唔停口！仲要有成塊牛扒，好正！熟食都有好多種，唔止小食，仲有好多種主食！ 真係包你食飽飽！特別介紹就係醬油蟹同醬油蝦，真係非常之入味，入口鮮甜，令人回味，送飯真係一流！ 飲品有茶、有汽水、仲有啤酒都係任飲！

最近同朋友去咗旺角兆萬中心13樓嘅平昌試韓燒，真係一個好正嘅體驗。平昌餐廳裝修好有韓國風情，牆上畫滿咗色彩繽紛嘅壁畫，再配埋Kpop音樂，真係好有feel！圓形櫈可以揭起放袋，呢個小細節真係加分。講返食物質素，呢度嘅韓燒放題真係好豐富。我哋揀咗$318嘅世子御膳，有豬牛雞三款肉類，仲有各式海鮮同韓國小食。個人最推薦係牛肉，肉質鮮嫩多汁，帶子同生蠔都好新鮮，海鮮方面真係無得輸。最驚喜係有醬油蝦同醬油蟹，雖然醬油蟹無蟹膏，但係味道依然好正宗。服務方面，待應態度好親切，會主動幫手換鐵板，仲會不停refill前菜泡菜。上菜速度亦都好快，完全無漏單情況。整體嚟講，平昌嘅價錢合理，食物質素高，裝修有特色，服務亦都到位。下次一定會再嚟，推介俾鍾意韓燒嘅朋友！每位大約$372，真係抵食又好味，值得encore！

買了60分鐘，時間到了東西還沒吃完，本來想問問怎麼加時，誰知服務員直接過來趕我們，連讓我們說話的餘地都沒有，嚇死人咩，東西也不好吃，真的很一般，大家別去踩坑啦！

旺角兆萬大堂搭𨋢直上13樓正宗韓燒風格 冷氣夠抽風勁今晚雖然全院滿座但氣氛熱鬧不會過份喧囂放題式價位抵食 服務仲超好店員每次行過都好主動咁幫我地換鐵板見我地食到差唔多仲叫我地快D去拎雪條晚市120分鐘 大君放題 $228任食嚟講價位吸引 想要靚料可另再加錢一坐底就送上大份既泡菜、豆芽 及倒上鍋邊燒芝士蛋自助啤酒氣水果汁任飲 仲有大量韓國雪條必叫LA牛扒、牛肋骨肉、五花肉、豬頸肉、雞翼仲可以燒埋青口、扇貝、魷魚及鰻魚店員除左主動換鐵板更會狂換生菜各式韓風生菜包任你配搭 油香爆靚既五花肉或豬頸肉正宗最正整體肉類不過不失 而且足料送菜快怕唔夠飽記得叫埋泡菜餅 嚟到再燒至焦脆更加美味食左太多肉真係太飽唔敢叫埋大醬湯、石鍋拌飯、水冷麵甜品任食既4款韓國雪條各有特色 淨係雪條放題都抵返晒試晒所有味道後 單係蜜瓜味我地食左4條!!

今日去咗旺角好出名嘅平昌 餐廳歷史悠久，可以話係香港第一代嘅韓式燒烤餐廳夜晚時間嚟到果然十分多人建議要book位先嚟食啊 氣氛十足好有韓國燒烤店嘅味道今日食嘅係世子御膳 竟然仲有醬油蟹添，啱晒鍾意食生野嘅我 醬油蟹醃得入味 肉質鮮甜 而且仲有少少蟹膏 用嚟送飯一流大大隻嘅虎蝦 已經預先開邊再加咗沙律醬 食起上嚟超級方便 啖啖肉肉質鮮甜彈牙 巨型生蠔 鮮味十足韓燒必食嘅五花肉 肥瘦分明一層一層 令我食慾大增 燒完之後入面嘅油分迫晒出嚟 加上泡菜生菜等等嘅配料一齊食 韓味十足 一啲都唔油膩竟然有韓國嘅花生醬 朱古力雪條超有驚喜

平昌，位於旺角西洋菜南街1N號兆萬中心13樓。 餐廳主打韓國燒烤， 店內很有韓國風味。 韓式放題晚上有三個價格， 我揀了中價 (世子御膳) ， 用餐時間兩小時，連加一每位大約$372📌。 肉類有豬牛雞， 每款肉質新鮮。 海鮮類我喜歡生蠔和帶子， 鮮甜肥美。 韓式料理亦有很多選擇，推介牛骨湯和豬肉大醬湯。 最驚喜就是有醬油蝦和醬油蟹， 雖然醬油蟹沒有蟹膏， 但這個價格可以食到兩款醬油海鮮， 已經很好了。 整體價錢合理， 款式多， 下次會再來。

依間韓燒餐廳真係好得本身我不太食韓燒但平昌無論環境同食物都係好高質值得encore🥳餐廳播放Kpop歌再加埋裝修好有韓國燒肉店feel而且佢d圓櫈可以揭起放袋好方便 加分😊餐廳有3種價錢揀：大君御膳＄228世子御膳＄318國王御膳＄568今次我地食120分鐘晚市世子御膳總有超過100款食物揀烤肉類：肉類、海鮮、蔬菜韓國熟食：飯麵、炸物、小食、湯類最開心係有醬油蟹🦀超正😍😍依樣得好少餐廳有上菜速度都幾快特別一讚係待應會好主動幫你更換鐵板又會不停refill前菜泡菜真係要食一塊泡菜一塊肉真係好好味😋海鮮蝦🦐、蠔、青口、帶子、半殼扇貝都好新鮮燒烤完 唔洗醬汁已經好好食😆尤其係帶子好有咬口口感豐富👍🏻肉類🥩肉眼扒必食💕肉質鮮嫩完全唔會有雪藏味牛味濃又juicy而且夠大塊😙至於雞肉好中意香草雞柳有陣陣香草味超惹味🥳肉質又夠滑口感唔錯食完依餐之後平昌成為我至愛的韓燒餐廳💕

My Best Friend好鍾意食韓燒，今次帶佢嚟試吓喺旺角兆萬中心上邊嘅平昌☺️位置超級方便，餐廳都算幾大，闊落乾淨，每張枱同另外一張枱之間嘅位置唔會好窄；我哋被安排入房坐，房間嘅座位都唔算細，一坐低，店員幫忙開爐之後，會係烤爐外圍加蛋漿，同埋上2款小食: 泡菜+大豆芽😍我哋order咗$228/位(2小時)嘅大君御膳套餐😋飲品喺出邊雪櫃自助拎，如需要飲啤酒要另外加錢；野食方面有好多選擇，燒烤嘅雞牛豬肉都有，特別有幾款我係非常推薦：💁‍♀️首先有我最愛嘅蛋漿，一直等到最尾先食，都唔會燶😂💁‍♀️牛舌-厚薄度啱啱好，肉質爽實💁‍♀️豬五花腩-豬五花腩肥瘦相間，肉味不錯💁‍♀️豬頸肉-唔會好厚好大嚿，好快熟💁‍♀️ LA牛排-有醃製，類似牛仔骨，肉質軟淋💁‍♀️調味雞翼-雞翼醃得幾好，煎香嫩滑💁‍♀️海鮮-扇貝、虎蝦、青口，好新鮮，我哋嗌咗好多轉🥰上菜速度快，亦都沒有漏單嘅情況；亦有熟食可以選擇，但因為真係太多選擇，熟悉我哋只係揀咗炒年糕🙈特別一提，生菜洗得好乾淨！望落亦都好健康新鮮😆另外，店員換燒烤盤嘅速度都好快，而且換得都好密👍👍，而且每位都好有禮貌🫶溫馨提示：餐廳需另收加一服務費

朋友生日，當然要食正啲❤️上網見到「平昌」嘅韓式料理、海鮮、炸物同燒肉嘅款式都好多😍所以就決定揀佢！而且，佢個位置好方便，就喺旺角兆萬中心！入到餐廳見到佢啲油罐櫈，加上牆身上面嘅裝飾，真係好有韓國風味😍佢嘅Menu分別有得揀「set A -大君御膳」、「set B -世子御膳」、「set C-國王禦膳」，我哋糾結咗好耐，最後揀咗「set B -世子御膳」😝因為有醬油蟹任食！✨海鮮方面，我最愛係醬油蟹，真係好正宗，勁鮮甜，超正❤️之後唧啲肉落紫菜飯一齊食，真係不得了！一定要食‼️而醬油蝦嗰種啖啖肉，都係必食😍✨肉類方面，佢嘅種類真係好多🥰✨韓式料理、沙律、炸物，湯方面都好味❤️而且佢每次份量唔會好大，每樣嘢都可以試到👍🏻好瘋狂‼️佢嘅飲品🥂雪糕🍦、乳酪、甜品係可以任飲任食❤️要讚返，店員好貼心，會不停咁幫我哋換烤板👍🏻

見到有d差評，以為會中伏，Vivian勇者本身冇乜期望，食完發現野食唔錯之餘，服務都唔錯，唔明點解d comment講到咁唔好Menu👉🏻👉🏻👉🏻👉🏻（揀左大君御膳😋$251/位） Vivian都算係食過唔少韓燒飲食，呢間真係做得唔錯：首先竟然會有蛋漿店員換燒烤盤都換得好勤力，超愛😍😍野食多選擇，燒烤嘅雞牛豬肉都有，非常推薦呢款：LA牛排，應該係類似牛仔骨，好嫩，而且用嚟燒烤好夾，仲要連海鮮都有，而且冇沙，LA牛排除左燒肉/燒海鮮，仲有湯麵飯，竟然有vivian最愛嘅水冷麵😍野飲任飲

兆萬中心樓上嘅一間韓式燒肉舖頭，呢個位置真係超級方便，食完今次之後我諗以後去旺角行街玩完之後都會幾常嚟呢間舖頭。平時比較少食韓式嘢，不過都幾鍾意韓流嘅影視作品，入到舖頭裏面個環境真係幾似韓劇裏面嘅燒肉店呀😂地方闊落又乾淨，特別係啲員工仲幾細心有禮貌。嗰陣員工見我同朋友手拎住一袋二袋，主動拉啲凳過嚟俾我哋擺低啲個人物品👍🏽 喺呢種價錢貼地嘅餐廳都有咁嘅服務，欣賞放題套餐方面我同朋友食咗個最平嘅 ’大君禦膳‘ 套餐，因為感覺性價比好高，豬牛羊雞海鮮一樣不少，上菜速度快之餘仲有好多熟食小食可以喺燒緊嘅途中食，例如1號芝士、蟹肉薯餅、炒年糕，仲有我好鍾意食嘅辛辣麵😂😂而食燒肉梗係唔少得生菜配燒肉呢個組合，所以蔬菜嘅乾淨新鮮程度好重要。我同朋友嗰晚應該拎咗三盤生菜，每一盤我都望得好仔細，因為驚洗唔乾淨或者有蟲。但我可以同你講呢間舖頭真係洗得好乾淨，每份生菜望落去都好健康新鮮😂👍🏽可以放心食！最後想講多點烤爐外圍嘅蛋漿煮熟咗之後真係好好味！唔夠食可以問店員再拎過