平昌

营业中

休息中

今日試過咩叫狗流服務，未夠鐘韓國老闆就叫職員執你張枱，職員見你仲食緊，老闆示意經理叫職員趕客走，仲要大大聲周圍都聽到，連機本尊重都冇，呢D餐廳送俾你食都唔會再黎

今天我們3大帶3個小朋友去吃，落單點的肉菜從來沒有上齊，漏單嚴重，要追幾次才給上來，烤肉爐瓦斯不夠氣也不檢查，直到火完全熄滅才過來換，還把桌上的小菜和我的飲料打翻撒在我身上。90分鐘左右就要求買單，上菜兩次盤子打到我身體，沒有服務。希望以後提高點水準，以後不會再去。牛舌很硬，烤完後難以下嚥，厚豬五花腩皮上還有毛，入口有腥味。肥牛和醃製的牛肉味道還可以。小朋友最喜歡的就是冰激凌，味道不錯。上菜的時候還把沒有點過的菜端上來。

猶如身處韓國街道的烤肉店(肉類篇)晚餐有兩款選擇，分別是大君御膳及世子御膳（大君及世子餐牌），T與朋友就揀左世子御膳品嚐。餐廳是韓國人主理，有好多oppa招呼的，而且種類繁多，T都未能一一盡說。店內超有韓國氣氛，店員態度相當nice及非常主動細心，同時耐心解答，仲有上菜速度非常快呀！👍👍👍🌸牛肉소고기 Beef 🍀LA牛排 〰️大大塊，肉質鮮嫩，唔癡牙。 🍀照燒肥牛片 〰️睇住油脂慢慢消退，食落唔算太油膩，照燒醃料惹味。 🍀牛前胸腹肉〰️薄薄一片，燒起來睇住油脂收縮，感覺好愈。 🍀T骨牛排〰️大大塊，T骨牛排超重牛味，唔癡牙。 🍀牛肉眼〰️大大塊，肉質超嫩，超級重牛味👍👍 🍀調味牛舌〰️重口味，燒完嫩嫩的感覺，口感不錯。👍👍 🍀西冷〰️大大塊，帶點筋位，有咬口但唔癡牙。🌸雞肉달고기 Chicken 🍀辣調味雞腳肉〰️超惹味，辣得好過癮，雞腳肉超嫩滑。👍👍 🍀香草雞柳〰️香草味好香，肉雞結實。🌸豬肉돼지고기PORK 🍀護心肉 〰️厚身，燒完超嫩滑夠淋身，醃料味道好像香港叉燒醬味道，超好味！必吃👍 🍀五花腩（原味/香草）〰️原

📍 平昌旺角西洋菜街1號兆萬中心13樓這家韓式燒肉店人氣爆燈，平日晚餐時段都可以座無虛席，餐廳內也有不少外國人特意前來。店內的裝潢很有韓國特色，牆身的特色卡通塗鴉，以及紅色的鐵桶圓凳，加上幾位韓國店員，感覺完全置身韓國一樣。燒肉放題有兩款可以選擇，分別是大君御膳($218)和世子御膳($298)，同樣限時120分鐘任飲任食，性價比非常高。我選擇了大君御膳，可以任食牛肉、雞肉、豬肉、海鮮、各款前菜和小食，飲品選擇也非常多！鐵鍋預熱之後，店員會在鐵鍋邊加上蛋漿，蛋味濃郁。海鮮類方面，推介青蠔和半殼扇貝，蠔和扇貝都大大粒，非常足料，而且新鮮沒有腥味。其他肉類全部已經醃製好，好入味。大推五花腩片和LA牛排，五花腩油脂分布平均，有淡淡的油香味。LA牛排要用較長時間去燒熟，但肉感豐富，肉質軟滑多汁。熟食方面選擇有很多，牛肉海帶湯很足料，海帶非常入味。另外一定要試辛辣麵，麵條爽口，還有熟蛋，非常地道。

食物差🥺態度差😢120分鐘放題，入座後大約90分鐘叫你埋單，約100分鐘叫你離開，不過冇所謂，因為已經停止燒烤食完雪條😛讚： 有韓國密瓜雪條，韓國飲品。😋 全餐最好味就係韓國雪條 和 煎餅都幾好味 泡菜都好味😋

之前食過一次，今次叫左世子，打算試下新野。原先好傻仔咁以為叫世子就只可以食世子menu個啲，後尾先發現原來係大君+世子。一坐底先有店員整爐邊蛋，仲會放低啲生菜同kimchi。食物選擇有齊前菜、肉、蔬菜同埋主食，飲品就出去自取。因為實在太多款，重點講啲推薦/唔推薦嘅野食。肉類：👍🏻牛肋骨肉👍🏻香草豬五花👍🏻西班牙捲狀豬腹肉👍🏻護心肉👎🏻T骨牛排/牛肉眼：比較瘦同薄，好易燒到老海鮮👍🏻油蛤：不停encore，夠鮮甜。👍🏻蝴蝶蝦伴他他醬：蝦係爽嘅，又唔使自己剝殼。但建議整走啲啲醬，個醬好搶味。👎🏻帶子：個樣唔錯，但燒完無咩味主食👍🏻水冷麵：夠Fresh👍🏻石鍋伴飯：熱辣辣，有啲飯焦，夠香口。👍🏻醬油豬軟骨：味道唔錯，肉都夠淋，但唔夠熱。👍🏻牛骨湯：清清地，蘿蔔好食

從來未寫過食評，但今次真係不吐不快。今晚同幾個朋友去食，朋友話唔錯所以試下。一上到去已經勁大油煙味。坐低後見到張枱細到呢！坐低點咗$318嘅餐，職員先落蛋漿，燒咗兩轉肉蛋都未熟，奇怪緊個爐火點解咁弱，原來唔夠gas,但換完之後都唔見到好好多。食物來得係快嘅，但爐板咁細，放幾塊肉已經無晒位了。去到差不多夠鐘交枱時，打算食埋爐上煎緊嘅幾片肉，點知有個女職員行埋來講咗句“你地夠鐘交枱啦！”然後就關咗個爐火就行開了，態度差到好似我欠佢錢咁，呢間真係無下次。😤😤😤😤😤😤😤😤😤😤😤呢個價錢可以有更好嘅選擇

朋友話睇韓劇睇到好想食韓燒🤣，所以我就book左呢間平昌滿足下佢心願有大君同世子兩個餐選擇，因為朋友想食蠔，所以我地就揀左世子set ，$318一位。入座後店員會首先比左生菜，芽菜同泡菜先，然後就可以睇餐牌點菜🥩肉類選擇好多，牛肉、豬肉、雞肉、海鮮，基本上所有肉類都唔需要再點醬料都好好味。我地主要係食牛肉同海鮮，有一整塊既西冷、牛肉眼或者切好一片片既牛舌、肥牛片，兩者厚度都適中，好岩夾生菜食。另外重叫左啲串燒，都唔差😆🦐🦑海鮮方面，石蠔、帶子、海蝦、扇貝等都好新鮮，貝類已經處理好，直接放爐上燒就得除左燒肉之外，重有不少既韓國料理可以食，例如：辛辣麵、水冷麵、炒粉絲、炸雞等，唔知係咪因為有韓國員工既原因，煮出黎特別好食😂餐廳抽風系統做得唔錯，食完都唔會成身燒肉品，而且啲店員幾nice，想換燒盤、加蛋汁都一叫即到👍🏻如果Follow 佢哋餐廳既社交平台，重有得任食雪條😆

之前好似喺網上見過人哋介紹呢間韓國燒烤，不過碌過左冇特別去睇～之後搵唔返個名😂😂 約咗朋友夜晚喺旺角區食飯，朋友咁啱就係搵咗呢間燒烤店想食，一上到嚟望到個環境我就記得起啦！🤣 一入到嚟呢度嘅裝修好有韓國烤肉餐館嘅感覺🇰🇷（係鐵桶座椅啊！🤣）雖然仲未有假期去到旅行🥹 咁就食住韓烤先啦！😋因為同行朋友唔食牛肉，所以對肉類冇乜要求 我哋就揀咗最平嘅大君御膳🧑🏻‍🍳 (如果係食肉獸嘅朋友仲有世子御膳 同 國王御膳👑 食物選擇會多好多!!）而我哋嘅大君御膳平日夜晚成人$228/位 任食任飲120分鐘!!!! 如果想簡簡單單同Friend燒吓肉傾吓計，其實性價比好高好抵食😋呢度嘅任飲飲品係自己喺雪櫃自取嘅，主要係罐裝汽水為主☺️ 有韓國樂天七星汽水、忌廉溝鮮奶🥛、可樂等等⋯🥤呢度點嘅肉類大部份都有得揀辣同唔辣，調味汁醬已經醃好，味道啱啱好唔覺得太鹹👍🏻 特別推介辣調味烤牛肉🥩😍 可以用枱面嘅生菜同泡菜夾住嚟食🌮🥬 好夾又唔會咁漏🤤除咗肉類之外，其實呢度嘅韓式料理係更加值得點！！韓式炒粉絲、炒年糕、水冷麵🍜 呢啲我平時食韓國嘢都好鍾意叫❤️ 呢到可以無限食實在太好啦🥹🥹 食放題嘅好處就係！唔係樣樣嘢同

見呢間韓燒係Openrice咁人氣，當然要搵日試下。為左試多d野食，我地一行4人揀左較貴果個放題，好似叫世子御膳，連加一，$3XX位。餐廳環境都幾新潮同eye catching，有好多漫畫公仔係牆同窗度，侍應們都係年輕有禮既，我媽咪話係度食飯感覺都年輕d。蝴蝶蝦伴他他醬賣相好正，隻蝦大大隻，有鮮味，唔會被他他醬既味道完全覆蓋。另外，蝦已切邊好方便剝殼進食。呢碗好似係醬油豬軟骨，個醬油無死咸，d骨夠軟，肉唔會"梅"，估唔到熟食都有水準，必叫。海鮮煎餅賣相平平無奇，但食落個邊微微脆，魷魚蝦幾有口感，又出奇地咁好食。紫薯好清甜，輕輕燒熱就食得，心急人士必叫。Menu圖文並茂，唔洗估估下。連沙律炸物都有。

天氣轉冬🥶，胃口大增，大家都提議食自助餐或放題happy一下有朋友試過呢間韓燒話唔錯好豐富，岩三五成群去燒燒😆放題有三個級別，岩出雙糧豪d食最高級$318/位，食2個鐘，有齊豬牛雞海鮮小食，非常豐富😍當日係平日夜晚約七點，我上到黎，座無虛席，好彩朋友訂左位首先去雪櫃拎野飲，最少有兩個雪櫃，飲品都算多選擇😝我哋第一輪叫左蠔、帶子、西冷，我地一行四人，餐廳會預份量，唔會上太多造成浪費 贊🫡蠔燒熟後再點燒肉醬食出奇地好味，再加埋佢無限添加既蛋，正呀蝴蝶蝦伴他他醬、虎蝦、台灣胡椒香腸，燒到香噴噴，卷埋生菜🥬食，層次豐富🤤生牛肉石鍋飯熱辣辣送上黎，咋咋聲，撈勻後連埋飯焦食，脆卜卜辛辣麵出哂煙熱辣辣，口感煙韌，食過唔停炒粉絲粉絲煙煙韌韌，我哋再放落去鐵板燒兩野，好香另外再叫左d炸物：脆炸一口芝士、無骨原味炸雞、炸紫菜粉絲卷，味道正常，可以一試

最近睇得韓劇多，好想食韓國野/韓燒。上網見到呢間餐廳都幾出名，所以今次就約埋都係韓國食物愛好者嘅朋友一齊黎試下呢間先！一去到餐廳已經好爆場，好彩BOOK左位先。佢係有3個SET,最平既係大君御膳 $238，之後就係世子御膳$318，仲有個國王御膳$658。想食多少少食好D，所以就揀左世子，不過大君其實都已經好多款式，都夠食架啦。飲品方面係自助，有得飲韓國啤酒！小食方面就會俾有泡菜同芽菜俾你，泡菜好好食唔會好酸，我仲ENCORE左轉！🔵牛肉一黎到當然係主打牛肉啦！呢度牛肉味道唔錯，每次上碟份量唔多，所以可以咩款都試到😍另外叫左T骨牛扒，好大塊呀！特別推介牛前空腹肉，食落去有陣陣牛油香味，牛味亦都係最濃。.🟡豬肉食韓燒既話，一定會叫護心肉同五花腩😊呢兩款都係必叫之選，五花腩油味香，啖啖肉。.🔴海鮮 呢度都幾多海鮮可以燒，包括有帶子，蝦，蜆同埋蠔。海鮮唔會有腥味，特別介紹大家燒帶子，燒完好香口，帶子又好甜，我都忍唔住燒左幾次呀。. 🟣熟食有時燒燒下都想食下其他韓國小食，呢度都有好多款式可以揀。今次我就叫左炸雞，冷麵，醬油燉豬軟骨，大醬湯同辛辣麵。醬油燉豬軟骨夠淋同埋入味，大醬湯味道濃好好飲！

天氣又轉冷了，除咗打邊爐之外，韓燒往往係另一個好選擇，來到了「平昌」。餐廳位於兆萬中心，相當就腳，店內環境寬敞，估唔到平日六點黎到，都已經半滿，同一般韓燒店好唔同，呢度嘅抽風做得好好，無乜油煙味，咁就唔使驚食完之後個身成陣味啦。晚市有三款套餐可以揀，最後揀咗較多嘢食嘅世子御膳。入座後店員先送上一籃生菜，用黎包燒好嘅肉食，仲可以無限添，非常有韓式風味。呢度嘅肉款式眾多，豬、牛、雞同海鮮都有，個人比較推介牛西冷，原塊西冷唔太厚，有香濃牛味，仲有好多肉汁；牛舌夠薄，每邊燒十秒就食得，入口好爽。豬方面就覺得辣味豬大腸最為有特色，入口多汁之餘，辣味亦十足，食得非常過癮。另外雞腎及雞軟骨口感爽脆，一串串食得非常方便。餐廳亦有唔少韓式熟食，試咗炸忌廉蟹肉薯餅及韓式炸雞，即叫即炸相當好味。有嘢食又點可以冇嘢飲呢？呢度嘅飲品全部都係自助形式，主要都係韓式罐裝飲品，另外仲有啤酒添，食住燒肉飲冰凍啤酒份外過癮。Follow餐廳IG仲可以任食雪條添，真係大滿足。

一直都想食呢間燒肉，今次終於搵到機會可以黎食。一出LIFT就係餐廳，勁有韓國FEEL，仲播住啲HIGH歌，成個場都好熱鬧。 ------------------------------平昌呢度有幾個唔同價位既韓式燒肉SET俾大家揀。咁岩係糧尾未出糧，但係我地又好想食燒肉，所以就揀左大君呢款。不過唔好以為佢係最平果個款就無乜好野食，其實都有好多野揀，岩晒小資族。 大君SET 有得食牛、雞、豬等唔同既肉、唔同既腸同午餐肉、海鮮同埋唔同既蔬菜。肉類都有分調左味既(辣汁)同正常生肉，大家可以根據自己既需要黎叫。肉質都算新鮮，肥瘦適宜。 如果大家覺得烤肉烤到有D攰，都可以叫佢地既熟食架！重點推薦辛辣麵，朋友話佢煮得好好🤣🤣烤完肉食真係覺得好滿足。食完肉食返碗水冷麵好正，成件事無咁油膩好清爽。我地仲叫左碗辣豆腐湯，質素都唔錯。順帶一提，員工服務質素好好，燒燒下果時朋友靜靜咁講左句 好似無火咁喎，附近既STAFF聽到即刻自動波幫我地換GAS。夠晒細心！而且冇乜漏單，唔會因為我地叫得多就唔上，呢個位值得讚賞。

今日收工約朋友食飯，大家都想食韓燒！其實韓燒有好多選擇，不過大家都想試下呢間平昌燒肉！好彩打電話上去，仲有位！雖然8點半，都座無虛席！尤其而家冇晒限聚令，多左好多人出嚟食飯！一坐低，待應就好好話我地知張凳係可以放野！ 聽得出係韓國人！然後就幫我哋個爐旁邊加蛋漿！餐單有好多選擇！豬牛羊一定有！好欣賞有好多唔同嘅熟食！好似醬油鵪鶉蛋/海鮮蔥餅/炒年糕！仲有唔同種類嘅湯！有海鮮豆腐湯/豬肉泡菜 湯！仲有我最鍾意食既水冷麵！今晚我哋叫左好多牛肉！重點牛肋骨肉同牛舌！好好味而豬方面，豬5花腩都好正！呢度海鮮都幾多選擇！有扇貝/虎蝦/魷魚/蠔！估唔到都算係新鮮！當然仲有飲品任飲！二百幾食足兩個鐘！都幾抵食！