影片
开饭介绍
常满百家菜是一间专门吃京川沪的酒家,地方虽然不大,但也有很多客人,而它们的招牌菜是水煮鱼,潮式竹仔鱼,真是十分美味.另外,也有投射电视供食客欣赏,环境和装修别致,灯光柔和,真令人舒服。
继续阅读
附加资料
设有泊车优惠, 30人团体以上预订午及晚市可获9折优惠。
营业时间
星期一至日
11:00 - 01:00
以上资料只供参考，请与餐厅确认详情
招牌菜
见佢张宣传单张好似好多野食, 而且只系$109就有中菜放题+点心任食, 仲包埋茶芥, 计落一人都系百二蚊, 任食bor~~ 咁就比佢给引左上去喇~~原本都谂住食呢间, 当行到楼下, 见到有个亚姐派传单, 又话食晚饭有$20coupon, 即刻问佢拎coupon, 跟住亚姐就带我地上去坐, 交带落d同事话我地呢枱减$20, 开头都觉得d service应该唔错, 但原来唔系..................一上到黎, 差不多七点, 只得一枱客.......... 招呼完我地坐低后, 明明有3个伙计, 但成日唔见人, 就算有人, 都系自己左右行来行去, 唔会望下d客人, 我地又唔想大叫, 好似好冇仪态咁, 终于等左几分钟, 个伙计先望到我地, 帮我地落单...........等左一阵就有野食, 望落唔错, 但食落就麻麻地.............炆野类 : 一大pat芡汁, 杰达达, 太浓味炸野类 : 炸得太干, 冇哂食物本身d汁炒野类 : 太油蒸野类 : 呢d就ok甜品 : 太甜汤 : 味精汤我地3个人, 食左2个几钟, 差不多试匀哂所有野, 觉得麻麻地............但之前我个fd食过lunch, 见好多人, 味道又唔差, 所以先敢试晚饭, 但我地由未够七点, 坐到九点零, 都唔够10张枱, 大部份都系2个人, 只有1枱十多人, 唔知系咪琴晚跑马, 成日都唔见d伙计, d𩠌又煮得麻麻地..........到我地埋单时, 又系等好耐先有人理, 然后埋单要$350蚊(已扣$20coupon), 原来要收酸菜$9........我地比咭佢, 个伙计竟然话只收现金, 咁我地唯有比cash, 到我地一路走, 一路谂, 我个fd话记得佢上次都可以碌咭, 但点解今次唔得呢?? 真系冇人知, 跟住今日即刻上openrice睇, 连呢度都话收咭, 咁系咪呃我地??
继续阅读
同猪想食任食点心.系小肥羊同呢间选择.最后简左呢间因为未试过呢间同埋佢有得逐粒咁叫2点钟去到.个场原来唔系好大.客人都唔系好多我地坐卡位.一坐低就点野食.有4张纸俾你简野食我地叫左:小笼包:呢个我地都认为好好味.同出面个D有得挥.我地断断续续食左7粒虾饺皇:猪冇食.我食左1粒.同出面个D差唔多.冇咩特别蒸排骨:好好味呀.我地食左3笼呀!不过油左少少牛柏叶:好难咬呀D牛柏叶.咬极都唔难既蒸滑鸡:都唔错.不过都系油左少少烧卖皇:冇大家所讲既既怪味.同出面食到既都差唔多流沙饱:真系识得流.唔系得个名架!我觉得唔算太甜.我食左两个马拉糕:我冇食.猪话好好味.佢食左两件.饱到呕都要食多件萝卜丝苏饼:我都系冇食.猪话唔差.佢食左4件炸馒头:细细个但整到干争争.同埋个奶好杰炸云吞:好味呀!我食左3个.个汁都好味沙姜鸡翼:都几好味.我地食左4只口水鸡:猪话好好食.我嫌佢油左少少.原本想叫多碟.但冇晒蒜泥白肉:好油好肥呀呢个台南担仔面:我地开头以为系捞面.点之唔系.麻麻地姐嫩鸡煨面:好味呀.猪连汤都饮埋炒年糕:个汁好味.系油左D菠萝鸡粒炒饭:猪话冇味好啖.我反而觉得啖啖地几好味芝麻糕:冇咩芝麻味桂花糕:我觉得一般.可能我唔钟意食杨枝甘露:好甜呀!太过甜喇蕃薯糖水:猪话可以多D姜味仲好.不过都唔错我地食左好多野.饱到晚饭都食唔落样样野都唔差.有D仲几好味.可能我地要求低系有D比较油同埋个冷气好冻.冻到猪只手要摸住杯茶取暖D服务都唔差.我地系咁问佢地野/有D要求.佢地都好乐意答/解决问题可以再去多次
继续阅读
总评我食左两次，第一次系数月前，之后又好想黎多次因为真系唔错，之但系今次黎，野食差左好多价钱亦都加价，不过胜在楼下有十蚊代用券派而且有得选择十二点入或两点入可以满足点心怪既我食物（分左好食同唔好食）炸云吞: 系甘多菜入面最能保持水准，唔错！沙羗鸡翼: 滑滑鸡，沙羗味较淡，年纪大既可能觉得唔够入味紫姜蒸滑鸡: 紫姜味, 不过d鸡就真系好滑!虾饺: 味道同出面差不多流沙包: 真系几流，我朋友仲滴左落条裤度＝口＝小笼包: 第一次食觉得好正比街外既好食劲多，第二次就好一般， 皮厚之余，汁又凝固哂．．．萝卜丝酥饼: 第一次食劲正，入面既丝够林，出面够脆，一口食得哂 第二次食就落左葱，同个酥好唔夹．．．老火汤:几够甜,一般般酸辣汤k啦,同市面差不多,系店中较好食既野上海粗炒:味道唔错,不过劲多油台式肉松豆腐: 可能我唔系甘食得惯台菜．．．怪味．．．芝麻糕: 冇乜味既糕一块马拉糕: 普通既马拉糕．．．烧卖: 最怕烧卖整到甘既味．．．同国内既酒楼有得挥，又无啦啦落萝卜粟米蛋花「巾」:冇乜料,仲要落劲多粉,杰挞挞
继续阅读
虽然见到各食家o既评语似乎系好坏参半, 既然任食可以试到唔同点心, 小妹与朋友姑且去试1次~星期日 $53/位, 免收茶芥加1, 楼下仲有人派传单可以$60以上就-$102时入座, 好少人!数埋好似得3台, 点菜纸有4张, 其实数埋款式都算少~上菜都唔算好慢啦, 始终个场得咁少客...萝卜丝酥饼: 不幸地系冻o既, 真系冻冰冰戈种...台式肉松豆腐: 切到好薄o既豆腐上面有d蚝油同肉松咁啰..＊沙羗鸡翼: 沙羗味虽然唔重不过鸡肉好嫩滑仲热辣辣上台~虾饺: 个皮都算厚度适中, 个馅又足料白滑虾米肠: 的确又白又滑, 不过0虾米, 无味o既, 连d豉油都系无味烧卖: 佢写系"香菇", 但食落竟然系萝卜味...＊小笼包: 肉味较重, 包入面仲有汤而个皮都无穿无漏, 算系好味架!紫姜蒸滑鸡: 0紫姜味, 不过d鸡就真系好滑!韮菜猪红: 2样野都系原味...流沙包: 真系流沙不过流出黎戈d黄色野唔知咩来... 激甜.. 自命"甜精"o既小妹都食唔落口...蒸粉果: 个皮好厚好"un", 个馅似系萝卜仲要同烧卖1样味_=蒸排骨: 好咸而且好多肥膏都无咩肉o既＊天津狗不理: 小妹唔知狗不理包应该系点, 不过佢e个就似好湿o既菜肉包, d津白仲好甜哇~菠萝鸡粒粉饭: 好普通o既炒饭, 好少鸡粒, d菠萝淡色到近乎白色, 但竟然仲有菠萝味架.=芝麻糕: 1见到个样已经唔对路! 似系有丁点儿芝麻味o既魔芋... 好可怕...马拉糕: 小妹形容为"食得出系马拉糕"_=＊时菜牛肉球: e个系朋友推介~ 话真系有好多时菜, 仲有马蹄, 唔似其他成粒都系得肉炸云吞: 个云吞皮大到连个酱碟都放唔落...总的来说,,,e度好o既地方系点心可以1粒做单位, 咁就可以试好多~而且蒸点多数都系热呼呼上桌, 难食极都有个谱 = P不过小妹试咁多样野左, 都系得＊戈d系真系好味,其他都好普通... 只系戈种食物o既原味...所以并唔推介其他食家黎=[
继续阅读
我一直都系睇人地既食评多, 好少自己打食评既, 但今次, 我真系气愤难下, 想同大家分享我呢次既经历, 希望大家引以为鉴!!!!新年前....我同几位同事念住去旺角既常满百家菜...之前听几位同事讲都几好...点知........我同番果几位讲几好既同事黎食,..一开头都无乜野既....之后我地叫左好多野食,但系都无黎过,叫左起码三十碟,都唔知有无黎一半,于是我地就揾个经理同佢讲,吹佢啦(其实之前都己经同D阿姐吹左几次),佢又话帮我亲自处理,点知就仲衰,最后都系无黎到....由于我地9点就去到,都差唔多坐到12点.....我地一行六人都系斯文人,念住食埋糖水,同番经理讲咩问题就算啦,埋单果时我地叫个经理埋黎,我地要佢比个合理既解释我地,但佢己经好似唔想理我地咁,佢话了解下先,好啦到佢了解完勒,话原来D野卖哂*卖哂唔系一个问题,最紧要系你要通知我地先得架,跟住我地讲左句,算啦唔紧要啦,我地下次唔会再黎,佢竟然答番我: 唔紧要丫,我地都就黎租约期满咯!我地几个条气己经好唔顺,到到张单黎到就仲火,又话每人要加茶钱,又话要加酸菜(明明楼下个易拉架同埋枱上面果张传单都话全日免茶芥,同埋没有任何收费)....于是我地就叫个阿姐埋黎,念住问下佢啦,点知一问,佢就恶过我,仲话:你想点姐,报警啰! 又唔系我带你地上黎既!! 我都系打份工嫁咋!!!!!!!!厨房有D厨师仲走左出去水吧位上, 好大声, 摆明系讲比我地听既 "卖晒都无办法嫁!!!!变出黎比你咩!!!!"其间仲有枱烂仔客人用粗口话闹我地, 仲话 "唔想食咪走啰!! 唔好x再黎丫!!!!!".....真系O哂咀讲真...我地六个人埋单埋左成差唔多成千银....用D咁既服务态度....我地真系接受唔到啰...讲真...我地叫你比个解释我地,都系念住你会讲番句唔好意思,下次会做好D咁姐,唔通真系要佢跪系度咩....仲有个阿姐同埋枱客人...差D想打我地咁....真系好无奈...我咁大个仔未试过食餐饭食到咁兴......以上我所讲既全属真人真事....希望我呢个经验可以比咁多位引以为鉴!PS. 如果大家想试下 "贴钱买气受"呢种感觉既话, 不妨可以去试试附有相片数张.. 是该店楼下的宣传易拉架
继续阅读