師父飯堂

营业中

休息中

2019年12月30日。晴。太古。呢晚人人都有約，唯有食自己上網search咗一陣，決定幫襯呢間黃色小店～門面都四正，外面仲擺咗木凳畀客人等外賣同等位～有每日套餐～餐廳喺吉之島斜對面嘅工廈諗住應該唔多人食嘅～點知入到去差啲一個人都冇位坐之後仲不斷有人嚟等位同買外賣除咗黑板有每日推介之外，仲可以喺日常menu揀其他嘢食～睇落全部嘢食都會跟熱飲或者山楂飲，抵食喎！山楂甘筍因為唔知咩係山楂飲，當然嗌嚟試試喇～又幾好味喎！！有山楂獨特嘅酸甜味，但就唔多覺有甘筍嘅草青味，正！芝士咖哩豬扒焗飯，$60豬扒唔算特別厚，但肥瘦適中，只有邊邊有少少肥，同兩嚿骨，啱晒女仔食～調味唔錯，但焗得有少少乾得滯芝士份量啱啱好，做到煙韌拉絲效果～咖哩就唔算好多，不過就好香濃下次會試下就咁咖哩豬扒飯，唔加芝士，唔焗，試真啲咖哩味同豬扒肉質～晚餐都只需$60，抵食！會再試～

雖然成日都去太古，但次次都係係商場到食連鎖店，好少去食啲小店。今次就去左太古同鰂魚涌中間嘅樓上工廠大廈食晚餐。佢每日都有唔同嘅餐牌，個次望落最吸引就係呢個risotto😆佢食落好重蟹味，本身以為75蚊應該都唔會有太多料，點知上到黎勁足料，啲汁都好多，唔會話有啲飯係無汁，食落口啲飯唔會話好乾身😋😋😚份量黎講我覺得女仔係啱啱好，但男仔食嘅話就可能差少少了。佢呢個dinner set會包一杯嘢食，個日加左2蚊叫左個血橙汁。但其實除左比普通橙紅啲之外我都唔太知有咩分別😂😂😂

終於有機會試呢間師父飯堂，叫左個鯖魚沙律飯。可能當日人多，都等左一段時間先有得食，不過食物質素唔錯，有誠意。條鯖魚煎得剛剛好，食落脆脆地又唔腥，好多沙律菜，正！ 飯份量對女仔黎講啱啱好。見其他人食意粉🍝個買相都好靚，有機會下次黎試會試佢地既意粉。

今日算係山長水遠來到太古，等時間交收，煩緊太古有咩食時，找到最近港鐵站又飽肚的食堂。選擇種類唔少，而且有素食。（應該日日唔同）環境唔錯，位置闊落整潔。落單時會選好座位，今日想試下咸牛脷，凍飲加2蚊。坐定等食，等了兩個字左右，一望有半碟沙律菜，份量十足，五大舊咸牛脷，飯量偏少。沙律菜唔錯，新鮮，咸牛脷夠厚身，煎香，夠淋，味道唔錯，飯上有漬物十分開胃。因為晚餐開店時間是6點，不過早到門口有凳坐，食物質素唔錯，有點心思，價錢中價，不過話晒係太古，而且環境舒適，完全自家製，值得推介。

本來今晚諗住是旦食或回家食公仔麵就算，但見有po介紹又係返屋企途中，所以就去懲罰一下佢啦！佢本身有一張menu, 另外仲棟左3個牌，我點野食個時只見到一個，走個時先見到另外兩個，不過咁我點個個都好好味!不過夜晚無湯同埋今晚去都多人，係越食越多人! 我懷疑佢飲管係環保飲管，我懷疑因為我唔知呢隻咩物料，唔膠，店員都答唔上香蒜辣椒蟹肉闊蛋麵 $70呢個話就話辣，但通常都唔係幾辣，但如果大家唔食得辣，你一定會好快飲哂杯野XD 但食到辣既朋友，不妨試下，好惹味，好好食! 一放低已經聞到香味，睇落去就無咩既，但食落好好味!煎蛋咖哩吉列豬扒飯 $58佢個蛋巧靚靚~ 但咖哩正常，無太大驚喜，可能因為個意粉太surprise不過好足料，豬扒唔細啊！汁就正常日本咖哩囉～邊到諗到工廈一間咁既名既餐廳係食呢類型既食物? 一定要再去懲罰佢，試埋佢其他野~

以前喺太古呢頭返工，最煩惱嘅就係lunch冇乜選擇，到離職後先發覺原來東達有間隱世高質飯堂，如果早啲發現就好喇🙉飯堂裝修主要以淡藍及木色為主調，環境舒適寬敞。menu有肉食亦有素食，主要有意粉、飯、沙律，夠晒多選擇。今次先試試芝士番茄辣意粉&野菌卡邦尼意粉🤤想大讚兩款意粉都好出色，各有千秋👍🏽 芝士番茄辣意粉好惹味，意粉質地啱啱好，鮮茄嘅酸味加上微辣嘅調味令人一啖接一啖停唔到口🤤 芝士味唔算濃，但有拉絲，成個意粉配搭好正👍🏽 而野菌卡邦尼就係另一種美味，首先不得不提個汁好creamy好香濃，即使冇煙肉都唔會覺寡，而野菌亦都同個汁好夾，食到尾都唔會膩👍🏽 跟餐叫咗熱檸茶，茶底唔澀👌🏽總結：環境舒服，意粉好味，跟餐飲品正常發揮，價錢適中，絕對會再幫襯P.s. 飯堂嘅杯碟好靚，餐具控一定會鍾意

之前同男朋友去太古睇戲，就順便諗住睇下嗰頭有咩餐廳可以懲罰見朋友食過哩間餐廳都讚不絕口，就決定一於嚟食吓！師父飯堂係一座工廈入面,由太古城行過去十分鐘唔使就見到！當日係星期六，人都幾多，而餐廳係半自助式嘅所以要自己搵位不過好彩嘅係餐廳比想像中大,兩個人嘅話都易搵位!現場所見有好多一家大細嚟食晏, 我諗哩間餐廳平時應該做打工仔同家庭生意多由於係半自助式嘅關係,要自己出去點餐，然後會有侍應送嘢食去所屬嘅檯度～我哋order咗咖喱煎蛋吉列豬扒飯同埋黑松露蟹肉闊蛋麵~不過因為闊蛋麵太好賣,我哋去到已經賣哂，餐廳就幫我地轉咗做意粉~咖喱煎蛋吉列豬扒飯嚟啦！嘩！個煎蛋可正呀！聽講係日本蛋/靚蛋先會煎到橙橙地咁開飯啦！哩度嘅咖喱係行日式風格,香得嚟偏甜，好易入口豬扒極度香口! 跟住就到重頭戲啦！個意粉一到，成浸黑松露香撲鼻而來！多蟹肉不在話下，仲有蘆筍！性價比超級高！最可惜闊蛋麵賣哂，如果唔係一定更上一層樓！但係意粉都食得出廚師嘅用心同功力！無得彈呀！ Lunch Set仲包杯嘢飲，大家一定要嚟支持呀！

香港人的飯堂 上次 同事門黎過食 知道坐位有限 最重要係廚房的人手更加有限 11:45已經到東達排隊拎枱Strategy: 一個拎枱 一個影餐牌（3塊黑板）一個針水 一個排隊order餐跟飲品/老火湯 （+5可以要晒2樣）每一碟都好用心砌❤️ 我叫咗「黑松露蟹肉闊蛋麵 」$75 好大碟好足料好creamy😚 同事個「香煎西冷野菜配飯」$62 西冷煎得啱啱好唔會太老 同埋都好大塊 📜Overall：我哋嘅策略非常之好 過咗12點已經坐滿晒 買嘢食嘅條隊排到出門口🤪 總括而言所有嘢食都好好食👍🏻 抵佢俾人懲罰💛

同好姊妹難得夾到放假，一齊去行山。我們先選了這間好休閒又多客人讚的飯堂！環境真的大又明亮又開陽，在工廠大廈樓上。（姊妹見是準備中，以為無開添，原來有燈開就是開工）（在counter先點了餐及收錢，就可以坐下來等待）我們選了番茄濃湯通粉配香煎雞扒、番茄濃湯通粉配香腸、煎蛋及多士。番茄濃湯通粉配香煎雞扒大大碗、雞扒都好大塊好軟好易咬、通粉都好多，軟硬剛好，湯底酸甜濃郁！番茄濃湯通粉配香腸、煎蛋及多士煎蛋煎得靚又滑滑，香腸外皮脆又肉感，多士厚身又香牛滑味、小碗番茄濃湯通粉。飲品熱奶茶熱咖啡熱奶茶（清淡奶味及茶味）；熱咖啡（濃郁香滑咖啡味道）

在openrice 尋找一下太古有咩lunch 好食因為在太古番工都明白 太古的小店不多想偶爾吃特別一點 都有難度.找到了這家在工廈的"師父飯堂"我大約左12:30打去訂外賣因為店員太忙 我也聽不到很清楚今日有咩餐只是隨便點了過了15分鐘後去餐廳拿店內人很多 排隊付款也不短拍了餐牌給大家下次可以參考外賣的包裝很精緻 用紙盒凡 感覺比較環保我點了一份鹹牛脷鮮茄意粉 配凍檸茶 -$62 +$2意粉煮的剛好 不會太硬也不會太軟配上蕃茄粒 很開胃重點的是牛脷! 居然有4大塊厚切牛脷! 超滿足牛脷很軟又厚切  口感很好沒有平時SO的味道 調味恰到好處好好食呀!!! 以$6X在太古 來說 CP值很高有機會要吃不同的款式試一試!!!

Great pasta with a great price tag! Only at $66 you get some very well-sauteed mushrooms and fragrant truffle oil with a creamy, al dente pasta. The cream is thick and clings onto each strand of spaghetti, great flavour and textures. A bit cramped because many come here for lunch, a bit better on weekends. Coffee is quite good too!

喇沙海鮮意粉 $65餐飲配室溫山楂飲 +$0對喇沙有莫名的鍾愛，見到有喇沙的產品，不用多想就點了。但餐點送到時，有點小失望，味道是很ok，但不是我心目中喇沙的口味，是比較像咖哩汁。意粉份量正常，海鮮也算足夠。咖哩煎蛋吉列豬扒飯 $58 餐飲改即磨凍咖啡 +$15咖哩係屬於日式的甜咖哩，配上炸得香脆的豬扒，白飯用上圓圓珍珠米，份量不多不少剛剛好。是次用餐時間是平日的下午時段，避開繁忙時間，而餐廳環境文青feel，簡單乾淨，吃得很悠閒舒適。

今日約咗個舊朋友出嚟食飯 佢介紹我去呢一間良心嘅餐廳 食物大概50至到70蚊不等 最緊要係環境優雅坐得舒服時間尚早, 仲有位一到12點半, 就大排長龍原本我今日唔係咁舒服都唔想食炸嘢不過朋友強烈推介吉列豬扒所以我就揀咗呢個咖哩吉列豬扒飯 塊塊豬扒即叫即炸我朋友嗌咗個煎豬扒飯一樣都係即叫即煎好大塊啖啖肉連我呢個唔係好鍾意食豬嘅淘小姐都覺得佢好好食, 炸完仲好多肉汁唔會乾咖喱汁好香辣, 比起坊間既咖喱, 佢明顯係調配過d味, 比日式咖喱更香濃仲有大根漬送飯好開胃!飲品仲可以唔駛加錢揀山楂, 太好了!良心小店係要支持㗎!

lee種時勢我話良心,你懂的😏💛💛🎗間嘢係工廈,好隱世,避撞到同事一流過左十二點間嘢基本上係爆哂,去到你要揀好位然後去counter嗌嘢食,因為要俾個枱number佢送餐佢有d菜式會係special menu到,又會有個usual menu,價錢60-70都ok,d餐可以跟湯或飲品,之前飲過個湯都好足料好甜👍👍其實我每次食都會揀白汁三文魚🐟意粉🍝,因為又大碟又正,超好食👍但因為今次想寫食評,所以揀左special menu上嘅黑松露蟹肉🦀意粉🍝,一樣好大份好重菇味,冇得輸👍十分推介支持lee d有良心嘅小店🎗

見openrice很多人推介想試很久，但因為平日食飯時間太短，不能休閒品嚐，所以襯放假就可以慢慢地嘆。店內光亮，整潔。坐得很舒服。想了很久點什麼，因為太多選擇。本身自己不太好卡邦尼意粉，味道不錯，不是太creamy 的，想不到意粉都可以煮得甘「有鑊氣」！洋蔥的味道很香！不錯！還點了香辣蜆意粉，超野味！雖然咖啡要額外加錢，但不錯即點即磨即煮！值得的。我想這家店很適合週末閒時打發時間，朋友聚聚的好地方。推介推介！