師父飯堂

营业中

休息中

鰂魚涌嘅呢間餐廳位於一幢工業大廈入面，但係佢已經係鰂魚涌打工仔嘅街知巷聞嘅飯堂。叫咗一碟蟹肉意粉，份量頗多，而且蟹肉充足，淡淡食落去都係蟹肉配上意粉嘅滋味。餐廳仲有好多其他選擇，價錢都唔貴，推薦喺鰂魚涌或者太古附近返工嘅人去試吓。

餐廳唔算大，最好12:30前黎就唔洗等位Menu 選擇好多，有意粉，salad，咖喱飯，不同肉類既扒飯😍價錢都好合理，大部份都係5x-7x，包飲品👍🏻太古區黎講唔貴，所以呢間不嬲都多打工仔食上次食過厚切豬扒沙律飯，今次試下意粉😛今次食咗西西里海鮮意粉加凍檸茶，凍飲要加$3, total $75意粉好大件，一定夠飽🤩海鮮有蝦🦐、魷魚、蚌、青口，再加埋西西里蕃茄醬汁，同洋蔥、大蒜、蘑菇煮嘅，食落味道好濃郁，好好味😋😋食完一點幾，岀去睇到好多人等緊位，重有唔少人買外賣。下次黎會想試下咖喱飯🍛

👉🏼咸牛脷野菜沙律配飯$70鰂魚涌食飯貴就緊架啦呢間係打工仔飯堂不過真係多人到hihi🙈炸嘢出色之前食過炸豬都好好味👉🏼咸牛脷野菜沙律配飯$70份量都唔少咸牛脷咸地幾好食又霖身配埋野菜沙律心理即刻balance返😬味道：🌕🌕🌕🌗🌑CP：🌕🌕🌕🌗🌑--------------------

叫左黑松露蟹肉闊蛋麵加熱奶茶，味道整體唔錯，但杯奶茶唔熱只係微暖，我唔敢落糖，或者佢覺得咁熱天氣我再飲熱野會🫠啩；至於蟹肉麵真係唔建議叫，有好多碎蟹殼，唔小心食到牙痛，味道係無問題。希望餐廳可以係呢方面改善下，我見唔止我一個遇到蟹殼問題。

一入到話隨便坐，我哋同行2人坐左窗邊之後話留座，都冇所謂，跟住換完位之後都係比返4人坐，只係窗口位比左自己朋友°態度已經唔好，餐牌又比以前加價，嬲嬲地食完以後都唔會再去. Very bad experience haven’t had for a long time. Staff were rude and not helpful at all. We got seats allocated first but subsequently assigned to their fds without a valid reason. Bad meal I had for a long time

呢間算係鰂魚涌幾出名既午餐食店，我諗係因為佢有好多意粉同焗飯選擇，同時價錢亦比較平民～其實之前已經試過佢既招牌黑松露蟹肉闊蛋麵，價錢係menu入面算比較貴($85)，但味道幾好，不過係咁食到蟹殼，呢度要扣啲分😓今次再黎試下佢既香蒜蜆肉意粉($58)，炒得幾香，蒜味亦夠，蜆肉都有好多粒，都算係幾有誠意，但成個意粉整體份量有啲細，女仔食完都唔係好飽🫣所以總括黎講，想平平地食個意粉既話，呢度都叫ok既～

食物質素方面，時好時壞，有時豬扒大大件，有時就豬扒份量得少。最近一次去令人很失望嘅係佢嘅服務質素。話說我叫嘅係set A，但係侍應聽錯係set B，佢送上錯既餐時，我立即澄清，但所有店員堅持因為set. 已經煮起，就要我食咗佢，將所有責任歸咎喺我身上，話客人有責任去check單，一輪傾談後店員亦都只係就喺餐廳立場，話唔想浪費佢地煮好既set B而逼我要咗佢，我當時係企咗喺櫃枱面前，佢哋就咁將錯既餐點放喺我面前，然後就轉身離開，感覺真係好嬲同好失望，從未試過得到如此服務。

垃圾到冇得再垃圾嘅餐廳係qb黎講，的確算係抵食，但都要入到口先得！入座安排超級極之差！12點20分到達，諗住同男朋友食個午餐， 點知原來間嘢要先拎飛， 你諗住到你就得？唔係，到你張飛，要你再排隊買野食入座需要見齊人，我能夠理解，但係買嘢食都要， 搞到中間浪費咗一堆時間， 呢啲都算數12：42 叫咗個卡邦尼意粉同埋香蒜菠菜意粉13：07先到卡邦尼，13：10先到香蒜果個得返勁少時間可以食最唔掂嘅係，碟意粉嚟到爛食到……卡邦尼意粉，洋蔥作為一種佐料， 竟然可以多到食每一啖都起碼有兩條洋蔥！ 但係居然可以冇蛋汁味！

師父飯堂💛太古呢間小店食lunch必去 不過當然比較多人但價錢都好抵！好大份又抵食🤪所以如果會避開1點正揀其他時間去食💛推介：吉列/厚切豬扒！ 好大份豬扒之餘再配沙律加飯$6x包野飲 喺太古黎講係抵食既💛💛野菜沙律配飯都有成十個選擇仲有好多意粉款下次會試埋佢既意粉🍝好推介鰂魚涌返工既朋友黎食好抵食.師父飯堂太古英皇道1065號東達中心13樓1301A

以為太古只有連鎖食店？其實工廈入面都有正野！開業超過4年，師父飯堂午市長期滿座🔥有多款意粉、沙律，仲有唔少素食之選🌟價錢合理，$50-90都有，即叫即做👍🏻唔少人中午放飯都好鐘意去食😍—— 香蒜蜆肉意粉 $58唔洗$60蚊咁高質嘅意粉邊到搵🤩好多蜆肉太良心喇!!!蒜蓉怪必食‼️炒得均勻滿口蒜香，配上番茄完美地中和番蒜醬👍🏻—— 黑松露蟹肉闊蛋麵 $85黑松露香味上枱就散發哂出黎!!!醬汁濃郁，配闊條麵啱哂可以掛到超多汁🤤份量極多!!!配料有好多菇可惜蟹肉唔多見😂—— 香炸蝦醬雞翼 $42即炸雞翼認證🌟酥脆有汁，依種炸粉厚度恰好，食到脆嘅口感又好快落到雞肉，蝦醬好惹味，濃得黎唔會過分，超正🤩🌟推薦指數：9/10▫️▫️▫️▫️▫️▫️▫️▫️▫️▫️▫️▫️▫️📍師父飯堂 (鰂魚涌)鰂魚涌英皇道1065號東達中心13樓1301A室

🥓忌廉香薯煙肉長通粉$58第一次外賣，估唔到就連外賣都咁高水準！份量多，長通粉同忌廉汁好夾，creamy，煙肉同薯仔都切左一塊塊，煙肉🥓鹹香，薯仔🥔超加分，煎到好香😍飲品推介紅菜頭蘋果汁🧃，其實飲落都系蘋果汁味道😆

鰂魚涌食飯嘅價錢都偏貴，呢度啲價錢算比較實惠，所以返鰂魚涌嘅日子好多時都會過黎呢面食飯，12點準時離開公司先會有位坐，唔係就要等好耐。本身對工廈餐廳嘅衛生情況唔抱有太大期望㗎，但都唔expect張枱黐立立，衛生情況有待改善。唔計衛生情況，佢嘅嘢食都有啲保證嘅。我叫咗個香蒜蜆肉意粉，就一貫水準。意粉份量就冇以前食咁大份。我再叫咗個蝦醬雞翼同同事一齊食。同事叫咗個卡邦尼意粉，啲汁好水，未食過啲咁難食嘅意粉。同事仲話我伏左佢，以後唔黎食，好彩佢試咗我個香蒜蜆肉意粉話都OK。😋香蒜蜆肉意粉 $58😋香炸蝦醬雞翼 $42/5隻 食左1半先記得影相，好脆又香口

聽講呢間餐廳平日中午排長龍，勁多打工仔必食飯堂，今日專程嚟試一試，食過係抵食好食！ps近太古站多啲，唔使收加一！🍴 香炸蝦醬雞翼 $42 5隻 (7/10)雞翼好香脆，係港式炸雞翼嗰種，一啲唔乾身，有好輕微嘅蝦醬味，但係一啲都唔鹹，個味唔係好出，比較淡！但42蚊咁多咁大隻好抵食😆🍴 黑松露蟹肉闊蛋麵 $85 (8/10)份量都幾足，麵口感好輕盈，好掛汁，有少少彈牙，黑松露味都幾香，有蟹肉嘅鹹鮮味，仲有雜菌，忌廉味唔重，調味剛好，好食嘅，呢個價錢呢個質素幾唔錯。🍋檸檬水 跟餐送 (7/10)正常，唔會澀👌🏻推薦指數: 8/10呢個價錢做到咁嘅質素，真係高質之選，返工嘅平民飯堂！📍 師父飯堂 (鰂魚涌)鰂魚涌英皇道1065號東達中心13樓1301A室#香港美食 #hkfoodie #食好西 #hkig #hkeat #hkfood #food #tasty #西式

太古一帶既野食都偏貴，呢間餐廳無疑係太古一帶打工仔既lunch 飯堂，普遍既野食選擇都性價比高🥰平時我會食d 飯餐，今次見到有個明太子意粉又好似幾吸引（雖然比起其他野食黎講真係有小小貴）order 左黎試下～個🍝意粉到既之後就明白點解個單價比其他野食貴dd 了🫣🫣🫣因為真係原條明太子放左係意粉上面😍😍😍鍾意濃味d 就可以刮多d 明太子撈，鍾意淡味d 就可以撈小d 明太子😌😌😌雖然食食下會有dd 漏，但係頭幾啖食個味道真係好rich❤️個炸雞翼先係呢次黎食飯既mvp😍😍😍😍隻隻雞翼都大大隻，起碼半隻手板咁大！剛剛炸起既炸雞翼，有好濃郁既蝦醬味道，個炸皮真係世界級！可以做到asmr 既效果🥰大家如果都係煎炸食物既愛好者真係唔可以錯過！🌸灸燒明太子意粉 （HKD 90）🌟🌟🌟🌟🌸蝦醬炸雞翼 （HKD 42）🌟🌟🌟🌟🌟

為食嘅我，係好鍾意試新嘢，所以如果同朋友食飯，我一般都會問吓朋友有咩好介紹。今次去到太古，可以嘅話梗係唔想食太古城中心裏面嘅連鎖店。朋友介紹呢間喺工廈樓上嘅小店，啲嘢係幾好食嘅，咁我就當然要是試啦！一試之下，果然OK，我叫咗個白汁焗茄子什菌飯，佢啲汁非常之夠，焗出嚟又香又甜，茄子同什菌都入晒味！雖然用即棄錫紙盒唔係幾環保同埋唔靚，不過整體上都可以啦。