師傅仔 (金碧閣)

营业中

休息中

今天偶然約會朋友來到師傅仔食晚飯，7:00沒到已是滿座客人，特別點贊西蘭花蒜蓉炒牛柳粒👍🏻色香味俱全，尤其牛柳粒材料比得上大洒樓👍🏻，還有鹹魚蒸肉餅，鹹魚也是上等的料，連腐乳炒通菜亦早早俾我清了碗底😋如果我住這區師傅仔必是我的首選飯堂！

平時偷懶吾想煮飯就會落街食佢好鐘意佢整既涼瓜牛肉煲 吾苦 好有火候 好好食！自己整都整吾到尼種味道 ！推介呀仲有杯凍檸茶 真係少冰少甜 所有野都好好 價錢又吾貴 ！大滿足呀！推介

開頭諗住食羊腩煲，點知原來羊腩煲的尾聲冇得食啦！於是便試吓食雞煲，點知個雞煲都幾濃味，只不過有朋友不吃辣而選擇了微辣，另外還有其他黃金產品，我哋叫咗黃金雞翼和黃金豆腐，但我覺得麻麻地，個啫啫芥蘭就好好味

假如你同我一樣住呢頭，有時唔想煮，想叫外賣，我真心建議你寧願自己煮個麵食。我前前後後比左呢間野四次機會，無一餐係正常。第一餐：午市飯（白汁雞皇飯）飯無炒到底，一舊舊白飯痴住哂，白汁杰到好似我個侄仔食Baby food咁款，完全無香味，雞都無味，最慘連煎都唔煎咁就拎去煮，一個四十幾蚊午餐，自問要求唔高，但呢個真係好難食。第二餐：紅燒豆腐飯豆腐燶哂，汁又係杰達達，呢次唔係無味，係咸到想我死咁，一條菜都唔跟，差不多五十蚊，我食左幾啖白飯掉左，自己煮麵食。第三餐：早餐（雪菜肉絲米配煎蛋腸仔）咸，咸到你要倒走三分一湯加滾水先食得落，煎蛋腸仔就正常野，食完勁口渴。個日同朋友講起呢間野，佢話之前過黎搵我就係食呢間野既早餐，搞到佢自己食完都去對面麵包店買枝水（我朋友味精怪都話太師傅，自己諗）。第四餐：下午餐（沙嗲牛麵+煎蛋腸仔）沙嗲味唔香，沙嗲個醬少到你撈埋落麵成個淡牟牟，啲湯仲要無咩色水，牛肉梅到完成爛哂，我唔係要求佢比和牛我食，但梅到咁我都係第一次食，仲要唔係平，四十七包野飲，我諗事旦搵間茶記都好食過佢。比左幾次機會佢，除左因爲呢頭餐廳無做送外賣，另外係因為唔想間餐廳失準左一兩次就去寫人地，事關香

師傅仔平時都成日食，不過多數都係叫外賣，好少堂食。師傅仔外賣好好，一個餐都送，炒野快就半個鐘，慢都唔駛一個鐘送到，真係好方便！地方幾大，望落去都光猛企理，晏晝點幾鐘都有位，店員落單快，炒野又起得快，份量足料！XO醬豬扒炒公仔麵，鑊氣十足！雖然味道比較濃，但都絕對值得推介，耐唔時食一餐都唔算過份～雖然價錢係偏貴，可能因為唔係餐，加杯凍飲堂食要58$，下次可以試下午餐d set。街坊真係要set低個電話，唔想煮又唔想落街，叫師傅仔都真係唔錯。

一心想去對面的「雞仔」食海南雞飯，沒想到12:30左右已有7-8人在等位，所以去了對面的茶餐廳。逢20日的午市特餐：焗芝士免牛火腿飯+凍檸水$45焗飯是黃金炒飯底，面頭撒有一層芝士粉，即叫即焗，熱辣辣的送上。味道不過不失，份量不少，驚喜不會有很強烈的牛so味，可惜吃到碟底會見到很多黃油，偶嚐好了。

食過好多次佢地既小菜 服務 衛生係無得挑剔可借係佢地既白飯 可以話唔好食又硬 又成日唔透 又無白粥湯飯供應有些可惜 因此少咗再去希望佢地快些正視其實有些怪 點解無人留意佢地既白飯有些問題 但其他野真係幾好

若非親戚或工作的關係，小人實在少在長沙灣蹓躂。反正親戚傷慶癒之中，不良於行，小人何不吃個茶餐才探親，免得她再次勞動。肚子餓了，找不著點子，隨便是但的一客豬扒炒丁，該錯不了是吧……豬扒鬆而軟腍，應該下了不少鬆肉粉，「挪」到無味，激多肥膏。此外，扒少麵多，根本不夠餸。丁麵本以為是腍中帶爽的，詎料竟是糊中帶糊的；更利害的是調料超級不均勻，一啖鹹一啖淡，何其精彩，何其求其。果言非虛，師傅仔即是師傅仔，大不到那兒去。

老公今日一起身就好想食茶記咁我地就去左平日都好多人排隊既師傅仔. 地方好寬敞我地去到就坐左卡位, 環看四周都係好多不同類型的食物選擇! 炒粉麵, 小菜, 套餐.... LUNCH SET 會按番唔同既日子都有唔同的野食,最少有6個唔同既SET. 由於太多選擇的關係我同老公都係一個特餐一個常餐常餐好豐富香茅豬扒米,蘑菇炒蛋同埋GARLIC BREAD. ,蘑菇炒蛋真係有好多既蘑菇. 米粉既湯底睇落好似好清冇咩味咁,點知食落係有好重既胡椒味, 正既!奶茶個茶底香濃唔會澀, 好正!特餐已份量我一個人都食唔晒既, 碗米粉真係好大碗. 呢杯檸茶個茶底就好澀, 個茶面仲要有一層油所以我只係飲左2啖就放棄左.

呢日一早要返教會，就先食過早晨餐呢間都幾有歷史，教會都有唔少朋友有黎食架，一傳十，十傳百就黎左我都唔係成日出街食早餐，不過今次都決定黎試下飽魚火腿通粉通粉及配料都好爽口，高質又唔係貴熱檸茶跟餐就有不過不失，沖得恰到好處熱得黎，又夠爽滑漢堡扒煎蛋，一上黎已經好香漢堡扒煎得香，個太陽蛋又夠火喉，中間粒蛋黃又圓又靚總之今餐勁正，唔怪得咁多教友話好啦平時朝早都幾多我地朋友黎食架下次再黎食下早餐先真係好食，平民茶餐廳

返完教會，去聽音樂會之前先吃個午餐，吃過一次，但忘了味道，再嚐！每月有十幾份MENU，今日就揀左咖哩雞球飯。份量OK，不過雞件就有雪藏味，雪藏唔緊要，最好係可以煮走D味！不上不下啦，同價錢都相符。（請忽視腿蛋，朋友的常餐）今次重點介紹：檸蜜！！！呢種天氣，真係加錢都要飲，潤下。超蜜，唔係講笑，之前係其他茶餐廳都唔掂，但呢杯真係令我大口讚絕！

經常聽教會朋友提及，附近有間師傅仔，味道唔錯，經常會起度食完早餐返教會聽得多，親身食都係第一次而且竟然唔小心迷路啦，不過好在有美女朋友出黎接我坐底之後好快就落左ORDER，我要B餐，厚多士、沙爹牛肉麵，香煎豬扒，奶茶厚多士、香煎豬扒厚多士不過不失，唔特別評價啦，最驚喜係個豬扒，個部位係成塊都成得，唔會好似有D茶記咁貪功減料，塊野又有筋又有骨呢間咁貨真價實，淨係呢樣已經值得我比個讚同埋再黎食沙爹牛肉麵都係不過不失，不過幾好個公仔麵都煮得夠時間，唔會好似有D舖頭咁趕住出貨個麵都未煮得夠就推比人奶茶一句講哂就好飲，奶同茶嘅比例我覺得幾好，有淡淡嘅香又唔太濃價錢都係$30，價錢都算OK嘅有咁多野食，而且食完都好夠飽，唔怪得咁多教會朋友黎食

個常餐做咩事 油到喊 d油多過d蛋咁濟 麵偏淡 有待改善🤥海南雞飯 黃油飯有既 不過係有d涷涷地😅雞太瘦骨多過肉 只可以話有d失望 碟頭飯都尚算可以 皆因佢夠汁即使飯涷冰冰 硬身 撈汁都叫做勉勉強強過關啦 苦瓜牛肉偏淋 炒到爽口會更好

晨咁早開工當然要食個豐富早餐，隨便中左入一間茶餐廳就開餐。可能係早嘅關係，入邊都唔算多客人，多數都係卡位，坐得夠舒服，同埋茶餐廳竟然有Wi-Fi ,食個早餐陪套劇啱啱好。睇緊《小明星大跟班》個陣，早餐就到，勁多牛油鋪滿係厚多士🍞上面，膽固醇已經比我拋諸腦後，偶然食一次不為過，多士哄得剛好，帶有少許焦，呢款先係港式多士應該有嘅態度，可惜冇得改滑蛋，但呢度嘅炒蛋🍳都算不錯。雪菜公仔麵🍜，面底雖然唔係用出前一丁，麵質算不錯，份量剛好，雪菜唔會太鹹，但肉絲只有小小，唔太夠喉，再配埋一個熱奶茶🍼☕️，又要開工啦喂😪。

偶然路過，食個炒粉麵下午茶，份量雖不及午餐，但送到來熱辣辣鑊氣十足，味道鮮明，一定不是預製。有客人不覺弄倒了凍飲，員工即往清理全無怨言，還補回一杯。每有客人出入，侍應都很有善，多謝前唔該後，確是優質顧客服務的典範，讚！