帝玉庭 (已搬遷) 新店位置

今天一行四人扶老攜幼，歡天喜地來飲茶，入坐已二時多，大家都肚空空於是事不延遲寫點心紙，同時亦找來位年輕女侍應，問她還有無哦們最愛食的蒸飯？她很快答有於是順便給她點心紙，等了半小時有多，未見有任何點心送來，三歲女兒釀著要色飯，便找來剛落單女侍應問。她點頭但無回覆及更進，於是再問另一位男部長跟進，他竟告知無任何入單記錄？並告知那位是新來的因此而漏單，哦原先提筆再寫點心紙，但知道蒸飯已售罄，那刻立即拍檯起身兼離場，那位新丁還是無動於衷，事不關己的態度，間直是惱火沖燒大家帶著氣憤又肚空的心情離開，還要另找地放食午飯，那已是三時了！

裝修前 (唔係呢個名, 2樓個間) 及裝修後都耐唔耐會去呢間野飲茶, 態度唔係好架喇! 但係今次去真係態度好差! 首先講下d野食:紅燒魚翅d湯咸左d, 不過都ok, 因為我鍾意食翅蝦餃d皮幾厚春卷夠熱, 對我黎講食物最緊要熱白飯好硬好乾, 食到我口又累胃又痛, 廚師係咪唔記得落水? 其他就冇咩特別之後講下服務態度個日係平日, 問個中年女經理野, 佢就黑口黑面, 跟住食完埋單個陣, 個年輕男服務員俾張單我, 我一睇, 發現佢計埋個1歲半BB既茶錢!我輕輕咁問: 你計4個人......?男服務員: 咁我減少一個人囉! 好唔好!? (提高聲線, 態度超差!!!!)事實係冇理由計埋個BB位架麻, 有病! 仲要講到我唔岩咁!!! 我癈事理佢, 埋完單諗住走個陣, 有個年輕女服務員走過黎我張枱度叫個BB, 示意BB出黎.女服務員: BB, 你想食d咩呀?因為隔離有個裝滿甜品糕點既雪櫃, 咁BB就俾佢叫左去睇甜品喇.開頭以為佢請BB食, 點知突然間有另外一個中年服務員走埋黎中年服務員: 呢張單當係外賣咁叫啦, 誠惠 $xx 吹脹!!!! 唔係冇生意成咁丫麻?????!!!!!! 用埋d咁cheap既

個燒鵝真係好好味個肉好嫩, 又好入味, 個汁都好夠香個梅子醬係廚房自己整, 見到成粒梅子, 酸甜o岩o岩好, 食得出唔係好多added sugar因為有半價, 所以一人叫一個翅係唔環保, 但好味冇計雞飽翅味道不過不失特別係佢有個鮮奶雞飽翅, 冇乜奶味, 但個湯底滑d朋友話潮州翅都好味道黃酒雞件唔得雖然係好入味, 但係個人口味唔鍾意食咁鞋o既雞爆得太耐, d雞勁鞋松子黃魚都幾唔錯其他就普普通通, 唔值得特別講

公司有4個同事都一齊升職, 好開心, 4 個一齊請大家食個午餐, 今日選了在這裡.新四大天皇, 出現的地點, 名當然都係勁d, "帝玉庭" 當之無愧!1點來到. 人都係來了一半倒.已叫定個套餐, 係有幾味點心, 翅, 石榴雞, 蒸班, 鵝掌, 豆苗及炒飯等.點心有牛肉球, 蝦餃, 及清淡版的粉菓(內係菇及齋); 牛肉不算肥膩了; 蝦餃好爽; 粉菓有些筍在內的, 好清.全都不錯.之後上翅, 一碗內的翅不是特別多; 味正常.石榴雞係好似個福袋咁, 包扎起一球咁; 約網球咁大個啦; 又係幾清的菜色.蒸魚係剛熟的, 但可能係魚肉本身硬實, 唔係太滑. 但都食了好多, 我仲親自"撈起"佢添~鵝掌係跟鮑魚片一味的, 味正常, 鮑不韌, ok.豆苗係好清淡的, 冇乜油; 上有些菇, 味ok, 唔算係老.炒飯都有些蝦及海味, 蛋白等, 料都幾ok.但略硬身, 我自己唔太鍾意.菓盤, 蕃薯糖水都係一般.服務正常.希望4位睇住細佬呀

今日仲係紅日, 但係又想飲茶, 去左沙田諗住多d選擇。開頭打算去美心, 但係又好似好多人, 所以臨時決定去帝都酒店, 諗住人少d, 冇咁嘈。11點去到, 等都唔駛等, 正!叫左鮑片燒賣, 鳳爪排骨, 皮蛋瘦肉豬潤粥, 蝦米腸同埋鴨舌。鮑片燒賣: 雖然有鮑片, 但好普通鳳爪排骨: d排骨超級多肥肉皮蛋瘦肉豬潤粥: ok蝦米腸: 麻麻地鴨舌: 普通共銀: $257總結黎講, 最好既係唔駛等位, 酒店內的餐廳所以服務真係好d, 價錢貴少少係正常既, 靜d, 唔駛咁嘈, 仲見到詹先生 (因為佢近日響沙田大會堂有show)...但食物質素比想像中低。

八號風球的關係，有機會同老婆飲個茶。本來諗住黎麗都，但黎到先發現已用水晶造主題，重新豪裝成帝玉庭！ 滷水鵝片 - 廚師推介的，滷水汁淡，但鵝片夠稔入味，豆腐幾滑。蒜蓉醋味道剛好，唔會太酸。 叉燒包 - 只得兩個，包身軟熟，但餡料唔夠蜜味。 蝦餃 - 鮮蝦爽口，皮彈牙，好。 是日差不多全滿，而檯與檯之間較開，所以唔會嘈。滿意的午餐