影片
屋企人非常中意依间帝国会,直头当依度系饭堂咁,因为佢𩠌菜选择多,食物质素又稳定.今日再食一次,都算不过不失啦.粟米猪骨汤,2个餐所以2碗,一碗有粟米有猪骨,另一碗净系得猪肥膏,偏心㖞老细.鱼香茄子煲,茄子唔会煮到烂溶溶,味道都几浓,就算捞饭都觉得咸.不过实在太油腻喇.啫啫鸡煲有大量既猪润,但系唔够爽,或者煮过火.反而鸡食起来嫩滑.配菜都非常入味,依度有某啲𩠌可以选煲仔或者碟头上,煲仔就贵啲大份啲,而且感觉上油份都多啲.如果食唔晒咁多野,其实碟头上都唔错既.另外请记紧如果堂食搭外卖,要差唔多食完先叫外卖.如果同时叫,伙记唔会分先后落单,堂食/外卖一齐到,食完果阵外卖已经冻晒,返到屋企家人要叮返热先食得.老板午饭时间通常在场单身一人食饭,有时会执头执尾,不过无乜表情.当日食饭嘈到拆天,唔知系咪团体打麻将比赛,先系饭堂玩游戏分组.老板全程在场都无阻止,生意难捞呀.
继续阅读