希奇餐廳

营业中

休息中

華都中心商場很多餐廳小店，所以久不久都會過來。希奇餐廳，同一商埸，從前的舖搬到現在，家庭式作業，晚餐價錢經濟合理，所以久不久都會過來支持一下。店子細細，一看就知道是一班虔誠基督徒主理，由牆上的主禱文及金句，還有聖經擺放處，任客取閱，從這些細節中，也看得出那顆熱切的心。筆者喜歡坐在調味架附近的一張二人桌，太多調味選擇，值得一讚。每晚都有餐湯附送，數量有限，送完即止，如果不是太晏，每每都有機會品嘗的。新鮮粟米蟹肉忌廉湯~今天是粟米蟹肉忌廉湯，小朋友看到這樽芝士粉會大喜匙羹帶有歲月的痕跡⋯⋯香辣香蒜蜆肉意粉$65~粉量足，而且蜆肉也多，看著很滿足，有自家炒意粉的感覺。其實是可選大辣、中辣或小辣，可是忘了和店員選小辣，所以越吃越辣⋯⋯但相信愛辣人士必喜。德國鹹豬手餐(已去骨)$98~愛人一上碟就吃，簡直忘了，去骨免麻煩，但那醬汁，OK 汁味道太搶，幸好分開上。後記:這間小店，每位店員都很有禮貌，而且還記得熟客貴姓，所以令很多熟客有歸屬感，可是對筆者這類，久不久才來到訪的客人來說，感覺極具心急，從一坐下來由點餐開始計算，用餐時間只用了29分鐘，其間雖然有禮，但令客有急速之感，客人口部仍在咀嚼的時

年初二同朋友黎到荃灣覓食，見到好多店舖都冇開，經過華都中心之際，就見到呢間餐廳開左，門面見到餐牌，店員見到我地都有招呼我地入去坐。一入到去就聽到餐廳播著詩歌，同埋都見到牆身有聖經金句，餐廳都有2,3枱客食晚餐，4人枱都坐得舒服，同朋友點左2個set dinner，因為公眾假期關係，所以每人最少要點1個餐，同埋每個餐額外會收10蚊，價錢都合宜嘅。我地叫左一個係軟殼蟹牛扒餐配薯菜，仲有忌廉粟米湯同埋黑松露三文魚多士，餐飲叫左蜂蜜薑茶。牛扒叫左7成熟，啲菜都算多，而啲薯角就炸到啱啱暖，唔算好熱，而個軟殼蟹就一般啦。另一個餐原來想嗌鰻魚飯，點知冇所以就叫左黑松露煙三文魚忌廉意粉，包湯同蒜蓉多士，餐飲就叫左熱奶茶。個意粉不過不失，偏向乾身，但都易入口，唔會太油，而啲三文魚同蘑菇份量都夠。唯一有啲可惜就係冇甜品，希望下次有機會試到佢地嘅疏乎里。

味道還可以，沒有大驚喜，和一般家庭式西餐廳一樣，食品種類沒太多。可惜服務態度差得很，會趕客走，由食物上枱計都係坐左15分鐘左右，就已經想你離開，務求盡快騰出座位給其他人。食到一肚氣，以後無野食都唔會幫襯這家。如果唔想谷氣，都不要幫襯這家，反正這類餐廳附近多的是，無需幫襯這一家。

岩岩係呢邊附近完成工作，又肚餓周圍搵下搵下搵到呢間餐試下啦餐廳地方唔大，但算乾淨企理，不過有樣好特別既野即刻留意到，就係牆身上寫有相出自聖經既經文，而且牆角位放左好幾本聖經係度，相信餐廳老板係個好誠心基督徒打開餐牌，以西餐做主打，而且款式都唔小，最後揀左香煎雞扒配炸軟殼蟹配薯菜套餐，有湯有餐包有餐飲，同好多西餐一樣，先黎餐包同湯，個包暖笠笠兼香脆，散發陣陣牛油香味，餐湯係白湯，但味道偏淡，等左十分鐘左右整好送上枱，先試下隻蟹，外層炸得好脆，特別係啲蟹腳蟹鉗位，而內裡有好多蟹肉，蟹肉咬落有口感，而且仲有蟹膏，不過成隻蟹味道偏淡左啲，而雞扒就普普通通啦，但未致於話又刃諧烚烚既，而薯條就唔錯，粗身 咬落香脆可口整體上來講，如果冇乜要求，純粹想填肚，佢係ok既....

或者你可能覺得佢嘅環境同外表唔吸引，但服務同味道真係令我對依間小店加添幾份好感☺佢地每個餐仲送一個湯同一塊蒜蓉包1. 黑松露菌忌廉汁脆炸軟殻蟹意粉（$78）🦀🍝炸軟殻蟹雖然唔算好大隻🦀，但夠香、酥、軟，意粉就明顯唔係靚意粉，但加左香香嘅黑松露菌同忌廉汁，都唔錯👍🏻彤樂評分：7/102. 黑松露菌忌廉汁三文魚鳥冬（$78）🍣相比起前者，鳥冬同黑松露菌忌廉汁更match，更能鎖住醬汁👏🏻👏🏻👏🏻好融合嘅感覺，面仲附加左好多木魚，連埋大塊三文魚食又幾好味😋😋😋彤樂評分：8.5/10