影片
营业时间
今日营业
11:00 - 22:00
星期一至日
11:00 - 22:00
以上资料只供参考，请与餐厅确认详情
平時係中環依頭返工同事同我講想食烤魚上OPENRICE SERACH下附近有咩烤魚好食見到依間咁多正評又多分店 就揀黎試下佢先入到去好光猛仲好多打卡位添都唔少內地人專登過黎嫁鴛鴦糍粑 $38入面係黑白糯米 食起黎好香好有口感兩邊既感覺又有D唔同 好睇又好食又唔會怕太多糖太甜同事飲 牛油果奶昔 $38清香牛油果味再加有香蕉成份係入面真加香味同飽肚感火龍果奶昔 $38都係有香蕉成份係入面但冇阻火龍果既清甜味而且紅肉火龍果 賣相更好睇任食既冰粉 $0免費嫁 仲有好多配料提供選擇添呀!正黎到主角喇騰椒味沙巴龍躉 $378估唔到佢咁鬼大條肉質非常滑份量十足最緊要係個湯好入味魚肉完美索晒D汁食到停唔到口再叫左D烤魚既好伙伴薯粉 $20青瓜 $20娃娃菜 $20黃金組合 $38 啱晒15 16既我依到除左烤魚同配菜 串燒都唔錯嫁bb辣燒牛肉小串 $32有10串 佢D BB辣都幾辣幾入味嫁鐘意辣既可以挑戰再辣啲臨尾緊係要揀個糖水做結尾紅豆沙 $0又可止渴 又可以當食甜品兩個人食到肚皮裂開都只係 $622人均$311
继续阅读
巴辣仔烤魚喺香港已經有9間分店，凍冰冰除咗打邊爐都好岩食烤魚～環境光猛寬敞坐得好舒服，而且冇咩煙油味，唔嘈沙，唔似一般嘅烤魚店，呢間可以慢慢同朋友品嚐烤魚美食同埋傾偈。呢度嘅自助區仲有免費供應：菊花茶同冰粉DIY！連嘢飲錢都可以慳返嚟嗌多啲嘢食，真係好抵～電子落單，款式比實體餐牌多少少～有3款烤魚，每款都可配唔同嘅湯底都辣度～我就揀咗《 江團魚 💲348 》（醬香味、走辣）魚好大條，肉油潤又細滑，好少細骨，份量都夠3-4人share~ 仲可以加配料：+薯粉 💲20 +千張 💲20除咗烤魚，呢度仲有小食、燒烤串等等，都要試吓！《 鐵板燒茄子 💲38 》（走辣）超多蒜粒！我諗真係多到有成樽咁多！好香蒜味，茄子肉又稔嫩，好味～《 燒手工麵筋(2串) 💲28 》（走辣）岩晒我，脆脆地又唔會硬，幾好味～《 燒雞軟骨(3串) 💲32 》（走辣）細細粒有咬口～《 口水雞 💲38 》雞肉好嫩滑，有驚喜～《 鴛鴦糍粑 💲38 》熱熱香軟煙韌好正！放涼咗都無變硬～黑色部分係黑芝麻製成，多份芝麻香～冰粉我地食咗好幾碗，多配料，正～
继续阅读
全港有9間直營門店既巴辣仔烤魚，採用活魚現烤，每款烤魚都成兩斤重，相當有份量。巴辣仔吃魚三部曲：1）選好魚2）選口味3）選配菜沙巴龍躉烤魚：魚肉新鮮，肉質緊實，極少細骨，我哋揀既金銀蒜香湯底，配料豐富，滋味無窮。燒豬蹄：豬蹄燒得香口，滿滿骨膠原。鐵板燒茄子：大量既蒜蓉鋪滿在茄子上面，香氣撲鼻。燒牛肉小串(10串)：牛肉一啖一口，沾滿孜然粉，令肉質更鮮嫩。燒手工麵筋：彈簧型既麵筋串，口感煙韌。紅糖糍粑：糍粑炸得酥脆，配上香甜紅糖醬，軟糯好味道。而家餐廳做緊推廣，可免費任飲杞子菊花茶，晚市5:30後，更有冰粉任食，可以在自助區DIY個人口味。總結，烤魚在香港愈來愈受歡迎，餐廳不時推出唔同優惠，令我哋食得開心，實在係大滿足。
继续阅读
放工同朋友想搵間烤魚食，搵到香港大學站附近有一間決定試吓首先叫咗杯滿杯金菠蘿:-飲落酸酸甜甜幾解膩，但係菠蘿味唔太重，如果$38就有啲貴紅糖糍粑:- 新鮮熱辣整起的確係幾好食，黃豆粉夠，炸得又夠脆口，$38有六件都算抵麻辣卜卜蜆烤魚:- 烤魚方面，揀咗江團魚。不過建議一開始唔好咁急食住，因為一開始煮滾仲未吸到啲味魚算肥美又少骨
继续阅读
同同事約咗好耐話要食正宗惹味嘅辣烤魚，可惜每次都因為各種嘅原因，幾次都只可以食到啲唔辣嘅烤魚！今次趁大家都冇病冇痛，終於都可以收工一齊去食辣嘅烤魚啦！呢間巴辣仔烤魚環境寬敞，而且仲有一個免費供應嘅自助bar添，可以任飲杞子菊花茶同埋任食DIY冰粉～麻辣卜卜蜆烤魚💰HK$386三款魚之中我哋揀咗江團魚，江團魚最大特色就係肉質肥美嫩滑得來而又冇碎骨，仲要超大條，卜卜蜆仲要粒粒都冇沙，麻辣湯底越煮越香越辣，味道正宗惹味～金菇💰HK$20金菇爽口又入味～鐵板燒茄子💰HK$38表面充滿蒜蓉同埋辣椒碎，用鐵板燒烤過嘅茄子，味道更加令人辣得過癮～紅糖糍粑💰HK$38表面充滿紅糖漿加黃豆粉，糍粑煙煙韌韌，味道唔會太甜，用呢個甜品作結真係大滿足啊～滿杯金菠蘿💰HK$38味道唔會太甜，啖啖菠蘿味，清新解辣～冰粉自助bar有七款配料可以任君選擇！簡咗爆爆珠同埋蜜瓜粒配冰粉，冰粉唔使落糖漿都甜度剛好，口感冰涼，用來做飯後甜品一流～
继续阅读