影片
港铁油麻地站 A1 出口, 步行约1分钟
继续阅读
电话号码
60842959
52392393
营业时间
今日营业
12:00 - 22:00
星期一至六
12:00 - 22:00
星期日
全日休息
公众假期
全日休息
以上资料只供参考，请与餐厅确认详情
优惠
88折
【油尖旺】$100 通用现金劵，享尽中西日美食 **无限兑换**
$88
$100
招牌菜
相关文章
老板娘语气好差 成日黑面 之前都帮衬唔少 今次就系做左炮灰 佢partner 男人态度就好好👍🏼每次都笑面迎人 如果得男职员我会帮衬阿姐一定无帮衬！！讲返嘢食起油麻地附近算系咁 面少咗啲 啲𩠌都OK ，如果就咁食唔够饱 了！！ 要再加多份小食会好啲 小食辣d 希望可以拣返辣度，同埋喺个app落单，麻辣都唔可以拣辣度，嘢饮都冇得拣少甜少冰，体验感会差啲。同埋会希望加多啲种类，部份东西价格偏高，如果有心做嘅话去做个市场调研吧。
继续阅读
嗱呢间野我想讲有啲惊喜首先唔好意思挂住食无影相😂😂食左佢个2人餐花枝丸饺子刀削面同鸡翼卤肉饭配百页豆腐果set再加2杯野饮重叫左3款小食1. 鸭血(呢个有啲惊喜味道几好重要份量都多)2. 鸡翼(原本以为佢鸡翼跟饭应该唔多所以叫多set点知个饭都有4只🫣🫣)3.台湾肠(无乜特别)讲返2款主食，无谂过个面系蕃茄汤，预都唔系纯蕃茄煲出黎都加左啲茄膏不过真心合格既酸酸地都开胃份量都够个饭想讲个汁几好送饭，个卤肉都几香简单讲可以再战，都建议大家去食❤️
继续阅读
偶然喺Openrice见到，同第一次见面嘅朋友食饭，佢喺油麻地收工，所以我揾咗几间喺油麻地可以食嘢嘅地方俾佢拣，呢间超近地铁站，劲方便，佢最后拣咗呢间，朋友真系有眼光，因为嚟到之后令我非常惊喜。虽然系外卖店，但系隔嚟有店家嘅共享休憩空间，可以坐低食嘢、唱K，仲有个白板可以画画，成个地方都好舒服，老板同老板娘人又nice，我地喺隔嚟食仲拎过嚟俾我地。二人餐系$159蚊，人均80蚊，包两份主食（粉面饭），一set两款嘅小食组合，一份凉拌菜，两杯手摇饮品，两份甜品，amazing！如果系平时出街食其他嘢，要有呢个丰盛嘅程度，可能呢个二人套餐嘅价钱净系够order一个一人餐。相片我冇影齐，我地叫咗卤水鸡翼卤肉饭同盐酥鸡粒卤肉饭，小食组合拣咗炸地瓜条+香葱饼（印象中好似有四块），凉拌菜系fix咗嘅凉拌木耳青瓜片，我嘅饮品系绿茶多多，朋友饮脆脆阿华田，甜品我拣咗黑糖珍珠仙草芋圆，朋友拣嘅系紫薯鲜奶布丁。呢个系我嘅卤水鸡翼卤肉饭，我第一眼见到以为得两旧鸡翼，都已经觉得好合理，食多阵先发现原来有四只，我好感动，系我阿妈先会一餐放四只俾我，平时出街食饭，如果配菜系双拼，顶尽得两只。鸡翼仲要整得好香好软嫩，卤肉都咸香又弹牙，味道啱啱好，几有家常感觉，仲有两片酸萝卜可以食到一半refresh一下个口腔继续食。朋友嘅盐酥鸡块我都食咗一旧，香脆有肉感，完全唔柴，好食。地瓜条超大一份，外面好香脆，里面好有番薯味，不过食到后面个口有d干，我拎嚟点咗一下我甜品d黑糖浆，又几正。如果之后有其他口味就好，例如海苔粉、酸梅粉，不过我净系睇咗二人餐嘅menu，二人餐呢个系原味嘅，其他menu我冇仔细睇。香葱饼系真的香，我最初以为佢会系一块煎饼切成一块块，原来系一粒粒小圆饼，非常好食，皮系类似糯米𠮶种半透明嘅饼皮，里面有d葱，同埋我食出咗韭菜煎饺嘅香味，可能有类似嘅馅料，入面都几juicy，正！凉拌木耳青瓜片系辣嘅，调料颇有川菜嘅风味，香辣，但系有d咸，有d豆瓣酱嘅香味，特别嘅，呢个凉菜捞饭好食。饮品方面，我杯绿茶多多符合预期，我叫咗少冰少甜，几清新，不过朋友就话佢杯脆脆阿华田有d普通，我饮咗啖觉得的确冇我𠮶杯好饮，佢个基底系类似茶餐厅冻华田𠮶种口味，朋友好似话里面有d oreo同cream，但同个base唔系好融合到，我觉得如果佢系类似McCafe𠮶种阿华田饮品咁比较milky嘅应该会融合得好d，下次嚟再试下其他饮品。呢个系黑糖珍珠仙草芋圆，好colorful，唔系虚假嘅颜色，食落去真系有浓郁嘅对应味道，即系抹茶味、紫薯味、芋头味、番薯味呢d，系真系存在，芋圆嘅口感非常Q弹，煮得好好（因为我自己煮过，煮到一pat嘢），每一啖细品都可以食到个味道，好出色，珍珠同仙草都同想象中一样好味，食𠮶阵可以捞下底下d糖浆再食。我觉得呢个好出色。朋友杯紫薯鲜奶布丁都好香，佢好钟意，布丁嘅texture系软滑嘅，非常有奶香味，紫薯泥都好浓郁，同鲜奶布丁味道好夹。我地两个人食到劲饱，好耐冇试过食得咁舒服、尽兴、又唔肉痛。D嘢食好足料，性价比高，而且包装我都觉得拣得好好，几好睇同实用，第一眼望落去有种好似唔算大份嘅幻觉，但其实里面深不见底。系寻日嚟嘅，万圣节所以画咗d好有万圣节气氛嘅嘢。本身完全冇特别plan过要出嚟玩，只系打算同朋友随便食嘢行下，但呢度环境真系几有Party room感觉，即刻成个人都好有过节嘅气氛，估唔到我嘅开饭环节都会咁开心。可惜我住上水加上唔系成日出市区，如果我住附近应该会成日帮衬，佢地单点嘅价钱都好划算。不过我已经推介咗比朋友，之后约其他frd都会嚟继续支持下。今次应该系我第一次喺Openrice打食评，因为呢间真系太少评价，我最初拣𠮶阵都系本著赌博嘅心情，见性价比高先嚟，结果发现超正。所以我希望我写完之后其他人睇完会有多d资讯可以参考。最后祝巴豆妖长做长有！
继续阅读
当忙碌左一整天。想揾一个地方想静静地做野。就比我见到这间台式小食店。佢隔离有个好舖服嘅共享休闲空间。有好靓嘅台湾风景墙。可以比人打咭。在这个繁杂的油尖旺区。可以揾到这个写意舒适的环境。一边工作，一边听歌，一边叹台式饮品。系我至爱的芋香珍珠奶茶。仲有好多美味嘅台湾小食。不过今日太饱只饮野。下次再试。地方细细地。但环境真的很舒服。。佢地话这度仲可以包场搞活动。又可以带宠物入嚟坐。等我下次带埋我位主子嚟开生日party先。。。
继续阅读
寻晚10点左右突然口痕，咪谂住.睇吓佢哋仲有无野食。行到过去见收紧档，咪同事头婆讲话肚饿吖，佢就话本来收咗但见系街坊就照做俾我。我话想食少少野当宵夜，佢就做咗个一人炸物拼盘俾我。……可能系佢哋转咗供应商关系，台湾肠比起之前好味好多，表面够香又够脆而且仲好juicy添。以前佢哋啲汤饺子就食得多，但炸嘅就未试过，今次真系有惊喜，再加埋佢个秘制辣酱，超正。盐酥鸡粒就保持一贯水准，炸得啱啱好，香脆又guicy而外层唔会太干身。埋单都系几十蚊，超值。事头婆叫我下次可以试埋个卤味并盘，我就一定会试啦。
继续阅读