巴蜀沸騰一片 (已結業)

响呢条街来回行咗一阵, 等某人决定食边间? 估唔到竟然走入一间烤鱼专门店, 我心谂, 我应该冇嘢啱食, 因为佢门口贴着的相片, 全部都系红色, 我少少辣都唔食得, 更何况睇个样都知劲辣的, 但冇办法之下都要一齐入去...............当时已经两点多, 应该系下午茶时段, 但呢度系冇分午餐定下午茶, 因只有1个menu, 好彩入面都有d唔辣的选择, 但只系得泡饭同米线, 无论选择边样, 都系鱼汤底的, 因为呢间系"鱼"专门店~呢度d装修应该都系"巴蜀"色彩, 全部枱櫈都系木, 简简单单, 冇乜花考, 但比较迫, 櫈背贴櫈背, 肥d都坐唔到~等咗大约10分钟以内, 就见到我果碗蕃茄肉碎汤米线上枱, 个碗超大, 当然实际份量冇咁大啦~ 但如果食米线连汤一齐KO, 肯定饱死~ 我开头都系先试啖汤, 因为佢声称不加味精, 用鱼煲出来的, 饮落有鱼味, 最重要系唔腥~ 当然, 再加埋蕃茄, 令个汤底更加甜, 不过d肉碎就好肥, 所以都系冇乜点食, 变相食蕃茄汤米线~不过中国食物, 点都唔信佢冇加"师传", 因为我老公食出有加, 即刻令我对佢印象大减, 开头仲以为佢真系用好多鱼去煲个汤底, 所以咁甜添~ 呢个纯粹个人感觉, 或者人地真系真材实料~…查看更多

系2011年曾经帮衬过一次, 之后都无嚟过了, 记忆中的印象不太差, 当时这店的其中一位老板, 还未与另一位老板(过气影星)闹翻, 我曾经都是某过气影星的fans, 但听过佢发表某些意见后, 现在觉得 他只是一位……维园阿伯.平时多见要排队, 可能因为刚过长假, 入内都只是半满. 先讲服务, 并没有一些食家评得咁差, 两位穿著绿色制服的店员, 一男一女, 虽然唔算话十分之非常好 (你估酒店咩!? 其实已经好满意), 但态度都唔差, 算是待客有礼, 反而另一位没有穿制服的店员, 还不及这两位店员的有善, 脸部表情较为崩紧, 使你不太够胆问多一句, 但无论如何, 她的态度都不算差, 对我而言, 合格有余.生力, 在对面大昌食品买来, 够冻, 好过去7-Eleven, 唔知点解, 间间7-Eleven既雪柜都唔够冻….烤鱼, 大边, 豆豉味, 小辣, $193, 再加指定配菜, 多付$30, 唔记得白饭是否要收钱….. 上台, 配菜铺满面, 要了小辣, 但似乎唔多”少”㖞, 入口都几辣吓, 我就无问题, 但友人好似觉得太辣, 好彩头顶系冷气出风位, 一阵阵冻风吹落嚟, 但我都系一路流汗…三个小火种烤著, 但都好似唔够劲, 只有三小点位置有泡泡, 其余位置都无反应, 要专登把鱼肉放在那三小点火种上的位置泡一泡, 才够热,见鱼尾位置, 证明真系用火烤过才上盘, 并非如一些烤鱼店的用油炸. 烧过的鱼身较实, 不易散开, 鱼皮烧过后, 半烟韧状态, 和鱼肉一起入口, 好味. 然而, 味道方面, 感觉略为淡过其他的烤鱼店.秘制鸡肉串, $15/串, 唔知点样秘制, 与一般的鸡肉串无异. 炭烧猪颈肉, $13/串, 较为干身. 串烧牛筋, $20/串, 好特别, 牛筋弹牙唔使多讲, 烟韧得嚟带点爽口.同蔡さん影过幅相, 放出嚟..吸客..是常识吧….哈哈…哈哈…查看更多

朋友说呢间吾好食 我不相信我一定要试下食呢间因为预左冇咁好食心态黎食所以食落都觉得ok见有人外卖系成个炉拎走 个鱼有份半边 全边我地四人就简全边侍应问要咩鱼 我地又吾识分所以话要少骨就得黎到条鱼好多骨条鱼几滑 小辣已经足够又好多肉 几大条…查看更多

一直都好想试下e间烤鱼。因为食过旺角汀汀吾好食。希望今次有期望啦入到去坐下先知冇冷气。问待应有冇风扇。点知比既系手提电风扇。但总叫有heart !叫左个烤鱼大边小辣。头2口系辣。之后已经觉得吾辣。仲好咸。要加水先得。但鱼身够滑。后加辣豆角吾好食。失望。total2百蚊包2碗饭....蒜泥白肉...好味。白肉卷青瓜。蒜泥不是普通就由佢。系有较过辣味。都惊喜。但好似一碟4旧40蚊尖椒....有少少咸同椒子有全部取走。所以辣味依旧。大约40四条Total 300左右..2个人叫正常价。但下次反而想试下佢d米线。睇落都几吸引下…查看更多

呢间系水鱼店，将个个客都当水鱼～间嘢无得拣食乜嘢鱼，只有cheap cheap鲩鱼，又劲细条，一条全鱼居然收我278蚊，福夭条鱼烤完又浸，老到喊28蚊四种配菜，但份量少过蒸鱼d葱，有无九两菜？12蚊串串烧，得几旧，小辣就等于中辣，叫唔辣都要畀小辣我叹，系咪玩嘢先？加碗饭要收10蚊，吓？唯一好食系碟青瓜，配d蒜都几好食侍应服务就麻麻四个人食，埋单425蚊，又贵又食唔饱总之食完呢间沸腾一片水鱼店，你个心都会沸腾一片火从中来眼火爆～真系中Q晒伏，简直系水鱼店中嘅航空母舰～以后唔会再帮衬～…查看更多