巴希雅海灣重慶燒烤

营业中

休息中

天氣涼涼地,最好就係BBQ,自己又懶得做準備, 買野,醃野好麻煩, 所以就選擇去左大埔呢間任食串燒三個鐘既巴希雅海灣重慶燒烤場係大埔火車站搭20C小巴直達門口, 入面位置算幾寬敞整潔~每個開爐費為$50, 每個爐可供4人一齊燒... 店方會安排比較陰涼既檯客人坐, 如果太陽太曬, 都會有太陽檔撐起, 絕對唔會怕曬親! 自助式拎野食, 款式都幾多, 包括肉類,海鮮,丸類,蔬菜類等等...而且大部分野食都預先串好一串串, 燒既時候同埋食都好方便 一串串放上爐慢慢燒, 而且亦有提供燒汁, 味粉提供~ 食既時候可以因應個人喜好調調味 我最最最中意食串燒雞軟骨同埋雞全翼, 雞全翼醃得幾入味...而且平時BBQ自己係唔識吉, 呢度有人幫我預先吉好, 岩哂我~!店方非常貼心, 每張檯都放上一個簽筒, 食完既簽可以放入去, 唔會一唔小心亂放吉到自己 全場只有5款食物係限量供應, 每人一件海蝦同埋菠蘿, 香蕉每3人一隻,金菇每6人一包...(唔夠人數佢地都會照比ga!!) 仲有每個爐都會送一煲蜆, 成煲蜆放上爐慢慢煮, 算幾快熟~ 蜆入面冇沙,可能我地煮太耐,搞到蜆有d乾~~ 金菇好正!!已預先

放假天 約左男友同好姊妹兩公婆去郊外呼吸下新鮮空氣。揸車到大尾篤 逛逛海旁 行下山 再上埋水壩放風箏。玩左大半日，肚餓到不得了。一早做左功課，係附近既巴希雅燒烤訂左位。燒烤場面對海面，一望無際，真係好舒服。旁邊設有免費泊車，相當方便自駕人士。座位好寬敞。真正炭爐燒食物種類好多，一串串做好，方便拎又方便燒覺得自己好似街邊賣串燒既小販又幾好玩喎。每人有一隻免費送的海蝦，同一枱一煲既蜆。海蝦好鮮甜，而且肉質結實，多膏。不過蜆就麻麻地，有沙。哈哈 有飯後甜品呢。燒香蕉燒到香蕉變黑後 切開加入店內預備好既朱古力醬，真係超級好味燒完野食，我地過左燒烤場對面既欄杆度坐左陣，傾下計，睇下星星，吹下海風。。。快樂就係咁簡單

今日星期日天氣咁好同左朋友仔去大埔踩單車，踩完咁攰就梗係去燒嘢食啦，但係又吾想自己吉嘢食咁麻煩，朋友就介紹去巴希雅，因為啲嘢又好食最重要係吉好左俾你，啱曬懶人既我地！ 入到去地方好大，一啲都吾焗焗縮縮，地方好乾淨，週圍又有好多樹木既擺設，感覺好舒服！ 爐就用左我地依啲懶人至愛，可以直接放係上面燒，最啱我地中意食但又懶得燒既人！ 食物方面有好多選擇啊，全部都好新鮮，就算係雞翼都有辣同吾辣俾你揀，好貼心！同埋雞全翼全部吉好曬架，因為真係好難吉得好架，終於可以燒雞翼喇😂😂 仲有都會有好多熟食俾你揀架，好似皮蛋啊，菜，麵都有，我就最中意依個涼拌青瓜，做得好有水準！ 咁樣燒嘢食真係好方便好正啊，好似係街邊食串燒咁！ 仲有啊，記得每枱都會有蝦送架，好新鮮好大隻架，個頭仲有羔架，正！不過記得要自己去攞，同埋菠蘿同香蕉都係！ 今日燒得盡興而回，未走已經約定左朋友下一次再黎燒！

自助重慶燒烤 ($158/人)開sem飯同朋友仔去食重慶燒烤熱鬧下😆先講食物，大部份都中規中矩啦，食物係多款式既~不過有扒類睇落唔夠新鮮，都唔敢食太多😖反而蔬菜就抵讚啦!d菇，蕃茄同瓜都唔錯!燒完出黎都juicy嫁😋至於服務方面，d staff大多數語氣同態度都麻麻，問佢野個陣，答問題唔望人又悔氣串串貢，不過去得都要預左嫁啦💁🏻注重乾淨既朋友仔就真係要考慮下，個度衛生真係一般，不過都係一個gathering既熱鬧好地方黎既🤗

身邊一直有朋友講話大埔有個地方 好出名BBQ串燒難得考完試就去左"巴希雅海灣重慶燒烤" 由於之前去啲燒烤地方刀好曬又好熱所以自己做足準備 帶風扇 帶濕毛巾 拎黎解熱！一到左門口 望見個大海 門口好曬 即刻帶反頂帽 點知入到去燒烤場 坐低 一啲覺得熱  仲有風tim! "巴希雅海灣重慶燒烤"系用自取形式拎野食燒 想食幾多串就拎幾多 絕對吾洗 由職員分限定數量比你串燒種類好多 供應數量刀好多 吾會話有一款系得幾串供應！而且見到有職員會睇下邊款數量就黎無 然後補加番 sogood!!! 環境方面，地方幾闊 完全吾逼 但可能因露天關係 有烏蠅在垃圾筒旁啊！開始拎野食燒 當然燒雞翼先！話甘快就燒熟晒～熱辣辣 好正丫！另外 雞軟骨燒得好香 吾會咬落去系油黎 所以食左好幾串～仲有值得推介既系 每位食客刀會送埋用錫紙包住燒既金菇 燒到熱辣辣食 的確不錯呢！總括黎講 巴希好抵食又飽肚而且環境清涼舒服！串燒供應數量多 吾洗用人爭拎真系無黎錯地方丫～

女朋友一直都好中意食香口野~所以成日會同佢黎食。呢度除左多野食任食之外。天氣凍既時候。更係一個超正既地方~~~因為呢度有3個鐘任食~暖笠笠咁全3個鐘再慢慢食不過呢度有樣野唔好。就係野食。每位只送一支野飲。所以有時都會偷偷地帶幾支野飲入黎慢慢歎要講到燒野食~！非我呢個燒烤大王莫屬經過之前既教訓。呢度因為冇油。所以冇油脂既食物超易燒到柴哂。又哂又難食。所2經一事長一智燒到超令係味加上成日去買串燒既時候偷下師係食物上面再加少少粉~又好味~燒野食又好玩~又多野食又好食最衰一台得一個碟裝野食~攪到成日走黎走去。但講起衛生就真係差少少。首先廁所非常污糟。重要既係。可能附近成日有垃圾車係度。。。曾經有見到吱吱出沒。。。

一直好中意食燒烤呢類既香口野，所以又泥到我最中意既巴希雅呢到既燒烤場好大，好多位供應，每一張枱都有紙巾提供，好方便一入到去要先比錢，價錢$150左右，每個爐加50蚊開爐費。有蜆，香蕉，菠蘿，蝦同金菇送食物既選擇好多，有多款肉類：牛、雞軟骨、司華力腸、雞全翼；又有5同既海鮮：多春魚同魷魚等。蔬菜亦好多選擇，有必備既韮菜同粟米仲有菜芯、南瓜、茄子等。食物質素亦好靚，牛好香，好濃牛肉味，亦5會太肥。所有肉類大致5會過肥，好難得呢個價錢泥講，食物質素太正啦

很久沒去BBQ了! 記得幾年前和朋友過來大埔BBQ，都是自己買食物帶入去燒，偶然一次被帶到這間串燒任食BBQ，方便又抵食，今年一於再來拜訪。因為是閒日的晚上，一入到去就有位了。付了錢之後就可以帶盤子去先取食物，每人包一罐汽水，另可購買其他飲品。另外每檯有一包金菇、每人一隻蝦、一件菠蘿和一煲蜆。旁邊有個筒放置竹籤。這裡主要都是串燒的肉類為主，雞、牛、豬都有，還有雞軟骨、多春魚、腸仔，各式肉丸等等，另外還有不同口味的雞翼和羊架。另外想健康一點可以拿點蔬菜，有茄子，瓜類，菇類，粟米等等。蜆、蝦、菠蘿和金菇是自行去取的，菠蘿是新解的，超級甜。金菇放了少許牛油，很滋味。蜆同樣很新鮮，份量很多。最後有朱古力燒香蕉做甜品。

約左一大班朋友去大尾篤任食, 好耐冇黎過巴希雅記得以前好似係百幾蚊, 而家要$180 up , 可能假期掛假期黎真係好多人, 拎食物條龍好長, 排左好耐先入到去拎野, 仲唔一次過拎返多D, 廢事又要排食物款式呢度真係多款, 菜類連白果, 韮菜,芥蘭都有真係冇得輸D野燒完搽孜然粉食先夠味, 燒得夠香的話都唔會同出面重慶燒差好遠每圍枱另送海鮮(蜆)同菠蘿唔係假期黎應該會好好多, 因為排隊實在太晒時間, 其實都唔係拎左好多轉食物

好評 巴希雅 Jumbo豬今日同我女朋友同屋企人，一齊去踩單車由馬鞍山踩去大尾督踩到去大尾督之後就已經七點幾，所以好肚餓。我地見到呢間餐廳好多人，而且佢又係燒野食，我地咁岩又心思思想去燒野食，而且佢呢間燒野食唔會好似我地平時要自己出去燒野食咁，要自己係屋企醃再帶過去所以好方便，於是我地就走咗入去食啦 間野睇落去好大，而且佢係山上面都有位，所以佢都唔算太過逼 我地坐咗係比較近門口位，所以都好方便去拎野食都唔使行好遠。呢次係我第一次用呢一種方式去燒野食所以好期待我本身比較鍾意食丸類，而且佢種類都好多，佢有龍蝦丸、蟹子丸、芝士丸、墨魚丸、芝士腸等等，烈推薦食墨魚丸超級超級好味，本人就對菜類冇乜特別大興趣所以都冇乜點食菜類，不過可以試吓佢個韭菜，當然我地冇可能好似出邊D人燒得咁好味但係都可以試吓既！而且佢又配孜然粉，食落去好香，當然啦肉類先係重點！佢有好多唔同種類既肉啦，有雞翼、雞全翼、牛肉、豬扒、雞肉，我本人呢就好鍾意食牛肉啦，佢呢D全部都係一串串，而且牛肉呢就好似比較似牛柳粒食落去係入口即溶既感覺！豬扒好硬，所以唔係好鍾意食，我就唔係好建議你地食豬扒 仲有一樣既係如果你鍾意食雞軟骨位

行山日。粉嶺鹿頸行去大尾督。行左幾個鐘 最好既慰勞方法梗係燒個野食啦。巴希雅好出名 成日聽朋友講 咪試下囉。串燒炭爐燒有個好處 好像冇咁累 而且食物全部串好曬 方便快捷。炭爐用環保炭 可以燒足3個鐘 我們最後燒左4個鐘 都冇加過炭。勁喎。肉類都是一般燒烤會有既 特別推介牛仔骨 羊架。肉類全部都醃得幾入味 牛仔骨 羊架肉質幾嫩 任食燒烤黎講係有驚喜。雞翼都好惹味 加埋孜然粉 辣粉真是一流。丸類有蟹籽 芝士爆醬類 亦有基本既牛丸墨丸紅腸等等 牛丸好彈牙！特別鐘意蔬菜類 很多款式 韮菜 白果 大蔥 豆角 菇菌 白果原來燒左好好食 甜甜地。根據人數 仲有送左一煲蜆 海蝦。海鮮雖則係急凍貨 但都Ok既 唔會腥。最後仲有香蕉同菠蘿 菠蘿超甜好多汁 香蕉燒完仲可以加朱古力醬 yummy!百幾蚊 燒足3個鐘 捧住個肚返屋企。

係大埔講到燒烤, 大家都一定會諗到巴希亞, 真係出哂名。當然 當年小弟仲係中學生既時候入去食都仲係100蚊鬆D,今日入去食已經差唔多200蚊LU。不過, 始終任食, 對於我呢D食肉獸黎講,多多錢我都會覺得我食得到回本。D串燒依舊好食,成班人入去食又開心又食得飽, 200幾蚊任食真係算唔錯,都誠意推介大家成班人入去食。

今日同屋企人去咗踩單車，踩左幾個鐘覺得好攰，諗住搵D嘢食，跟住就見到呢間巴希雅海灣，我地去嗰陣5點幾冇乜人，所以我地就揀咗呢間去食🍢一入到去就覺得呢度既空間好大，佢差吾多去到山上位我地去到唔洗點等位，好快有得坐，因為我地去既時候，係五點幾所以唔會太曬，服務員態度好好佢會帶你地位，之後就可以開始燒架啦佢每人會跟一罐汽水其他嘢就任食，咁佢主要會有菜，有肉，有丸可以燒，丸呢我就唔建議你地食啦，因為你平時打邊爐都有得食架丸類佢都比較少，有蟹子丸，龍蝦丸，芝士腸，因為D火太難控制，所以好易燒窿蔬菜款色我覺得少左d，佢本身有粟米，有南瓜，冬瓜，茄子，好似菜心，生菜就少咗D啦，如果佢多番D蔬菜就會好D，佢有得燒韭菜，如果唔識燒韭菜既話會燒得好難睇，因為要一直加水同轉住，如果吾係會好易燒窿，變得唔好食，所以呢個好考你技術因為我自己本身都好鍾意食肉所以肉類我會攞得比較多，佢有好多唔同種類可以俾你揀，羊肉雞肉豬肉牛肉牛扒雞扒等等，我極力推介你地可以試吓燒羊肉，佢D羊肉好林，燒出黎好香，咬落去又林喎，如果唔鍾意食羊肉既話我建議你地可以試吓食佢D牛肉，佢D牛肉睇落去好似燒完會好硬，但其實係超好味，而且係入口即

从沙田骑车过来到大美督，正好5点于是选了这家最受好评的烧烤店。烧烤方式的确很重庆，但是卫生条件很糟糕，最奇怪的是餐盘和筷子等餐具只供应一副。食物方面，送的海虾和蒜蓉金针菇，以及香蕉菠萝都不错，但其他任取的食物质量就非常糟糕。值得一提的是，我们在龙记单车租的自行车，拿着老板给的卡可以免炉费50。这家烧烤摊的食物以各种牛羊肉类为主，伴有少许非肉食，包括韭菜、蘑菇、茄子等。肉类素质较差，其中以鸡肉最难吃。非肉类中蘑菇还不错，其他食物便很差。

尋晚同朋友黎bbq，一行五人一早訂左檯，六半去到已經見到好多人燒緊！好熱鬧！但位同位中間唔逼，坐得幾舒服！食物種類幾多，有全翼、雞腎、牛肉、雞肉、魚、魷魚、韮菜、茄子、青椒同好多丸，全部串好曬，一般bbq場有既，呢度通通都有！呢度係重慶燒，烤爐上有網燒，香料自己加，好方便同好惹味！仲有送蜆、海蝦、菠蘿、香蕉，正！