巨昇冰室

营业中

休息中

喺附近行到出哂汗，要食返個下午茶嘆下~入到黎元朗，無理由食連鎖餐廳嫁嘛~一眼就俾呢個招牌吸引到，就衝入嚟~入到黎啲侍應姐姐超nice! 見我地出哂汗咁就俾個涼啲嘅位我地坐，仲介紹下佢地嘅招牌菜~🔹皇牌吉列豬扒淮山麵特餐🔹 一上枱，”嘩”一聲！塊豬扒實在太大塊！食落去好juicy，外脆內軟，好好味！配埋好有蛋香嘅滑蛋 & 個人好鍾意嘅香酥丹麥多士，感覺已經抵哂！仲有個淮山麵，第一次食，原來都幾彈牙~標榜非油炸，即刻無哂罪惡感~😝🔹懷舊冰室金磚🔹 開頭以為係一口多士，點知真係磚黎嫁！巨咪西多士，仲要係有粒粒花生醬喺入面~加埋牛油同蜜糖，再邪惡都清左碟！🙈🔹手工樽仔奶茶🔹 見到隔離枱有隻貓仔，當然唔執輸~原來係超香濃奶茶~好滑又夠凍，甜度剛剛好~重點係太可愛，打卡啱哂！🔹奶茶紅豆冰🔹 以為係同樽仔奶茶一樣味，只係加多左啲紅豆啫~ 錯哂！奶茶味無樽仔奶茶咁濃，但配埋紅豆就互相輝影出兩者嘅味道！掂！

巨昇冰室Mega Star Cafe (元朗)地址 : 元朗康樂路13-23號鈞德樓地下15號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐⭐服務指數：⭐⭐⭐⭐⭐食物推介：全日早餐 All Day Breakfast 等候時間：0分鐘環境舒適企理、裝修簡約、光線充足、門口招牌非常吸睛，所以決定一試這間冰室。服務員招呼非常有禮貌👍👍👍鄰近元朗小巴總站、輕鐵站，非常就腳，吃完豐富全日早餐可以搭車返工、返學!👍👍👍全日早餐All Day Breakfast （全日供應）西冷薄牛扒外脆內暖、不油不膩，而且還可以保存牛扒的肉汁，非常好食，有扒房的水準❤️❤️❤️法蘭克福腸喜歡吃法蘭克福腸的，當然要試一試啦！黑松露炒蛋軟綿綿的炒蛋賠償優質的黑松露，房而處置身高級餐廳🤤🤤茄汁焗豆份量超多、一定夠食，正！黃金薯餅美如其名，炸到金黃色、色香味俱全！奶油脆豬豬牛油、煉奶，香脆可口，停不了口，一口食曬兩件😆😆😆凍奶茶正宗港式奶茶、清新淡雅 、香醇順口、甜度、奶味、奶茶味適中，恰到好處👍👍

游完水好肚餓，喺附近搵下午茶食 。五點半仲可以叫下午茶，由四十幾蚊起，就可以叫到大大碟嘅下午茶，選擇好多 。當然要食番一隻炸雞髀配薯角 新鮮即炸唔係重覆再炸，皮脆肉嫩，所以等候係值得嘅。服務員姐姐推介晚餐蟲草花蒸雞，一上碟比份量嚇親，好多雞肉 最鍾意冇味精，啖啖雞肉好滑好清甜 。晚餐仲可以追加一碟油菜，健康又抵食。另外朋友食咗一個滑蛋牛肉飯，大大碟，男士一定夠飽。牛肉切薄片好鬆軟。另外值得一讚呢一度嘅紅豆冰，紅豆軟綿綿煲到好林，成杯都用咗椰汁奶，真係真材實料。

晚市抵食二人餐元朗真係太多餐廳，勁多選擇 揀咗間之前都食過嘅餐廳🤣 叫左個2人餐 $178可以揀兩款菜 加一碟油菜 兩碗湯同埋兩杯飲品 客家沙薑咸雞鹹雞非常入味，但唔會太鹹。沙薑汁味道濃郁，但鹹味唔會好重，同鹹雞配搭恰到好處，雞肉亦非常嫩滑！馬來咖喱牛腩煲首先要講嘅係薯仔份量唔算多，成碗都係牛腩牛筋，食晒啲飯牛腩都仲有一半。成煲炆得好軟淋，牛筋都係入口即化，咖喱味濃郁。十分推薦跟餐叫左一碗中湯一碗西湯最後侍應突然話整多左份西多士，問我地有冇興趣比番半價我地，我哋本身都好飽，但係見到好香，硬着頭皮要左，份量非常大蛋香味好重，仲碗買凍冰冰嘅牛油，好邪惡，最尾真係食到要捧住個肚走！

近排同女朋友去元朗搵好嘢食，無意中發現咗一間隱世元朗冰室😀門口裝修都幾Modern😲，入邊地方又夠大夠光猛。入到嚟就俾其他人叫咗嘅牛柳吸引咗，除咗牛柳仲叫咗蔥花滑蛋蝦仁。蘇格蘭牛🐄瞓蘇格蘭牛柳超級大份，肉汁又夠Juice，啲薯仔角又炸得金黃鬆脆。仲要配咗份超級脆嘅厚多士🤤蔥花滑蛋蝦仁🍤除咗使佢哋份牛柳，仲叫咗個滑蛋蝦仁套餐，附餐送一碗白飯。佢哋分滑蛋蝦仁好夠鑊氣，蛋又夠滑，蝦又夠新鮮。😚餐飲叫到杯紅豆冰，同埋檸檬菜蜜，每人130幾蚊，超級抵食😀

🐽 咖喱薯仔牛腩煲見今晚晚餐有咖喱牛腩煲，所以二話不說叫咗嚟試吓牛腩煲個份量好多，食落個咖喱汁底好香， 亦都唔會太辣，味道好香濃，送飯真係一流牛腩亦都炆得好林同埋入味，廚師應該好細心咁切走晒啲筋膜位，食落唔會太過靭🐽 鐵板豬扒餐鐵板豬扒餐先跟個好濃蕃茄味嘅羅宋湯，再配埋蒜蓉厚多士一齊點嚟飲真係一流豬扒望落大大塊，目測比我嘅手掌更加大，比坊間嘅豬扒亦都厚，切切下發覺原來個底仲有另外塊，真係又驚又喜，咁嘅價錢食到咁嘅份量真係超值，正常一個女人食嘅話應該食唔晒要打包走😂

去左元朗買左個茶餐廳早餐外賣🥡餐廳外表望落好新🤗我叫咗個沙嗲牛肉通粉，丹麥多士炒蛋，跟熱杏霜。個通粉麻麻，整得比較林，丹麥多士炒蛋都唔錯👍🏻好少地方有杏霜，都幾好飲

作為無飯家庭，經常喺元朗四出搵食，都搵左好出色嘅餐廳，特別係食豬扒方面。呢日經過「巨昇冰室」，見佢門面乾淨企理、四正，決定入嚟搵食，冇諗過佢個豬扒都可以咁出色驚喜。😻😻😻呢日叫咗個吉列豬扒滑蛋飯，配樽仔奶茶。冇諗過嗰呢飯餐咁大份。佢個吉列豬扒食叫即炸，所以上檯時，都非常之熱辣辣，香脆可口。而且非常厚切，肉質厚實，配合嫩滑炒蛋，香口惹味，口感豐富，必食推介。而我一直都好鍾意飲樽仔奶茶，一見到嗰個熊仔樽，就感覺十分可愛，愛不釋手。而個味道奶味白甜，茶味濃郁，真係舔舔脷😋😋😋巨昇冰室地址：元朗康樂路13-23號鈞德樓地下15號舖

路經呢間餐廳門口五顏六色覺得幾吸引，於是走入去試吓，叫咗兩個餐，價錢唔算經濟，最搞笑係叫咗兩杯凍0茶同樣少冰，一杯好似俾人飲咗幾啖咁，問個樓面佢答我係得7-8分滿啫咋喎！吓？咁我係咪要多謝你另一杯俾多咗兩啖我呢！至於味道，屋企人覺得唔好食！

奶茶超級難飲，仲要好多蚊支飛來飛去，衛生情況有待改善，早餐嘅腸仔同煎蛋都係凍嘅，就連杯奶茶都沖唔好，好後悔轉出前一丁，因為佢煮到個麵太林，好難食，只食咗一半就唔想食！打後啲嘢食有幾好食都假！而家阿豬阿狗開間冰室啲嘢難食啲人都話好食，唔明，可能香港好食嘅定義以經變晒！大部分都係難食嘅，食慣咗難食都話好食，因為以經習慣咗去呢度，比人有個錯覺，呢間一定唔差。咪去食囉！總括嚟講，早餐體驗唔得，午餐和晚餐都唔會想試。

今日黎到都係係元朗既一間冰室食野，見到openrice有唔少好食既推薦就黎試下。我嗌左一份雞扒煎蛋意炒走汁，覺得雞扒有一陣醃過龍既味，同時意粉唔太好食。另外叫左一份瑞士汁雞髀，但感覺比較似豉油雞髀。大家黎食建議嗌番其他冰室野食。

朋友介紹呢間有豬油撈煲仔飯，我地一行3人專程黎試，等左8分鐘左右有枱，排隊時店員同我地落定煲仔飯，叫左兩煲煲仔飯，一個晚餐鐵板餐😋煲仔飯上枱時跟埋豬油同豉油，豬油仲熱緊有誠意👍豉油都好食得出煮過黎，我覺得好好味👍豬油+豉油撈煲仔飯真係食到停唔到口，久唔久放蹤吓係需要的🤣飯焦剛剛好(掛住食無影相😂）下次再黎會叫大火，再燶D就一流🤣晚餐鐵板厚切豬扒好有份量，三個人飽哂😂意外驚喜呢度杯凍飲好大杯，感覺好抵😜以後食煲仔飯唔使走到出荃灣🤭真心覺得呢間煲仔飯很不錯👍

[人氣蝦多士🦐］•冰室主要有3：「蝦多士」、「炒通粉」、「菠蘿包夾雪糕」，下午茶時段見  雖然依然要排隊，但人流算快，都可以等一下😊•「蝦多士」脆炸香口、脹卜卜❤️簡單沾沙律醬食已好好味😋！「西多士」都唔錯👏🏻，「沙嗲牛肉公仔麵」牛肉好韌😩，沙嗲醬亦無特別，都係食番人氣美食就可以了😌•▫️蝦多士 ($49配飲品）▫️西多士 ($39配飲品）▫️沙嗲牛肉公仔麵 ($43配飲品）••巨昇冰室元朗康乐路13-23号钧德楼地下15号舖

港式茶餐廳相信對香港人而言絕對不陌生，不少人甚至乎要日日幫襯。吉列豬扒滑蛋飯滑蛋炒得勁滑嫩，吉列豬扒炸得入口肉質鬆軟、內脆外嫩，再配以醬汁，令人食指大動流心芝士西多士傳統的港式西多士多數是花生醬西多士，但也有芝士火腿西多士的做法，味道甜中帶咸，作為下午茶就啱晒啦紅豆冰紅豆粒粒渾圓完整，雖未算超軟腍但勝在有咬口，入口香甜，再配埋順滑濃郁的淡奶香，簡直是絕配。樽仔奶茶要品嘗真正「地道」的香港食品就當然要試吓香濃幼滑的奶茶茶香回甘味幾重，而且好重奶味

巨昇冰室 (元朗)元朗康樂路13-23號鈞德樓地下15號舖元朗好食又抵食的茶餐廳就要數這間「巨昇冰室」，分量大份之餘，食物質素亦都有返咁上下水準。這間冰室不論任何時候都高朋滿座，原因很簡單大件夾抵食，而且水準有返咁上下。炸大雞脾$35小朋友最喜歡吃炸雞脾，但自家製炸雞脾平時揸到油淋淋，我女經常嫌棄我的手藝。所以每逢外出用餐，都必定會點炸雞髀。而這間餐廳的炸雞脾水準甚高，炸得外面香脆，內裏還是肉質嫩滑。凍朱古力炸脾配朱古力是小朋友指定單點。泰式滑蛋炸蝦餅飯$68滑蛋豬扒飯平時食得多，這裏又有新攪作，泰式滑蛋配炸蝦餅飯，滑蛋的確是吵得非常亂畫，特別之處是上面加了香蔥，這些爆香過的蔥花平時會在食香茅雞髀飯或香茅豬扒飯先食到，現在加在滑蛋上別有一番風味，原來很夾之餘還很夜惹味。蝦餅大舊彈牙！肉質有咬口！重點是配上滑蛋本身滑溜的質感，這個飯極推薦。樽仔奶茶$28樽仔很可愛，裏面奶茶細滑，茶香味濃，自家製樽仔奶茶必試！