左麟右李粥麵小菜專門店 (已結業)

住紅磡咁耐先發覺冇食過左鄰右里呢間野假日放假同家人只能飲茶，不能食別的餐廳醬料已在枱上 非常大方有余均益，荔枝醋，豉油，楜椒粉。任顧客自用魚皮沙律 魚腥味好重， 芥末去不了味川芎白芷燉魚頭 中藥味超重，好足料干蒸灌湯餃 鳳爪 牛肚 奶黃包 馬拉糕 好軟屬 好傳統整法奶黃煎堆仔 一咬落去流心既 外脆內溶甜酸雲吞 蝦春卷 XO醬炒腸粉 非常入味 有青蔥 芽菜棉花蒸雞 油菜 指住下午茶既油菜 收我正價錢 話比左份量大既我地所以收正價服務 衛生 味道 賣相 抵食

二人吃了 揚州炒飯 乾身唔油但好小餸同冇咩味 D蝦原全冇味 點心拼盤 有叉燒包蝦餃粉果各兩粒 蝦餃同粉果味道可以但真係好多油 叉燒包好味又軟又多餡 豬手粗麵 麵太霖豬手又太霖要收三蚊茶錢及加一 合共196最衰係個收銀 請佢印張泊車單都話冇 冇唔緊要但佢嘅態度同個樣真係好恐怖睇到之前其他人嘅食評原來個收銀係好倒米的

相隔多年沒有來，牆壁依舊掛上多張譚詠麟和李克勤的照片，這裡環境算闊落，明亮整潔。這𥚃有套餐、點心及炒粉麵飯供應，選擇算多，還有馳名雲吞麵和艇仔粥都很受歡迎。我們今次點了兩個午市小菜套餐 : 漁香茄子煲及沙嗲金菇牛肉煲，套餐有小菜、老火湯、白飯和甜點。鮮甜菜乾豬骨湯，飲起來有肉味，濃香鮮美。一開煲蓋即散發著濃濃香味的漁香茄子煲，有鹹魚香加上肉碎粒，配白飯一流，非常惹味！香噴噴沙嗲香味的沙嗲金菇牛肉煲，煲裡除了牛肉，還有粉絲、金菇、洋蔥、青紅椒和芽菜，很喜歡吃這個煲，因為沙嗲味道很好，不會覺得辣，完全合我口味。

真係第1次嬲到要寫評論,通常價錢偏貴有原因ㄧ係食物好味ㄧ係服務好好,但黎間食物一般,服務ㄧ般都不如。其實平時都有去開黃埔黎間食飯,但經過今次真係唔會再去因為佢個收銀阿鳳叫我唔好再黎。話説食完叫左埋單,等左好耐無人黎,再叫個經理先叫埋單,個收銀行埋黎黑口黑面,望都唔望下人,問有冇泊車單(本身連食飯張單都無比我)完全無回應望都無望我,再大聲小小問多次,都無望我就咁扔張單比我,請問咩事呢?難度黎餐飯係free架所以無單???叫左個經理過黎,因本人覺得譚生及李生係ㄧ個有善心嘅人,唔知會唔會係請左啲聾啞人仕,唔想怪錯人或投訴錯人,但經理回覆唔係,咁点解佢要扔張單比我應都唔應人?到走出門囗收銀者係埋單個個叫我,最後經理比左個所謂服務熱線:66215548。但係永遠都唔通,whatsapp都唔會覆

有朋友話呢間野幾好食就同老公同家人去試下。其實整體上係無特別，唔會難食，大部分正常水準。排骨煲仔飯做得最差，不過無影到，過濕，拌均左等左一段時間仍然好濕，無焦香，唔似食煲仔飯。另外腸粉比較厚皮，蝦蛟可以，蝦肉夠實爽，算新鮮，燒賣都唔錯。脆麻花放左一陣都keep到鬆脆。菜芯無特別，燉螺頭湯望個燉盅好足料，不過飲落比較咸....如果唔鍾意等位坐得舒服都ok，諗住普通飲下茶食下晚餐其實都可以，因為無咩人。

妹妹住於紅磡區，故此放假好多時都會就腳在區內開餐、這間位於黃埔美食坊內之左鄰右李正是她經常幫襯食肆其中一間,事隔數年店子依舊無變，變的可能是一班幕後廚子。。。店子開始感覺上陣舊了， 整潔程度亦僅屬一般、 放上枱上之羹及碗筷已看到不潔， 幸而侍應亦很快前來更换……雲吞麵有大少之分,是（雲吞）上之多少、一碗大雲吞约有五粒，燕子尾下身段顯得更為肥圓、幼身麵條微微帶有鹼水味,雖然爽身還是覺得（麵質）有點缺失~水餃內餡要比雲吞更為豐富 ，蝦肉筍絲木耳當然決不可少、 份量齊之餘亦要包得緊密， 不過這碗水餃今次就給比下去， 件頭內餡份量不算多、更令整碗水餃感覺遜色一皮~本身要來點心拼盤但因親人手快兼口快, 所以往後的叉燒包並沒有相片、 晶瑩剔透下之粉果 餡料十足而且非常飽滿, 至於蝦餃亦做得不錯、肥豬肉與蝦肉比例亦相對恰好， 柔韌剛好之蝦餃皮、夾在筷子之上不宜穿亦不感到太厚， 師傅之手工絕對合格~牛肚屬於比較耐火之食物,所以要烹調得較稔、 時間上 絕不可以偷工,眼前前這碟牛肚、 口感就只屬平平~至於蝦多士炸得非常脆口， 不過就感到略為油了一點、 當年如今日依舊可取,喜歡吃香口之人士這份小食 不可不要

2 人 lunch set 有 2 個麵/粥，1 碟菜，1碟叉燒腸粉/炸兩，仲送2 個叉燒包。$128+茶$$ +10%. 都幾抵。平時一碗麵都 $56佢推出呢個set係幾好，因為如果我淨係食碗餛飩麵我未必會返去再食。佢 d點心救咗佢。餛飩麵 - 湯底顏色偏深，但係無乜味道，唔香，大地魚味欠奉，好似有 d soy sauce/oyster sauce 味 + 麻油。仲有好輕微幾苦味添，感覺唔夠authentic. 都係餛飩麵，佢 d麵質其實幾爽，又唔多鹼水味，係個湯底拉底咗 d quality. 餛飩就細細粒，一碗有 6 粒，d蝦都幾爽，無雪味，皮厚道適中。整體還可以。碟菜好新鮮，用煮過麵既鹼水煮所以會soft d, 而且好大碟， 滿意。叉燒腸粉 - 幾好食，d腸粉皮拉得幾好，又滑又嫩。d叉燒都幾好食，唔會過肥或瘦。感覺佢 d叉燒飯可能會幾好食。叉燒包 - 大大個，水準okay.

由於黃埔站已經開通了！一個是我童年回憶的地方又再一次來。（由九九年黃頭年代黃埔居民已經簽名要政府起地鐵，直至知道黃埔要起地鐵，及快要通車時，心裡極度興奮！我由九五年便到方樹泉做義工（方樹泉在黃埔花園！），亦看著吉之島開呢！由通車至今已來了四次了！）昨晚無端端又再來，不如就去左麟右李吃啦！因為很想來的了！味道不錯，因為很喜歡吃這類食物：淨麵一碗，正，唯獨麵不夠爽，硬身就好好多！蝦餃好大隻，很好味，蝦腸非常清淡，很好吃！服務一般，美中不足是韮黃不夠多及沒有菜苗餃！會再來

呢間係黃埔開左好耐，最近終於有機會試！試左佢既雲吞麵雲吞細細粒但係有六粒麵夠爽口唔錯牛肉煎米粉都幾香口炒飯鑊氣夠最後生炒排骨熱辣辣 應該都係即場炒起既不過野食唔平，唔算抵食

職員服務態度極差，入錯單漏單職員不表示歉意反而畀説話你聽，正如劉生講「今時今刻，如此的服務態度點得」，譚生李生⋯口碑好緊要的。消費者食嘢都要受氣？冇可能囉。我們以後都唔會再幫襯了。

一入去，會看到店內有電視，不停播著左麟右李演唱會。水餃麵：麵爽；水餃皮薄，蝦爽，略嫌太多筍鹹瘦肉粥：粥綿綿的，挺滑；鹹瘦肉很夠味，一絲絲的，比切開一條條的瘦肉好叉燒包（下）+ 流沙包（上）叉燒包：包的皮很薄，不夠乾身；裏面的醬太稠，很多芡流沙包：包的皮看起來和一咬都覺有點硬，有點美中不足；一咬開，“流沙”就湧入口 流沙有足夠鹹蛋黃蓉，令饀有沙沙的質感，而且甜鹹適中。

縱然喜歡吃雲吞麵，卻從沒打算試左鄰右里，甚至上次家人有贈券也讓他過期罷了，沒興趣的程度是近於不屑 。今次趕看戲，幾乎是無選擇之下進來，裝修和枱上的大茶煲像民間傳奇的茶寮，匆匆點了下午茶價錢的雲吞麵和牛腩麵，麵是銀絲細麵，不怎麼爽口彈牙，雲吞是細細粒金魚尾型，湯頭有用心做，碗底有蝦子，可惜沒大地魚和豬油香，和麥奀有天淵之別。牛腩卻不成，每件都有不好啃不好吞的軟骨，敗興。原以為$30×2加一，$66埋單，怎知是$73，多問一句為何，收銀板着臉，不作聲，飛單到我身前，指一指，是這樣招呼左鄰右里嗎？

同朋友係黃埔行行下街肚飯，天寒地凍落雨細濕又唔知食乜好，見到有煲仔飯食就走左入去試下「左麟右李」。講真，單係食個煲仔飯真係唔洗再食其他野，而一個人真係未必食得晒呢個咁大份量既煲仔飯，但兩個人又可能唔多夠。「左麟右李」如果不是明星效應的話，筆者相信唔會太多人走入去品嚐，不是說它價錢不理想，而是服務員的態度真係好有問題。壺茶無晒水，叫左幾次都無人黎添返；但埋單就快到無人有，真係唔知佢地諗緊乜野。食物方面，跟煲仔飯的「椰子燉雞湯」，椰子肉多到呢(見圖)，至於雞肉就欠奉，得少少唔知係其他餸頭餸尾用唔到雞件擺埋一齊煲就算。唯一可以讚揚的地方，就係個湯所落既味精比較少 (筆者唔知有無吓)，飲唔到味精味唔代表無。至於「北菰滑雞飯」，北菰少係正常，但係唔係少到得兩個半塊北菰咁寒酸呀？雞肉不夠滑，食落去時感覺有點靭。筆者是一個愛吃煲仔飯的人，「左麟右李」的煲仔飯，飯是不錯也有飯焦，但係食落去時，感覺係飯有飯自己煲，餸就同飯分開煲，到熟時先放埋一齊既感覺，只因食落既飯完全感覺唔到雞味同北菰味。有一點要注意，如果唔等得無耐性既人，唔好叫煲仔飯，呢到真係要等足半個鐘先會黎到；唔同某些街邊大牌檔煲仔飯等，可以十

今次係我第一次黎左麟右李，朋友話之前喺旺角果間食叉燒好鬼好味，好想再食多次，咁我就捨命陪君子啦！今次去黃埔店，地方企理，不過就嘈左d啦！但朋友最想食既叉燒，黃埔店竟然係冇既 ... OMG (>﹏<)算啦，冇叉燒就先黎碗雲吞麵啦，嘩...啖湯有大地魚香味，麵質好爽好彈牙，係我中意既質地，呢碗麵，無論湯底，麵質同雲吞都好似我兒時食過既感覺，有童年回憶 (大爆)呢個欖角柚子手抓骨不得了，熱辣辣放喺我面前，我冒住辣爆咀既危險大啖扯d肉出黎，umm...好味，好juicy，d柚子醬係靈魂，燒得好香又甜甜地，我一條友食左3支 (笑)椒絲乳腐通菜，讚...炒得好夠味，唔係小家的俾少少腐乳是但炒，中意啊！我咁重口味一定叫d濃味野啦！本身叫左咸魚滑雞煲，點知落，錯單黎個豆豉雞煲。。完全係失望，冇咸魚都算，d雞仲係雪藏味幾濃既雞，又鞋又唔嫩，失敗 (>﹏<)

連加一$八十幾一碟，蝦及叉燒細隻鬼鼠唔在講，但最唔掂D米粉炒到油淋淋、黐立立、碎濕濕、淋pag pag...同乾身爽口完全相反! 與以前正斗/何洪記差天共地!隔離街集團快餐式一X麵出品都好過佢!