巡味 (柯士甸道) (已結業)

由佢試業開始幫襯，食過4至5次，包括海南雞飯，咖哩牛肉，香茅雞翼，朱扒等等，一次比一次退步，感覺到越來越沒有心經營，食物質素及服務態度每况越望下，特別是老板不在時，那些女侍應好似吾想做甘，態度惡劣，不會再幫襯了。

海南雞飯，係我其中一款最愛嘅食物，今日午餐時候經過呢頭，望到呢間餐廳有泰式無骨海南雞飯，就走入去試一試佢。望下個餐，有湯，有沙律菜，足夠份量嘅海南雞，再加碗油飯，見到都覺得豐富個湯係椰子雞湯，飲落就無咩椰子味，但都唔錯，個油飯就好夠香，主角無骨海南雞，肉滑，彈牙，唔會淋晒咁，再點埋個醬汁，酸酸甜甜咁，好開胃

時早上10點幾，唔湯唔水時間，油尖佐大部份食肆最早也要11點才開，加上飢腸轆轆，按捺不住就闖進了這間裝潢看起來也舒適的店。餐牌老是多士炒蛋公仔麵那類，太悶，冷不防就點了個 牛肉豬潤麵。牛肉又厚又大塊又沒牛味，我忍，但根本就不懂煮豬潤，切得太厚，煮的時間太久，出來的就是太硬，鞋底一樣；那碗油麵，又是沒煮腍，硬斷的質感，說這是招牌麵，只是笑話同行客人，我勸這店取消這個麵好了。整個餐我只喝畢加$6的咸檸七，那碗麵以我高度肚餓的狀態下也只吃了三分一。

剛才去買外賣，一個豬扒飯加個湯，我留意到有位職員接聽了一個電話有大約20盒飯的外賣，但我肯定係我落單先，當時店舖入面唔算多人而且已經進食中，過程中有剛剛來的食客都已經食完而我個外賣還未有，我再三追問下外賣終於出了，但苦等了大約25分鐘，職員話因為有個20盒的外賣所以遲咗，請問唔係分先後次序已去做外賣的咩？外賣多就做先，咁不如唔使排隊啦？返到去準備食飯竟然發現到塊豬扒係全部燶曬，根本就唔可以食，真係不知所謂，將燶的一面放係㡳就以為可以瞞天過海，真係可笑，唔會再有下次！

係柯士甸道，見到依間巡味，食物選擇好似幾多，主打東南亞菜式有越南，馬來西亞，泰國，新架坡......你個胃夠大就真係可以一餐食盡東南亞其實上次行過見到距地有摻摻食都已經想去幫襯下之前食過一次覺得個口感幾得意餐廳好光猛整潔，但係啲裝飾又無距地主打既東南亞風格，感覺似新式啲既茶餐廳今次嗌左個豬頸肉喇沙龍蝦湯摻摻其實摻摻即係油麵加米粉两溝豬頸肉都幾爽口，但係唔多夠香口下午茶份量都幾多，唔会好細碗個湯就明顯係味精湯，不過幾十蚊碗，都唔会有太多要求無咩太特別，感覺其實似賣東南亞粉麵既茶記

笫一次忍唔住要出p0st, 呢間開咗冇耐，只是食早餐，兩個樓面阿姐超冇禮物，又黑面，仲要掉單，扮聽唔到，語氣超差，好似去咗5，6十年代D大牌當咁，冇下次，bad bad

今日同朋友一齊食lunch， 見到呢間舖做緊海南雞飯的廣告， 咁就入咗去試下， 食物環境都可以咁我就叫咗佢嘅主打菜海南雞飯， 食落啲海南雞啲雞都幾滑， 雞皮都食埋，咁我點吓佢嗰啲海南雞醬，醬汁都ok嘅可以餸埋飯， 同埋佢呢度有埋例湯，例湯都算幾好，係我最鍾意嘅老火湯。 Overall, 啲嘢食都幾好，由其是呢度D雞我覺得都幾好食同滑，值得推介。

在尖沙咀對面街，發現到有一間「巡味」，主打食東南亞菜的菜式，仲有摻摻食，是日LUNCH就去到哩間食了，LUNCH TIME時間真的好多人，幸好都拿到位坐，一坐下時，我點了豬頸肉叻沙龍蝦湯摻摻，另外也點了海鮮冬蔭功札肉河粉，豬頸肉叻沙龍蝦湯摻摻豬頸肉叻沙龍蝦湯摻摻內裡有米粉和油麵的摻摻，湯底好香好重的叻沙龍蝦湯味，口感好多重，真的好特別，海鮮冬蔭功札肉河粉海鮮冬蔭功札肉河粉都唔錯，酸酸口味的冬蔭功，河粉入味，但食起上來，都是豬頸肉叻沙龍蝦湯摻摻好食一點，有機會要再試下佢地的海南雞飯。

今日又來試新嘢。本來中午想行去佐敦食「阿芳餃子」，行到半路，同「俏護士」見到呢間舖，店名唔確定叫「巡味」定係叫「食過返巡味」，或者是二合為一。這位置以前是間粥店，原來已關門大吉，換上上月十五號才開張的此店，一個月貨仔，主打食東南亞菜。服務生都是些後生仔女，甚有活力，服務有禮貌的。除了「連儂牆」，另一樣在港九遍地開花的，就是各式海南雞飯，開得如雨後春筍。中式泰式有骨無骨乜都有，而雞飯，亦是這𥚃其中的主打。未夠 12:30pm 已全店滿座，看來蠻受歡迎：中午有「泰式無骨海南雞」$58 及「怡保貴妃雞」$55，配飯、蔬菜沙律、老火湯、餐飲。每到新餐廳，都係叫穩陣嘢試吓先，挑了前者。主角海南雞，廚師將它處理得不錯，甚似在曼谷街頭吃到的。雞皮薄脆口感似海蜇，平日甚少吃雞皮的我也照食可也。肉滑，建議不用走胸轉髀，可慳返 $10。油飯輕帶少許香茅香，有下過功夫；店方自家調配的酸辣汁也甚醒胃，用它配雞油飯吃，是不錯的搭檔。馬拉代表「雜錦龍蝦湯摻摻」$56 ，送熱飲一杯碗非常大，直徑長過部手機很多： 摻摻即是米粉加福建油麵，吃前將兩者撈一撈：喇沙湯的蝦味甚濃，且品嚐到下了少許椰汁，這個位有加分，添加了正