影片
突然间想食米线就去咗呢间试吓，去到见到餐牌写住正宗崩沙腩张图片好正，俾佢吸引咗就嗌咗，平时隔离有间乐园都系食崩沙腩最出名，呢一间就平$18，同埋见佢有豆浆，咁就试吓啦，碟饭嚟到卖相系OK嘅，但系啲牛腩好韧好难先咬得烂同埋啲牛柳好冻既，味道一般般，啲饭食咗半个钟先食得完😅终于知道平系冇好嘢，下一次都系食返乐园算数，呢间都系算啦，不过如果食云吞面𠮶啲我谂应该稳阵过食我呢个崩沙腩饭😅😅所以大家食之前要谂谂
继续阅读
平时夜晚过左9点想食野，通常都会想揾间粉面舖食返碗面医肚，今次就来到呢间正宗牛丸大王试一试佢地既粉面大部分粉面都系$33，同埋欣赏呢家店都几多选择，特别既就有墨鱼须面。我今次叫左一碗牛腩面，腩汁汤底，牛腩份量适中，少许肥食落唔会好鞋同要𡁻好耐，几好面底少许弹牙，有一般面档水准，汤底亦唔会太咸，食完唔会好口渴，整体都系正常发挥有机会都想试下佢既崩沙牛腩面、猪手面、手打牛丸面希望其他食店如食过既可以分享下
继续阅读
今日中午自己一个人喺旺角, 随便揾间粉面舖食下, 拣咗呢一间 "川记正宗手打牛丸大王", 见好耐冇食猪手, 点咗碗猪手汤河, 河粉幼身滑溜, 汤底浓郁, 但猪手好韧, 明显未够火喉, 炆得唔够入味, 港式粉面点可以冇辣椒油, 试埋个辣椒油, 辣椒油够晒辣, 唔错！
继续阅读
味道普普通通，价钱一般，店员服务非常差，食咗30分钟走埋黎问仲要唔要？但系我个碗明显系仲有嘢食，然后每5分钟都提我一次，非常想赶客走😅但系其实店内仲有空位！唔会再嚟食
继续阅读
呢间嘢真系垃圾到唔恨。唔系歧视大陆人，唔好话礼貌，只系普通沟通都有问题，直程系鸡同鸭讲。同佢嗌米粉，佢俾咗河粉，罐可乐结咗冰，我问佢点饮？佢话唔紧要啦仲有一次仲离谱，有只老鼠经过我只脚，我即刻大嗌，店员叫我即刻收声，话我多事，我即即刻报警告食环，个店员仲话我会有报应，跟住每次经过门口，个店员都对住我穷追猛打。两个女人真系傻得匀循。不知所谓。去？后面大把选择好过佢！点解仲要去买间垃圾舖头？大家系咪好钟意食老鼠？
继续阅读