川粵時光小廚

营业中

休息中

鐵板泰汁茄子$98呢個餸等咗好耐，店員話係手工菜所以製作需時，一嚟到熱辣辣香噴噴，兩片薄簿嘅茄子夾住豬肉，加埋呢個泰汁，非常惹味，絕對係老少咸宜！臘味炒芥蘭 $98鮮嫩芥蘭炒得好爽脆，沾咗d香濃的臘味，好惹味，而且臘味有3種，分別係臘腸、潤腸、臘肉，臘肉肥瘦均勻，臘味融化在炒菜的過程中，釋放出豐富的油脂和獨特的香氣，送飯食一流！美國野米煮淮山 $108野米粒粒都非常飽滿，唔講唔知原來野米嘅膳食纖維係白米嘅6倍有多 而且非常有飽足感。另外淮山同紅蘿蔔，一個爽口一個軟淋令到口感嘅層次上升唔少。而且兩個食材都為呢個菜式帶來清甜嘅感覺，即使係食野米都唔會覺得單調～口水雞$40雖然係例牌，但份量都唔少，有雞味，不過調味差少少🤏🏻主要只係食到辣味

🌟毛血旺 $118🌟第一次食毛血旺，原來係咁既樣😂，味道好似食緊巨型既麻辣燙咁，辣度揀左小辣，裡面有索曬味既粉絲、芽菜、木耳、鴨血、魷魚、牛肉片；全部既配菜都係鐘意既款式🥰🌟小炒黃牛肉 $138🌟用青椒、紅椒炒既牛肉，辣得好過癮🥵配埋白飯一齊食，中和下啲辣味🤣牛肉好嫩滑，一啲都唔鞋口🌟燒汁牛柳粒 $128🌟牛柳粒好乾身，好有嚼口，配菜西芹非常爽脆清甜，仲有三色椒配搭，色香味俱全，正😍

烤魚(寧波魚，醬香味) $198 用左寧波魚, 好大條. 魚肉厚, 肉質嫩滑少骨魚肉雪白, 可選麻辣、醬香或蒜香選左醬香, 中辣不過唔太食到辣味唔會太鹹, 大條魚淨食肉都半飽仲有其他配料好似粉絲、豆芽，豆卜、蓮藕、木耳等另叫左碟菜心, 幾嫩綠不過偏油魚皮係麻辣味, 幾香口無收加一服務費, 但服務都唔錯, 在場都多熟客仔, 見d 炸野都好似幾得, 金黃嘅menu 選擇多, 在舊區近碼頭離土瓜灣站唔算近, 都要行段路. 裝潢就舊餐廳, 不過卡位都算闊落

一向都鐘意同同事🧑‍🤝‍🧑响週五嚟過星五飯聚🕺💃， 忙碌完成個星期， 緊係要放工鬆一鬆🤗， 同事話想食小炒送啤酒🍻， 所以去咗附近嘅📍川粵時光。川粵小炒皇🍲呢個餸雖係常見菜式🤤，但最能睇到間餐廳認真否😏， 呢碟餸好足料， 啲蝦乾🦐好大隻夠味，再配啲鮮魷魚🦑同韮菜。 強勁嘅鑊氣🍲將蝦干迫出香氣😋，但仍保住韮菜嘅翠綠， 咸咸香香， 送酒一流🍸木桶蒸雞 🧺呢個唔係普通蒸雞🐔咁單純， 似係用咗香料輕輕調味嘅蒸雞， 所以好惹味🤗， 又能保持鷄肉緊緻嫩滑。 餸飯餸酒， 倆者都佳😍。黃金蝦呢個係必食嘅下酒菜🤪，大大隻蝦🦐炸到黃金脆卜卜，外皮沾滿鹹香嘅蛋黃粒，一邊食爽甜蝦肉，一邊啜住濃郁嘅咸蛋黃粒，炸得香脆到連蝦殼都食， 爽！

朋友帶我來到土瓜灣偉恆昌的《川粵時光 》食晚飯，遠遠就見到紅色的店名，非常吸精。小店裝修簡潔，碗筷乾淨，擺放整齊，有兩部大電視播著新聞。餐牌有各式各樣的粵菜，也有烤魚和水煮魚。「椒鹽海中蝦」$118愛吃蝦的朋友一定要試這味經典下酒菜，蝦肉新鮮，蝦皮炸得香脆，就算連蝦皮一齊食都可以。「鐵板黑椒牛仔骨」$168鐵板盛著美味的牛仔骨，熱辣辣地上枱，牛仔骨軟腍入味，熟度也剛剛好。「生啫臺山菜花」$78椰菜花混合咖哩汁和半肥瘦的豬肉片，很惹味。

【土瓜灣•川粵時光小廚】ππππππππππππππππππππππππππππππ土瓜灣主打川粵菜特色餐廳🌻｜毛血旺｜HKD 118毛血旺的湯底是用豬骨熬製而成，湯底鮮美。湯底中加入了各種辣椒粉和花椒，讓湯底有濃郁的辣味和麻味。配料亦非常豐富多樣，有肉類、海鮮、蔬菜等。最經典的配料是鴨肠、豆腐腦、腰花等，它們入湯後能吸收湯汁的味道，讓湯底的風味更加豐富。🌼｜小炒王（魷魚、韭菜、蝦米“腰豆）｜HKD 118新鮮的魷魚切成小塊，再炒到魷魚變得鮮嫩多汁。韭菜則是用燙煮過後，保持了脆嫩的口感。這道小炒的特色就是口感豐富，魷魚的嚼勁和韭菜的脆度相互襯托，非常美味。蝦米是蝦子的幼苗，帶有濃郁的海鮮味道，和腰豆的鮮甜口感相得益彰。🏵️｜炸黃金蝦｜HKD 128一品一黃金蝦表面都係金黃咁亮，入口之後好juicy，肉質鮮甜，真係令人回味無窮。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 364✨✨✨✨✨✨✨✨✨✨✨✨✨#土瓜灣美食 #川粵時光小廚 #web3土瓜灣川粵時光小廚土瓜灣新碼頭街8-26號恆景閣地下1A號舖

冰鎮咕嚕肉 $128.0大量冰粒冚住熱辣辣嘅咕嚕肉，將麥芽酸甜醬冰封，將咕嚕肉造成脆皮, 一冷一熱，一脆一軟，酸酸甜甜，完全顛覆味蕾椒鹽九肚魚炸醬- $88.0炸得好酥脆，九肚魚皮脆肉滑，炸得好乾身，唔油膩。金銀蛋桑葉 -$88.0最驚喜的就是呢道菜，我未食過的，桑葉原來香港係係無得賣的，桑葉係由廚師由深圳訂返嚟的。桑葉我第一次食，味道青甜嫩口，重點係桑葉營養價值極高，含有大量鈣、鉀、鐵等無機物，也含有豐富之維生素及食物纖維，廚師話佢有清熱解毒作用👍皮蛋好靚, 有雪花, 鹹蛋夠咸香, 配蒜子超惹味 💯

放工約咗人食晚飯，朋友返兼職，最近喺土瓜灣上班，為了遷就佢，所以專登嚟呢邊搵食。朋友想食中菜，揀咗呢間人氣街坊小廚。餐廳主打川菜同粵菜，餐牌選項非常豐富，除咗一系列特色川菜和粵式小炒外，仲有餐前小食、燉湯同廚師推介等供應，梗有一款啱心水。朋友想食魚，見到店內有個大魚缸，即時話要嗌條烤魚試下。烤魚可以揀海鱸魚或寧波魚，朋友唔係好食得辣，點咗蒜香味寧波烤魚 ($198)。條魚一放上檯，撲鼻嘅蒜香便即時迎面襲來，令人食指大動。魚肉新鮮嫩滑，非常少骨，入口啖啖肉。墊底仲有粉絲、豆卜、蓮藕、木耳、青瓜同芽菜等，份量十足，食完已經飽咗一大半。另外呢碟椒鹽九肚魚 ($88)  水準亦一流，魚身被薄薄嘅脆漿包裹住，魚肉雪白嫩滑，外層酥香脆口，連骨都可以食埋，配埋個泰式甜辣醬吃，特別滋味。最後嚟個蒜蓉炒菜心 ($78) 作結，菜心炒得好夠鑊氣，碧綠有光澤，入口鮮甜爽脆，瞬間被消滅掉。

👉🏻川味小炒肉 上枱已經勁香辣椒味🤤 辣椒冇去籽 所以係幾辣 食唔到咁辣可以撩走啲籽🤭 炒肉好惹味 送飯一流 而且炒得夠乾身 唔會成碟油浸咁 👉🏻鐵板泰汁茄子🍆 茄子中間釀左肉 好似客家釀茄子咁 茄子入口即化 不過最特別係個汁 用左泰式甜辣醬 別有一番風味 👉🏻冰鎮咕嚕肉 第一次食冰鎮 真係放係冰堆裡面 上枱即食 入口外層凍冰冰 一咬開就熱辣辣 都幾得意 攤左陣再食 就成舊肉都係涼陣陣 但係個皮仍然係脆既 同埋唔會覺得膩👉🏻台灣黑蒜燉海螺湯 打開有陣燉豬肉汁香氣 飲落黑蒜甜味突出 超鮮甜 加上個燉盅維持到溫度 由頭到尾都熱辣辣超正👉🏻招牌雞煲翅 有2舊翅仲有啲雞絲 個湯都幾香濃 60幾蚊好抵👍🏻

土瓜灣真係好多小店，有時行行下都會見到好多特色菜館，今次同朋友經過見到呢間中菜館店名幾得意，【川粵時光】，帶你穿越川菜同粵菜既美味🤤招牌金湯酸菜魚 $188酸菜魚湯色金黃濃郁，入口酸辣惹味，花椒、乾辣椒同酸菜好足料，而且魚肉份量多，每塊魚肉都好厚身，入口非常嫩滑，配料方面有粉絲、金菇同木耳，所有都索晒金湯湯汁，充滿麻酸鮮香既味道👅四川口水雞 $40口水雞係前菜size,岩晒想過下口癮但又唔想叫半隻/全隻雞咁多，第一啖已經感受到口水汁辛香麻辣既味道同刺激🔥勝瓜炒鮮魷 $118小菜有驚喜，勝瓜保持翠綠鮮甜，鮮魷量極多，而且非常入味，口感彈牙嫩滑，魷魚鮮味更加滲入勝瓜中，令到勝瓜增添一份鮮味🦑

講到食中菜除左要炒得夠鑊氣☺️蒸炒煮炸要同樣出色先掂🙌今晚同朋友黎到土瓜灣既川粵時光😬呢度既菜式五花八門🤩選擇都幾多啱哂鍾意唔同口味既人！脆皮豬手豬手大大碟外皮炸到金黃酥脆😊肉質保持嫩滑😋肥肉部分食落爽口不油膩😊點埋泰色甜酸醬送啤酒一流‼️木桶蒸雞師傅加入左木耳蟲草花一齊蒸😬師傅控制火候啱啱好雞肉吸收咗蟲草花香味肉質嫩滑😋美國野米煮淮山美國野米粒粒飽滿口感Q彈🙌淮山則帶爽脆😊 紅蘿蔔濃郁香甜😊食落有點似湯羹😬係一道營養十足且清新特別菜式😊

朋友話佢屋企附近呢有間小炒越夜越多人㗎，咁梗係去捧下場啦friday night喎💃💃咦😍有川菜又有廣東菜㗎喎😁咁咪咩都可以食啦😋😋梗係叫個🌶🌶水煮牛肉啦😁😁 冇揀錯呀嘩好大鍋呀🥰仲有好多配菜添👍好香麻辣味道❤️❤️你睇下啲花椒幾多😋😋裏面仲有好多芽菜、粉絲、木耳、瓜、蓮藕片，最重要係上面舖滿哂🐮牛肉片🥰d肉片又滑又彈牙熱辣辣極之惹味“正”呀，下面嘅配菜又可以中和番d辣味爽呀💯🌶🌶黃金蝦大大碟香噴噴， 每隻蝦都大大隻，咬落去仲脆卜卜好有鹹蛋黃味呀😍超級惹味成碟畀我哋兩個好快就掃曬喇😁😁😁勝瓜炒鮮魷， 勝瓜炒得好淋好有蒜香味，鮮魷大大塊好厚肉又彈牙爽口， 真係好抵食喎💯💯川粵時光地址：土瓜灣新碼頭街8-26號恆景閣地下1A號舖

招牌金湯酸菜魚（$188）川味小炒肉（$98）粉絲蝦米煲（$88）酸菜魚吃得多，今晚吃到的招牌金湯酸菜魚比較貼近廣東人的口味，深得我心。它在酸辣度方面非常平衡，令到湯底清甜可口，用來配白飯成湯飯非常好食。魚片厚而滑，鮮甜美味。配菜有金菇、粉絲、木耳，連同嫩綠無渣的酸菜，送飯一流。川味小炒肉則非常惹味，青紅辣椒顏色鮮艷，口感爽脆，辣度輕微。半肥瘦的豬肉薄片肥而不膩，廚師炒得甚有鑊氣，又是一味白飯殺手。粉絲蝦米煲熱辣辣的送到面前，香氣撲鼻。粉絲中有大量蝦米、肉碎和少許蔬菜絲。廚師把粉絲炒得乾身入味，盡顯工架。這間餐廳的食物有高水準，又有大牌檔的鑊氣，而座位闊落，服務親切，價錢合理。無論是家庭聚會還是一人前來都適合。

今次有野做過咗嚟土瓜灣，諗住是但食個飯都比我遇到一間好唔錯嘅小菜，決定要推薦俾大家。———————————————🌟椒鹽九肚魚 $88呢個小菜一直以來都係我嘅最愛，呢幾個月問過好多間都冇得食，估唔到竟然可以俾我喺呢間餐廳食到。面頭有椒鹽同埋炸蒜調味，外皮非常之薄而且好香脆。入面嘅魚相當之滑，甚至有種好綿綿嘅口感，非常高質。.🌟木桶蒸雞半隻 $128木桶雞其實都幾適合打卡，個擺盤都有用心。半隻雞切出嚟都算多，每一嚿都醃得好入味，鹹鹹地又有少少麻油香嘅感覺。雞肉本身好滑身，而且一啲都唔肥唔會有好厚嘅雞皮。除咗雞肉外，木桶入面仲有菇同木耳做配料。.🌟菜心炒臘味 $98芥蘭冇晒所以我哋轉咗做菜心，菜心本身好翠綠，炒得啱啱好仲幾爽口。臘味方面都幾豐富，有臘腸、潤腸同臘肉，全部都好香，菜心完全係吸收晒日月精華非常惹味。.🔸整體評價🔸呢間餐廳隨便叫幾個小菜都好好食，我見佢本身仲有好多呢啲類似水煮魚烤魚等等嘅菜式，下次再過嚟應該就會試吓叫啲特色川菜，大家住附近嘅都不妨過嚟試吓！

最近同朋友去左土瓜灣既川粵時光小廚，唔單止地點方便，近土瓜灣地鐵站，又可以睇波，啤酒種類好多，小菜仲好有鑊氣👍🏻首先，麻辣雞煲個湯底麻辣香辣，啲雞肉鮮嫩多汁，真係咁辣又咁夠味，一試難忘！菜心炒牛肉，啲牛肉嫩滑多汁，菜心爽脆，兩者嘅結合簡直係絕配！至於冰鎮咕嚕肉，外脆內軟，香甜多汁，一口咬落去，真係令人回味無窮，最岩用來送飯同配啤酒。如果你鍾意川粵菜，同埋鍾意飲啤酒睇波，一定要嚟呢度親身品嚐，絕對唔會令你失望！